永珍越南菜館

Open Now

Now Closed

第一餐先和契媽團年團年。他們兩口子和我一家三口子先到，我遲了一點點，他們早已起動， 沒有拍照機會了。蒸粉卷評：好滑，內裡是新鮮豬肉，加上魚露WOW，好滿足。10／10越南春卷 （4件）評：生葉，加上魚露加越南春卷，絕配。10／10 蝦春卷評：炸野，好好味，蝦肉結實！8／10咖哩豬扒煲評：咖哩保持水準，豬扒用左香茅醃左，好有味，加上咖哩COCOUNT之香味，9／10蒜泥包X2客：評：正！！！即叫即焗，脆，脆，好香GALIC 味加上咖哩汁之配。10／10越式炒通菜評：夠鑊氣，唯一不是太SPICY，8／10越式金邊粉評：酸酸甜甜，不錯，花生碎好簡，8／10＊呢道D STAFF 好NCIE，主動問冰水OR 熱茶，要唔要碗SHARE AR，又提你下魚露。總評：8／10

剛北上回歸, 尋晚享受完一餐平靚正又開心既木屋燒烤, 番到九龍塘已經係中午既時份, 個肚又開始餓喇, 突然大腦對我發出強烈要食生牛河既指令, 同時對腳唔聽使咁上左架九龍城小巴係小巴度上網揾下靈感食邊一間好, 終於決定試一試永珍, 路過左呢間野咁耐都未有機會試一坐低餐牌都唔睇就點左生牛河, 牛肉全生另上, 五分鐘左右就送上我枱面先飲一淡湯, 可知生牛河湯底係其中一樣靈魂湯係夠味既, 但唔重牛味, 係一般湯粉麵個D味, 失望河粉尚可, 唔會係一夾就斷其餘芽菜洋蔥等配菜正常牛肉剩係睇賣相以為係凍肉鋪十幾蚊一包既貨色, 有成6片, 食落又比想象中好, 仲有D牛肉味呢碗生牛河絕對唔算係難食, 份量仲幾大碗, 可惜對一個特登想嘆一碗上品生牛河既人黎講, 失望太大喇另, 午市時間入黎食碗粉, 我無EXPECT會收加一, 另一失望為了生牛河的話可一不會再了

一早起來看完早場 , 睡意還在籠罩著 , 打算回家小睡一番 , 回到家中 , 左弄右弄 , 看看手錶已經快 5 點 , 太陽也下山了 , 為何今天的時間過得特別快呢 ! 友人提議到九龍城吃飯 , 已經有幾個月沒去過 , 也好 , 雖然訂了機票下星期去泰國 , 但是 , 又怎能抗拒我最愛的冬蔭公湯 ! 本想去小曼谷 , 沒有訂檯真的不用奢望有位 , 門口水泄不通 , 看見也不想等 , 之後再去金泰 , 隆姐 , 情況一樣 , 天呀 , 最後打算去九龍城廣場走一走再看 ,一樣的人多 . 沒有其他選擇之下 , 剛巧經過 “永珍” , 雖然越南菜不是心中的選擇 , 奈何沒有位 , 也只好接受吧 !兩個人吃飯 , 點的菜式真的好少 , 叫一個咖喱煆加串燒已經足夠 , 最多也是加多一個菜 , 但這次我們沒有叫菜 , 但就叫了一客蒜茸包 . 等了大約 10 分鐘 , 先來個蒜茸包 , 好大塊 , 好香 , 再來個咖喱煆 , 嘩 , 好多汁 , 先吃一口 , 或者本人太愛濃味 , 感覺上有少許淡 , 但朋友就說不錯. 串燒合共有 4 支 , 可以選兩款 , 但需要另外加錢 , 我們只有選擇豬肉 .

我們一同二人來到九龍城食越南菜，這裡的坐位不多但時常有人來食越南菜。我們叫了一個午餐越式炒飯($36)+$8一杯特飲龍眼冰、蒜蓉包一份($15)、海南雞飯($48)、另加一杯龍眼冰($19) 先講杯龍眼冰，龍眼冰就好飲龍眼肉多而味夠，蒜蓉包就大塊香脆可口而且蒜蓉多值得一試，越式炒飯大大煲飯夠乾身不太咸扎肉和雞肉可以不過越式炒飯以一人食份量會食唔晒要二人食再加一些小食，海南雞飯好就好在夠椰香味開胃但海南雞就唔得一睇就知唔新鮮同唔係好滑幸而有雞肉味唔係太難食。午餐越式炒飯和海南雞飯份量多尤其是越式炒飯，最好一煲炒飯加一些小食二人食。炒飯口感是沒問題的，不過最抵食還是特色小食。

四月一日．晴天 (愚人節)我們一同二人來到九龍城食越南菜，這裡的坐位不多但時常有人來食越南菜。我們叫了一個午餐越式炒飯($36)+$8一杯特飲龍眼冰、蒜蓉包一份($15)、海南雞飯($48)、另加一杯龍眼冰($19)先講杯龍眼冰，龍眼冰就好飲龍眼肉多而味夠，蒜蓉包就大塊香脆可口而且蒜蓉多值得一試，越式炒飯大大煲飯夠乾身不太咸扎肉和雞肉可以不過越式炒飯以一人食份量會食唔晒要二人食再加一些小食，海南雞飯好就好在夠椰香味開胃但海南雞就唔得一睇就知唔新鮮同唔滑幸而有雞肉味唔係太難食。午餐越式炒飯和海南雞飯份量多尤其是越式炒飯，食到我們二人很飽而且有點睏。最好一煲炒飯加一些小食二人食。

蟹肉炒粉絲$58 蟹柳炒粉絲就差唔多,炒得太濕,唔夠干身沙嗲鐵板豬,雞串$68 沙嗲汁好甜蒸粉包$36 這個味道還可以揶汁紅豆冰$19 唔知點解要加揶青水囉,搗到杯嘢味道好怪總括呢講又貴又唔好食

從沒嚐過加炸蒜頭的越南河…那湯自然不用寄予厚望了....食後幾小時內喝大量水仍然非常口渴...味精那麼多卻不見得好喝 =.=雖然有九層塔，卻連青檸或檸檬都欠奉…一點誠意也沒有除了牛展炆得林(但沒什麼味)外，一無是處牛丸好像是牛肉乾的渣牛根竟然裹著一層咖喱汁… =.= 應該有味餸是咖喱牛根吧…？踩中地雷，只能嘆氣一聲，誰料結帳時竟然有加一！金額不多，但食物九流，環璄狹窄，服務欠奉也敢如此巧立明目！

今日去了九龍城的永珍越南食館食午餐，大概時間還尚早的關係吧，店內一位客人也沒有。很快的看了看餐牌，點了一個越式紮肉湯河配凍奶茶。不一會，店員便送上一碗湯河，湯底很清，似是雞湯來的，湯面鋪滿了芽菜及數塊紮肉，芽菜很爽口清甜，紮肉幾彈牙有鹹香，河粉很薄滑，味道算是很不錯!至於那杯凍奶茶就令人十分失望，光看外表已知道不夠滑，喝一口沒有茶味，亦沒有奶味，很難喝!!炎炎夏日之下，這間店冷氣夠涼，而且個湯河味道也算是不俗，很可惜是這杯奶茶竟然意想不到的難喝，有點兒遺憾........

因為要等CERES的卷蛋出爐, 又到DINNER時間, O係附近搵左呢間野食......一入去, 心稔, 死火, 是關有陣油益未,唉！都入左去, 算啦, 只好硬食啦.(其實我坐低左飲左啖茶都仲稔緊走唔走人架)叫左以下幾樣:- 雞絲湯河: 一般, 無咩味, - 火車頭: 一般, 個湯有少少牛肉味, D生牛, 熟牛, 牛丸合格, 牛百葉, 牛筋唔掂, 完全無味- 腐乳通菜: 正常, 唔難食- 越式拼盤: 好油, 食左粒蝦丸同蝦春卷就無再食埋單193, 碟頭大, 都算平唯一讚係D阿姐都幾好人, 食物就真係......

初一同食家互相到對方家拜年，去了九龍城永富買生果，一人買左幾百蚊孝敬下家中老人家。新年關係絕大部份食店都關門大吉，見對面馬路呢間永珍仲開，當然入去食番個牛肉粉。越南粉開到周街都係，在我心中最好的當然係上年嚐過越南胡志明街市的阿婆啦，要在香港尋回那風味不易，原來呢間永珍也不錯。生熟牛河，湯底賣相清澈，入口有牛羶香清甜不死鹹，不錯。牛肉夠大片半生熟，質地偏韌卻肉味香濃，配上大量配菜如九層塔、蔥花、芽菜、芫茜等，未算正宗風味卻值得推介。仲有佢加入白蘿蔔兩件，咬落清甜無渣，好吃﹗雖然只係食碗粉，不過姐姐都服務殷勤有禮，再一讚﹗沒有期望下有驚喜，新年新一天有好開始﹗

本來, 這是一篇讚的素來有喝越南滴滴咖啡的我, 好不容易在網上打聽到九龍城金苑越南菜有磨好的越南咖啡粉出售, 我到過, 也成功的買了一包, 也順道的試了一碗火車頭從卡片上看到, 原來永珍和金苑是一家的既然上一次在金苑吃的火車頭缺點甚多, 於是星期六便來了獅子石道永珍試一下. 好吧, 河粉是過關了, 服務也合格......結賬的時候, 我向他們 (廚師和服務員) 道明來意, 想請他們讓一包蒸餾咖啡粉給我. 起初他們不願意, 但我告訴他們曾經在金苑買過了, 他們經多番請示後還是賣給我. 我還跟他們談了好久, 說滴滴咖啡怎樣與別不同, 也感謝他們的幫忙......怎知, 滿心歡喜的回家一看, 卻發現他們給我的居然是即溶咖啡粉!! 怪不得我點的雪啡奶不是即點即滴的!!不想賣的可以直說原來這店是這樣的不老實!!!!!

閒日下午的九龍城, 原來是不難找車位旳, 泊好車後四圍找下午茶, 因為只是剛過兩點, 所以有提供下午茶餐的地方不多. 最後走了入去永珍, 叫了一碗生牛河+凍咖啡 ($27).對於傳統的越南餐廳說, 我覺得生牛河是不容有失的, 所以頗有期望. 咖啡先上, 可能是越式咖啡的關係, 顏色十分深, 驟看還以為是朱古力, 味道方面也跟港式的不同, 比較淡. 等了五分鐘侍者便端上牛河, 先呷一口湯, 完全不夠熱, 也沒有半點鮮甜味, 靈魂做得不好, 已經失望了一半. 牛肉份量頗多, 不過質素是普通的, 也沒甚麼鮮味. 河粉厚身, 比不上潮洲河粉的滑, 唯一達到水準的只是配料, 洋蒽, 芽菜蘿蔔都算不錯, 希望牛河的水準只是個別菜式問題.還要一提的是那個阿姐(可能是老闆娘吧!)的服務態度甚差, 有氣沒氣的一句, 需知九龍城的食肆多的是, 不難以服務態度去作取捨.

剛才睇完尼間食評#22.7.09 不得不加回應支持 尼度D阿姐服務態度奇差 做野慢條斯理 實質D食物好一般不算難食 但有次吃上兩客發霉既蒜蓉飽 叫3個阿姐睇下 冇一個理睬 火都黎 我地係幫趁食野唔係搞事 好簡單只想搵人來換過冇發霉既就 OK.. 點知其中一個話 我地D飽好新鮮 一定係焗爐D灰.. 灰??? 令一個加口(兩人都冇睇一眼 佔晒黑點既飽) 答係呀..灰塵 終於第三個加口 拎住盆法飽來聲大大話 邊到有霉呀 (係人都知你個D梗係冇啦)好想大叫阿姐"醒D" 好簡單換左咪得 仲乜呀蒜蓉飽都唔願換 點做生意 放入口既食物有問題都要做返妥好比反D客 先有生意係咪.. 我班朋友一眾話冇下次***埋單時 收錢個阿姐話唔收一客飽錢 但是係ORDER兩客.. 之前換咪仲爽快 玩乜尼 真倒米

今日又去總部上課, 中午時分與隔鄰部門的同事一起來了這裡食午餐. 中午十二時多, 人卻出奇的少. 坐下後, 點了咖哩牛肉飯, 菠蘿炒飯和香茅豬扒撈檬. 咖哩牛肉飯 - 咖哩幾香, 有很重的椰醬, 所以一點也不辣; 牛肉切得十分薄, 不韌但沒有牛肉味, 白飯也比較黏身, 一般而已.菠蘿炒飯 - 有菠蘿粒, 肉鬆, 蛋絲, 雞絲, 扎肉絲, 臘腸和蝦一隻. 分量很少, 但味道不錯.香茅豬扒撈檬 - 上枱時送錯了湯檬, 於是叫侍應大嬸更換, 後來的確送了豬撈檬, 不過不是香茅豬扒, 而是普通豬肉而已! 味道也不差, 雖然豬肉和牛肉一樣, 薄得幾乎透光!!!至於餐茶方面, 點了咖啡和鴛鴦. 賣相一看, 已經覺得不妙, 喝一口下去, 一點咖啡味也沒有, 是近期喝過的咖啡中最差....差到根本連再碰那杯餐茶的意欲也沒有, 最令人氣結的就是侍應大嬸的態度, 落錯單, 送錯食物之外, 又嫌我們問這問那, 經常黑面相對! 雖然食物不算差, 但這樣的態度實在令人客一去不返!

今天下午,同女友到九龍城永珍吃下午茶!由去年女友生日開始,差不多每個月都來吃一次,因為環境比較靜,不用等位已記不起點過多少次炒粉絲了...蟹肉炒,扎肉炒,粉絲內永遠都有沙粒!難得女友不介意,次次都肯陪我來!今天如常到來,如常點了扎肉炒粉絲,如常吃到沙粒...多點了一個炸春卷!食物普通,價錢便宜,那還罷了,兩客下午茶加上炸春卷,共97元!離開後,女友算了算,34+27+33元,不應該是94元嗎?於是回去問問收銀員...誰知收銀員說：「下午荼沒有加一,但炸春卷就要加一...明唔明呀?」語氣和態度已不甚友善!女友臨出門前回應一句：「妳現在說,我才知道...」離開後,女友越想越有氣:我們是消費者,為何付款消費,卻還要受她的氣?於是我們再走入內,問問她們的老闆是誰?我們想寫信投訴...那收銀員的態度十分差勁,還說剛才已解釋費用的計算方法!於是我也加入,指罵她為何會對客人說「明唔明呀?」這些話,她竟毫無誠意,大聲地地說：「咁對唔住囉!!!」令我倆更是火上加油...,最後,我們問她拿了卡片,問她的名字,她又大聲說：「我叫曾太!」雖然我知道打電話去投訴是沒用的,因為就算打電話,也會是她們的一幫人接聽的