榮記茶餐室

Open Now

Now Closed

宇宙最強煲仔飯🤤～～～～～～～～～～～～～～～～～～秋意來了！又到左食煲仔飯嘅季節，煲仔飯最緊要飯夠乾身同料靚，依間歷史悠久嘅茶餐室就做足，傳統又得，新穎亦得。邪惡芝士煲仔飯配雞肉加窩蛋（$73）色香味俱全，飯面係水牛及車打芝士拉絲拉到傻左，雖然係芝士，但唔會膩，原因係加左洋蔥同粟米，加左窩蛋令成個飯更滑身。流浮山金蠔拼蝦乾煲仔飯（$133）茶餐室嘅招牌菜，正中出產於流浮山嘅金蠔，蝦乾帶蝦嘅鮮味北菇滑雞加臘腸（$73）北菇可以香D，滑雞唔算好滑，臘腸半肥瘦。炸雞中翼（3隻）（$26）有童年回憶，雞中翼有懷鹽味，一定要趁熱食，脆得黎唔會滴油。話梅檸廉老闆推介就試下，話梅大大粒肉，加埋檸檬，本來係好酸，但加左好甜嘅忌廉，剛剛好。～～～～～～～～～～～～～～～～～～

慈雲山食肆林立，特別係夜晚，好似個小夜巿咁。今年平安夜無出去逼無出去倒數，反而來一間茶餐室，試試佢遠近馳名的煲仔飯。太多選擇，揀左好耐揀左火焰玫瑰肥牛煲仔飯同邪惡芝士煲仔飯，因為即叫即整，都等左好耐，差唔多45分鐘，好在我地都過哂繁忙時間先黎~先上邪惡芝士煲仔飯，我地揀左配雞肉，一黎到果陣，D芝士多到鋪滿哂個飯，仲要好平滑，好似水蛋咁~出手攪均先食，D芝士多到聞都聞到好濃郁，食落粒粒飯都有，不過雞肉就無乜太大作用，因為已經俾芝士搶哂風頭。之後就上招牌飯火焰玫瑰肥牛煲仔飯，顧名思義，D肥牛排到好似玫瑰花咁，一上枱就有伙計即刻淋上玫瑰露酒點火，好勁抽，之後又係要攪均先食，D牛肉唔會老，好好味，但D酒味就略重左D~最後都係提下大家，要食煲仔飯就要預時間，依間唔同普通茶餐廳，要等位等食嫁~

小編呢d麻甩系女子 每逢冬天都必定會周圍朝聖唔同店家既煲仔飯! 之前見到電視介紹呢間有金蠔煲仔飯食既舖頭 好似好正咁 即刻忍唔住要黎朝聖!流浮山金蠔拼蝦乾煲仔飯（$128）（9.5/10）煲仔飯材料真係超多 三隻金蠔大大隻好飽滿 而且好鮮味多汁 果然係流浮山既名物~蝦乾份量亦都好多 且質素好好 鹹香味滲透整個煲仔飯! 除左材料正 佢個飯底都整得不錯 飯夠乾身 飯焦可以整個鏟起 脆卜卜架! 唔知點解 覺得佢個豉油都好正 唔會太濃味 但係好香 而且唔洗落得多已經帶得出個煲仔飯既香邪惡芝士雞肉煲仔飯（$68）（8/10）呢個芝士煲仔飯真係同個名一樣咁邪惡呀 入面有車打同水牛芝士 份量超多 拉絲冇難度呀! 芝士既鹹香同飯焦好夾 再加埋雞肉 粟米 同洋蔥粒 仲有畫龍點睛既煙肉碎 加隻蛋就更加香 感覺其實有d似焗飯~ 不過因為真係好多芝士 一個人食會比較滯 兩個人share會好d

同美女們的聚會竟然食佬野😂不過食煲仔飯的確好配合個日凍到傻嘅天氣當日美女已經早到 但都好多人排隊等左十五二十分鐘後終於入得叫左三個煲仔飯 然後起碼等多三十分鐘先有第一個黎嘅係#邪惡芝士煲仔飯 ($68)店員叫我地加隻蛋蛋 我地當然話好😛有雞肉餐肉同牛肉 撈埋芝士味道同平時食韓國嘅芝士飯差唔多咁嘅價錢其實都可以一試的🤗之後愛吃潤腸的美女點了#潤腸排骨飯 ($65)唔係個個都接受到潤腸咁粉 但我ok的🤫最後就是美美的#火焰玫瑰肥牛煲仔飯 ($128)這個飯是真的會著火🔥 因爲有玫瑰酒強烈的酒味令我食左一啖仔就好似醉左🤣________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

話說之前一直對煲仔飯無特別大喜好.. 但係試完呢間既煲仔飯之後 我成日都話要食!___!原本無諗住打食評.... 所以無影到餐室環境相...其實就係位於慈雲山一間馬路旁邊 格局同一般茶記無分別既茶餐室黎!  一樣有供應茶記要有既食物... 但多左既係好多唔同款既煲仔飯!*我地大約晚上6:45到達餐室, 大約7:15入座**落左單之後大約要等45分鐘先有得食即叫即製 製作需時... 趕時間既朋友千其唔好黎食 芝士控要失控的邪惡芝士煲仔飯$68 (可選配雞肉餐肉或牛肉)我地揀左配雞肉, 再另+$5加窩蛋芝士陣香味一放落黎已經聞到啦~上枱之後由食客自行將芝士同飯撈埋一齊~ 但由於我地幾個都想影相XD 就搵左員工幫手啦,, 唔好睇佢地粗聲粗氣咁 其實都好樂意幫忙架! : )  本身以為會好漏 但竟然唔會呀, 而且d芝士真係痴滿晒落飯粒度非常香同好味呀😋😋至於窩蛋...下次可以唔加XD 食唔出有而雞肉就略嫌份量少左d.... 下次想試下配餐肉呢 應該會幾夾下 火焰玫瑰肥牛煲仔飯$128呢個係全店最貴既煲仔飯款之一 (另一款係金蠔蝦干煲仔飯~)堆到好似玫瑰花既係牛頸脊, 一上枱就即刻淋上

唸住情人節食煲仔飯，山長水遠坐的士上黎，一入去見到咁岩坐卡位既兩個人走，唸住坐過去，點知，侍應同我講兩個人唔可以坐，因為卡位係四個人，咁我就坐去四人枱到，過左無幾耐，我見到侍應比兩個人坐個卡位（相），其實張枱只可以坐兩個人，所以我唸唔明點解要唔比我坐，坐低落order,等左1個鐘左右先上金蠔煲仔飯，可惜味道麻麻，同原本期望好唔同，下次唔會再專登上黎食，同埋要迫住咁坐（連行路既通道都無，凳與凳之間係同人貼住）而且衛生環境有d差，通風系統

流浮山金蠔拼蝦乾煲仔飯🍲🥢第一次見呢個咁新穎嘅配搭一打開蓋，估唔到咁大隻😍(本身仲以為圖片只供參考🤣)其實我第一次食流浮山金蠔蠔身好飽滿，蠔味好濃好鮮好香真係好正呀🤤😋 (正到唔捨得食)蝦乾大條得黎又好鮮味🤤就咁食啲料已經好滿足😍(不過總覺得煲仔飯係應該要有臘腸同潤腸先至係perfect)講下個飯先，個飯真心好食，好乾身，仲有好多飯焦，脆得黎又唔黏牙，完全係岩岩好😍個煲仔飯豉油比平時個啲杰身少少，同埋甜少少，岩哂我(煲仔飯豉油係要甜啲先好味🤤)。。。。。。。。。。。。。。。。潤腸滑雞煲仔飯 (+臘腸)一打開蓋，勁香呀😍😍😍臘腸唔肥唔瘦岩岩好，仲好香添，好味呀😋 不過都唔及潤腸正，呢到嘅潤腸勁香，勁潤呀，就好似將啲潤塞滿整個口咁🤤，因為好潤嘅關係，我地將條潤腸命名為”The King of 潤腸”😂😂😂 而雞亦都好滑，呢三樣加埋一齊令到個飯好香好香，真心推薦👍🏻👍🏻👍🏻雖然慈雲山唔係好方便，不過為左呢間嘅煲仔飯，一定會再去😋😋😋

天氣咁凍，識食一定揀d暖粒粒熱辣辣既野食🤗 今日突然諗起一間以前去過但試唔到既褒仔飯飯飯🍚 就係位於慈雲山既榮記👏🏻 上去去到門口都無得食勁失望，因為佢星期六日係無褒仔飯供應咖！大家要記住！ 佢有咩咁出名？就係極邪惡既芝士褒仔飯🧀 芝士褒仔飯可以自己揀肉配，有牛肉，午餐肉等等揀，我地揀左牛肉，原來佢既牛肉係牛肉碎，並唔係一片片既牛肉，肉碎份量比較少，但味道係夾既。嗌芝士褒仔飯既時候，姐姐會介紹大家加蛋🍳，話會香d，都係既，芝士加上蛋味道真係唔錯🤤 但大家要注意，芝士褒仔飯會比較濕，飯會較林，有少少似食緊risotto，唔中意一pad pad口感既你未必會中意。佢既芝士係可以做到拉絲效果，食起上黎會比較滯，建意可以share食，唔好咁傻豬個個都嗌芝士😂我地仲嗌多左個流浮山銀魚拼蝦乾褒仔食，聽個名太勁😂😂 呢款褒仔飯相對地會較芝士個個清淡，可以中和翻🤨 銀魚同蝦乾都好香🤤 不過略嚴有少少dry，始終無肉，下次再去會揀蝦乾拼金蠔或者拼肉。值得一讚既係，佢既褒仔飯係有飯焦嫁!!!!!!!!仲要真係脆卜卜的😍😍😍😍 而家外面太多褒仔飯無飯焦了😕 總結係絕對推介大家閒日夜晚 (午市不供應) 可

原來中午係無煲仔飯/芝士飯供應, 聽講早上/夜晚是2間唔同GE食肆? ANYWAY, 惟有點其他野食LA。滑蛋叉燒飯:  完全唔係滑蛋, 係蛋漿獻汁.... 仲係無乜味... 叉燒俾D 獻汁煮到林哂, 無哂果種燒蠟味.... 好彩叉燒都多, 同埋唔肥.. 不過個滑蛋真是唔係果回事。奶醬多: 夠脆多醬, OK。

點了芝士雞肉煲仔飯同埋窩蛋牛肉飯❤️芝士雞肉煲仔飯：芝士味濃而不太膩，讚👍🏻窩蛋牛肉飯：牛肉好味，配合半熟蛋好正👍🏻唯一係等得太耐，由等位至煲仔飯送到足足一個鐘先有得食，只能夠話好食既野係要時間等😆😆

超級崩潰的煲仔飯👼🏽🔫🔫等左3⃣0⃣分鐘入座，再等左6⃣5⃣分鐘既煲仔飯，係吖，係1⃣個鐘0⃣5⃣分鐘😭😭😭肚仔同個心都好煎熬好崩潰😭😭搭枱既人聽到我自言自語話等左咁耐都o左嘴😂其實未去前我都有心理準備要等，只不過估唔到耐得咁誇張😓坐低由未做愛回家開心速遞，到做左一半誇世代先有得食😭侍應姨姨後尾攞煲仔飯俾我地嗰個眼神👀有少少似義工派飯俾露宿者咁，好有愛❤🙆‍♂️😭 雖然等到我心力交瘁，食物質素黎講係好食的(個人覺得好過四季)，至於值唔值等咁耐就見人見智啦😅脆焦飯啱啱好，唔好焦到黑曬咬唔到，金蠔好香又大隻😋不過又咬蝦乾又咬飯焦，d牙都咪話唔攰😂豉油冇豉油味，問姨姨加多左好多都冇味🤔温馨提示🤗真係預會等好耐好耐好耐好有耐性既人先好去😂

今晚翻風都有啲涼意，忽然之間好想食啲暖胃野，諗起今個冬天有樣野想食好耐但一直未食，就係煲仔飯啦!! 咁啱呢間喺慈雲山嘅小店一直都想去試真係perfect池.叫得小店，鋪面當然唔太大，黎到都預左要等位，附近周圍都係食肆, 偏偏得呢間有一堆人排隊，睇黎都無揀錯.我地兩個人等位就唔係好耐，10分鐘左右啦，唔好以為入到鋪就贏左，一入到去就見到大大隻字寫住，繁忙時間煲仔飯要等30分鐘，即刻快快手揀左一個落左單先.最後足足等左45分鐘😩，等到一半我地都唔敢加單嗌第二個飯, 怕佢收鋪都未有得食______________________________🔹芝士煲仔飯 $68 (加蛋另加$5).芝士煲仔飯一聽就知係新式野啦，連食法都有啲唔同，諗到芝士+飯焦呢個組合，身為芝士控，我決定會一會佢.平時啲煲仔飯嚟到都最好冚一冚蓋，煲多啲飯焦出黎，但呢個芝士煲仔飯，店員一上台就叫我地即刻食.煲飯可以揀跟雞肉，餐肉或者牛肉，我地揀左雞肉，加$5可以加窩蛋. 本身煲飯就已經有粟米，煙肉粒係入面，同芝士好夾.原本想加埋臘腸，覺得煲仔飯要有臘腸先似樣，店員都好有堅持咁，話隻味同芝士煲仔飯唔夾，冇得咁樣加。好啦，諗諗下又

慈雲山這個地方原來有很多美食 這天朋友帶路說帶我去吃一家在慈雲山很出名的榮記茶餐廳 原來這家街坊茶記在慈雲山名氣很大 它自家製的新派煲仔飯最出名 朋友說一定要食他們家的招牌蝦乾金蠔煲仔飯 一打開真的被它的用料嚇了一跳，超大條的蝦乾加上肥美的金蠔 那鼓陣彈海味的香氣充斥著，鹹香味完全被米飯吸收 每一口都帶有海味的香味，加上脆脆的飯焦，美味非常 另外這裡也有生炸雞脾，全部即叫即炸 外皮炸得非常酥脆，肉質嫩滑多汁 炸得不油不膩，收乾油份，不會有油膩的感覺 很怕吃炸物的朋友，還可選擇可樂雞脾 以可樂醃浸再煮，雞肉吸收晒可樂的味道，帶有一點甜 加上他們自調的醬汁，味道豐富 梅菜扣肉也非常值得一試 梅菜鹹香度適中，根本不只是配菜那麼簡單 扣肉部份也令人有驚喜，豬皮很有膠原的嚼勁 肥瘦適中的五花腩，不油不膩，入口即化的口感，用來配飯一流

每隔一段時間，我就要食邪惡食物來減減壓。 得幾個人去食放題或打邊爐太毒吧，索性食中菜的邪惡之物！ 梅菜扣肉飯！ 想不到榮記也有好正嘅梅菜扣肉飯食！！ 味道很有失傳的大排檔FEEL，梅菜更是一絕，咸甜適中，很我隊了很多白飯！ 榮記的扣肉是肥瘦適中的，不會太肥。 心裡安慰了一點，大佬，我想減壓，又想減肥呀！ 侍應先生大概聽不到我的心聲，還推介我吃生炸雞脾及蒜蓉牛油雞翼。 ＯＫ囉！點JEI，照食囉！ 生炸雞脾 很久沒吃過生炸雞脾了！ 現在這世代，誰還有心情跟你慢慢生炸？ 大大隻的雞脾，雞皮炸得金黃香脆，但肉質依然很嫩。 味道跟小時候的一樣。好感動！ 是即叫即炸的，但值得等。 蒜蓉牛油雞翼 港式蒜蓉牛油雞翼，又幾好食WOW。 香脆可口，非常惹味！ 成晚邊食邪惡東西，一邊想，有得飲啤酒就更好了。

記得細個果陣去親茶餐廳食下午茶，媽媽總會叫炸雞髀薯條！以前雞髀多是生炸做法，但現在多間快餐店為了省時，已越來越少生炸～而這裡有生炸雞髀，就點一隻嘗嘗～上桌時熱辣辣，雞髀挺大隻，外皮炸得金黃！熟度掌握得挺好，入口雞皮香脆，外脆內嫩！這就像久違了的味道，令人勾起童年回憶～再配上樽裝可樂，整個童年出晒黎，總係覺得樽裝可樂係飲得過癮D！平時到越南餐廳一定會點蒜蓉牛油雞翼，想不到港式茶記都看得見！加上炸得金黃的蒜蓉一併食，入口富蒜香，香脆可口！惹味得令人食完一隻又一隻！看見隔鄰桌點的梅菜扣肉幾好味咁，又點一客～滿滿的梅菜蓋著扣肉，鹹鹹甜甜的梅菜用來送飯食一流～扣肉肥廋適中，岩晒想食又怕肥既女士們，減輕罪疚感XD食物整體不錯，而且價錢親民，屬平民美食！