永華日常 (淘大商場1期) (Closed)

淘大分店在新開張時，曾經幫襯過，覺得食物非常難吃，今天再次到來，嗯！有進步！食物不再是非常難吃，但仍然是難吃。怎麼可以做到，一塊豬扒變了乾柴呢？這裏除了提供難吃的食物之外，有沒有什麼正常的出品，或是美味的出品呢？有！我可以肯定地說有！罐裝Asahi~至於其他方面，例如會員有九折丶這裏有停車場提供無障礙通道，不過電梯經常損壞丶這裏有眾多食肆可供選擇丶飯前飯後可以逛dondon donki丶可以看一出電影，在彩霞到哪一邊，還有一間酒吧。餐廳方面明亮整潔，看來算是衛生丶乾淨，坐得亦算舒服，只是這個級數的餐廳，賣點是什麼呢？食物，這一方面完全不合格。

九龍灣間唔中都會黎搵野食, 淘大都有時會過黎食下, 見到呢間有位就試下入黎食左晚餐, 點左一個常餐既.點了, 雞扒米粉, 多士奄列, 凍檸檬茶.雞扒米粉 (OK)塊雞扒SIZE 都算正常啦, 唔算好大又好細, 味道正常, 反而米粉就係類似粉絲質地個種米粉,自己覺得幾好味既~多士奄列 (OK)雖然奄列唔算大份不過還可以,都算有料有火腿~多士醬都算好味, OK~凍檸檬茶(OK)正常,沒有甚麼特別與否.環境方面都算坐得舒服既, 而且咁岩又唔算太多人所以都比較靜~總結黎講>>>間唔中黎食下都還可以既~

每次嚟永華都係食豬手撈，豬手用南乳煮，好入味，亦都好淋！豬手大概有3大舊，價錢好抵食！另外，有個雜扒餐，份量好大份，特別之處係可以鐵板上，豬扒好淋，牛扒可以係鐵板上面自己控制想食幾多成熟，仲有雞扒都好大塊，雜扒餐入面有三塊大肉扒，一份可以2個人甚至3個人分嚟食，飽肚感十足。咖哩飯系列，咖哩比起一般咖哩係辣好多，如果大家黎到食咖哩記得細細啖試一試先呀，今次試左咖哩雞飯，份量好多，都係好食架。飲品特別推薦紅豆奶茶，紅豆好好味，一粒粒咬感好好，奶茶係港式奶茶味，好好飲！

在會員 APP 中見到永華日常 本身超級鍾意食雲吞麵 但因為地點隔涉 一路都冇緣幫襯 終於今日去開牛頭角可以去一試 唔使諗一定係食雲吞麵 下午茶時段 沒有太多客人 但奇怪地等了很久都重未有得食 正當想催單時就見姐姐攞碗麵嚟 當時已經差不多20分鐘 第一啖試個湯 唔係好對路 完全唔熱只係微暖 亦冇正常零吞麵大地魚湯底味 好似係用湯粉開出嚟咁 再試啲麵 淋晒 應該係廚房煮好無人攞上枱浸到淋晒 所以啲湯凍晒同啲麵淋晒 最後試粒雲吞 嘩一聲 可以講咁大個仔未食過咁唔好食嘅雲吞 如果黃生睇到呢篇食評唔該叫廚房師傅自己試吓味道 因為如果唔係黃生叫我相信佢哋係連自己都唔會食 以上純粹個人口味 有會員有興趣試都可以去試吓 . . . . . . 

平時夜晚我都唔算食得多嘢。但有時真係好肚餓果陣，大胃王不知不覺間就返左黎啦。【鮮茄芝士焗豬扒飯】港式嘅焗豬，應該係我係外國果陣最掛住嘅味道之一。永華整得相當出色，濃香嘅茄汁，加上豬扒同埋蛋炒飯底。加上左邪惡嘅芝士醬，聽見都覺得好飽，但係小盤方面同樣精彩，又有香甜蟹籽蛋黃醬玉子卷，迷你蛋沙律，再加錢升級了焗酥皮羅宋湯。由頭盤，變左壓軸。焗了兩次，酥皮很香，但係食飽了先上黎。結果又係捧著肚子埋單。

之前聽朋友介紹話好抵又好食，今朝特登約埋幾個好友試試。真係冇諗過竟然只需要38蚊就可以食到3個餸嘅早餐，仲要出前一丁麵都係唔使加任何嘅錢就可以食到！！！鍾意食出前一丁一朋友記得快啲過嚟試啦。今次我就叫咗沙爹牛肉通粉，餸方面就揀咗炒蛋、餐肉同腸仔。個人認為最好食嘅地方係有認真咁煎香咗啲餐肉同腸仔先至會拎出嚟，而唔係求求其其煎都未煎就拎出嚟。個通粉都十分之煙煙韌韌，係本人嘅最愛。朋友就叫咗沙爹牛肉出前一丁，餸方面就揀咗煎蛋、餐肉同煙肉。出前一丁好好食就唔使講啦，但係佢哋嘅煙肉都煎得好香。總括而言呢，抵食之餘食份量好足夠，令人想去再去啊！

早兩日喺淘大睇完早場，一出戲院鬼死咁肚餓，即刻諗吓食乜好。你知啦，其實淘大都有好多選擇得嚟又唔係話真係好多選擇，因為好多都係連鎖快餐店。咁今次就想揀啲之前未食過嘅，行到去永旺茶餐廳門口，望入去同平時見到嘅茶餐廳裝修唔同，再望吓嗰餐牌，爹哋話竟然有鴛鴦紅豆冰，好耐冇飲過，一定要入去試吓。咁坐低做嗌咗份咖喱魚柳滑蛋蓋飯、蔥油豬扒飯、一份常餐。兩個飯一擺低，賣相非常吸引，仲插咗旗仔😝舊式茶餐廳一定唔會咁擺。咖喱魚柳滑蛋蓋飯，找炒滑蛋非常好食，魚柳炸得香脆，咖喱唔太辣啱啱好。蔥油豬扒飯，蔥油味非常香口，不過略嫌豬扒太乾，要減少少分。常餐方面揀咗五香肉丁出前一丁，另外配菜可以揀三種，我揀咗炒滑蛋、太陽蛋、腸仔，份量夠晒大份，食到飽晒☺️鴛鴦紅豆冰，佢會俾支木棍仔同埋粗飲筒你，但係就冇俾長匙羹，「不」唔到啲紅豆嚟食，最後爹哋用咗支飯羹嚟食😝佢仲有好多其他嘢食，有機會都可以再試吓～

店面介紹係灣仔超過 70 年的「永華麵家」，因雲吞麵而馳名喺餐廳。幫襯過好多次，早餐出色。不過今次係食佢哋嘅招牌雲吞麵，鮮蝦雲吞彈牙爽口，鹼水味輕微，易入口，湯頭出色鮮味非常。

今日經過九龍灣，去咗永華日常食晚飯。永華日常係新派茶餐廳，用QR code落單！👍🏻 我地叫咗一份車仔麵，一份是日晚餐。永華車仔麵🍜車仔麵我地揀咗：芫茜+紹興南乳豬手+原汁牛筋腩+米粉牛筋腩略嫌筋位唔多，芫茜份量比較少。但豬手同牛筋各有四、五件，份量足料！牛筋腩啖啖肉！鐵板豬扒拼雞扒(燒汁)配薯角🥓可以用鐵板上，我地揀咗用碟上。雞扒香嫩肉汁多，豬扒略嫌少少韌。但整體味道可以，薯角外脆內軟！有雞扒同豬扒好滿足！

在灣仔利東街上有間【永華日常】，經過幾次都沒有機會試。今日經過九龍灣淘大商場又見到【永華日常】，就試下！甫入見到這張圖片，一定係招牌菜！心中已經決定食海南雞飯……因為茶餐廳同雲吞麵唔太配合。裝潢格局清新時尚，一洗茶餐廳污糟邋遢的形象。小編印象中的【永華日常】是間茶餐廳，翻看餐牌種豐富而且創新。有雲吞麵、車仔麵、炒粉麵飯，仲有出現在中式酒樓的上湯蝦籽野生竹笙和蝦籽柚皮，仲有紅豆沙、公和荳品的薑汁豆腐奶凍及甄沾記的仙椰汁焦糖燉蛋，仲有創意西式的廖孖記腐乳芝士臘腸卡邦尼……食物種類真係又新奇又有趣。【海南雞飯 $69】首先食物擺放奇怪……三種醬汁不是放在上面，相反打直放在左方；碟雞又打直放……第一次見到這奇怪的擺法。（圖片是正常擺放方法）小編最怕雞皮上留有黑色毛，好彩這個沒有。小編都怕雞皮非常明顯的雞毛孔，聽說這是因為死受到莫大驚嚇。這個雞皮賣相一點也不平滑，未品嚐已經打了折扣。這個雞皮下的脂肪不多，雞肉都嫩滑，可惜雞味不太濃郁，就是在醃雞或者白鹵水的功夫上不太足夠。油飯粒粒分明、色澤酥黃金亮，感覺有南薑、蒜頭、乾葱、香茅等香料的微粒。可惜沒有太感受到雞湯、雞油的味道。海南雞飯都會附送湯，這

朝早叫咗兩個常餐 外賣app落單 睇得出個app都廢廢地 想俾支付寶 都會跳咗去比信用卡叫你入資料😵 叫左兩個常餐 沙嗲牛麵外賣包裝得好靚仔 連嘢飲都有保鮮紙封住個蓋 諗住食既都唔會差 包裝所有嘢都好好👏🏼點知…..一開個多士…燶到呢最後只係咬左一邊 然而個包都係凍冰冰同林曬 就算外賣都唔會林到一食就知擺左係度好耐另外最激動嘅就係杯凍檸茶 叫嗰陣要正常凍檸茶，冇話少冰少甜，飲落去完全冇味，檸檬仲要好澀沙嗲牛麵只能講係合格 食食下都冇咩心機食 只係唔想曬時間對住佢

很久未食過海南飯有咁正！雞肉嫩滑、仲有雞味。最令我欣賞的醃白蘿蔔，爽脆開胃，食完一碟，又想再叫一碟😋😋😋仲有值得推薦是七十幾年歷史的雲吞麵，口感煙韌彈牙！完全無鹼水味！大家值得一試👍👍👍🌹🌹🌹

去開九龍灣淘大商場，順便到永華嚐嚐早餐🍴打開Menu👀食物種類包羅萬有🧐很多款式也想試🤔我選擇了單點👇半熟流心蛋三文治🥚🥪和熱鹹柑桔☕三文治味道唔錯，不過餡料好冰凍😉鹹柑桔好入味、足料☕

同10歲女兒煮出嚟嘅水平差唔多，選擇又少，七仔叮飯都好食過佢，價錢又唔係平，早知喺咁屋企煮，根本就係超市急凍食物叮熱佢，完全唔入味，未見過一間餐廳咁hea🙄🙄🙄等得又耐

以為腐乳卡邦尼好似好奇怪，點知食落真係幾好食😂😂我為咗呢個卡邦尼意粉已經重複幫襯左呢間餐廳三次！三次都有叫腐乳芝士臘腸卡邦尼((不過如果一個人食晒嘅話應該會好溜，建議兩個人去然後share))，十分推薦大家去試吓🤓🤓👍🏻👍🏻另外超級欣賞佢可以加$10要桑寄生茶，好足料，建議所有女生去到都飲返碗~(嚟M嗰陣你就知佢有料到lol)咖喱雞扒午餐set其實都幾抵食，而且味道都唔錯雞扒都幾大塊~不過佢應該會keep住轉午餐menu，因為我之後嗰次去就午餐set冇咖喱雞扒🐔下午茶就中規中矩，普通茶餐廳下午茶質素~下次會想試吓西多，熱香餅好薄好細而且冇乜特別。“午餐set咖喱雞扒飯送餐湯熱飲 $68🌟“廖孖記腐乳芝士臘腸卡邦尼 $88🌟🌟加$10桑寄生茶(茶)🌟“下午茶set 香煎雞扒配炸薯條 $44雞肉碎蛋沙律及迷你西多士(轉熱香餅)-