薀莎餐廳 (Closed)

其實呢間餐廳同椰林閣係同一集團, 質數應該都係差不多, 所以期望唔高, 只求填飽個肚, 果然不出所料.................星期日晚六點半, 晚飯時間開始, 呢度已經坐咗1/3有多, 但仲有幾張卡位, 我地咁啱坐响睇到佢地整餐包同餐湯的範圍, 望落都算乾淨.............叫咗2個set dinner轉特飲, 但要額外加$8/杯, 其實凍飲本身已經要加$2, 我地加多$6就有特飲, 計落條數好似好抵, 其實餐廳老闆就最抵.......... 餐湯為咗唔想咁飽, 所以選擇咗紅湯, 佢唔係好辣, 都有好多什菜, 但只飲到茄膏味......... 餐包上枱前係會叮一叮, 令佢暖暖地, 好似新鮮d, 其實咁樣都好, 叮一叮又可以殺菌, 又林d, 而佢d牛油因為就咁放响度, 所以溶溶地, 不過咁樣仲方便塗落個包度tim~~~ 酥皮龍脷柳拼吉列蝦配薯菜見到個名好似幾特別, 所以就叫咗呢個餐, 但所謂的酥皮龍脷柳, 其實係煎好塊龍脷柳, 然後鋪塊酥皮上面再焗, 只係得面果層, 仲以為佢會用塊酥皮包住哂成舊魚tim~~~ 塊酥皮又唔酥, 林的, 只係比舊皮的質地實少少........

星期日夜晚唔想煮, 落街求奇搵間食~其實薀莎都係我同家人經常來吃下午茶的地方, 貪佢近,方便, 坐得又舒服~ 平時星期日晚都要等位, 唔知點解今晚咁少人等, 直行直入~ 冇乜特別, 但都好足料~難飲到爆~ 好似超甜葯水+啫哩粉味~ 酥皮如果可以再脆D就好D囉~ 薄餅係脆, 鴨胸好多汁, 夾埋一齊食, 好味~ 再加埋燒烤醬仲惹味~ 不過要小心食, 汁會滴得好緊要~ 呢份係老公叫, 蠔我冇食, 試左少少牛柳, 牛柳比起DADDY'S KITCHEN好味, 最起碼呢個都有牛肉味, 而且軟滑稔~ 炸軟殼蟹冇乜特別, 都脆, 但油左少少, 牛柳都稔, 都有牛肉味, 但唔夠鐵板果塊咁稔滑~ 食物就冇乜問題, 以前侍應都會等你坐低後, 放好餐紙及餐具, 但而家每枱都會有個小籃放刀叉匙, 客人自行拎來用~ 又見到洗碗姐姐走出餐廳樓面, 拎住個大盤收拾碗碟刀叉, 到底係咪政府要實行時薪$28, 令餐廳炒左人, 每個員工工作量就多了呢??! 呢個問題漫延到生活中邊個階層呢??!

11點幾,同BABY一齊0黎依度食野.BABY話兩三年前成日0黎食,好耐冇0黎依度,哈,當陪佢0地嗌0左個LUNCH SET 有湯有餐包有杯野飲芝士白汁龍利柳飯,有好多芝士,但點解同我上次食果個什菌意粉差唔多= =''個飯SET本身就$43 ,因為叫0左個特飲,所以盛惠$48,其實我上次0黎0左之後都冇打算再0黎,但其實0的野食味道都唔錯的希望下次再0黎時,會更好啦^^

同媽媽行行下,見到依間餐廳,見個名咁特別,所以入去試下,坐下叫侍應拎餐牌,但侍應同我0地講,佢0地人手唔夠,我0地坐果邊係唔會有人招呼,之後帶0左我0地去第二邊坐,見到0的台紙,原來係椰林閣旗下0既餐廳我嗌0左個芝士白汁雜菌意粉...下午茶,二十幾蚊,我仲以為焗野會耐0的,但又唔係,跟埋杯野飲,算係咁,味道不過不失可惜真係唔係好夠人,叫佢拎支茄汁都搵唔到人,...希望佢可以請返多0的人啦

同家人諗住轉下地方食野~點知...星期日預左等位...好彩都唔係等左好耐...不過帶位既姐姐口upup兼黑晒面咁帶位..已經唔係好順眼﹗三個一..一人嗌一個set...點餐舉手示意係無用既(因為..d待應焦點只得一張檯...鎖定左第二張檯既野行過就算, 當見唔到)要在待應經過加重d既聲線佢先會應你﹗我同媽咪都係嗌黑椒雞扒配牛肉腸..只係一個跟飯一個跟意粉﹗先講跟飯果d配菜...有"叔"味...到跟意粉..d意粉凍既又硬...好彩daddy個焗飯正常d..點餐飲...三柸熱茶、啡可以等成十分鐘？攪乜呀？.天氣已經熱...竟然响入面食野可以一路流汗既...媽咪忍唔住對某位待應妹妹說︰lee度咁熱既，食到出晒汗...待應妹妹回應︰係呀~中央冷氣丫嘛﹗心裡面爆出一個字"頂"...lee間野完全要bad list呀﹗

本身自己係住馬鞍山果頭.因為係學生出街都唔係太多錢食飯.大約每日飯錢$30-40左右.1直見溫莎個樣ok高級.以為好貴.但係原來唔係學生餐$30埋單.又大份wo.自己1個食唔曬-,-"我食左龍x柳飯.ok好食又飽-33-值得1試.

超級唔掂, 叫左牛扒, 只得表面係熟, 入面完全唔熟叫個WAITER換, 佢竟然只係叮返熱佢態度勁差, 換個塊牛扒好貴咩?!冇SERVICE又學人收service charge

年三十, 中午同齋妹係堅企悶悶地, 就決定出黎行行街. 行完街4點鐘, 剛好是下午茶時間. 但天氣凍, 沒有心情離開商場, 係街搵野食. 咁就冇計, 就要被連鎖店洗禮. 然而, 齋妹就建議來呢間椰林閣升呢版既溫莎. 地方環境係好過椰林閣既, 不過成個feel, 就是扒王格局. 入到去, 安排了我們坐卡位. 起碼都舒服一點. 我們到來, 主要是下午茶餐有素食既選擇. 齋妹選了一客芝士野菌焗意粉. 而我就要了一個燒牛柳意粉配蓄茄汁. 我們落了order, 本來都冇理到佢, 我們一味等, 邊傾計, 邊等. 後來發現比我們遲來的檯客既野食比我們先到, 才開始叫一叫侍應, 催一催. 果然好服務, 即催即到. 向好的一方面諗, 就是要等焗意焗好才一齊出. 但他們應該等到個焗意粉整好才開始整我的意粉. 味道, 我的牛柳, 雖然唔韌, 但味道始終是太濃, 而且, 可能真的是如我所說, 整好等焗意, 搞到的碟野只是微暖. 唔夠熱既食物, 始終令人感覺不安. 而且味道太濃. 說是有蒜香, 蒜當然是有, 說過味道太濃, 就是蒜味太重.焗野菌意粉, 熱辣辣出黎當然比較好食, 而且芝士味幾夠, 聞落味道亦好香.

港式餐廳一向比我既感覺就係服務態度差，招聘及管理都做得唔好。o係馬鞍山新港城一頭一尾都有一間港式餐廳，相信係同1個集團，另一間之前較常光顧，服務"正常地"麻麻地(成年無去，可能未能作準)。溫莎就比較少去，亦係好耐以前既事，今日行過見到有下午茶餐，廿幾蚊包野飲又有位就試試。食物就可以啦，食過港式餐廳既都會知道大約係咩味道，好味又唔會好得去邊，難食又未至於。叫左個蒜蓉牛柳飯，so far so good la。不過服務態度就真係令我喜出望外，由接待員到侍應到經理服務態度都出奇的好，係o係其他港式餐廳好難搵到ga個人認為。坐坐下後面有台中學生走人，我聽到服務員講"多謝晒byebye"。大家可能覺得哩d野係好"老馮"既時，但做過學生哥既都知道lee d普通既餐廳服務態度頂多係比d"大人"，即係會叫得起d貴野既客仔，而對lee d低消費能力既學生哥真係彩你都傻。所以，哩句多謝晒byebye更令我肯定哩間野既服務質素

31-12-09 全年最後的午餐不經不覺2009年已經過去, 2010來臨, 心情既開心又不安, 最後的午餐希望珍惜一下....入西貢路經馬鞍山, 馬鐵連接商場, 非常方便, 到新港城後, 找一個安靜既地方食返餐 , 之後入左溫莎餐廳品嚐品嚐坐低後, 拎起menu 睇, 午餐不貴呀. 都係35蚊有找 , 最後點左西班牙炒拌意粉餐 餐湯- 忌廉湯 飲到唔想飲 因為E排日日都飲.. 但係係有水準的 餐包 好軟 加上美味的牛油 再加上香濃的忌廉湯.. 頂絕呀.西班牙炒拌意粉 上碟美觀 顏色鮮艷 令我的食慾大增 落左好多蕃茄 感覺好清新 所以是好味的整體唔錯 我也想說一句(那些服務生好像訓唔足夠) 沒有精神 可能令某些客人感到不滿 這方面應好好改善兩人埋單$60 幾蚊 算抵食 還會有下次

7/11(星期六)下午我同我屋企人去左依間薀莎餐廳食下午茶,個度無論係食物或員工的服務都令我氣憤。我order 了一個飽魚雞粒炒飯,初初聞落都幾香幾吸引，但食左之後發覺好多油同埋無咩味道，需要好好改善一下。食物唔好味都算，員工的工作態度更為有問題。好似有個呀姐成日企係比錢位度唔知做d咩，呆企，我叫佢攞個碗比我，之後佢望下望下我都無理，繼續原地踏步。我真係o左囉!我想問問個個呀姐(有鄉音)佢係咪經理同叫咩名，我一定要投訴佢。就算係經理，我係客人佢點都要服務我!但我唔明佢係度做緊咩?仲有我覺得最有問題的係佢們成間餐廳d貼士唔係平均分比d員工，咁好唔公平!!我見到個個鄉音呀姐佢埋完單之後就自己袋d 貼士，佢咁的服務都有貼士。我真係比個"服"字。之後最怒的係佢叫我join 個d咩vip卡，又話好平好抵，又話可以一次過用d 優惠卷，點知到我琴日係西九龍個度食椰林閣,個員工同我講話唔可以一次過用d優惠卷

下午茶，唔係好好食…乾炒牛河，好硬…唔好食，冇味的洋汁牛扒意粉，ok啦…但佢D加厘牛飯真係好好食!只可以做街坊生意…唔好特地走去食…唔見得好好好食一般啦

自數年前在椰林閣餐廳吃了一頓「難忘」的午餐後，一聽到「椰林閣」三個字便「聞風色變」，轉身便走。昨天，與母親大人搵食，見溫莎餐廳個餐牌幾吸引，便入去看過究竟。叫左兩個餐，一個係墨西哥燴豬扒件珍寶腸 (跟飯)，另一個係意式香草油醋汁田園蔬果沙律，餐湯則要羅宋湯。 羅宋湯: 老實講，小妹真係未試過係食肆試到咁多料既羅宋湯。兩碗羅宋湯內「菜料齊全」，包括大大塊的椰菜、洋蔥、紅蘿蔔、薯仔，仲會有一舊大大舊的牛腩。(見圖)... 因為足料，所以個湯好濃味... 同埋好少味精 ~ 同時因為佢 D 蕃茄煲得好融，所以好夠味，值得一讚﹗ 墨西哥燴豬扒伴珍腸 (跟飯): 呢個就係典型西餐廳既豬扒腸仔飯.. 個汁較杰，好似美心既焗豬扒飯醬汁既味度 ~ 因為佢有唔少菠蘿伴碟，食落去感覺更清新; 佢塊豬扒就一般貨色，肥肉就一定有，唔算好好味又唔算好差。最後條腸仔都 OK，冇話因為係午餐而縮水，收貨啦﹗ 意式香草油醋汁田園蔬果沙律: 首先，佢真係好大盤哩﹗緣緣的菜，唔會因為價錢而縮皮，清新爽甜﹗而佢加入左唔少水果.. 有火龍果、罐頭桃、蘋果; 伴菜有黃椒和紅椒，全部都係新鮮的﹗而佢面頭都有少少芝士粉和麵包碎 (學

這間餐廳是我第一次光顧，之前並沒有看過這裏的食評。今晚七時左右入座，吃了個多小時。回家後看ｏｐｅｎｒｉｃｅ，驚覺原來有這麼多劣評，和我這次光顧的經驗是兩回事。先說食物，我點的是「酥皮忌廉焗三文魚」。薯菜的份量不少，賣相亦不錯。薯塊炸得很香脆，酥皮三文魚和忌廉汁很配合，而且又大又厚，感覺很抵食。環境是一般西餐廳那樣子，侍應安排我們坐卡位，很舒適。服務方面，我們要的東西都很快送到，朋友問侍應要茄汁，不用十秒便拿了過來。加水很密，而且每次跟侍應說話，她們也有微笑。這一晚坐無虛席，難得服務仍可以這麼殷勤。希望這篇食評可以給她們一點鼓勵。衛生亦不差，我光顧過很多椰林閣旗下的餐廳，不時都有被蒼蠅或蚊子纏繞，但這次沒有。價錢加一後大約六十多元一個人。這個價錢能吃到大大塊的三文魚或西冷扒，算是抵食。

差不多試過整個新港城的餐廳,今日帶了朋友到一間我覺得不錯的餐廳一試,這就是溫莎餐廳.我們一共叫了兩個晚餐,分別是紅酒雜菌汁西冷扒及豬手,跟餐有餐包,餐湯及飲品.用來塗餐包的牛油是熱溶了的,很細心,而餐湯賣相同味道就一般. 餐湯都未飲完, 主菜就已經送上, 這方面需要改善一下. 自問我們不是飲得好慢, 而且侍應也應該醒目點,眼見我們還未飲完餐湯,遲一些先送上主菜.主菜是不俗的,但是薯菜中的薯真是少了一些.西冷扒及豬手份量十足,特別是那個紅酒雜菌汁,不論點薯菜還是西冷扒都好好味!以$50一個晚餐來說,溫莎餐廳做得不錯,下次也會再光顧.