永順食店 (Closed)

落雨☔️濕濕食個靚靚早餐開展新既一日甜不辣沙嗲 花生🥜味濃 配福面 吸收湯內精華 正奶茶有驚喜好滑好滑好滑好滑溜但完全無茶既苦澀味 下次一定要再來一戰如果您唔大食 絕對飽住離場

一直聽喺大西北必食嘅元朗永順沙嗲牛肉麵不過個人覺得個沙嗲牛肉麵，其實係正常水平，味道未到好驚艷！首先講下沙嗲牛肉麵，佢嘅湯底都濃郁，甜甜地，牛肉軟硬適中。麵條方面，口感都正常，唔會話煮得特別淋。至於紅豆冰奶茶，都係貪得意試吓。奶茶其實好好飲，茶味重同奶香好夾，加紅豆冰搶咗佢本身嘅味道味道，變得有啲過甜，口感有啲複雜。可能就咁飲奶茶會更加好！永順嘅位置亦係一個問題，有啲難搵。餐廳空間座位都會比較迫，尤其係繁忙時段，大家要注意啦！總括而言，自己覺得永順無太大亮點，沙嗲牛肉麵，正常水平，都好味嘅，不如果你追求味道優秀同好舒適嘅用餐環境，就未必係你嘅首選！

製作非常認真的沙嗲牛肉麵，廚房成隊軍隊工作非常認真，沙嗲通清楚睇見各種材料，真材實料。炸豬扒都好好味。雖然長期排隊但係流轉好快，等吓就會有位。要留意地址，門口再後街比較難搵

⭐️ 沙嗲牛肉蟹王麵沙嗲牛肉蟹王麵係必嗌啲嘅美食之一👍🏻👍🏻，喺餐廳度我睇到個個都喺嗌蟹王麵😆。 相比於出前一丁嘅口感，蟹王麵更加爽滑彈牙，且唔帶油膩味道🤭🤭。 呢種口感實在難得一見，所以我哋揀咗蟹王麵👍🏻。 如果你未曾嘗試過蟹王面，我建議你一定要試吓。沙嗲牛肉麵嘅湯底非常豐富🤤，尤其是花生醬嘅味道令湯底更加濃稠🤭。 牛肉嘅口感好好，可以品嚐到真嘅牛肉味，而且非常嫩熟。 係一種經過醃製並處理過嘅牛肉。⭐️ 芝士流心蛋豬扒治 （＋2烘底）佢幫我哋切開做兩半，比我哋更容易享用。 當我哋將包裝打開時，可以清楚地看到流心蛋和熔化的芝士。 再加上它的烘底🤤，口感更加酥脆。 由於這款三文治嘅餡料相對豐富，如果內餡濕潤過頭，推薦加2蚊選擇烘底😆，令成個三文治更加香脆。 炸豬扒的味道非常好，肉質厚實，而且炸漿並不厚重，非常明顯能品嚐到豬肉的味道。⭐️ 凍奶茶 少甜茶餐廳正常發揮🤭。不過，嘢飲唔可以跟餐，佢要單叫18蚊😶😶。🍄 總括而言沙嗲牛肉麵比一般餐廳嘅味道更濃郁👍🏻，且加入咗豐富嘅花生醬😆。 如果你喜歡沙嗲牛肉，你一定會幾鍾意。 個人更偏愛芝士流心蛋豬扒三文治🤤🤤，它更加特別，口感更加豐富。另外，份量較

身為大西北人😖有時想食好食既沙嗲牛又唔想出城就必定會揀依間😆😆星期日4pm嚟都要等一陣位不過依間出餐好快同入面坐得唔太舒服🙂人流都好快👍🏽要等一陣都無所謂沙嗲牛肉米粉 $28 （出前一丁 $30）因為健康關係我就少食公仔麵，揀左米粉我個人認為都一樣好味！牛肉醃得好入味，唔會咸(˶‾᷄ ⁻̫ ‾᷅˵)沙嗲牛肉個湯底好濃，又種花生味，超級正！🤤🤤豬扒一件 $15唔知係咪整法唔同左，今次明顯少左炸粉🤔豬扒無話好厚但味道okay，每次嚟都會叫可能因為就咁叫麵食太dry🤣炸雞翼兩隻 $15唔係話好大隻，不過都入味😋岩岩炸起都好香脆，每次都會叫凍奶茶 $18就算無套餐都必定會叫一杯！唔係話好出色但都係中上水，比一般茶餐廳好茶同奶都好balance，最重要叫佢少甜都真係有少甜🤩🤩

聽人講永順個沙嗲牛肉好堅，所以今日試左。沙嗲好重甜味，少香，微辣，個人嫌佢太甜，但事實個醬真係落好多好濃，唔係少少好稀咁。但你話係咪好好食？我覺得大把茶記好食過佢。聽講要食蟹王麵先好食，但星期日無貨，先揀左通粉。另外點左個雞扒福麵，雞扒好薄好咸，食完會腎病咁，咸到痴線。另外再點左個炸豬扒芝士流心蛋三文治。豬扒好薄得5mm厚，鬆脆但又係好咸，頂唔順。雞蛋流水係正嘅但食到一手都係，好狼狽。芝士係普通卡夫芝士，無咩特吃，不值得吹奏。飲品叫左凍奶茶+凍奶茶紅豆冰。凍奶茶一般。奶茶紅豆冰$20，紅豆不太甜幾好。

其實呢間食店就在公司隔離，一直經過都會見到好多人排隊。今朝返工早左返公司，經過時見冇冇人排隊，就叫左個早餐返公司慢慢嘆。試左佢最出名的沙嗲牛肉出前一丁面加一杯咖啡，D牛肉肉味濃，沙嗲醬不會杰噠噠，推薦！咖啡也合我口味，以後會多D幫襯

平日Lunch time過來，十分好彩地唔洗排隊！🤩朋友推介沙嗲牛麵必定要轉蟹王麵，夠掛汁！另外再叫多個超邪惡烘底芝士流心豬排三文治，即叫即整，熱辣辣，蛋汁流心，芝士拉絲！🥰冷檸茶茶底夠濃唔會澀，夏天嚟食一定要叫一杯！而且落單姐姐好風趣，有講有笑，服務態度都好好👍🏻⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 8/10環境： 5/10打卡： 3/10CP值： 8/10推介值：9/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯

梗係要食最出名既 #沙爹牛肉麵（加荷包蛋）係成碗沙爹湯！唔係得一pat醬果種！好香口唔會好咸 絕對可以先飲幾啖湯！之前叫過配 #蟹王麵 但我又唔覺得特別 所以今次都係叫返丁麵好啦！湯加麵一齊shu入口就最正🤣牛肉就普普通通啦！配流心荷包蛋！即刻加分🤣今次無咁眼瞓 終於望到我好鐘意點既 #咖啡紅豆冰紅豆夠多夠綿 半杯都係豆😆 食落似無添加糖 咖啡ok唔係酸果種 最好係佢唔多冰 唔會溝淡左整體都滿意🥰 期待下次試第二樣

今日心血來潮突然好想食沙嗲牛肉麵，上網睇到沙嗲牛肉關注組，推介永順食店，當然要一早去到元朗試試佢，叫咗佢哋招牌沙嗲牛肉炸豬扒出前一丁，果然冇介紹錯，佢哋沙嗲牛果然冇介紹錯，佢哋沙嗲牛肉花生味好香濃，同其他茶餐廳冇得比另外佢嘅炸豬扒都好出色，好鬆化唔會好韌，同埋有鬆肉粉味，推介！之後仲叫咗個西多士share, 懷舊食店，當然要試試，佢亦都冇令我失望。

男友帶我食好西，位置元朗的［永順食店］，呢道最好味係沙嗲牛肉麵、炸豬扒、芝士流心蛋豬扒治...星期六中午排隊5-10分鐘就有位，都算快。沙嗲牛肉蟹王麵沙嗲醬汁又香又濃，夠惹味。牛肉份量都幾足，肉質都嫩腍。蟹王麵比公仔麵爽口彈d，幾正喎，仲掛滿沙嗲醬汁，正。炒牛肉蟹王麵炒牛肉無咁膩，牛味重d，都幾香口，咬落一樣咁腍滑，配爽彈蟹王麵，好味。芝士流心蛋豬扒治（烘底）芝士溶哂好正，但食完有d膩，不過流心煎蛋好正，蛋汁又香又滑。炸豬排香口，肉質鬆化，配烘底治，口感一流。

📍永順食店 (元朗)元朗安寧路2號冠煌樓地下元朗人氣茶餐廳👍大約排咗10分鐘就入得去。🌸沙嗲牛蟹黃麵沙嗲牛肉係招牌，相信每一枱都會叫一碗。沙嗲汁超濃郁，有啖啖花生味。蟹黃麵軟硬適中，每條麵都掛汁，好食😋但麵份量感覺少啲🌸炒牛肉蟹黃麵牛肉嫩口 ，無筋，如果可以加埋沙嗲汁就好啦。牛肉份糧多。🌸芝士流心蛋炸豬扒包豬扒可以選擇炸或者煎，炸得非常香脆，芝士半溶，+$2 烘底，金黃蛋汁，熱辣辣 ，非常好食🤤#元朗#元朗美食#香港#hongkong#食好西#相機食先#茶記#茶餐廳#蟹黃麵#沙嗲牛肉#沙嗲牛#西多#雞翼 #豬扒包#多士#西多士#名物

去到元朗我嘅必食小店係永順🤭有時候去到都要排隊等位今日好好彩 可以即刻入到去今日叫左個沙嗲牛肉+蟹黃麵沙嗲湯底一如既往濃郁 配公仔麵係世一🥳炸豬扒 炸雞翼炸得到好香口 唔會太乾 雞翼大大隻 豬扒都幾厚餐飲我會點熱奶茶 非常香濃😋😋

沙嗲牛肉 米線 炸雞翼配炸豬扒 凍啡走甜 外賣自取返屋企再慢慢嘆可以坐得舒服好多😆😆無叫分湯 啲米線浸得有小小冧特濃沙嗲汁 都正 炸物就比較普通 只有比較重的鹽味整體都尚可

元朗最出名嘅沙嗲牛肉麵佢嘅沙嗲牛肉汁係真係超級特濃同埋佢有得揀蟹皇麵，係唔使加錢你叫米線又係一樣，價錢叫蟹皇麵 又係一樣價錢所以我通常都會揀蟹重麵，唔係間間有🤣這是我生日當天的早餐😆👍🏻