永珍越南菜館

Open Now

Now Closed

以前0係附近返學,成日去食lunch(1)沙嗲牛肉湯粉絲沙嗲好香,唔係好辣,牛肉同粉絲索住d湯咁食,正!(2)紮肉雞絲湯粉絲清清地,食到紮肉原味,好呀~(3)滑雞湯朦(記住係滑雞唔係雞翼,2樣野黎架~)真係好好味,如果大家第一次去,建議要沙嗲滑雞湯朦,記住叫分開上!!佢d雞係燒雞鎚同雞翼,印象中一碗有成5,6件!沙嗲滑雞湯朦分開上,咁你一次過就可以試到好香0既沙嗲,又食到d正燒雞喇~!!p.s 呢間係舊店,呀姐招呼就好d,不過d野油膩d;新店裝修靚d, 呀姐招呼差d, 不過食物質素就穩定d!

6/25 星期六晚落左去九龍城搵食...本來想去南記同街市果間泰國野, 但係好鬼多人-.-跟著行行下去到獅子石道見到永珍, 門口貼左好多報紙食評, 就入去坐...坐左樓下電視機果張..叫左五味菜, 咸魚炒芥蘭- 味道咸少少, 但芥蘭好味..沙嗲串燒豬/雞- 雞會比豬較為好食D~ 但友人覺得沙嗲甜@@??炸蝦餅- 無咩蝦味...不過不失炒金邊粉- 呢個一般椰青焗海鮮飯- 本來以為D飯唔會好多...不過上時都幾大, 6個人都夠食..不過椰青淨係裝野ONLY? 無椰汁ga @@?服務都ok...不過叫左2次加茶都無人理...不過笑容都值得一讚既~~埋單每人$45到, 唔係話好飽肚, 因為我地要留番個肚食糖水...XDDP.S. 電視機隔離果個電蚊器...成日有蒼蠅飛入去...成日o拍o拍聲...=.=

食物來說....我特別推薦"蘇"炸軟殼蟹我唔本不太好蟹不過的確入口夠鬆脆，炸得幾透徹另外海鮮冬蔭公湯幾夠料大蝦\ 青口不只一千零一隻幾他菜式表現不過不失不過嗜辣的朋友卻這類不夠辣不過我想說如果你像我喜歡跟一大班朋友無拘無束大聲講大聲笑，這裏是一個好選擇好像我跟六七位朋友事前book 位它便會預備樓上雅座給你而且唔同角落都有電視睇還記得我們差不多跟鄰桌的小朋友鬥大聲對我來說是不錯的選擇

我想寫福佬村道牛肉面隔離果間2條友7:4 0 到有2成位空佢話冇位~.~其實係佢唔想比D4人位我地咁就將就下住左係柱隔離單邊二人位=二人向同人方向坐IF係對牆都還可以。問題係前後有4人卡位我地夾係中間....叫左蝦醬炒飯+扎肉撈檬扎肉檬都ok...扎肉好食但檬就chi埋一齊炒飯...一個字"油"actually係唔太好0既炒飯員工反應慢...可能係見我地唔到呀~!!!

一肚氣的意圖搶錢實錄:埋單時問個侍應收唔收信用咭,點知得到毫不容氣的答覆"$100先收!".其實我地都係咁"依"問下啫,知佢仲加多句"想俾咭都得,不過照收$100啫,我地最少都要碌$100架喎!"(當然加之一幅尖酸刻薄的的嘴臉).我地亦即時毫不疑遲地揾哂身上的散銀找數,一毫子貼士都冇俾! 嘿,既然佢地收得咁"容",都唔會志在我地的貼士啦!以後想我再幫襯就難,因為我俾唔起咁貴既貼士!

與同事同行，各叫了一客不同類的炒飯，我的飯加辣。我不記得什麼炒飯，最後兩個飯一同來，竟然一模一樣，只是在我的飯內加入辣椒粒，擺明欺騙食客。

上次去開九龍城食lunch去永珍試下.入到去唔係好多人.四個人叫幾樣,當中最好食係酥炸軟殼蟹,真係好脆同冶味!其他食就好一般,但係價錢就唔平.我諗未必再有下一次啦!

牙車快: 唔只酸咗，重好難食，唔掂。上次食海蜇扎肉還可以，估唔到牙車快會做得咁差。咖喱雞飯: 預期水準。生牛肉河: 普通總括講，水準都下降咗

同朋友吃過一次，有人極力推薦。大碟是大碟但無物好食，d 咖哩蟹是有一大碟咖哩蟹就唔多見，又唔入味!!唯一好味d只有個菠蘿海鮮抄飯，個芒果西米露d芒果黑左既，環境又迫坐得唔舒服，甘既價位唔抵食!!

四個人走黎晚飯....食左: 酥炸軟殼蟹....蝦醬炒飯.....蒜蓉油麥菜.....咖喱牛腩煲配4件蒜蓉飽....個人最欣賞碟酥炸軟殼蟹...好味到不得了....個蒜蓉飽撈咖喱汁勁正....攪到我想自己4件食哂......其他味道都好好......碟碟份量都好大....四個人食到飽哂...

我係去福佬村道果間~食過呢度既凍檬~ok正架~抬實會擺一大樽越南果d醋~實會加好多好多既醋~好開胃~生牛肉河冇老趙果度咁好食...平日去會見到好多學生仔係度食lunch~我地呢d著便服去會好似好特別咁~~

從前在九龍城返工o個陣時，lunch 都經常來這兒，最喜愛它的咖喱海鮮撈檬同無骨酸辣鳳爪，仲有豬肉生菜包同蔗蝦都好好味o架。

相信已經轉過幾次手﹐唔知換過幾多次廚師同老闆了﹐我十幾年前已經有幫襯開。。如果要我老實講﹐係越黎越唔抵食﹐而且做做下好似乜都有得食﹐而以前的永珍係好堅持只賣越南菜的。當年個咖喱雞飯同沙嗲牛肉粉係我的至愛﹐但今日再食﹐除左餐廳個名﹐我真係諗唔到同以前永珍有咩相同之處﹐連價錢都貴左唔少。。。經常懷念過去﹐好難食得開心。不過就算無加入對以前永珍的感覺感情﹐當係一間新店黎幫襯﹐也只能夠算係不過不失﹐但的確係不太抵食。服務一般﹐唔忙的時候就幾好﹐忙的時候當你透明。。。我試過繁忙時間追一碟未上的扎肉飯﹐竟然追左3次﹐3次都叫我等陣先。不如叫我埋單先啦﹐哈。

海鮮炒粉絲($49) - 我淨係食到佢d黑椒~海蜇扎肉- 一般, 海蜇唔夠爽~越南滴漏咖啡- ok~ 食物一般, 但好彩唔多油~ 因為今次無order正宗越南o野食, 所以都係俾笑面~另外冷氣太勁~

這裡的咖哩牛腩飯好夠味又好大碟, 但唔太辣, 是覺得它好香. 軟蟹好特別,而且也很有碟. 二人吃完二碟都覺得好飽, 都好抵食. 而且坐好耐都唔趕你走.不過有時有人食煙, o的抽氣就唔多得.