榮式燒雞扒

Open Now

Now Closed

以前啱啱出嚟做嘢成日食榮式，貪佢份量夠又好味，價錢又平。最近幾份工附近都無榮式，所以都有一段時間無食。今日過開嚟見到food court 有，就食吓睇下係咪同以前一樣先。雞扒有2塊，以前都好似係，但印象中係厚身啲，另外口感亦都無咁好，可以因為薄身咗。味道都係一樣嘅，但就油咗啲，始終每間分店煮嘅都會有啲出入。飯嘅份量都無以前咁多，不過女仔嚟講都夠食嘅。如果下次嚟food court就未必會想食榮式，始終呢度仲有鰹烏冬、越南粉。

之前去過榮式雞扒的佐敦店，他們的雞扒及豬扒、牛扒都整得好食，唯一美中不足的是無法坐得太久，未能跟友人好好聊天，真的食完就要走。不過在逸東foodcourt內就無此問題， foodcourt無論環境及餐桌都坐得很舒適而且沒人會趕，慢慢品嚐美食後聊天最好。雞扒肉質保持嫩滑不乾身，而且好入味，幾乎不用加什麼醬汁，但今次最欣賞的是廚師將炒蛋整得好靚，仍留有蛋汁，入口好滑。

第一次食榮式雞扒是十多年前的灣仔，給我的感覺是快靚正，隨住不停加價，我光顧的次數反比例減少。直到光顧屯門店不禮貌對待，那就算了。今天又同肥師兄過來，在酒店food court 一個位置。點了鴛鴦雞扒飯（$63）+泰式奶茶（$12）=$75。都是我記憶中的貴。賣相及味道方面，除了雞扒好像細塊了，雞扒不是即煎/炸，已整好外一段時間外，其他都與記憶中相近。薄薄的煎雞扒很重黑椒味，上下兩面都煎得很香口，鹽酥雞扒不是台灣那款很厚粉那樣，一啖吃下去仍有肉汁。2款雞扒都有少少甜味。榮式雞扒另一款獨門武器就是每碟飯都跟一些蔥油和類似炸菜的配菜，與白飯是絕配。難得連鎖店都可以保持品質。肥師兄很愛吃他的鹽酥雞扒，但這間分店只可點鴛鴦雞扒飯，他很失望，之後去了賣章魚丸的買了個炒麵報復，仲說很關注自己身體重量，今晚不吃飯。

逸東 foodcourt進駐了榮式燒雞扒，因為之前在佐敦食超不好坐，但我老公很喜歡食榮式燒雞扒，得知逸東進駐後便立即來了。逸東 basement真的很舒適，位置很闊落，有別於一般 foodcourt. 榮式燒雞扒轉喇沙米粉+套餐 $111轉套餐後可配1款小食+飲品，我選了芝麻雞翼和熱情果梳打；喇沙湯米粉很入味，椰香味好濃郁！雞扒雖然很嫩滑但嫌太薄了，不夠咬口。 單點雞扒飯其實不貴，$59,如果不打算加點小食或飲品建議單點便可

以前在灣仔返工，經常幫襯灣仔店。今次經過佐敦就一試逸東Food Hall 分店，回味一下。因為想要試兩種做法的雞扒，所以叫了鴛鴦雞扒飯來試試，順便追加小食芝士蝦球，飲品係鳳梨香橙菓茶。鴛鴦雞扒飯，一燒一炸，賣相還不錯，色澤可以，味道好，但比較乾身，略為失色。芝士蝦球味道好，芝士拉絲，可口非常。果茶屬正常水平，不過不失。總而言之，味道正常，食嘅係回憶，分量正常但略貴。是日係比較早嘅午飯時間，人唔算多，food court坐位充足。場內除左榮式雞扒，仲有日本菜、越南粉麵、漢堡包、泰國菜等等，可以一拼品嘗唔同菜式👍🏻