囍越 (V Walk)

Open Now

Now Closed

一連兩日都去咗南昌站呢個新商場，琴日試咗西餐廳同埋一間飲品店，今日試越南菜。。越南除咗Pho 之外，仲有其他我喜愛嘅食物，今日叫左越式扎肉雞絲粉皮同咖喱軟殼蟹 配 蒜蓉包首先食咗個沙律，蘿蔔、青瓜、粉皮，仲係主角雞絲。味道不過不失，如果青瓜可以切得幼d就更好啦.加埋調味，真係好開胃。軟殼蟹配上蒜蓉包簡直係絕配，最好就係咖喱唔會太辣，撈飯一流，配蒜蓉包亦都係一個非常好嘅選擇，軟殼蟹係比想像中大隻。難得而家商場係新，所以人唔算太多，都係一個唔錯嘅選擇

未入店鋪見到鋪名已經會心微笑左一下，改名改到好吸引。入到去坐低見到張餐紙寫住集團介紹，原來係同鮨穴一家，未食已經對佢有信心。既然佢用pho做店名，所以決定食佢既生牛肉pho，麵條可以選擇河粉/金邊粉/檬粉。台面有條凹坑放住是差拉醬同魚露，上菜時唔見有常見既青檸/辣椒，金不換同洋蔥已經加左係湯入面。但我試完個湯覺得好正所以決定食原汁原味，真係好香濃牛味。牛肉保持鮮紅色，牛肉略嫌太生，可以浸係熱湯到耐啲，但個人建議浸到帶小粉紅就係最佳狀態，口感依然細嫩同牛肉味突出。麵底選擇左金邊粉，唔會煮到爛曬，係一條條分明。$74一碗高質素越式pho，抵呀！

記得去年去了越南旅行，我始終很想念越南的美食。要在香港吃個合口味的越南菜式不容易。很難得找得到一間價錢不貴而且好吃的越南餐廳。個人覺得在吃過的四道菜，算了最美味的是軟殼蟹咖喱配蒜容麵包，辣度適中，軟殼蟹的酥炸程度令人感到滿意，一個人來說，配上了麵包，可以說是十足足夠。另外一道，雞絲扎肉粉皮也很有誠意，而且味道很濃厚，份量不算很多，但也算足夠。粉皮切割的形狀是長方形，簿簿一片的粉皮吃起來特別爽和軟，很推薦很個小食。紫米卷就相對比較平淡，而生牛肉麵是必須點的，肉質也很鮮甜，湯底也很濃厚，愛吃牛肉麵的人不能錯過。跟我一樣愛吃越南菜的人，看來What the pho很適合你。 我自己也喜歡坐在尤如bar枱區的位置。一個人來吃，很安靜。

星期日去V Walk 行街食飯，午餐時間，間間食肆都好多人等位，見這店座位較多，而且多數人吃河粉，感覺會較快有位，便揀這間食。檬粉只得一款選擇，雖然價錢不便宜，但有幾種食物，便叫了一碗 扎肉很彈牙，好好味，豬腳很腍，淋檬粉嘅汁很惹味，不算辣，下次一定會再食的。生牛肉河粉有很多牛肉，但很多筋，好難咬。這店有很多店員，服務都很好，很快幫你的。負責門口嘅職員很有耐性的向等得不耐煩的顧客解釋，抵讚！

新鮮熱辣, 今日食完即刻出post!本身以為新商場新食肆未有咁快開左新openrice shop可以寫野點知真係咁快就有OpenRice真係快手每日都會經過南昌站...今日又係隻身搵食...記得頭幾日行既時候每次見到What the Pho都有人圍住又full house不過當時一家大細無入去今日經過過左lunch hour少人排d一於去試下啦~餐廳內有幅好有泰國feel的特色牆!好colourful, 有少少好似去左泰國既感覺~咁岩安排左個對住呢幅牆既座位所以一路食一路都好開心好似幻想自己放緊假去左旅行咁今個lunch, 簡簡單單點左個都係店員介紹既signature dish安格斯牛小排火車頭湯粉入面有肥牛啦, 牛肉啦, 牛丸啦, 牛肚啦, 同埋牛根!唔好口感既牛都有齊曬~鐘意食牛既一定會好鐘意!我自己最鐘意就係佢既牛根同肥牛而最驚喜既就係佢粒牛丸呀!d湯掛曬上粒丸度, 真係好好好好食呀!!呢個真係必食, 一定會encore!下次帶埋屋企人黎試下其他野先