轉角 (Closed)

轉角今日難得嚟屯門，當然要試吓呢一間餐廳，平日就係網上見到好多人食，今日決定要一試！今日叫咗呢一個玉子燒，總共會有三舊，份量適中，至於味道方面都不錯！總之就不過不失啦。除咗玉子燒，仲嗌左個咖喱飯 同埋溫泉蛋牛肉意粉，首先講吓個咖喱飯先，咖喱味其實唔算好濃郁，比較偏向港式咖喱，唔會系日式咖喱！咁個吉列豬扒我就覺得好硬身，吾太吸引。但係依家錢來講的確係幾抵食， 60幾蚊大大碟，份量夠晒，只係味道欠佳，如果你係選擇想要食飽個肚嘅話，呢個都係一個唔錯嘅選擇！至於個溫泉蛋牛肉意粉，份量一樣夠大，我個人認為不錯，個溫泉蛋整得幾好食，啲牛肉都係大大塊，而且都幾入味。

🍽咖喱吉列豬扒蛋包飯都算係標準樣嘅日式咖喱豬扒飯🍛豬扒食落一d都唔油，厚切嘅口感不錯。蛋包飯既蛋賣相都幾靚，但略嫌無乜蛋味。咖喱味唔算重口味，食哂都唔覺得膩，汁既質感適中。🍽照燒雞扒蛋包飯雞扒大大塊，都厚肉，食落幾有口感。燒汁既味道好夠，不過質感就覺得比較稠，同汁略少。🍽蒜蓉牛油炒雜菌$32呢個價錢黎講份量算多，滿滿既一碟，相當抵食。蒜蓉細細粒，好香既蒜味，食落好香口！💡座位唔算好多，就算平日既LunchTime都好常坐爆，唔想排隊等既話就建議12點3前去到就比較穩陣。💡枱面有溫馨提示，用過既紙巾或口罩請自行帶走。😋食物：️8/10🤵🏽‍♂️服務：8/10🍴環境：7/10💰消費：$80 (Lunch)🤩性價比：9/10

一間服務態度好好既cafe 黎過幾次 每次感覺都好舒服 但係呢間cafe 幾乎好多時間都要排隊等位 試過好幾款食物水準都好好 當中香辣白酒蜆肉意粉 同oreo milk shake 個人比較鍾意 另外吉列系列都好好味 但係去過幾次都冇緣試到個英式多士 希望下次有緣食得到

第一次因為一間餐廳咁難食而寫食評。話說呢間好出名，於是慕名而來。一入到去發現冇乜人，以為未到食飯時間，原來冇人真係有原因。坐低想要杯暖水，無暖水得常溫。唔緊要。飲品要少冰，勁多冰，如果做唔到可以講，寧願要熱飲。食物賣相唔錯， 但係好難食😢一個極之簡單嘅雞扒飯，一大浸味雪味。有d位置好難咬，應係未完全化冰就拎去煮。白飯一嚿嚿毫無彈性，一睇就知隔夜。咖喱吉列豬扒係酸既。咖哩汁平平無奇。其實可以將咁簡單既野整到咁難食真係好勁好佩服👍🏽👍🏽再睇番之前食評，原來轉左手比人。

今次要介紹既係《轉角》住係屯門既 都會熟悉呢間cafe😋行了整個屯市 人山人海在星期日外出吃午膳 哪裏要排隊小店內都有十幾張枱 幸好只等了一會兒點了香辣白酒蜆肉蒜蓉意大利粉🍝$70一見到蜆肉就數到有十幾粒🤩只有一兩粒有沙 可以接受蒜蓉炒得很惹味而且份量適中照燒雞扒蛋包飯🍚$66賣相不用多說 炒蛋還是很嫩滑鋪在一座飯上 形成小山丘 雞扒有兩大塊 煎得外脆如果胃口較細兩個人都食得飽Green latte 抹茶鮮奶🍵（原價$38 跟餐半價）看見餐牌上寫的是Green latte 特意詢問職員是綠茶還是抹茶得知抹茶粉是從日本購回來的Matcha latte 拉花很吸引 淡淡清澀的回甘美式咖啡 （跟餐)普通 本來還想點藍莓芝士蛋糕 🍰🥲可惜太飽了 唯有等下次

02.09.2021 星期四轉角想試轉角 white court好耐，之前勁多人，次次經過都好多人排隊等位，最近幾次經過又裝修中⋯⋯今晚終於有緣，有幸試到了，名不虛傳，果然不錯！餐牌分三類，主菜有意粉、蛋包飯、鯛魚/鰻魚飯、牛肋條飯；小食類有秋葵、薯餅、雜菌、玉子燒、雞翼；還有蛋糕同飲品。法式紅酒燉牛肋條飯：牛肋條肉質夠淋入味沙律比平常跟餐份量多，秋葵好新鮮，一入口就知！😋老闆好好人好好傾，而且會給意見，下次再來幫襯！🥰轉角地址: 屯門屯利街1號華都商場1樓2-3號舖電話: 34603565

之前見bookmark咗呢間餐廳，都諗住過嚟試吓😂不過試完之後都冇想像中咁好食！叫咗一個咖喱漢堡扒蛋包飯，咖喱味唔算好濃，不過漢堡扒都算好大塊，如果呢個價錢來講都算正常！❤️❤️同埋呢度嘅咖啡奶味唔算好濃烈，如果鍾意飲奶味重嘅人應該會有少少覺得唔夠！❤️❤️

4月尾暫別🥺 轉角日食cafe🍛🥢﹣﹣﹣﹣﹣﹣﹣﹣﹣﹣﹣﹣﹣﹣﹣﹣見到cafe ig話做埋呢個4月星期六放假就即刻衝去食已經瞓到黃朝百晏先出都好多人等位等到差不多3pm last order前先入到大家都諗住趁最後機會幫襯下💪🏻● 咖喱吉列豬扒蛋包飯 $66標準樣嘅日式咖哩炸豬扒飯🍛討論咗一陣揀唐揚雞定炸豬扒好🤡見人地嗌嘅炸豬扒賣相好吸引就跟隊炸皮夠晒脆口 見到中間厚到脹卜卜咬落去除咗肉之外 仲有層軟綿綿嘅餡但食唔出係乜😂 厚切嘅口感唔錯嘅！咖哩係香甜口味 唔太辣易入口～加埋滑蛋 好快食清晒成碟飯！😗○ 英式早餐 $98車打芝士腸 蔬菜薯餅 煙肉 炒蘑菇 炒蛋 茄汁豆 沙律 牛角包all day嘅蔬菜薯餅同車打芝士腸幾好食🤪 食完都有印象，本身唔太like食薯餅，但呢款係日式口味，食落香甜又軟綿綿咁，幾好～而車打芝士腸中間真係有爆汁芝士！🤗 又係食完幾日依家先發覺，menu有炒菇但我地個碟冇嘅😂● 跟餐 是日特飲 蜜桃冰茶○ 鮮奶咖啡 +$16蜜桃冰茶一飲就覺得好清爽，黃先生話好啱佢飲，即刻涼返晒，又唔會太甜喎🍑🧊🍹 Latte入口非常順滑，咖啡香醇☕️﹣﹣﹣﹣﹣﹣﹣﹣﹣﹣﹣﹣﹣﹣﹣﹣轉

之前有食過呢間餐廳，一直想去再食蝦油手工麵，上openrice睇下有無咩變左，點知就見到有人話轉左手，但由於我真係好想再食蝦油麵，咁星期日晚就去左食，蝦油麵一到，我都感覺唔同左，以前既蝦油麵並唔係好似相咁白雪雪，一食落去就伏喇，無味，麵質林到唔識形容，個兩隻蝦d蝦肉係梅既😵‍💫😵‍💫😵‍💫總之一句就差啦🌚，到水牛城雞翼，一黎到第一眼覺得係pizza  hut 雞翼，食落去真係pizza  hut雞翼味咁呀，唔信既話可以照去試下，唔怪得星期日晚7:30呢d黃金時段計埋我個枱，都係得兩枱客，我睇到有人話質素無變，水準同以前一樣，結果試完係伏，唯一接受係卡邦尼意粉，一個正常既卡邦尼意粉，一般，只可以話唔難食囉🤷🏻‍♀️

餐廳16-18落場時間，呢日系星期日，1755黎到，已經要排隊等入去，心入面就好期待，想快啲試。店員見到好多人排隊，未夠18點就安排入座💛💛店舖唔太大，大約20個座位。1809落單1820兩杯飲品黎到。1840個鯛魚飯到，味道不太差，正常。1845第一枱客人埋單走了，但我既蜆肉意粉還未到，於是詢問店員，看看意粉準備好沒有。1852蜆肉意粉終於到了，立即要試試。先試意粉，質感不錯，口感方面爽口帶少少彈牙。味道方面，第一下似薩利牙既意粉，味精較重。所以不太喜歡。蜆肉數量非常足夠，大約有十隻。唯沙較多，因為我對蜆肉既最基本要求系無沙，所以淺嚐兩隻都有沙後，就沒有再吃了最後玉子燒，偏甜，欠蛋味，感覺有少少似加了麵粉，令整件玉子燒變得”實淨”一點。

見轉角開返，諗住返兜碟咖喱唐揚炸雞飯，可惜轉咗menu，無咗依碟鎮店之寶～同朋友嗌咗啲小食同一人嗌咗個all day breakfast🍽(因為見隔望枱碟意粉好濕咁)小食都仲ok雖然唔算突別出色，但碟all day breafast同杯coffee真係有啲強差人意。All day breakfast望落黃咁咁，除咗蛋其他配菜都無咩味道，但就好油杯Dirty係好差，只稱得上係未攪勻嘅咖啡同奶，味道同溫度感覺都唔良好

忍唔住標題打環境偏黑 😂😂 因為入面真係好黑 如下～ 我連影野食都要用閃光燈🤣🤣 可能我咁岩坐corner ? 😂😂😂🤪 星期六lunch去到 好多人排隊🥺🥺 等左45分鐘左右🙂 期望值提高😂😂 Dirty 偏重奶 無咩咖啡味既甘香🥲 Flat white 上台即刻飲都唔算熱 🤨 都係普通 香蒜辣椒蜆肉意粉 ～ 唔辣都唔重蒜🥺 不過蜆肉幾鮮 😃 意粉軟硬度適中😇 份量都唔少👍🏻 Carbonara 都幾creamy 食落幾濃郁 仲要bacon份量好大方🤣🤣👍🏻 都唔錯既～ Overall 食物質素就普普通通 display 都無咩特別.. 覺得咁多人排隊都算誇張.. 不過佢價錢都算平 每人都係120左右🤐 環境都偏嘈 如果想安靜咁嘆下都有點難度🤕

意粉意粉🍝～———————————聽講轉左手～但水準依然都唔錯既而且環境都比較簡單舒適～但就有啲太黑既感覺😹🧚🏻‍♀️香辣白酒蜆肉蒜蓉意大利粉 $70辣味就無乜既～但係啲蜆肉就勁鮮甜佢啲意大利粉又唔會太硬 夠淋身整體都唔錯 亦都夠大盤評分：7/10🧚🏻‍♀️溫泉蛋卡邦尼意大利粉依個就少少失望 因為佢太多汁了而且感覺好水咁 加上無乜味道比較淡最濃既就反而係煙肉味 比較一般評分：4/10整體上都唔錯既 因為份量環境同性價比都可以都推薦喔🧚🏻‍♀️🧚🏻‍♀️🧚🏻‍♀️

屯門人氣餐廳, 西日fusion大眾化的餐牌, 裝修前後都人龍不絕, 在華都花園屬中高價位餐廳, 座位間格舒適, 燈光昏暗, 西餐擺枱, 適合情侶🌉來一個早晚餐, 點了吉列豬扒咖喱蛋包飯, 咖哩偏向港式, 不是日式甘咖哩。🐷吉列豬扒炸得香脆, 沒有皮肉分離。 配菜除了有洋蔥粒和蔥花, 還有番紅花, 份量激多👍溫泉蛋牛肉意粉🐣又是雞蛋, 不同煮法, 各自配合得天衣無縫。 意粉醬汁莫名惹味, 牛肉亦不錯, 但炸豬扒略勝一籌p.s. 加set價錢稍貴, 無緣試水吧和沙律

6月尾，知道這間餐廳重開（之前都有幫襯開），就一直想再去食。今次，我揀選了平日來吃，因為，星期六、日比較旺場，我的選子沒錯了，去到餐廳也不太多人，就點了咖喱豬扒蛋包飯、特飲一杯（+ 5蚊）。過了一陣就送上特飲，可能夏天關係，飲了感覺涼快，之後，咖喱豬扒蛋包飯就送上枱了，望見碟飯，第一時間感覺好豐富，不論豬扒及咖喱汁，都好多，蛋包飯份量適中，以六十幾蚊這價錢，確實抵食，我平時唔太喜歡吃飯的，都掃清光，加埋杯特飲（不太大杯）就剛剛好。下次，都會試埋其他食物。