永珍越南菜館

Open Now

Now Closed

跟家人一起第一次到這裏吃飯,共選了四個菜,包括海蜇雞肉,炒芥蘭,海鮮蛋包飯及椒鹽軟殼蟹.海蜇雞肉不錯,汁的味道很好.炒芥蘭一般,不是特別出色.海鮮蛋包飯非常油膩,吃罷發現碗內有一層厚厚的油.椒鹽軟殼蟹比海鮮蛋包飯更油膩,咬下只感到油從蟹中湧出,但不太香脆.相信是食物太油膩的關係,母親在晚飯數小時候開始嘔吐,且感到腹部不適,明顯是食物太油膩所致.此外,在點菜時,原本打算選越式併盤,在侍應推介下改選椒鹽軟殼蟹,並要求取消越式併盤,因擔心食物太多造成浪費,然而,侍應堅持要保留越式併盤,並一再強調份量適中,在我們再三要求下才願意取消這一道菜,確實令我們有點不滿.後來發現根本吃不下五道菜.經這一次後,我們一定不會再光顧這餐廳.

今日和同事出去食午飯，我地三個人各自叫了雜錦蝦醬炒飯、香茅豬扒飯和咖哩牛肉飯。我的是雜錦蝦醬炒飯，唔覺得有油淋淋，但是飯不夠乾身爽口，整體來說只是一般好食。附送的餐飲只有三款，分別是熱奶茶、熱咖啡及熱阿華田。我選了熱阿華田，但是唔知點解杯野好難飲，好似淡茂茂冇落花奶。朋友話佢地既熱奶茶都係好似飲水咁冇咩味我見佢地都飲剩半杯，真係好飲極有限。

好耐無食越南菜，今日心血來潮想去食。三個人叫咗：1) 越式鑊仔炒蜆—幾好味，D sauce 好惹味，份量都ok, 不過D蜆就比較細粒。2) 春卷—熱辣辣，"好粗壯"，好脆好多料，幾香，唔錯！3)越式粉包—皮夠滑，料都算多，仲有D 花生碎灑在粉包上，加埋D酸甜汁，都ok好食！4) 香茅豬扒檬—豬排好香香茅味，唔錯。檬粉內夾雜了花生碎、青瓜絲，感覺幾fresh！不過我覺得個sauce 唔夠濃，落晒成碗汁都好似仲係唔夠味！5) 扎肉湯河—湯夠清，河粉好滑，又太碗；略嫌扎肉咸jor 少少。6) 雞肉炒椰蕊—唔知係咩菜，不過質地好爽，好似荀，不過就無咩味，雞肉係急凍的，麻麻！

因為想睇電視而去呢度食野.....之前叫過外賣...一般la...今次堂食就睇下得唔得...可能係平時關係,有好多特價野...叫左:-豬肉串燒4串- 個沙爹汁好夠味...酸辣鳳爪- 酸酸地開胃..雜菜粉絲煲- 好大煲..多料咖哩雞煲- 又係好大煲同多料...d汁可以食幾碗飯...2人食飽到上心口....

本來想去食石頭鍋飯，點知只不過係10點幾就己經掛牌話休息，唯有去第二度食啦!!見到有間叫永珍既越南菜館友人都聽聞過ok，咁就入去試試啦!!兩個人點左:越式鑊仔炒蜆- 味道同泰式炒差唔多，只不過d蜆冇咁大隻同冇咁重辣味!!蟹肉炒粉絲- 簡直不知所謂... 明明都己經有真正既蟹肉，點解仲要加蟹柳落去呢?? d粉絲都炒得ok乾身，宜家攪到整個失色不少... =(泰式炒芥蘭- 面豉味太重，唔夠辣~~下次就再試既話，都係食番d傳統既菜例如春卷呀, 牛油雞翼好d!!

這幾天因為上堂的原故，有機會到平時極少到的九龍城，當然要試試聞名已久的永珍。檬粉餐$23、炒飯等$28，包飲品。雖想試試它的魚露，但不知為甚麼，就是想要炒飯。這個蝦醬雜錦炒飯，飯炒得很好、蝦醬夠鮮味、有些雞肉之類的，水準之作。永珍有名氣是有道理的。

佢的粉絲大蝦煲真係令人一試難忘, 隻蝦唔係普通貨色, 超大隻, 好新鮮, 有三大隻. D 粉絲用蝦的膏來煮, 好香(不過食到尾都有d 漏)飽到連甜品都食唔落

昨晚同去左福佬村道果間食，我地食左:咖哩炒蟹(特價: $59) - 個汁好甜, 不辣, ok 啦金邊粉($22) - 老婆話唔好食咖哩牛肉河($28) - 咖哩汁好香濃椰汁眉頭糖水($10) - 好味道!!! 環境都ok，又有大電視，不過道自動門好攪笑，好似唔係咁feel到我的存在，唔開比我，要個老闆行過來幫腳先開到。

我係去福佬村道個間。o野食選擇多，有每日精選同特價菜，好吸引。咖喱雞的汁偏濃同杰，但唔係好辣。蝦卷好熱辣辣，好味。炒雜菜偏多油。芒果炒飯都okay。行附近一帶最旺場呢間，裝修靚，但要改善的是多了一點蚊滋。呢餐係生日第一餐，唔駛錢，多謝小學好友同老老!

通常係星期日lunch同男朋支去. 去兩三次. 味道算好, 又夠份量, 價錢又抵, 認真唔錯!!大家去試下啦!!

夜晚都會去食..d野食都幾多下..有時都好多人要等..不過都直得...大家可以去試下

尋日lunch同d同學仔係城大搭的士落九龍城搵食…一入永珍，侍應姨姨們係度打牙骹，冷氣無開…>_<好焗呀…落order，同學B、C食生熟牛肉河x2($22 each)，同學E食香茅豬扒河($22)，同學W係我慫恿下點左焗椰青海鮮飯…唔知D河好唔好味。之前夜晚黎過一次，但係因為嗌左其他野，搞到凍晒先食焗椰青海鮮飯，所以尋日特登黎食個番尋味，熱O既唔該~~~~好大個椰青，挖空晒，好足料，有椰子肉、有蠔、有蝦、有尤魚，對於學生哥平時係canteen o既lunch黎講，呢餐真係好好味…無加一添。p.s. Lunch都幾多中學生黎食。

昨晚原本打算去金蘭花食泰菜，點知老公忽然轉軚話去呢間，咁事但啦，２個人叫咗：泰式生虾刺身- 個汁好正，D虾ok香茅乳鴿- 我覺得甜咗D同埋好多油, 不過老公話好食越式豬頸肉- 好大碟，跟埋果個汁好甜，但係點虾刺身個汁好食好多咖喱蟹- 呢個好好味仲好好肉蒜容包- 好脆好香好厚都幾大塊，不過一客得３塊，分唔均肥牛雜菜粉絲煲- 好多菜同幾清，唔油膩仲有啤酒１支，食咁多嘢埋單只係$290，真係好底食，不過入面好侷，希望可以改善吓。

個日同老外行去九龍寨城公園,d人見到西人就好熱心講解,所以學到唔少野.去親九龍城都要食下d好野.泰國野食好多,今次揀左越南菜.我地點左拼盤,咖哩雞,炒什菇同炒紅飯.咖哩,紅飯同什菇都不過不失啦,好鬼大碟,三個人都食唔晒.個拼盤就幾有特色.但係呢間野的服務態度有d問題.個戴眼鏡個阿姐都幾友善,但係長頭髮個個就好似黑面神咁,叫佢換杯水都好似要佢俾錢咁,都唔知點解咁嬲?

2005年9月9日我去了褔佬村道果間點了蔗蝦,炒蜆,炸雞脾,雞煲翅,泰式濕炒河，啤酒．．．．蔗蝦，炒蜆ｏｋ，炸雞都好野味翅份量唔係好夠．但係個炒河係最差．，炒得好肉酸，一ｐａｉｐａｉ，我朋友唔知仲以為做乜多了碟菜．我坐梯低位，撞了兩次頭．