榮發茶餐廳

Open Now

Now Closed

叫個外賣啦，態度惡劣，下午茶炒飯外賣+凍飲$49！正常啦！呢一區，一打開，嘩，牛肉炒飯？定牛肉碎炒飯，仔細搵先勉強搵到一粒，量小都唔緊要，甘樣偷工減料法，真係第一次見，如不想中伏，勿進

食品用料上乘，烹調非常美味。早餐F餐鮑魚雞絲麵、腸仔蛋是大眾首選！奶茶和咖啡都很好👍咖啡更有即磨咖啡及多款選擇！下午茶星期一至星期日都有供應，炒貴刁和干炒牛河是天后食坊其他餐廳都沒有供應，好味👍午餐有多款選擇，我就很喜歡吃蒸肉餅！😊我煮不到這麼好吃！這裡座位也舒服，但是有時也要排隊！這裡的服務和招呼一流，普通話說得幾流利，英語也難不倒他們呢！我眼見他們對旅客也很有禮貎，幫助他們處理好行李，所以很早就有旅客吃早餐。早上七時開始營業。

今日行行下行到去天后，諗住又熱又累就找間茶餐廳食下tea，入到去見d茶餐都賣成40幾元，諗住都有午餐份量啦，點知第一樣黎就係豬扒炒公仔麵，份量少到呢！之後就到焗肉醬螺絲粉，睇落完全似無焗過，撈就差唔多，重要d粉又係小到阿媽都唔認得，最後都係剩返d醬係到！重要間野冷氣完全唔夠，我懷疑佢只開門口個部，因為我坐裡面完全feel唔到有冷氣！之後出去重要篤魚蛋，唉！這間真係食過一次就夠晒數，唔會再有下次囉！

行完年宵係附近搵飯食，好多食店門外都要排長龍，友人實在太攰...係為左要坐低而唔係食野，於是我地分散投資，幾間鋪頭都排隊！！呢間茶餐廳都等左大概十分鐘...明明門口有5個快餐，入去坐低發現得番兩個揀：粟米肉粒火腿&魚香茄子飯...隨便之下就叫左魚香茄子...$52一個跟湯或熱飲...野食上枱...超級頹廢同傷心...羅宋湯：味道偏酸，得椰菜同紅蘿蔔...魚香茄子飯：：茄子少得可憐：得4-5舊；飯都算少：一個平碗（男仔應該唔夠食）...但食到有少量鹹魚香，算係真材實料？！總括黎講：：無下次！😑

係附近做完野 隨意搵間茶記坐低 無諗過呢區D野貴到咁 栗米斑塊加杯凍檸茶都53蚊味道無咩特別 一般茶記貸色 唔食佢D lunch Menu 可以有炒粉面飯 不過去到70蚊 ...唔知點解可以咁貴 無打算俾呢個錢去試只能嘆一句 唔休做 貴到咁食D 咁普通既野 50蚊一樣坐到爆哂唯一對間野有印象 係收錢果個阿叔幾有禮貌 都算有D 安慰

唔休做--未必話佢唔好。實際上早餐食物幾好，太陽蛋煎得剛好，麵都煮得幾好。但論價錢，應該係高價錢茶餐廳。唔休做係話甘高價錢既早餐，你想食係要排隊！地方擠迫，又好生意，廚房又做唔切，價錢又貴，仲要排隊，甘係咪唔休做？

4大人2小朋友2BB，一坐下有的忙著幫小朋友抹汗穿外套，有的忙著開奶俾BB，所以選好餐的先選，怎料餐廳老闆有態度的說每位最低消費$15，還限定每人一個餐，難道他看不到大人們在忙嗎？不是不點餐，是未點而已。我們一行八人，坐在六人枱，點了6個餐，老闆一直跟侍應投訴我們，不斷說話單打，話我們沒規舉，一個1歲一個3歲一個9歲一個10歲，難道小朋友都要各自點一個餐？不是因為小朋友，我們都擠不進六人枱，我們邊吃，侍應就急不及待收逐隻杯逐隻碟逐隻碗收，甚至企在枱邊面向我們，眼神像是催趕我們離開，全枱只剩下3歲小朋友未吃完，都只有2啖而已，我忍不住說，小朋友催不來，為甚麼要俾態度？欵似老闆娘臭著嘴臉回應，話佢唔係望我們，係等佢身後客人落單，等客落單難道要背著客人嗎？溫馨建議店主派員在店門站岡，每當客人進餐廳前先聲明：【每人最低消費$15】兼【每人限速10分鐘】，否則不准內進!

週日和細周生到天后打網球，順道在附近榮發餐廳享用早餐。早餐單價三十餘元起，不算便宜。 這份茄汁豆煎蛋德國腸多士賣相不算特別吸引，但煎蛋及德國腸皆比預期香口美味。多士選用厚身麵包，牛油塗抹均勻認真。炒蛋煎腸做得更好，炒蛋食感嫩滑，煎腸帶有兒時風味。 鮑魚雞絲麵轉出前一丁要加 $4，明顯貴了少許。麵食亮點不在鮑魚雞絲上，而是重味香口的麻油。丁麵選材餐廳版本，食味雖不及家用版，但總比一般公仔麵好。熱奶茶水準有茶記應有的味道，令人滿意。整體而言，榮發的早餐表現比預期理想，是週日早點的新落腳點。

今日咁岩係天后做野，LUNCH出左去食，本來諗住但係天氣咁鬼熱，跟行下行下就見到呢間茶記，心諗咁鬼熱費事再搵地方，於是就即刻入左去，叫左個蒜蓉汁牛扒飯，唉，點知真係唔得囉，可能因為成本加左，個飯量嘅比較細我都可以接受，但係個汁同塊牛扒真係唔得，個汁好似凝固體咁，食落口味又怪怪地。跟住塊扒仲正，完全咬唔開嘅，搞到我LUNCH俾左40蚊出黎完全唔飽囉。。。

返工又叫外賣,今次都係食榮發。我同埋同事好多時候都係揀依間，因為選擇夠多!今日揀左福建炒飯。配料有蟹柳粒冬菇，菜粒等但燒肉粒無味，不過夠多汁撈飯都唔錯既！配紅湯。媽媽平時少煲羅宋湯，中湯就成日飲，所以出街食飯我會選紅湯！餐飲揀熱咖啡，榮發既咖啡要推介真係唔錯，夠香濃！食飽飽又開工

lunch time 叫外賣係公司食！今日叫左個雪菜肉絲炆米午餐，跟湯同飲品。 跟餐揀左羅宋湯同凍咖啡。羅宋湯帶少少酸同辣辣地幾開胃,今次咖啡比平時濃好飲！而雪菜肉絲炆米色水幾靚但就淡而無味,肉絲得幾條雪菜又少一般般啦

星期日的下午，天氣涼爽，沒有把在下熱融，只是在下與親愛的由灣仔一直行，行到天后，才覺得有點汗和口渴，心想找間餐廳坐下來喝杯水。榮發餐廳是在下第二次的來，上次是晚飯時間，今次卻是下午茶時間。餐廳是一般的茶餐廳特別的是由一位天主教教友開設的，因此有點親切感吧，因為大家都是教友麻。在接近六時，店員告知下午茶時間快到，要點的就快一點，於是便點來一個套餐，點完後，便瞬即停止。奶醬豬仔包。現今的豬仔包呈現圓形，與在下以前吃過的長長的豬仔包大有分別。這個豬仔包加添了花生醬，煉奶則由在下自己一手一腳加上，要幾多加幾多，最後就是加到幾乎飽滿漏出來。豬仔包是脆的，加上奶醬後，食味增加了不少，甜甜的也有花生的香味。菠蘿冰。從來沒有吃過菠蘿冰，佰今次卻破了紀錄的吃了。水加上了糖水，甜甜的，菠蘿當然用上了罐頭菠蘿，食味當然沒有新鮮菠蘿的甜味，但是依然是有的，只是沒有了菠蘿原本的霸道甜味。紅豆冰是親愛的飲品，奶水加上紅豆固然吸引，也有嚼勁，可是這一杯紅豆的味道，在下也沒有吃過，不知道是否好吃呢！不過親愛的告訴在下，因為有奶，所以把整杯都吃了。吃過下午茶，便要歸家了，要準備明天的工作呢！

是日星期6朝早，同嗲哋媽咪婆婆特別啲唔去飲茶，去食茶餐廳！行到黎呢度，見到坐滿人，都心知不妙了。餐廳有位男士指左我地分散坐係唔同枱，十分奇怪。當我正諗住算數，去返飲茶既時候，聽到原來會係拜託緊其他食客，幫幫手調一調位，騰空左一張枱比我地。佢呢個動作真係好窩心，依家仲邊有人肯咁幫人，就算平時搭飛機，啲空姐都唔一定會主動幫你問人調位。呢間細細既茶餐廳，收係20，30蚊一份早餐，仲比到呢種受尊重同屋企既感覺你！好抵讚！我叫左早餐A，火腿通粉，炒雙蛋同牛油方包，飲凍檸茶。先講下個通粉，通粉質地麻麻地，有點硬，勝在夠熱，火腿絲都唔少。炒蛋做得夠滑，但略嫌有啲細份。我杯凍檸茶，黎既時候有條公仔面，我叫佢埋黎，話想換過杯，講都未講點解，佢亦都冇問，就大叫水吧整過杯出黎比我！佢呢份心，補返晒呢度所有既不足。佢呢份心，令到我地食呢一餐加晒分！非常抵讚！

約左女友食 tea, 點知行黎行去，搵左幾間都冇 tea 食，最後揀左榮發。我地叫左一個豬扒蛋湯麵，同一份煙肉炒蛋白多士。個豬扒蛋湯麵都算 ok, 湯都有味道，係麵質稍軟。但係個煙肉炒蛋白多士就有點令人失望了，個名咁長仲諗住佢好勁，黎到時個樣已經打個突，得細細塊炒蛋白同埋兩塊同樣的式嘅多士仔。先食塊多士，都焗得幾均勻，味道還好，係唔夠脆唔夠厚同唔夠熱咁啫。個煙肉炒蛋白就麻煩了，太多油，唔夠滑，同埋太少煙肉了特別一提，隔離枱果兩母女食完野就咁走左，冇俾到錢囉, 真係嚇死人。

這一天的早上，太早過海了，離上班時間還有個多小時，我決定早一個站下車，在天后附近找找有什麼好地方食早餐。在天后，始於不是純商業區，要大清早前來上班的人不多，滿是食肆的小區大多都只注重夜市的生意而非早、午市。所以，一大清早，在該區內找一家令我覺得有興趣去入的茶餐廳，感覺真不容易。行走在電氣道，沒什麼滿意的收穫，只好隨便找一家茶餐廳入去看看，而我就選擇了似是非大型連鎖的《榮發餐廳》。這是平凡的一個早上，早餐，也以平凡的角度去選擇。是日就同平時一樣，我要了一個雞扒蛋麵。這一個麵，絕對絕等地普通，簡單的大光麵，沒有味道的湯底，沒有味道的雞扒，半熟黃的煎蛋，平凡得不用再多加評語，一切都是平凡與普通。奶茶，色水不錯，也夠濃，但不夠滑口，不過奶味夠也是一個令人滿意的感覺。平平凡凡的一個早餐，也開始不平凡的一天工作。