焰井 (Closed)

＜焰井＞既石燒牛好正，外賣便當都好好😋而且價錢仲好抵添，宜家外賣自取低至75折位置好方便，經過就買左2個便當番屋企食la🥰為食餐單: 照燒雞排飯🍱 $52雞排燒得好香口，唔會太膿，皮有少少脆但又唔會硬，肉質依然有肉汁夠滑唔鞋，面頭淋上少許芝麻，再配上照燒汁，好好味😋和風牛肉飯🍱 $48牛肉肥瘦適中，切得好薄身，同洋蔥一齊煮，更添風味😘灑上紫菜絲😍牛肉汁珍珠飯好正🤩道地蘋果味綠茶🍎(跟餐送)香甜蘋果汁配淡香綠茶味，清甜😗道地百果園柑桔🍊(跟餐送)柑桔味夠曬解渴👍

Erm咁因為今日想試吓求其搵間野行入去咁就鬼um眼行咗入呢間野...首先入到去一個客都冇，我哋叫咗一個石燒牛扒、芝麻雞翼、同埋大蝦扒黑松露焗飯咁都唔係平啦啲嘢，嗰塊牛扒飯都唔跟碗都成160聽到冇聲都已經知道伏伏地原來要茹毛飲血做野人🤢 本身都諗住夾硬頂，點知我哋之後入咗兩台客佢哋都叫咗呢個牛扒，結果無論係5x代枱定3x代都頂唔順叫佢拎個塊熱啲既石最後我哋三台你眼望我眼，真係好耐都冇食飯咁有共鳴，又唔好食喎，又生，點解我會入咗嚟㗎咁個飯就還可以啦好彩不過就一個飯咁樣囉芝麻雞翼係成晚最好食嘅嘢不過大灜喜好食啲下次可以去放題先慢慢食食到你嘔都得同埋佢啲員工都唔知自己做緊咩咁又唔係話冇禮貌嘅但係佢自己都好迷惘同埋最難飲係杯奶茶佢間舖頭剩係得咖啡同奶茶我成世人都冇飲過咁難飲嘅奶茶人生第一次食完餐飯即刻寫食評因為真係太激動真係好難食唔係話要寫衰佢只係覺得唔可以唔分享完🤮

塊石熱板完全唔熱，疫情下剛剛開晚市，得三枱客，都要等30分鐘先上菜，啲牛質素差到不得之了！問老闆點解唔熱，啲牛得3成熟，佢話塊石熱板係保温，唔係俾我整熟啲牛，仲話我落order 無講明要幾成熟，唔係應該佢主動問我嗎，服務態度好差！個意粉得2啖，就係個主食，200蚊落樓唔飽仲一肚氣，可一不可再！服務員問非所答，唔識唔該訓練下，無客圍埋一推傾計，會唔會過分左少少！

颱風係附近日日都有啲無情雨， 本來lunch想去食碗麵， 點知去到對面馬路附近橫風橫雨，企咗差唔多十分鐘都好似沖涼咁樣， 但就意外地發現咗呢一間舖頭~焰井( 其實我一開始望以為佢係丼)﹐ 見到佢門口寫住外賣有折， 我估自己都趕唔到堂食， 啲雨細啲就沖咗過去~入到去有位小姐好好招呼，拎咗外賣menu我睇， 周圍八下望下環境~呢度應該係食石燒， 不過疫情之下就做埋外賣丼~ 話說好耐都冇食過牛肉飯~ 就叫咗個和風牛肉飯， 朋友就叫左個燒魚飯， 有折之餘仲送嘢飲，都幾快手大概五分鐘鬆啲已經搞掂pack好曬可以拎走， 返到上去拿拿林開嚟食~因為真係已經好肚餓， 我個牛肉飯靠得住~ 醬汁味夠濃郁~ 牛肉唔鞋~份量唔算少~ 仲好多汁 ﹐如果飯嘅量可以再多啲畀我撈汁就一流啦； 朋友話佢燒魚飯都唔錯， 話又係唔會燒到好鞋， 望落好似好乾但係食落係啱啱好， 而且魚味好香~證明舊魚都幾新鮮~因為一場颱風雨搵到一間新食店幾開心，但比較搞笑係買完外賣出門口就係嗰幾分鐘啲雨停曬~仲出太陽，不過亦都令到我哋安然無恙咁帶啲飯盒返上去~都好嘅， 希望佢嘅折做耐啲…可以多啲嚟幫襯…

呢間日本野出左外賣/自取menu, 自取既話都幾抵，低至$48就有個飯，個飯份量都幾大，仲送紙包飲品添~隨機比左柑桔檸檬同蘋果綠茶我，又多一個抗疫期間外賣自取既選擇👍🏻👍🏻👍🏻.燒汁豚肉飯 $48比想像中好食！飯加左啲飯素令個飯既味道更豐富，豚肉又腍又入味，肥瘦均勻，仲加左少少沙律醬，原來好夾🤩🤩🤩.照燒雞扒飯 $52都係好好食，雞扒大塊又冇筋，洋蔥煮到腍哂好入味，配埋照燒汁送飯一流😋😋😋

燒肉有7款，豬牛雞都有，仲可以混合，全部都跟泡菜、牛肉湯同白飯，除咗燒肉之外，仲有壽喜燒如果唔想堂食可以試下佢地嘅丼飯，價錢都係$5x-7x就有交易，而家外賣自取仲有75折調味料方面除咗有常見嘅燒汁同黑胡椒之外，竟然有蜜糖芥末，估唔到同燒肉都幾夾牛舌($78/200g)切到薄薄一塊，燒到兩面變色差唔多七成熟就最好食，質感柔嫩又爽脆多汁，好有嚼勁牛三角($138/200g)肉味香濃，肉汁豐富，鐵板夠熱，燒到最後都仲有少少熱，伴碟就寡咗少少，淨係得洋蔥，但燒起上嚟都好好食

行完花墟路經界限街，見到有間新開的店叫焰井。抗疫期間，此店推出多款日式飯盒應市。外賣自取价錢低至七五折，由48元至88元不等。我選了燒汁豚肉飯和咖喱牛肉飯試試，共100元。燒汁豚肉飯大大份，飯和肉都算多。珍珠米有咬口。飯上灑上飯素增加飯的鲜味。燒汁豚肉薄片加上洋葱和紫菜很好味。咖喱牛肉飯也很可口。咖喱汁香濃不辛辣易入口。牛肉加上咖喱汁頗美味。牛肉和飯的份量也很多。所有外賣均送飲品一盒。送的道地綠茶不錯。

平時想食牛肉飯，即刻會諗起去食吉野家，而家除咗吉野家之外，又多一個新選擇啦事關太子開咗一間日式燒肉店，而家唔試做緊抗疫外賣套餐，價錢同吉野家差唔多，質素同埋份量都真係幾唔錯㗎，而家外賣自取一個日式便當都系賣五十蚊左右，幾抵食<和風牛肉飯$48>和風牛肉飯，勝在牛肉同肉汁都好夠份量牛肉有吉XX1.5倍份量，夠用黎送曬成個白飯，唔會食食吓冇晒汁送飯<照燒雞扒飯$52>原塊雞扒切件上，男仔都絕對夠食，雞扒應該醃咗好耐，照燒汁好入味，送飯真係唔錯

最近因為疫情都唔係好想出去食，所以我哋都去附近搵下 啲抵食嘅外賣店。呢間舖頭位置好容易認，因為佢喺轉角位，咁今日午飯我哋就試下呢一間 只外賣。呢間舖頭佢賣日式便當，咁我哋兩個人就叫咗兩個便當。我哋食嘅係和風牛肉飯同埋燒汁雞扒飯，咁佢飯嘅份量其實都幾多，我平時都食幾多飯下，咁呢個飯佢嘅份量係多過一個人嘅，咁所以其實兩個飯盒加埋嘅飯係夠三個人食 咁佢個樣望落去都唔錯。佢既執大致上都係日式嘅燒汁同埋牛肉汁感有少少甜甜畀佢嘅牛肉同埋雞肉呢佢都配咗啲洋蔥，令到成個餸感覺係甜啲同埋冇咁寡。外賣自取一個飯盒就48蚊，佢仲包埋嘢飲。係一盒紙包飲品，呢個價錢我覺得合理。如果大家係屋企唔想煮飯都可以落嚟買個飯盒返去食。外賣menu~

太子站附近開咗間日式燒肉餐廳，呢排有啲好抵食嘅丼飯，滋味又飽肚。.🐮和風牛肉飯 $42好耐冇食過牛肉飯，典型醬油+鰹魚+味霖製成嘅醬汁，甘甜美味，餸飯一流。牛肉係平時牛丼會用嘅肥牛，索晒啲汁好入味。白飯上有飯素，紫菜、芝麻各有風味，小小心思就可以令白飯變佳餚🤤。.🐷燒汁豚肉飯 $42豚肉切成薄片，夠晒入味。醬汁同牛肉飯有啲似，但加咗唔少蛋黃醬，呢個配搭特別得來又惹味😚。.🔥焰井深水埗界限街43號

又係食外賣嘅一餐，不過今次呢間焰井幾特別喎，本身係一間食石燒嘅餐廳，因應疫情推出外賣便當，餓底又試吓先！.焰井本身係食石燒嘅餐廳，所以肉質有保證，外賣都食到高質嘅豚肉🤩.餓底食嘅係燒汁豚肉飯，豚肉切得較厚身，食落好滿足！佢地選用嘅豬五花，肥瘦適中，瘦嘅部份有口感，肥嘅部份有油香，食落都幾有層次！.另外再加上邪惡嘅蛋黃醬，好惹味，配上煮得軟腍嘅洋蔥，整體唔會膩。.而且外賣自取只係$48，仲送埋蘋果綠茶，抵食呀！

呢排限聚令實施左，夜晚想出下街食飯都無機會，放工經過太子界限街近警察遊樂會轉角位開左間新餐廳，主打好似係食石板燒肉，但而家無得做晚市，所以擺左張大banner係門口做外賣生意。一入到餐廳都叫外賣叫到都真係好新裝修下，應該係開張無幾耐。野食方面我就叫左（照燒雞扒飯$52）同（和風牛肉飯$48），價錢黎講唔算貴，等外賣時間大約10分鐘，應該係即叫即整👍🏻 拎到返屋企食，份量都算多，牛肉同雞扒都足料，牛肉飯幾似吉x家 但濃味d同多好多而且中意佢洋蔥味幾出🤣，雞扒飯個燒汁唔算超甜，少少甜得黎又係配洋蔥好夾👍🏻👍🏻

現在每天都有過百宗新冠病毒感染，引致政府要關閉堂晚上堂食，令很多香港人要將晚飯外賣，帶回家裏吃。因為要辦些事情，路經太子，看到這裏有間新開的食肆，好像是吃烤牛肉，裝修得很整潔，帶點和風味道，不過只提供外賣，所以只有便當提供。和風牛肉飯$48，牛肉肥瘦均勻，醬汁帶點微甜，配上日本櫻花米，味道更佳。照燒雞扒飯$52，雞扒沒有煎得過火，軟硬適中，配上濃濃的醬汁，增加了味道層次。雖然只吃過便當，不過味道不錯，等疫情過後再來光顧。

因為第三波既疫情關係，政府宣布星期三開始全港食肆全日禁止堂食😕😕呢個決定對好多唔同既食肆都有好大既打擊💥💥💥呢間主打堂食石燒既小店就要推出一系列嘅日式嘅外賣飯盒去維持開支😉燒汁豚肉飯 （自取$48）味道唔錯，個燒汁幾出色，配上甜甜既洋蔥同豚肉，用黎餸飯一流👍🏻份量都幾夠食😋照燒雞扒飯 （自取$52）雞扒口感唔算滑嫩，但配搭個照燒汁令到個味道提升左，而洋蔥就煮得好冧好入味👍🏻 總括而言，外賣款式基本上日式主打嘅幾種主食都有。飲品方面其實都幾多野揀，好似汽水、奶茶、綠茶、烏龍茶、仲有清酒添。日本野黎講外賣自取既性價比都幾高☺️疫情之下大家亦可以多一個選擇嗱😊

行經太子彌敦道近界限街口 抬頭一看 發現一個超大橫額 有間日式燒肉店疫市開張 雖然冇得堂食 仍然提供外賣自取及外送服務 -🐂🍚和風牛肉飯 (外送$63 自取$48)牛肉大大件 食落一啲都唔嚡口 肥瘦亦均勻 洋蔥絲🧅同牛肉汁 口感強又惹味 伴飯一流 建議逛街回家前先致電📞落單 咁上吓再去pick up 份量依舊卻打八折有多 非常划算💰 -🐓🍚照燒雞扒飯 (外送$68 自取 $52）鷄扒肉質嫩滑 再切成小件 方便送入口 照燒汁甜甜地 加埋白飯上面嘅飯素 非常開胃 大人細路 同樣食得開心-📍九龍界限街43號地下 焰井