雲家小鍋米線 (328廣場)

Open Now

Now Closed

今日嚟到位於荃灣嘅雲家食飯，行間係一間好出名嘅米線舖，佢哋呢最特別嘅地方就係份量較大，價錢又平。佢依度嘅米線都有幾多選擇，除咗米線之外仲有紅薯粉可以揀添，味道方面，有麻辣，酸辣等等唔同嘅味道。另外，佢亦都可以揀涼拌或者熱伴米線或者紅薯粉，所以配搭都幾多。小窩米線呢個米線我加配咗紫菜，加上米線個湯底都幾清甜，令到個米線入口唔會覺得太過鹹，感覺上比較健康。炸豬扒豬扒都幾大塊，炸完之後唔會冇晒肉汁，外皮亦都夠香脆，另外成塊豬扒唔會炸得太過油膩，啱啱好。墨魚嘴墨魚咀下另一道幾特別嘅菜式，每一粒墨魚嘴都幾有口感，配埋佢特製嘅醬汁一齊食，都幾有風味呀。整體嚟講，我覺得今餐嘅食物質素都唔錯，加上價錢夠平，所以中午過嚟食都好多人

#雲家小鍋米線actually its very famous place.everytime i cross by. seeimg many people queuing. i dont know why. finally taste it.price is cheap. quality is good.i ordered 2 baic noodles.with two separate dishes.1) octopus heads2) galic pork belly slice.two flavour are similar. all are Garlic, chilly oil. sour vinegar and soy sauce.plus the food are too oily.i feel so 濟 when eating it.plus the noodle stirring are too much oil.all the food combination are oil. salty. spicy.hmmmmm i need drink plenty of w

1348落外賣，app寫1411外賣自取有得拎1411問收銀有外賣拎未佢叫我問入面（出餐隔黎張枱）我行到入去，一個捧住兩碟小食既侍應勁大聲「嘖」我我明飯鐘多單我都唔係鍾意行入餐廳阻住條路但咁樣嘖客係勁無禮貌荃灣好多好食既餐廳真係唔會揀間拎個外賣都要俾人嘖既黎食同埋拎外賣果陣，都見到枱面上仲有4、5袋等客/外送員拎既外賣如果唔想客/外送員入餐廳問既話，可以app到show返可取餐, instead of 備餐中或者可以將外賣放近d門口，咪唔洗客/外送員行入餐廳阻住你侍應大姐做野

本身我勁鍾意食米線，見到米線關注組成日推介荃灣呢間雲家😆 bookmarked 咗好耐終於過到嚟試😝店舖唔算好大，但客人係源源不絕，晚飯時間都要等一陣先入到去😎酸辣米線：我叫咗雞絲、春卷、豬頸肉同埋通菜🤩米線係勁大碗，上枱都有驚喜🤣湯底都幾濃，係好香既酸辣味！雞絲同埋通菜係滿滿！雞絲索左d酸辣湯，好好味😎另外豬頸肉非常爽口，配米線都好match!!另外我叫咗一個佢哋嘅招牌小食，涼拌墨魚頭🤩呢個就真係大驚喜，佢上碟係勁大碟，有啲蒜頭喺面，配搭埋墨魚頭非常爽口，唔怪之得我見好多人都叫，必試！

返工放飯，都有機會食下米線，結果太多人，而走去食返譚氏兄弟。放工試下其他米線店，試下唔同口味，夜晚都係咁多人，好彩有一個位……都係好重要，睇下餐牌先燕皮肉餃涼拌米線 $37+9=46配料有有肉碎、花生、榨菜同鹹菜，原來就算無寫，每款米線都會預先加左酸菜，唔鍾意酸菜嘅朋友要記得走。今次揀左BB 辣，接近完全無辣，只有香味，作為涼拌已經幾開胃，不過下次可以揀得辣少少。燕皮肉餃幾爽口，做米線餸幾特別。炸雞中翼 $32俾牆上張宣傳：田園炸雞中翼「外層脆口，肉質爽滑」吸引左咬落去真係好正。外皮少少炸粉，已經炸得好香脆。外皮有蒜香，又有咖哩粉味，都有少少魚露味，香料非常豐富。咬落去好多肉汁，比想像中更吸引。凍菊花蜜 $12出面都比較多西洋菜蜜，但難得呢度有。菊花好似感覺清熱，呢款都好重菊花味，唔算太甜，都清到香料味，揀得幾好。總數：$90

成日見人喺米線關注組講呢間餐廳，次次經過都大排長龍，今日終於有機會試一試佢，果然名不虛傳😁餐廳出名係佢地嘅小窩米線，湯底辣得來十分之惹味，而且非常足料，有勁多配菜同埋肉碎👍🏻👍🏻 我叫左佢地最受歡迎嘅腩肉，炆到非常之腍，而且入晒味，微微嘅辣味配米線一流！朋友就叫左比較大路嘅餃子，墨魚丸同豬肚，值得一讚嘅係餃子非常大粒脹卜卜，抵食之選😁當晚令我最驚喜嘅除咗米線之外，仲有佢哋嘅小食涼拌墨魚頭。墨魚頭非常爽脆，凍食非常之適合。上面有秘製嘅蒜蓉，係極多極多嘅蒜蓉，所以非常之香，食到停唔到口，一定係餐廳嘅必叫之品！另外我哋仲叫咗炸魚肉春卷， 20幾蚊有成六條，入邊嘅魚肉煙煙韌韌少少彈牙，鍾意食香脆食物嘅人都不妨試吓！

嚟到荃灣一帶要試吓呢間人氣米線🔥人龍比想像中多 ～入到去坐滿食客 好熱鬧😍🍲豬頸肉小鍋米線$50自己叫咗少少辣 好出色呀🤤對我嚟講麻得黎又接受到～而且米線軟硬適中 份量亦好多食到飽都想清晒成碗😍豬頸肉非常好味 薄薄一片 😳仲要勁多塊 呢碗真係性價比好高🍲肥牛小鍋米線 $48湯底唔少得芽菜、酸菜、韭菜同芫荽等朋友叫咗小辣 比想像中更惹味麻嘅程度比較出 食到噴火🔥鍾意食辣嘅你一定要試吓～✨涼拌墨魚頭 $47好少舖有呢款小食 墨魚爽口彈牙 作為前菜幾開胃✨手拍青瓜 $23食米線一定要配備呢款前菜

荃灣放工，突然間好想食米線，第一時間諗起雲家小鍋米線，門口經常有條人龍，有人氣有江湖地位。排隊大約20分鐘，就有位安排入座。排緊隊嘅時候，望入去，朋友話內部翻新過，燈光比之前明亮，乾淨企理，大碗又抵食。涼拌墨魚頭 川味小食，涼拌墨魚頭是我喜愛的涼拌海鮮，鮮美的墨魚頭，肉質鮮嫩，涼拌也能保留海鮮的鮮味，口感滑嫩，非常清爽，特別適合炎熱的天氣。適合搭配小窩米線或作為開胃小菜。雲家米線（小辣）招牌菜雲家米線令人垂涎，湯底是過橋米線的靈魂，酸辣湯底更加開胃，湯汁鮮香帶有層次感，一口喝下去就能感受到濃郁的味道。酸菜好味增加呢酸辣感，肉碎鹹香，辣度十足。味道濃郁，鹹香與清爽芽菜、酸菜、韭菜、蔥、芫茜的鮮味相得益彰。配料超級豐富，想吃的盡在一碗裏面。腐竹、冬菇、雞絲、雞翼、魚春卷、螺旋草、腸仔。色香味俱全、口感豐富米線的質地非常重要，來自江西，柔韌而不黏，保持彈性，口感滑順。牛腩小鍋米線（酸辣）軟腍入味的牛腩，小鍋米線基本配料也非常豐富，芽菜、酸菜、韮菜、蔥、芫。還追加了蘿蔔 、限量供應的腩肉 ，新鮮而且充分吸收湯汁的味道。豆漿 充滿豆香、甜度適中。

上星期五想食米線，醒起好耐無食雲家，就去排隊食，咁啱人吾算多等左兩枱就有位，叫左個麻辣雲吞豬軟骨小鍋米線，同埋一個蒜泥白肉，加支凍豆漿，碗米線仲係咁足料，好多芽菜肉碎，好正！

平時很喜歡吃米線，這家是我的最愛，即使平日晚上近9時來到，仍然需要排隊豬頸肉小窩米線$50加冬菇$7每碗米線都是下單才煮的，裏面有韭菜，芽菜，肉碎等，湯底酸辣惹味，豬頸肉份量很多，口感爽脆；冬菇超厚身，很香冬菇味小窩米線$32+雞絲$9豬扒$16腩肉$11雞絲和腩肉份量幾乎鋪滿整碗，豬扒另外碎上，新鮮炸起口感鬆軟涼拌墨魚頭$47不是每間米線店都有，即使有都未必做得如此出色，蒜蓉醬很香，墨魚頭大大粒口感爽脆，旁邊伴黑醋調味，必點油菜$16可以選通菜、生菜、芥蘭等，我選了生菜，份量很足像小山丘般，生菜很新鮮跟餐凍飲+$8凍朱古力原支豆漿同樣是$8，可惜剛售罄，轉了朱古力，同樣不錯吃了無數次，味道始終如一，之後仍然會再來

荃灣真係米線集中地之前見過好多人介紹呢間雲家小鍋米線夜晚七點幾去到等一等就有位可以入座.牛腩小鍋米線 $45配料：芽菜、酸菜、韭菜、蔥、芫茜（另加咗肥牛 $16）涼拌米線(無湯,有肉碎) $37配料：花生、榨菜、鹹菜（另加咗豬大腸 $11, 紫菜 $7, 墨魚頭 $16）蒜泥白肉 $39凍菊花蜜 加$8 鹹檸七 加$11.湯底夠濃；牛腩同豬大腸都好入味；墨魚頭非常爽口，我落完order過多陣已經話賣晒；蒜泥白肉係極重蒜.

重新裝修過既雲家裝修後明亮了星期六日中午嚟到都要排隊份量大又抵食希望佢可以開多啲分店啦金錢肚螺旋藻酸辣小鍋米線酸辣米線好出色，加餸要了金錢肚同螺旋草金錢肚有鹵過好軟淋入味份量真係好多抵食仲有比人推薦既螺旋草真係不得了吸引晒湯汁好惹味入口爽脆，鍾意吸汁既一定要點豬扒小窩米線麻辣小辣豬扒太大片又夠厚度另外加上蘿蔔夠清甜又吸收到湯底嘅汁味麻辣小辣啱啱好濃味得來又唔會太辣麻辣魚皮好爽口彈牙晚魚皮好重花椒味鍾意食麻既唔可以錯過涼拌墨魚頭濃郁既蒜泥味墨魚新鮮爽口搭配上蒜蓉同埋辣汁真係惹味十足柑桔蜜/凍檸水柑桔蜜夠清甜解辣凍檸水酸酸甜甜好解渴

荃灣出名多米線全部都唔差大部分偏重口味呢間好岩我口味因為佢唔會好咸食完好滿足唔口渴豬腩肉、牛腩都好淋我地11:30開門就入座都幾乎坐滿$4x 非常抵👍🏼要挑剔就係地方好迫同埋有啲熱

今晚嚟到荃灣呢間人氣米線朝聖，喺門口已經好多人排，不過排咗10分鐘到就可以入去，都唔使等好耐😋✨豬紅炸醬小鍋米線🍜小鍋湯底鮮甜，鹹酸適中得黎飲咗好多湯都唔口渴。米線屬於偏幼嘅類型，每一啖都有滿滿嘅湯汁，炸醬粒充滿濃厚嘅醬香份量比得亦唔少，每一啖都食到炸醬😙✨豬紅雞絲小鍋米線豬紅實淨滑爽，雞絲索滿晒湯汁，好正😆雞絲食到底都仲有，呢間鋪嘅份量真係比得好足🫶🏻✨生菜🥬翠綠嘅顏色睇得出好新鮮🍃✨炸魚卷表皮酥脆內裏彈牙，食得出有魚肉嘅香味🐟✨麻辣金錢肚份量比得好大方，Bb麻辣，唔係好食得辣嘅人都可以接受👌🏻Meun

今晚我嚟到雲家小鍋米線食飯，依一間米線舖喺荃灣嚟講都幾有名㗎，一嚟到呢就已經見到好多人喺度等等位。豬扒米線米線嘅份量都幾多，豬扒非常之大塊，炸得幾酥脆，亦都保留咗豬扒入邊嘅肉汁。米線方面，有芽菜，蔥等等唔同嘅配料，配埋佢哋個湯一齊食，味道都唔錯。熱伴米線米線材料都唔少，有肉碎，酸菜，等等。我另外仲加咗牛腩同埋腩肉添，牛腩嘅肉質都幾柔軟，脂肪比例唔算太多。腩肉就煮得幾入味，肥膏亦都唔算多。雞中翼呢一個小菜味道都唔錯，雞翼外皮炸得好酥脆，亦都保留住雞肉入邊嘅肉質，上枱嘅時候仲係熱辣辣，都幾推薦鍾意食雞翼嘅人啊呢個菜。時菜今次嘅時菜係通菜，入口就唔覺得有好多油，亦都唔覺得好肥膩。整體嚟講，我覺得今餐嘅價錢都幾親民，食物質素亦都唔錯，唔怪之得咁多人嚟啦。