雲家小鍋米線 (328廣場)

Open Now

Now Closed

又去開荃灣，當然又搵下有咩好食 。荃灣真係好多好野食 。如果有好野食記得介紹下比小編我 。去到雲家小鍋米線，都仲要等幾張枱 ，小編我地叫左好幾樣小食同小鍋米線 。炸春卷即叫即炸，上枱熱辣辣，香脆，仲食到裡面係香芋豬肉饀，香芋味好香好夾，超好食😋麻辣魚皮騰椒味，麻辣好開胃，唔係太辣 。魚皮超厚，口感超好，夠爽脆，完全停唔到口💯涼拌墨魚頭 份量好足料好抵食，超大碟 。墨魚🦑粒粒都大大粒，又爽口又彈牙，加左啲蒜蓉，仲野味 ，基本上都好夠味唔駛沾佢既豉油 。呢個必試 👍🏻小編見每枱基本上都必叫🤣醬拌皮蛋用左金皮蛋，比較香甜，無平時食皮蛋既苦澀，仲要係糖芯，點小小醋帶到啲香味出黎 。唔太討厭皮蛋既都可以一試😋另外再叫左2個小鍋米線，豬大腸+魚腐小鍋米線同豬紅 + 蘿蔔紅薯粉 。豬大腸又係勁多好入味，魚腐就爽口，就好似食魚蛋咁 。豬紅又係好多粒，入晒味 。蘿蔔好甜，好稔 大大件，一碗有三大舊超值💯📍 雲家小鍋米線荃灣沙咀道328號328廣場地下G01號鋪

今日去食咗個晏晝，第一次食之前聽關注組同埋group，期望應該幾好啦。中午12點到，即刻有位入去，嗌咗兩碗牛腩米，侍應就話水吧師傅冇返工，小食嘢飲一概欠奉。都唔緊要啦，米線上到枱色水幾好，諗住幾好食 ，點知個湯冇味得個辣字，連啲牛腩都似開水烚冇味又柴，嗰刻已經即刻想埋單走人。可能以前真係好食，不過依家真係差，甚至差過X仔(本身已經覺得差咗好多唔好食)，如果大家有心想去試，建議唔好有期望。依家去搵其他嘢食填返個肚仔🙂

肥牛麻辣小鍋米線🍜小鍋米線獨特口味，湯底麻辣鮮香，濃郁而不油膩。肥牛片嫩滑入味，搭配芽菜、酸菜、韮菜、蔥和芫茜，增添了豐富的口感層次。每一口都是對味蕾的刺激，芽菜爽脆清甜，酸辣度啱啱好🥰豬頸肉小鍋米線🐷豬頸肉同樣令人驚喜。豬頸肉的香嫩與酸菜的爽脆形成絕佳搭配，韮菜和芫茜的點綴使湯底更加清香😀涼拌墨魚🦑清爽可口，口感彈牙，搭配特製醬汁，搭配著清爽的涼拌醬汁，口感鮮美，爽口彈牙，採用新鮮墨魚而成，配上大量的蒜茸更加惹味，細緻製作味道豐富😋麻辣魚皮🐠魚皮則以其獨特的辣勁和香氣，成為食客們的最愛小食😀

相信鍾意食米線既人都一定識得雲家, 如果鍾意又唔識, 咁你就一定要黎試下! ☺ 平時黎親都會排晒長龍, 就足以證明佢既實力! 今晚已經7點幾8點都仲要排隊, 不過排左陣就入到去。鋪頭細細, 黎得呢度就梗係食味道而唔係食環境, 除左米線可以叫薯粉, 有成四十款以上配料比大家揀, 由$7到$18, 辣味可以因應自己能力叫。叫左兩碗小鍋米線, 一碗要左腩肉, 金錢肚, 另一碗要左雞絲同豬扒。豬扒會另上, 咁樣就唔會整淋啲豬扒 👍🏻 米線本身湯底已經有肉碎, 加埋豐富既配料, 碗米線堆到滿一滿 😁 湯底好入味, 但唔會飲到口喝, 豬扒口感夠淋, 腩肉金錢肚入晒味!另外仲叫左兩個小食, 醬拌皮蛋同秘製豬頸肉, 皮蛋係黃金皮蛋, 加左啲蒜粒係面, 豬頸肉幾厚身, 幾有咬口, 仲有甜酸醬可以點下。小編同朋友都食得好開心, 食過咁多間, 雲家係最出色既米線! 除左荃灣, 元朗都有分店。

回頭度🍪8/10｜人均消費💰~$40-60-🤍金錢肚小鍋酸辣米線 $48湯底有唔少配料 好夠酸😋有好多辣肉碎 幾惹味🌶️米線都好大碗🍜金錢肚都炆得夠稔 份量又夠多🐮唯一缺點就係等出菜等咗20-30分鐘🥲-味道🌕🌕🌕🌕🌑抵食🌕🌕🌕🌕🌑

嚟親次次都必叫墨魚頭！ ！份量多！ 好抵食！ 不過成日都好full,要等幾個字先有位。 呢幾日去食，同老闆傾開計。話要2-3個星期裝修。 為有暫時等下 ，等開返再去食 …..

小窩米線+腩肉+螺旋草$50這道菜的組合真是絕配，小窩米線口感細膩，搭配上腩肉的鮮美和螺旋草的爽脆，讓人每一口都充滿驚喜。腩肉薄得嚟好有口感 ，醃製得入味同香；蔥花、芫荽、炸醬配埋個湯底簡直系最佳組合，超香超夾。最後添加而螺旋草則增添了一絲清新的口感，讓整道菜更加多一個層次豬頸肉小窩米線 $49豬頸肉小窩米線，簡直是一頓美食的盛宴！豬頸肉質地鮮嫩，嚼勁十足，而小窩米線則是細膩滑爽，口感極佳。這樣的搭配簡直是絕配，讓人喫過之後還忍不住回味無窮。小窩米線配菜也是非常匹配，蔥花、芫荽、炸醬，幾種香味好夾好好味，湯底是酸辣湯，啲味調較得巖巖好，配菜湯底豬頸肉相得益彰三樣配合起來涼拌墨魚頭 $46 （推介重點）蒜蓉超多 ，蒜香味勁重，全都 包住每一隻墨魚頭，極之惹味，超級吸晴，附設醬汁勁香，用嚟點墨魚頭簡直一流，最重要是墨魚頭好新鮮，好爽口，一點都不會硬，極力推薦👍👍👍👍

之前食過一次覺得唔錯今次就決定再去食多次啦。點知食到勁嬲人手完全不足，明明出面排緊隊然後有個女人直接行左入舖頭話1位就俾佢坐低兼落埋單，我地同返職員講個女人打尖佢地就話自己入黎坐就得咁好啦既然佢咁講我地都直接入左去坐，但人手不足既關係係完全未執枱，都等左成15分鐘左右先有人黎執，仲同我地講我地坐低左之後先執枱會難執啲，聽到我真係忍唔住同佢講係你同事叫我地直接入黎坐😑然後叫左碗腩肉紫菜米線，上到黎見到係冇腩肉得紫菜，咁就同佢講碗米線無腩肉啦，跟住個職員話腩肉冇晒？？？啊大佬冇晒你咪問人洗唔洗轉餸/要少一個餸囉，問都唔問一句係想點？由坐低到真係食到一碗麵已經係45分鐘後。。。咁既用餐體驗真係啲野食幾好食都冇用，雖然都唔係好食得去邊，真係好失望

🕖時段-星期四夜晚7點幾去到已經排緊長龍 等左幾個字先入得 入面主要係四人枱 有啲2人位就用膠板隔開 _▫️小鍋米線 $30湯底我揀左酸辣BB辣 朋友就食唔辣我地2人總共揀左5款餸👉🏼豬頸肉 雞絲 墨魚丸 生菜 蘿蔔大推豬頸肉!! _🔸豬頸肉(+$18)為了豬頸肉而來😋豬頸肉差不多係兩個餸既價錢 但真係值得! 豬頸肉厚薄適中 咬落唔韌 同好入味😋_▫️蒜泥白肉 $40蒜泥白肉偏多肥 有勁多蒜泥鋪係肉上面🧄連埋本身碟醬油真係重口味之選! 唔怕口臭既話呢個必點🙌

小鍋米線大家都食唔小，但這裡嘅口味真係十分深刻，小店獨有風味之餘，價錢相宜，份量十足，這裡不論堂食或外面都排曬隊，抵食好味當然等，座位雖然比較窄，但勝在冷氣十足，食熱燙燙嘅米線絕對唔使擔心！今次點了個小食涼拌墨魚頭，大大碟，放滿了超彈牙嘅墨魚頭同墨魚鬚，配上醋汁入口份外醒神！而這裡主打嘅雲家米線，配料包括了腐竹、入味大隻冬菇、軟熟香軟雞絲、入味滷水雞翼、彈牙魚春卷、清新螺旋草、紅腸、爽口芽菜、酸味十足酸菜、韮菜、蔥、芫茜等配料放滿了彈牙米線上，絕對係可以二人份分享！而朋友加多個牛腩小鍋米線，湯底要了麻酸口味，追加埋帶點刺激辣味嘅腩肉，多汁軟熟嘅大大件蘿蔔，同樣出色，湯底個種味道帶點酸帶點麻夠晒惹味！加埋支冰凍豆漿，就係這裡嘅絕佳配搭！

住喺葵涌區咁多年，荃灣雲家成為止米線癮既店都仲會推薦身邊既朋友黎食點解丫？係因為呢到有個小食非常吸引！！就係 涼拌墨魚頭🦑 $47本人係非常之鍾意蒜味，而且爽口既墨魚更加心心眼，好少地方可以食到墨魚頭，大量既蒜香令你不斷一舊接一舊咁食，另外配上酸汁更加帶出墨魚頭既鮮味！呢個小食差唔多每一枱都必點，而且有陣時會賣哂，賣哂個刻真係好灰，因為下次唔知幾時先會經過再食到，有機會黎食呢間米線一定一定要點呢個小食。而米線就點 酸辣中辣豬腸米線 $43雲家既配料好似食極都有，仲有米線份量一啲都唔會少，眼見都有好多男食客幫襯，證明係絕對夠飽，本人係對於豬腸配米線係一個絕配，所以今次都係點豬腸，係非常易咬口好淋。如果黎雲家食最好揀平日，逢星期二休息，星期六日一定係需要排隊架，雖然店面細，但出菜時間都非常配合。

黎到荃灣呢個米線之城，今次食咗雲家小鍋米線。自從雲家係米線關注組出左名，變成假日長期排隊既人龍店。今日夜晚人都唔少，我哋決定外賣係朋友屋企食。我地分別叫左酸辣小鍋紅薯粉加豬大腸紅薯粉口感煙韌，酸辣湯底一向配料豐富，有肉碎、芽菜、韭菜、酸菜、蔥，豬大腸都入味十分入味麻酸辣小鍋米線+螺旋藻＋雞絲麻酸辣湯底味道有層次，最中意雲家既米線煮得順滑又吸湯。我一向都中意食雞絲，中意佢吸哂湯底既精華。而螺旋藻係次次黎雲家都必叫，真心大推，次次食親都堆到成座山咁高，食落口感超正，正正因為唔多米線舖會有，所以次次食親雲家都必叫的餸！雪家過橋米線一碗大大碗咩餸都有，有成十幾樣餸。平時外賣，一碗粉得一個外賣盒，呢一碗足足分左兩個蒜泥白肉蒜泥份量超多，薄薄嘅肉片，經過煮熟之後，浸泡係冰水入面，令佢口感更加爽滑。然後淋上由蒜泥、豉油、醋、糖、辣椒油等醬汁，味道一流

店名: 雲家小鍋米線 地址: 荃灣沙咀道328號328廣場地下G01號舖荃灣站 B1出口，行9分鐘環境: 4/5價錢: 4.5/5味道: 4.5/5見到荃灣有好多推薦嘅米線🔆，就揀咗呢間最有人氣🔥推薦度好高嘅餐廳。入到去環境都唔算迫，就算夏天嚟食冷氣都好夠，唔會好熱。繁忙時間就有機會要搭枱👋🏻小窩米線配腩肉、冬菇、魚肉春卷 清湯❤️❤️❤️❤️❤️$32+11+$9+$9米線質感彈牙🍜，入面配料有芽菜、酸菜、韭菜、蔥、芫荽。成碗米線大大份，酸味好出，而且亦都唔會太重口味🙌🏻。腩肉有八至十塊 ，調味適中同埋有少少辣，咬落去偏瘦😻。冬菇吸晒湯嘅精華，非常入味。魚肉春卷唔少人都推薦，軟身咬落去有少少粘粘口感，充滿魚肉嘅鮮香味。呢個可以一試🫶🏻 小窩米線配豬潤、金菇、豬大腸 BB辣❤️❤️❤️❤️$32+$9+$9+$11BB辣 辣味適中🥰，偏向酸辣。豬潤咬落去爽滑，調味唔會過鹹🫙。金菇份量好多，吸收晒湯好入味，每次食米線呢個餸必嗌。豬大腸好入味，咬落去一啲都唔韌，夠腍🌟涼拌墨魚頭❤️❤️❤️❤️❤️$47呢個一上菜就見到份量好多👍🏻，堆到成座山咁高。食落去一啲都唔令人失望，好易咬完全唔靭，質感爽口。上面亦都有好多蒜蓉🧄

1）涼拌墨魚頭 $46 （必食推介）爆多蒜蓉 勁香蒜味 包住每一隻墨魚頭醬汁勁香，用嚟點墨魚頭一流墨魚頭好爽口但唔硬必食推介4.8🌟2）豬頸肉小窩米線$49豬頸肉勁香勁彈牙配埋辣椒好香小窩米線配埋蔥花、芫荽、炸醬，幾種香味好夾好好味個酸辣湯底一流 啲味調較得岩岩好4🌟3）小窩米線＋腩肉＋螺旋草$50腩肉簿得嚟有口感 調製得好入味好香螺旋草、蔥花、芫荽、炸醬配埋個湯底簡直係最佳組合，超香超夾螺旋草將個米線提升去另一層次超好味😋4.5🌟

荃灣真係有好多米線選擇，但講到最性價比高我首選一定係雲家～ 每一次都係足料超大碗之外，重點係呢個熱到傻天氣～～唔洗等好耐都係重要涼拌墨魚頭$47 每次必點呢度招牌～每桌基本都會叫一碟爆多蒜重口味Q彈墨魚口感 大愛！涼拌米線唔辣 $37 + 豬扒$16 + 雞翼$9夏天食涼拌米線係唔錯選擇，涼拌沒有了湯 密度更高豬扒超多塊，係港式咖哩調味雞翼則鹵水有兩隻～豬頸肉小鍋小辣米線$50 +腩肉$11 同樣超大碗足料，米線呈幼身口感順滑豬頸肉同腩肉分別超過10片凍檸茶走甜 +$8正常水吧發揮，但我喜歡食米線必定要有水吧飲品先夠爽