Wheatfield X 羅宋湯專門店 (青衣城) (Closed)

由於星期一晚出街食飯比較容易搵位，今晚一於出街食。來到青衣城，見這間羅宋湯專門店有八折優惠至5月31日，一於試吓。這裏有4個套餐，當然與羅宋湯有關啦，就點了個最簡單嘅經典套餐羅宋牛腩湯套餐試吓。有一碗加了牛腩的羅宋湯，薯仔沙律和牛油餐包，連餐茶$72。上餐好快，不到5分鐘就有嘢食碗羅宋湯嘅蔬菜份量多，而牛腩都幾多，大大嚿又軟淋，好好食。湯有少少辣，不過羅宋湯要係咁，才好味。而薯仔沙律，簡單得來都幾好食。餐廳要收加一，新張期內有八折，優惠至5月31日。

今日晏晝本身打算同朋友去行山，所以出發之前去咗青衣城食嘢。本身諗住食附近嘅其他舖頭 但係因為太多人，誤打誤撞之下嚟咗呢一間餐廳食嘢。62蚊有羅宋湯然後再加一款餸同埋麵食。咁我就叫咗牛腩烏冬。Qr code落單，5分鐘內送到，勁快，嚇親我。羅宋湯佢有啲辣，不過湯既味道夠濃郁，食完都唔會口乾乾，都幾好飲。同埋佢有好多菜，鍾意菜嘅朋友都可以試下。烏冬個份量都夠嘅咁我哋就加咗12蚊要多咗兩隻雞翼咁佢都炸得幾脆。希望下次可以試多啲新嘅菜式，因為佢都有好多有創意嘅菜式，例如撈麵。

青衣城內有咁多食店而其中一間小店，又係賣羅宋湯為主打的! 特別吸引我目光! 店名其實叫Wheatfield X，呢個名喺東區一直有d名氣! 我光顧過其他分店， 今日經過開青衣城行街，我冇理由唔同家人入去幫襯下啦!佢哋湯底有幾款，有紅菜頭，清雞湯，豬骨羅宋湯，但我依然最愛牛腩羅宋湯!儘管佢哋己開3家分店，但青衣水準依然保存到，冇令我失望，勁!我個人喜歡較煙韌爽身的牛腩，不喜歡太淋太碎!佢哋出名起家的海派羅宋湯有微辣，而且非常足料!我哋一家人喜歡羅宋湯配撈麵或配豬扒飽食!簡值絕配! 讚!

羅宋湯專門店，前三個字好普通，以為後面加左個專門店會好有特色同特別但原來係冇料到。羅宋湯好普通完全唔覺有賣點，同一般普通茶餐廳如：燉xx 同草根xx水準一樣冇必要花錢嚟呢度食，重點係價錢唔算平。3個人食$290幾，呢個價茶餐廳食物使乜鬼嚟呢度食呢碗就係海派牛腩羅宋湯配螺絲粉，係咪好茶餐廳feel呢？重點D牛腩係炆唔淋咬到呀軟秘製醬油撈麵，顏色好好但冇乜味道同埋略為乾左啲。配咗清雞湯，終於有驚喜個湯唔錯雞肉軟滑呢個係經典羅宋湯套餐之一的湯，又係好有茶餐廳feel套餐有麥田薯仔沙律加牛油甜餐包，份量比較少 少到2啖食晒影唔切如果男人叫這個餐一定唔夠食重點價錢係$72好貴跟餐加左$13蜂蜜柚子茶味道不錯，但另一杯同樣加$13熱朱古力只得颜色完全冇朱古力味 ，相信沖飲品的員工要練習多啲了。