Will's Coffee (Closed)

食左咁多次will's coffee,我都冇食過佢地既芋泥西多士,我知道係名物,更知道好多街坊想搶都搶唔到,而我,身在福中不知福,willson 成日問我食唔食,我都唔食,因為自細就唔鍾意芋頭既質地,同埋感覺上點都係甜到漏,雖然佢地都話我知唔甜,直到我貪得意買左盒比我老細....原意係買比老闆娘,點知老細話老闆娘佢唔食芋頭,跟住...兩分鐘都冇,全盒清除.....老闆娘返到黎話幾次想食食唔到,嬲左我老細XDD所以我又再買,仲買夠兩盒添呀,順手自己試下~其實之前已經見過willson 買芋頭,以為佢煮飯XDD 原來真係自己整芋泥,唔係街買果D 現成野,所以係 真.手工芋泥,金黃色既外表,切開見到綿滑既粉紫色芋泥,點少少練奶,垂涎欲滴,放入口,係,芋泥本身真係唔太甜,仲好滑,但係我實係唔好芋頭味XD咁好既手工西多士,都係留返比喜歡芋頭既朋友啦XD不過佢地個外賣盒同餐具都係用可降解既物料做既,貴好多,但對環境好好多.

係深水埗嘅一角估唔到會有一間食物質素唔錯嘅coffee house☺️佢地同普通cafe唔同嘅位係佢地主要提供食得健康少甜嘅食物同飲品🥦🧡雖然鋪位唔大，但野食即叫即整！拎到返屋企都仲好好味🦫🥯韓式辣泡菜豚肉貝果 $62 (7.6/10)Bagel一共有4款味道可以揀，今次就揀左唔常見嘅竹炭芝麻味🖤。Bagel烘到香噴噴，食落隱約食到黑芝麻嘅味道，滿滿嘅豬肉餡配埋泡菜嘅酸爽令人越食越開胃😬。🥓傳統卡邦尼意粉 $58 (7.7/10)好耐冇食過正宗嘅carbonara!☺️依家多數出面嘅cafe都會加cream!但呢到真係食到芝士同蛋黃嘅味，鹹鹹香香咁包裹任每條意粉🧡拎到返屋企食（都有成個鐘）都仲係咁香口🧸！而且份量都幾多幾足料。🧡西柚氣泡咖啡 $38（8.3/10）第一次見呢款咖啡就毫不猶豫咁揀咗😳，西柚嘅酸，酸得黎又同咖啡味道又幾夾，係tonic嘅進化版，幾特別🙊。🍫Mocha $38 （7.3/10）飲到有朱古力嘅苦香🤎整體朱古力味比較重，咖啡味唔會話好濃，啱晒啲鍾意飲偏苦朱古力嘅人🍫📌佢地淨係提供外賣，冇堂食～📌bagel可以自己揀味道：poppy seed sesame /plain

【Will’s Coffee】距離深水埗站唔夠五分鐘距離，有間小巧玲瓏嘅外賣咖啡屋（定位踏實健康而非浮誇打卡路線嘅樸素coffee house）。店內裝飾精緻，可惜唔做堂食，否則坐喺呢個環境進餐都幾寫意。香蒜雜菌煙鴨胸意粉（SET）（$88）意粉煮得爽身柔韌，蒜香不亢不卑，雜菌作為配菜恰如其分，煙鴨胸就穩打穩紮。一塊塊切得平整一致嘅鴨胸側躺喺足以擔正大旗嘅意粉面上，薄薄嘅天然油份閃閃生輝。食落去，果然相由心生。好評。焦糖咖啡沙冰（+$4）caramel latte飲得太多想試試花樣，呢杯焦糖咖啡沙冰可以話係焦糖咖啡嘅豪華版。味道上保留到咖啡應有嘅香醇，細細碎碎嘅焦糖片輕放喺沙冰頂，好靚。而且慢慢飲到最後啲焦糖同沙冰居然都冇融透，靚到好似夢一樣。破碎，但不妥協。良心小店，質素好掂。加油。———————————————#willscoffee Will's Coffee (深水埗)深水埗大埔道75號威信大廈地下2號舖

喺深水埗想搵間coffee shop都唔容易今次專登搵咗呢一間Will’s Coffee黎試一試聽講佢唔係普通一間Cafe而係主打健康少甜食物既一間Coffee House😍岩晒我叫咗一個蕃茄大蝦海鮮意粉店主係煮嘅時候我已經聞到好香嘅蕃茄味呀😍等到流晒口水🤤意粉好正 夠煙韌一啲都唔硬 而且好入味😋有三舊大蝦之餘，仲有蜆肉、魷魚🦑！雖然係外賣，但擺盤一啲都唔求其，值得一讚！話晒係coffee House，當然要叫杯咖啡飲下，我叫左杯凍mocha，朱古力味岩岩好，唔會蓋過咖啡味，下次一定會再試其他食物😋😋人均：$88Janna 翻撻指數：9/10🥢🥢🥢🥢🥢🥢🥢🥢

下午茶想食得健康啲，行經深水埗，見到一間都幾西式嘅外賣店（而家餐廳係提供外賣嘅啫，冇堂食）仲要係良心小店💛💛，決定同媽媽買返屋企一試！依家唔係一間普通嘅Cafe呢，其實佢係一間coffee House，主打健康，少糖份的食品同埋飲品，適合都市人！———————————————————————☘️朱古力榛子牛角包 $22 &原味牛角包 $18☘️兩種牛角包各有千秋，原味牛角包，牛油味很香濃，用焗爐焗得很香脆，內裏鬆軟，食落都見到組織好靚！至於朱古力榛子牛角包，同樣外皮好香脆，內裏除咗鬆軟，入邊仲有香濃朱古力榛子醬，份量都唔惹少！雖然味道很濃，但果然不算太甜😄☘️卡邦尼意粉$58☘️一改油膩的作風，這間小店簡直重新定義「卡邦尼意粉」，沒有太多的忌廉，沒有一口口油膩，反而似係炒的那種乾爽嘅質地，但神奇地，卡邦尼意粉醬沾滿每一條意粉，感覺真的比較輕盈，味道又不會太淡！而且煙肉份量很充足，成座煙肉山！😍☘️dirty $34☘️這杯咖啡感覺到店主的用心，咖啡味果然很濃郁,dirty身為冰火兩層,一冷一暖，做法是將Expresso倒入凍牛奶，實在是味蕾的享受！☘️西柚梳打$34☘️甜度適中，西柚味自然，正值夏天，

近來送別會太多,酒都飲太多,想去飲杯咖啡清醒下,去到又傾起去留問題,大家都預計幾年內會走,好多街坊都已經走左,變左國際街坊會,講講下,wills 老細問我飲咩,我都答唔出,飲咖啡好定飲梳打好...一般放假我先會飲西柚檸檬梳打,清新假日feel嘛,佢地見我咁,就比左杯岩鹽齋啡我,哩杯野佢地唔會沖比其他人飲,怕d人飲左叫伏,太鹹,又苦,仲有d 酸,但人生本如是,一般人,都係飲返岩鹽焦糖咖啡啦,今日都有d 外賣,我地都傾左好一陣,中間都有人入黎問可否堂食,咖啡沖好,出門口呷幾口,回回魂,冰凍鹹苦刺激神經,醒曬,立即返返現實,返入鋪頭諗住講聲就走,點知佢地仲整左杯西柚檸檬梳打比我拎走...邊個話活係鹹苦既現實唔可以發下夢呀...多謝willson

在炎熱的午後，在深水埗走走。去賽馬會創意藝術中心見做創作的朋友前，經過大埔道的Wills coffee. 以一客豐盛的厚切鴨胸意粉，意粉份量比想像中多，調味剛剛好，沒有膩的感覺。和加入了秘製檸檬微酸的特調冰搖咖啡,清爽地為身心趕走悶熱。在小店等待時，分別看著兩位店主用心料理我的餐點，和製作飲品的過程，其間更見到他們自家焗製牛角包，怪不得受這麼多街坊的支持。見幾位街坊都點了他們的麭類食品，下次再來要試一下。

9 0 後 的 味 蕾 香港地小人多，想係狹小嘅空間入邊享受生活，得閒就要搵間好嘅coffee shop chill一chill。. 個日去買電話卡，行到好熱，想買杯夏日解渴飲品，入咗呢間小型Coffee Shop，原來佢地唔止賣飲品，仲提供左多款自家製麵包、意粉、Bagel漢堡包.見到啲牛角包個樣好正，忍唔住外賣兩個番屋企慢慢嘆.📸牛角包🥐酥軟、唔會太油、朱古力味除左面頭有朱古力豆，入面仲內藏朱古力醬、朱古力醬唔會太甜但香濃，幾啱鍾意食低糖產品既我.📸咖啡湯力 調配得好好，夏日之選、冰爽、入口有果香味（似西柚），甘甘地，再滲出淡淡咖啡香、清新 .📸糖漬檸檬梳打 唔會好甜、健康、檸檬好Fresh、梳打氣充足.📸 Carbonara煙肉意粉 煙肉份量好多、唔會太creamy太膩、又唔會太油、芝士味出位.呢間餐廳位置唔算大，主打外賣，但係佢地packing唔馬虎，番到屋企仲係好味😋

深水埗近年愈來愈多特色cafe，其中Will’s Coffee 呢間小店真係好值得大家一試！😋 雖然店面細細，但係食物嘅選擇都算多～ 無論你想食牛角包、bagel、pasta、burger、或者all day breakfast，呢度都可以滿足到你！🥯🥐🥓🍝🍔💕而家呢度冇得堂食，但係外賣自取都一樣好好食😍 包裝亦好細心，拎到番屋企都唔會漏～ 滑蛋芝士牛角包🥐🍳炒蛋好滑溜、而且幾大份，牛角包外脆內軟，牛油味好香☺️香蒜雜菌煙鴨胸意粉有成8片煙鴨胸、好足料😍 鴨胸肉幾嫩、好食～ 扁意粉熟度剛好，用上香蒜、橄欖油黎炒，超香口～Mocha/ Rock salt & caramel latte咖啡好香濃，入口細滑～ ☕️ 岩鹽焦糖咖啡幾特別，香甜嘅焦糖加上岩鹽、味道好夾有驚喜～😋最後忍唔住買多兩個牛角包做第二日早餐...🐽

用深水埗隱世小店來形容呢間舖頭真係不失為過，緣份呢家嘢，俾我遇到Will’s Coffee。🪧店面只有個黑色嘅小門牌，餐單亦都唔花巧。清晰簡單，一塊過膠板睇晒。一面飲品，一面就係食物。👭🏻小編同妹妹一行兩人，嗌咗一份主食，一份小食，同埋兩杯嘢飲。店主有禮友善，清晰講解俾小編聽咖啡豆嘅來源同特性。煮嘢食嘅過程中好香！！！好鍾意呢種小店，係側邊望住「朋友」煮嘢食嘅感覺！🍝香蒜雜菌煙鴨胸意粉（$68）：煮緊嘅時候已經聞到蒜香，廚師兼老闆對上碟有一定要求，明顯睇得出有擺碟！鴨胸肉俾得勁大方，天然嘅油脂香，加上面頭撒咗啲碎香芹，將成個層次提升！意粉用咗小編嘅大愛扁意粉，對於掛汁超級友好，完美索咗啲蒜香同埋鴨胸油。🥐滑蛋芝士牛角包（$32）：賣相真係無敵，滑蛋真係肉眼都望到佢滑。其實淨牛角包已經好鬆脆香口，滑蛋同埋半溶嘅芝士將整體口感層次提升。不得不再講一次，老闆比材料真係好大方！☕️Dirty髒髒咖啡（$34）：有留意開嘅讀者應該發現小編唔係太鍾意酸味，所以偏好nutty咖啡。呢到嘅dirty選用nutty嘅咖啡豆。加上奶嘅比例較多，咖啡味唔會過濃，依然可以飲到奶香，啱啱開始飲咖啡嘅朋友仔可以試吓

餐廳位於深水埗，距離深水埗地鐵站路程需要五分鐘左右，地理上十分方便快捷，餐廳主打的一定就是咖啡，而我最喜愛的就是這裏的理念，很明白食物味道十分重要，但有時人就是這樣有趣，但有點情緒，誰說我在這裏土生土長，也十分喜愛這裏。飲品方面，當然就是咖啡，即調的咖啡就是充滿這樣的味道，帶點溫暖。食物方面，更有多種選擇，而我這天選擇的就是原味牛角包，美味可口，一口牛油香，但全不油膩，外皮加熱至帶點香脆，這就是神奇的味道。

深水埗越開越多Cafe，最近留意到喺大埔道有間叫「Will’s Coffee」的Coffee House，並非普通Cafe，主要提供食得健康少甜的食物同飲品☕️暫時只提供外賣，不設堂食多款特色口味Bagel、牛角包，意粉、輕盈早餐及飲品可供選擇，可以單點或者配套餐，定價適中親民輕盈早餐配料分別有：車打芝士腸、炒雜菌、牛乳炒蛋、原味牛角包🥐芝士腸勁大條，裏面有唔少芝士粒，芝香四溢🧀炒雜菌都幾香口～牛乳炒蛋夠嫩滑，蛋味濃郁🥚配上香脆鬆軟牛角包，輕盈得來又夠晒飽肚韓式辣醬泡菜豚肉貝果漢堡多款貝果漢堡都好吸引呀！最後揀咗呢個韓式口味，泡菜五花豚肉加入蒜片一齊炒香，更加香口滋味，微微辣，幾好食😋竹炭黑芝麻貝果外脆內軟，口感Q彈有嚼勁，帶麵粉及黑芝麻香鮮奶咖啡口感順滑，鮮奶及咖啡比例剛好，濃郁芳香凍泡沫咖啡呈漸變層效果，好靚呀❤️表面嘅奶泡質感輕盈細滑，咖啡味都幾突出

/ /深水埗外賣輕食☕️支持香港小店，呢家位於深水埗外賣小店環境日系，打卡一流📸呢度嘅款式唔多，但係款款都好高質👍🏻蕃茄海鮮扁意粉🍝呢個份量啱啱好👍🏻好juicy蕃茄味濃郁，仲加咗香草🌿更加突出層次入面仲有大蝦、八爪魚等等，好彈牙爽口韓式辣醬泡菜豚肉貝果🥯第一次試呢款鹹貝果，估唔到又幾好食好入味，又唔會太辣！豚肉肥瘦分布均勻，夾係貝果入面貝果一啲都唔硬，仲好好食！Flat white☕️ Grapefruit soda with coffee🥤呢兩杯咖啡飲品都好出色咖啡唔會太苦，飲落好滑口

Will’s Coffee☕️-家庭式經營黃店💛雖然舖頭細細亦都不設堂食,但店舖俾人一種好舒適好chill嘅感覺👍🏼-🍴韓式辣醬泡菜豚肉貝果漢堡 $84 (Set)貝果有唔同口味選擇😋本身諗住揀竹炭黑芝麻😂但店主話已經sold out🥲所以就揀咗罌粟籽芝麻貝果😛感覺好Fusion🤪韓式辣醬唔會太辣而且豚肉泡菜炒到好香口🤤加埋生菜口感豐富🥰-🍴 蕃茄大蝦海鮮意粉 $88 (Set)意粉有好香橄欖油同埋蕃茄醬🍅嘅味道💕好juicy(小編好怕好乾嘅蕃茄意粉😂)除咗有三隻大蝦,入邊都仲有少量八爪魚配料🥰👍🏼-🥤 焦糖咖啡沙冰/ 益力多柚子沙冰 (跟餐 + $4)益力多柚子沙冰好特別😂甜甜酸酸😛岩晒夏天飲❗️

今日同朋友行吓見到呢間coffee House，本身都係想買外賣返公司食嘅，雖然細細地，諗住試吓，等嘅時間好快，大約10分鐘，店主即刻整。Set1 ： 卡邦尼意粉 配 岩鹽焦糖咖啡意粉醬多，仲有好多好多嘅煙肉，而且啲煙肉切到細細粒咁，好易入口。咖啡好滑，奶多。岩鹽焦糖呢個配搭係好吸引！Set 2: 全日早餐配牛角包 配美式咖啡有蘑菇，腸，炒滑蛋，同埋覺焗好脆嘅牛角包。唔好以為呢個配搭會食唔飽，其實份量係足夠。美式咖啡濃度適中，而且店主用嘅咖啡機都係正嘢。總結：食物同甜品健康少甜，唔算好貴，鋪面影得好靚