永華日常 (淘大商場1期) (Closed)

現在餐廳的食物越來越貴，今日工作繁忙，剛好遲一點才用餐，當然食下午茶啦！這間餐廳的下午茶款式甚多，有白酒蜆肉意粉、海南雞飯、回鍋肉炒麵、吉列豬扒湯烏冬，又有輕食的柚子雞翼、西多士，脆炸魚柳等，真是款式多多。千挑萬選選了乾炒牛肉意粉，幸好沒有令我失望。雖然只是下午茶$40左右，但份量也頗多，而且質素不錯。乾炒牛肉意粉也擔心油淋淋，但這個意粉炒得乾身，真正做到乾炒的效果。意粉加上洋蔥和適當的調味，既有鑊氣又不冧。牛肉嫩渦不過鹹。下午茶餐包飲品，杯凍檸茶都幾冰凍，茶底味濃🍋不少。雖然是茶餐廳，但侍應也十分有禮貌，落單和上菜都快。總體來說，以質素和價錢而言，這間餐廳下午茶吃得過，總算價廉物美👍🏻

光顧日期：27.Oct.(Thursday)光顧時間：4:30 pm.今日又再去，呢幾天都有去，因為可以用Alipay (消費券) 及 柚子雞翼💜.Food : 下午茶 - 回鍋肉炒韓國即食麵 $44.Drink : Iced Lemon TeaDessert: 紅豆沙 $24..其實我多數食永華的下午茶，因為這時間才出街食嘢的，我食過4-5次tea set.包括：①蒜香白酒蜆肉意粉 - 勉勉強強②餐肉煎蛋即食麵 - 湯底冇味③回鍋肉炒韓國即食麵 - 麻麻④柚子雞翼 ❤️這個最最最好味⑤紅豆沙 - 🤮🤮.①-③真心麻麻，但④好好味，會回味。今日吃完，明天還想吃，所以我暫時連埋Alipay 消費券的原因之下，我會再吃。⑤ 紅豆沙唔係沙，煮到好似「泥」，真係好難食，一粒紅豆都搵唔到，煮到泥甘，當然搵唔到紅豆。我食淨大半碗🤮好難搵到唔好食的紅豆沙，甘易煮都煮到唔好食，永華做到了😪.注意⚠️柚子雞翼只有下午茶才能Order, 到了Dinner時段就沒有，散叫都沒有。而它們的雞翼可以$15 x 3隻 /// $38 x ❸隻連salad & Drink.服務方面： 繼續唔錯。今日食③時，覺得D肉似豬

今日第一次光顧，感覺非常良好。光顧日期、時間：17,Oct(Monday) 下午茶時段（4:30pm).服務：樓面只有2位服務員，2位也很勤快、也很好客、白衣男似主管，還體貼關心客人是否需要外賣盒🥡以防吃不完，因我一人吃2份Tea set. 我留意到他們也對待其他客人很熱誠，就算忙，也不會讓客人感覺不舒服，讚👍🏻.食物：2份Tea Set(1)Clam Spaghetti White Wine and Garlic (2)French Toast w/Chicken & Egg Salad (a) The Spaghetti was too salty & greasy for me. (b) 那份伴西多士的Egg salad其實可以不用放shredded Chicken, 因為Egg salad算是很日常、傳統食法，就是Egg, dressing, sometime Onion, herb就這樣simply salad. 所以根本不用放shredded chicken..另外～無論Spaghetti and Egg salad在調味方面都未夠讓人有"wow" 之感覺。沒有讓人留下深刻

淘大早餐系列其實平時食黎食去都係個幾間，今日經過就試下永華，我唸可能早上人手唔夠，入門口拎位掃安心都要啲時間，亦無職員幫手.早餐都算多選擇，除左平時普通既早餐之外，都有歐陸早餐，身為沙嗲牛怪既我當然食佢啦牛肉都唔太硬，加上都入味反而個多士有啲驚喜，好脆口 不紡一試

之前响“永華日常”剛開張時食過一次唔好食，好耐無去，見個menu改咗，價錢無咁離地，亦無咗加一（茶餐廳要加一真係有d趕客），幫襯嘅人多咗，前幾日試吓食晏，今次幾好味，改善咗喎。似乎大部份侍應都換咗，招呼都好過之前。午餐大概五十幾至六十幾蚊，我哋叫咗兩個午餐：雞扒滑蛋飯 $58 - 雞扒燒得剛好，醬汁美味，蛋真係幾滑，份量對女仔食就剛好，男士可能唔太夠海南雞飯 $68 - 雞香滑好味，油飯唔太油（算係健康d）但就唔夠香兩份午餐連飲品$126

我同男朋友係平日晚上去，唔需要排隊但眼見入座率非常高，點餐後都等咗一段時間食物先送到。🍛#咖喱豬扒飯($52)：第一眼望落去勁似兒童餐🤣，唔係話佢份量細，而係成碟咖喱又紅又綠色彩繽紛咁。咖喱係港式咖喱，偏甜而且一啲都唔辣容易入口，汁嘅量都比得好足，唔會話唔夠汁撈飯。豬扒薄身鬆軟仲係炸過嘅，呢個價錢我覺得算唔錯。🍳#滑蛋雞扒飯($52)：望落好似好普通，但其實我覺得最好食就係呢個滑蛋雞扒飯。首先滑蛋唔會過熟仍然保留少少蛋汁，白飯之上加咗少少甜豉油，兩者結合放入口非常滿足。雖然雞扒有啲油但肉質尚算順滑。🍞#長歎西多士($48)：當一上枱熱辣辣我已經急不及待想切開嚟食，不過首先都係要將牛油抹均勻，等油香遍布多士嘅表面再切開。打開頭頂見到入面滿滿嘅棉花糖漿，旁邊仲會有好多花生醬同花生碎粒，頭幾啖食真係覺得好正，但當再食落去嘅時候就開始覺得油膩😵‍💫。總括嚟講我覺得品質都算唔錯，如果用埋Kabu app coupon就更加抵！有機會下次再嚟試試佢哋嘅鐵板餐同雲吞麵😛。

原汁筋腩飯, 汁很少, 又稀, 只有2 舊腩係肉, 其他三舊係筋, 跟住有幾條菜, 大部份時間喺度芹白飯, 好攞命, 加杯野飲咁就78伙記在身邊跑來跑去, 揮手了三四次無個肯落單, 唔好話睇唔到我, 我睇梗電話無望眼尾都稍到佢地嚟揮手叫佢地.某日也吃過咖喱牛腩飯, 真的大快X比它好很多, 很一般..以這價錢, 價錢都是駛在環境, 耐何環境只是裝修靚, 但氣氛不relax, 個格局兩邊枱面對面, 中間卡位就俾兩邊夾擊睥住, 加埋兩邊侍應成日急風省咁跑來跑去, 同澳牛有異曲同工之妙, 讓我根本没心情坐超過半小時. 凍飲不加二元就没飲筒, 你也可以想成是不用飲筒就平二元啦, 但我落單時没有提出要飲筒, 店員没問就給我來個没飲筒的, 上邊都說了, 他們根本就是讓你很難叫到他們應你的, 所以迫住没管狀態下飲算了.呀, 將近開完才發現一直踩着一個別人掉下的口罩在腳底..., 枱底還真是有二三件不同的垃圾啊..

殘酷二選一 咖哩吉列豬扒飯 vs滑蛋吉列豬扒飯最後揀咗滑蛋吉列豬扒飯🙈 睇相頭都幾吸引😋 大大塊滑蛋上面有啲蔥花伴碟 吉列豬扒亦好大塊而且剛炸起望落又香又脆 🤩滑蛋下面有啲甜豉油 食落冇咁寡塊吉列豬扒 肉質好鬆脆唔會嚡口!幾好食👍 我覺得呢碟滑蛋吉列豬扒飯屬於中上級別 但係比較熱氣😂因為冇乜醬汁 仲要咁大塊炸豬扒 、食完之後我上顎熱氣到損咗 🙈晚市套餐 加四蚊有杯熱飲, 揀咗鹹檸蜜👍 $66晚市嚟講尚算合理 餐廳座位都比較舒服👍 下次有機會試咖哩吉列豬扒先🤭 其實呢間餐廳有其他特色嘢! 例如腐乳卡邦尼意粉 🙈同埋竹炭流心西多士 不過本人對於腐乳無乜好感 所以唔敢試😂有機會捉埋朋友陪我試😆 就算我食唔到 都有朋友幫我食 唔好浪費呀嘛😂😂

今日收工唔想煮飯，又有優惠券。未試過永華就過來試下。兩個人叫咗鐵板雜扒意粉，羅宋湯，紅豆冰，長嘆西多，份量已經好夠飽。1. 羅宋湯好濃，酸咗d，但第一次飲到羅宋湯有陳皮，唔知係咪呢間特色。2. 鐵板餐，應該係雲石底板來，燒得夠熱，滾到彈汁。 份量足，有豬牛雞扒，香草腸，煙肉，旁邊配菜有西蘭花，紅蘿蔔。***建議意粉下面 應該墊幾塊配菜，因為石板太熱，下面d意粉好快煎到硬曬，變曬質地。 3.紅豆冰清甜唔錯，但可以大杯少少，多幾蚊都無問題。4.重頭戲，長嘆西多，一個人食會太多，用咗1/3牛油，我兩個人食都有少少膩（漏），好夠餡，棉花糖，花生醬都好足料。以上就是今日食評，多謝觀看。

長歎西多士（棉花糖、花生醬）$48 難得黎到九龍灣有鬆動時間，專程search下九龍灣有咩好食，比我搵到呢舊黑磚🤣宜家啲茶餐廳西多士有花生醬已經買少見少，就算有花生醬都好，啲醬都係少得可憐。今次呢個無論係花生醬定棉花糖都好足料，夠哂我平均分佈係每一舊包度😆啖啖都夠哂甜，而且西多黎講油唔算多，不錯！

本身係想去呢間餐廳試佢地同老字號合作嘅 crossover野，但見有D網友話物不所值、麻麻，所以一路都未來😂琴日朋友忽然話想來呢度食早餐🙄err.... ok🤦‍♀️點知，幫襯完又幾有驚喜喎😂去到餐廳係朝早九點九，入到去發現餐廳已經八成滿😳餐廳佈置光猛簡潔，幾舒服~餐廳係自己掃qr code落單，但如果唔想咁，都可以同staff直接落單~（見隔離枱係同staff落單）🐔香煎雞扒配反蛋、火腿、丹麥多士 ($38)雞扒幾大塊😳汁係KFC薯蓉隻汁來😋🍳反蛋正正常常~🐷火腿兩片，兩片都輕輕煎過👍🍞丹麥多士，鬆軟酥香，好食😋🐮香煎牛扒配炒蛋、火腿、丹麥多士 ($42)🐮薄牛扒軟淋~🥚炒蛋略嫌老左少少😓其他同上面一樣，就唔再講了~🍅迷你鄉村羅宋湯通粉 (+ $8)一上枱，呆一呆，呢個迷你版通粉一D都唔迷你😳出面D羅宋湯通粉，湯多數都浠到水咁😕呢個湯幾杰，一D都唔渣流灘👍仲要好多料，🍅蕃茄、🧅洋蔥、🥬菜都有齊👍最後飲晒個湯😏通粉軟硬適中，唔會太淋，好食👍🍊凍柑桔蜜、☕️熱咖啡🍊凍柑桔蜜本身加 $3但如果走飲筒，就減 $2，所以最後實則只加 $1😏柑桔蜜好大杯，好濃味👍☕️咖啡應該係機咖來，正正常常~最後埋

[ 永華日常 (淘大商場1期) ]唔講唔知原來牛角旗下都有呢類新式嘅餐廳，佢係集合咗老字號廖孖記而開嘅餐廳✿麻辣廖孖記腐乳芝士臘腸卡邦尼意粉🍝🍝$78佢係mix 咗老字號廖孖記嘅腐乳而整既意粉，辣辣地好過癮。再加埋芝士，成個味昇華咗🤤🤤臘腸係薄切，好香臘腸味。意粉份量都好多，一定夠飽！✿ 迷你長歎西多士 $40呢個西多士有別於其他茶餐廳，佢個外型成個黑色，一切開綿花糖同花生醬流出嚟，勁打卡able😍😍味道都好正，唔會太甜，唔需要加糖漿食都ok。無論打卡定味道我都俾好高分！甜品控要試阿😝😝總結🫦同場仲跟餐試咗佢既熱奶茶，試得出佢茶膽靚，好細滑，符合茶餐廳質素！西多士出色，好有特色。由老字號搖身一變特色cafe，牛角做得唔錯👍🏻👍🏻又可以令多d人試到老字號既風味！✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿永華日常 (淘大商場1期)地址: 九龍灣牛頭角道77號淘大商場1期地下G143-162號舖電話: 26868879✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

永華日常 (九龍灣)📍九龍灣牛頭角道77號淘大商場1期地下G143-162號舖下午茶餐：$42芝士撈公仔麵（雞扒/豬扒/雞翼）豬扒大大塊，煎得好香脆。芝士撈丁正常～$44 香煎雞扒配炸薯條、雞肉碎蛋沙律&迷你西多士有時唔想食咁大塊西多，又想食下其他炸野。妮個下午茶餐就真係個好選擇。有份細細地既西多士（有花生醬，如果中意糖漿記得問店員拿），有雞扒，薯條。特別係啲蛋沙律係有額加雞肉，有黑椒調味，食落幾好食～整體餐廳環境坐得舒服，野食擺碟ok,食物質素都唔錯～#hkfood#foodhk#hkfoodblog#foodporn#hkgirl#hkfoodblogger#hongkong#香港美食#相機食先#吃貨#食好西#香港好去處#打卡#香港打卡#食評#香港餐廳#平民美食#九龍灣美食#永華日常#芝士撈丁

上星期食過兩次午餐, 環境舒適服務很好食物質素都好, 可惜店長話午餐兩星期先轉一次餐牌, 但一般茶餐廳的午餐天天唔同, 咁先吸引食客經常幫襯, 所以永華日常係非一般茶餐廳.

#_bigfoodbaby九龍灣#_bigfoodbaby港式🤰🏻終於試咗最近大熱嘅呢間港式fusion菜啦，結合咗幾個香港傳統老字號：廖孖記腐乳、公和荳品etc再推出新搞作，Gimmick 就一流啦，唔知食落會點呢🌝麻辣廖孖記腐乳芝士臘腸卡邦尼配永華淨雲吞$88呢碟有得揀辣定唔辣，嗜辣嘅🤰🏻就揀咗辣👍🏽入口腐乳味真係超香濃，而麻辣味一開始唔太覺，之後慢慢滲出黎🥵好過癮！而配料方面就以臘腸取代咗傳統嘅煙肉，係幾夾嘅，但得薄薄幾片咁，有啲可有可無嘅感覺😕🌗淨雲吞大家都可以見到佢皮有幾薄👍🏽可惜餡就偏少👎🏽但啲餡係靚嘅🤣整體不過不失🌝長歎西多士$44呢個黑竹炭西多士包非常吸睛😎西多士新鮮炸起，外脆內軟棉棉🤩而西多士入面有半溶棉花糖+花生醬+面頭嘅牛油聽上去夠哂邪惡，係三重脂肪結合體👿不過食到尾真係會有啲膩，大家share食會好啲！🌗奶茶紅豆冰$+8紅豆幾好食飽滿大大粒，可惜愛茶味嘅🤰🏻嫌茶味唔夠突出同香濃，但🤰🏻已經叫咗少奶🥲題外話：👍🏽呢度係自助落單，幾方便👍🏽另外佢隔開用嘅膠板貼左反光貼紙🤣幫你提高私隱度幾貼心📍永華日常 (九龍灣)九龍灣牛頭角道77號淘大商場1期地下G143-162號