榮記茶餐室

Open Now

Now Closed

以前食煲仔飯，會去太子廟街。但係廟街的質素，都每況月下。不過，今次聽聞，係慈雲山有間茶餐廳，好出名食煲仔飯，所以四個人就一齊去搵煲仔記～～一黎到，都等咗一輪位。好多人，我哋算早，所以無話等好耐。但走既時候睇到，條人龍好勁！呢度既招牌煲仔飯之一。就係流浮山金蠔拼蝦干煲仔飯。哇！堅係流浮山金蠔喎！真係大大隻名不虛傳！蠔味濃郁，而且配上特別大隻的蝦干，蝦味濃而且配上金蠔個味，食起上黎更加鮮！呢個豉汁白鱔煲仔飯，係老婆至愛，佢就最鐘意食白鱔了！肥美的白鱔，加上夠晒味的豉汁。配上微焦的飯焦，又香又軟又脆，食起上黎好回味。而飯香內更滲有白鱔的油香！另一名菜，邪惡芝士煲仔飯，唔好心急住，食既時候要打返隻雞蛋！然後，用上煲仔飯的熱度，再將蛋及芝士溝勻。咁就變成了好邪惡，又可以拉到絲的煲仔飯！芝士控就一定唔可以錯過。用上幾款芝士，食起上黎更有層次。而且啊，仲有蛋香以及煙肉碎，更加有咸香感～

天氣熱還熱，但我家食飯是不分秋冬的。。。老媽子一句:「我要食煲仔飯！」星期五晚，我就拋夫棄子，放工又去慈雲山榮記茶餐室開飯~~~（雖然慈雲山真係唔就腳🙈🙈🙈）一行6人加個小朋友，叫4個煲，再叫個炒菜。茶記嘅裝修，但內有乾坤。嚟到，只為食邪惡煲仔飯！流浮山金蠔蝦乾煲仔飯金蠔同蝦乾超超超超好食呀！！金蠔鮮味度勁高，蠔身飽滿。每一啖都係蠔香。用煲仔飯嘅煮法都唔會煲乾金蠔，咬時還有蠔汁慢慢滲出。飯底有蠔汁同蝦香，勁正。記住上枱時焗耐d，咁先有飯焦！我一個人食咗半煲！！！(所以我地叫左2個 XDDD)四川麻辣牛肉煲仔飯估唔到可以變煲仔飯。充滿麻香，入口唔辣但愈食愈辣，會食上癮。我同妹夫2個食得辣之人KO咗大半~牛肉唔鞋，真係估唔到。潤腸滑雞煲仔飯我飽到發棄咗，但我爸話好食！同埋話滑雞堅滑~ (我忍唔住笑咗，GAG來的嗎？XDDD)全家人都話好滿足！好飽！專登嚟食都絕對值得！！拍得住15年前嘅九龍城添樂園。超級回味，下次我要同老公再去！

芝士煲仔飯$68芝士撈一丁$45呢間慈雲山的茶餐廳之前就因為佢地既芝士煲仔飯爆紅，雖然慈雲山毓華街餐廳林立但係我地真係絕少來慈雲山食飯，不過今次都係敵不過芝士煲仔飯的誘惑來左試下～除了芝士飯之外，呢度仲有好多款煲仔飯，但係我地目標明確，當然點了芝士煲仔飯，另外仲要個芝士撈丁。芝士煲仔飯可選餐肉、雞肉或牛肉，我地就揀左餐肉。煲仔飯等候時間會耐d，我地大約等左半個鐘，熱辣辣的芝士煲仔飯芝士份量都唔少，所以非常拉絲，芝士控絕對收貨。除了芝士同埋我地揀的餐肉外，仲有粟米粒同埋火腿絲，食落很creamy有芝士的鹹香，但就有點偏鹹，不過都係接受到的程度。雖然芝士煲仔飯係一個幾特別得combination但整體感覺其實同芝士焗飯差不多，不過製法就確確實實係煲仔飯的傳統做法，只係份量比較少$68一個唔算好抵食，不過好似我地咁係芝士控的話都值得試試～

今天第一次去食，大囡大讚芝士㷛仔飯好味、芝士撈丁個汁一流，雞翼皮脆入味。而且他們也十分親切，二哥還細心地介紹金蠔蝦乾和麥提沙西多比我們，所以下次會再去幫襯和介紹給朋友。

一開始以為係平平無奇既普通茶餐廳. 但係見到有好多既款式都好特別. 所以就坐低試試了. 一開始最特別的是芝士午餐肉煲仔飯. 最特驚喜 . 成煲都係芝士. 好岩芝士控. 認加多隻雞蛋打落去啲飯會比較滑. 真係一試難忘. 到最後甜品麥提沙多士係最出名. 西多士係即叫即炸. 麥提沙醬都唔會話太甜. 最驚喜係有粒粒係入面. 呢間茶餐廳值得推介. 價錢優惠又特別最特別一試就係甜品及煲仔飯. 仲有一個特別就係麻辣雞煲仔飯. 唔太辣，以及好香麻辣味. 好香飯蕉都好好味

睇雜誌介紹呢間特色煲仔飯小店，一於黎試下，剛好晚飯時間，等左5分鐘左右就有位，叫左2個梅菜肉餅飯同麻辣雞煲飯，2煲飯一齊上時候，有陣好香瓦煲味，落埋豉油，梅菜同麻辣味勁出，食哂啲飯，仲有飯焦，吸引哂所有精華，脆卜卜勁好味 。

有多款煲仔飯選擇, 而且款式有點新穎..有芝士煲仔飯、金蠔蝦乾..等, 選擇困難症既我最後選了金蠔蝦乾煲仔飯同四川麻辣煲仔飯~等了一會, 金蠔蝦乾煲仔飯熱辣辣上枱, 香氣迫人~打開蓋看見3大隻金蠔及滿滿的蝦乾, 都挺足料!伙記教路先將金蠔取開,將飯同蝦乾拌勻~果然每啖飯入口帶咸香, 香得來帶鮮~更佈滿飯焦, 飯焦易取不黏底, 咸香配上脆卜卜飯焦口感 , 正!  平時不太沾飯氣的我差不多吃掉一整煲..XD四川麻辣煲仔飯 , 可以揀牛肉或雞肉, 點了雞肉~係譚仔食開3小辣既我覺得辣得好過癮 ,雞肉入味..辣得來雞肉保持滑嫩~不需再添加醬油  , 味道有點似水煮魚的辣 ,刺激味蕾!

作為芝士控當然要去試試呢排大熱既邪惡芝士煲仔飯!!!山長水遠走左慈雲山就係為左佢~~~邪惡芝士煲仔飯 (HK$68) 可以自選牛, 雞或餐肉~個人覺得餐肉比較搭配, 另外加蛋 +HK$5, 聽講食落口感會更滑, 就試試吧!!上台後老板建議先食呢個, 超香既芝士味, 加入蛋後攪勻就食得。飯裡面原來仲加左洋葱粒, 粟米同煙肉碎;芝士就用左水牛芝士及車打芝士混合, 完全做到拉絲既效果, 真係呃LIKE 一流!食落就D 似意大利飯咁, 芝士味濃而不膩, 加埋蛋令飯底更滑~估唔到同煲仔飯會夾得到, 食到最後仲有飯焦, 真係好邪惡!!另外仲叫左個火焰玫瑰肥牛煲仔飯 (HK$128)佢地係用九龍城李輝記既牛, 砌成玫瑰花形狀, 再即場加入Rum酒點火燒熟;外貌夠哂靚, 食落都開心D~~帶有微微既酒香, 加埋煲仔飯豉汁估唔到都搭配喎!肥牛嫩且不老, 果然係出名既靚肥牛黎!

早排同三五好友約埋一齊係慈雲山打波，打到肚餓見附近有間岩岩上完雜誌既餐廳有煲仔飯，就走左去試下傳統既煲仔飯會用一啲有肉汁或者用一啲油份比較重既食材做配餸，令飯吸收表面既香味，令整煲成為一體。而呢到比較特別，用麻辣牛肉做配餸，啫辣既我一見到即刻order，因為煲仔飯係要等架！大概20至25分鐘左右就上枱，上枱時有麻辣味滲出黎，我即刻加豉油再焗5分鐘，令煲底有飯焦食落小小辣，牛肉尚嫩滑，而飯吸到小小麻辣味，但如果可以係飯到加小小功夫，令成煲更加有一體感就更好。

銅鑼灣有間榮記，買嘅係美味車仔麵，佢嘅麻辣出名，雞翼尖出名，墨魚頭朱紅等等都好出名。我呢啲港島人，一聽到榮記呢兩個字就覺得係好嘢！呢日嚟到慈雲山，同朋友來食榮記，原來佢係慈雲山嘅其中一間棘手可熱的餐廳，將傳統嘅煲仔飯配合新形象，帶來潮流新鮮感。當然食佢嘅招牌蝦乾金蠔煲仔飯，用上飽滿金黃的金蠔，以及美味嘅蝦乾，分量足夠鋪滿成個煲仔飯嘅蓋面。金豪好味非常，鮮而不搶，配上我向來特別喜歡嘅大蝦乾，鹹香味十足。另外一個點左最新推出嘅鵝肝鰻魚煲仔飯，呢個煲仔飯呢就唔使落煲仔飯豉油嘅，本身已經調教左襯到鵝肝同埋鰻魚嘅甜豉油醬汁，最佳食法就係將鵝肝同埋鰻魚混喺飯，就能夠突出到鰻魚同鵝肝嘅鮮味，同時將鵝肝嘅油份參落飯裏面。令到個飯更加香！呢一個咁創新嘅煲仔飯實屬罕有，價錢係比較貴一點，但值得食架！我欣賞嘅係煲仔飯叫飯焦，香脆美味，能夠做得咁剛剛好嘅飯焦都係廚師嘅功夫！唔怪得榮記成為其中一間受歡迎嘅餐廳，令我對"榮記就係好嘢食" 呢個感覺更加深刻！

天氣又凍返, 所以突然煲仔飯癮起~~記得朋友介紹過呢排大熱既茶餐室有得食煲仔飯；咁岩去開九龍塘睇戲, 就上去試一試啦!!!外貌係一間懷舊既茶餐室, 估唔到見到有幾款新派既煲仔飯；而且都坐滿客人, 睇黎大家都係為左個邪惡芝士煲仔飯而來 (都幾多人叫喎)一黎到我就比呢個【流浮山金蠔蝦乾煲仔飯】吸引左~~傳統瓦煲煲仔飯, 熱辣辣上台!!!飯上面放有3隻金黃又脹卜卜既金蠔；仲有一堆勁香既蝦乾鋪滿飯面, 隻隻蝦乾都又大隻架!!老板仲教先將金蠔放開, 將蝦乾跟飯及豉油拌勻先食味道會更好"*果然, 蝦乾及金蠔既鹹香味已經滲哂入飯底~~每啖都有蝦乾既味道, 最重要既係佢有脆脆既飯焦；好容易就刮到出黎, 食完真係會愛上!!朋友就叫左個豉汁白鱔煲仔飯~~成個飯面都鋪滿白鱔片, 數落都有成6-7舊, 都幾多下喎!!加入煲仔飯豉油再焗佢一陣就食得"*肥美既白鱔片配埋豉汁既味道已經滲入飯裡；就連Ｄ豆豉都好好味, 用黎送飯一流~~同樣有埋脆卜卜既飯焦, 鐘意食白鱔既一定要點!!而且呢度既煲仔飯餐會跟埋每日例湯：係老火湯黎架, 日日唔同, 夠哂火喉"*

邪惡芝士煲仔飯 ($68)-前排好Hit嘅芝士煲仔飯，一向係潮流尾端既司令終於去試咗喇😂。煲仔飯嘅配料可以揀牛肉🐮、雞肉🐔或者餐肉🐷，司令就揀咗最穩陣嘅餐肉，因為同芝士個感覺最夾。煲仔飯用咗mozzarella cheese 🧀同 cheddar cheese🧀，個飯上到枱撈兩撈，就好容易做到拉絲嘅效果，拉到上二樓都無問題😂。配料仲有洋蔥、粟米同少少煙肉絲，撈埋之後其實個感覺都幾似啲韓式炒飯。芝士味好濃，係幾好食嘅，不過食到最尾會有少少漏，建議同人share一齊食會好啲。整體又未算話格格不入嘅🤔，但係食嘅時候唔會有一種食緊煲仔飯嘅感覺，司令都係鐘情傳統嘅。-因為係即叫即煲，所以落單之後要等好耐，司令當日等左超過30分先有得食😂，去食嘅朋友記住要俾啲耐性。

我屋企附近（都要行十多分鐘）、位於慈雲山的榮記茶餐室本來無甚特別，有人話此店做得唔錯既芝士撈丁，我便覺普通。不過沒幫襯一段時間後，最近經過，發現此店近期晚市因煲仔飯而變得十分旺場，店主（據報是太子爺）更設計了一些加入芝士、或麻辣等新派口味，令人喜出望外。不過，我這種愛傳統口味的人，還是喜歡這款銀魚乾蝦乾煲仔飯，雖然海味可能浸得唔夠時間，焗完後乾身了點，但製成品仍充滿海洋的氣息，最欣賞個飯焦更是剛剛好，唔會有太燶底的情況，整體來說分數頗高！

見電視雜誌吹得咁行, 身為香港人梗係要追風啦 本身都好鍾意芝士乜乜乜既我地, 特登山長水遠去試下個芝士煲仔飯有幾邪惡.夜晚八點半左右到, 好多人排, 老闆娘講明要等既, 大家食得煲仔飯都知唔係炒個飯咁簡單, 都預左要等既.所以見有人聽到要等半個鐘就走左.我呢D咁有誠意既梗係食唔到毋寧死就因為有人走左, 所以好快到我地.Order左三個招牌煲仔飯1. 芝士煲仔飯 $682. 流浮山金蠔蝦乾煲仔飯 $1283. 火焰玫瑰肥牛煲仔飯 $128個芝士d味好濃, 但又唔漏, 一落場半分鐘比我地三隻餓狗清哂就知幾好食 !之後到金蠔蝦乾, 可能我地仲年青人口味, 感受唔到雜誌講到D蠔有幾貴haha 不過個飯焦係特別好食最後到玫瑰肥牛, 見老闆灑聖水咁落D牛肉到, 再點聖火果刻真係嘩左出黎, 好有睇頭喎哈哈個肥牛睇落去得D肥牛加飯, 以為好DRY,  平時同韌既食物講拜拜既友人, 今次佢算係相當驚喜. 因為D牛唔乾唔韌, 仲好香牛肉味, 真係阿婆都食得對於全新界區既我地係遠左少少, 不過下次食煲仔飯就會諗起呢到 !  U WIN!

本來為了邪惡芝士煲仔飯而來，結果最後還是敵不過傳統煲仔飯的味道。好足料，飯焦香脆!! 讚! 仲有服務態度超好!! 佢地仲會幫客人睇車。眼見隔離個個食芝士煲仔飯，真係好邪惡，一大堆芝士響飯上面。