永利茶餐廳

Open Now

Now Closed

見今日天氣凍凍地走入去食個煲仔飯，於是叫左個窩蛋馬碲牛肉煲仔飯$38 仲加$9要杯凍奶茶。凍奶茶好快到左 點知攪混個陣發現入面有檸檬!!於是叫佢換個杯…過左一陣之後佢拎過杯黎 係同一隻色 已經心知不妙 飲落去仲有檸檬味!佢應該就甘拎走塊檸檬!真係叫佢換都廢事 驚佢加料煲仔飯等左好耐 大約4個字 佢拎過黎一啲煙都無 個蓋完全唔熱 自己用手可以打開個蓋 啲飯只不過係微暖 更加無飯焦拉。所謂煲仔飯只不過係生蛋加好少牛肉既鼓油撈飯!!真係好失望!!!

行完依頭, 得依間好像幾大間, 但又無乜人, 又有位, 時為7點, 行入去, 一個好像大家姐的人周圍話人依樣果樣不對, 已經大打折扣, 不過即本試吓, 有晚餐$42跟湯或許飲品, 叫了蒸魚, 是日為豉汁倉魚, 下了單五使2分鐘已有, 原來一早整定, 黎度只係微暖, 魚好細條, 不新鮮, 已經好多豆鼓都蓋五到d醒味, 完全係難食, 白飯係五熱的, 差! 奶茶見佢用黑白奶, 但係d茶完全五得.終於明白晚餐時間都無乜人既原因, 五會再黎.

住咗呢區十五年，睇住佢執完再開。頭幾年啲嘢確係麻麻，但發覺近兩年品質好咗，加上見佢食評都係-旺角上面~~~油麻地，所以決定幫佢平反下啦其實個人認為茶記只要價錢合理、衛生ok、食物選擇種類多、味道可以的話，呢間茶記已經有80分，要記住自己付出咗幾多今晚同老爸兩個撑枱腳，簡簡單單，我叫個福建炒飯$38；老爸要個乾炒海鮮烏冬$38。咦？一段時間無嚟，而家有燉湯賣添，好，就要多個蟲草花燉水鴨湯試下啦其實對個湯邊會有期望，收你$48一盅咋當個湯嚟到時，咦都好認真成盅嚟喎，打開蓋一睇，咦似樣喎，湯色夠濃，湯面無乜油；加分用更一，嘩唔係嘛，里面有四份一隻鴨？仲有一大執蟲草花，精肉，真材實料，似模似樣咁噃啖湯好濃，好重瑶柱味，啖湯竟然比好多大酒樓飯店都好仲可以分到兩個大碗添，好好飲呀最後外賣咗個：川貝南北杏雪耳燉雪梨$38返屋企試嘩又係估唔到咁超好飲，成個雪梨畀埋你，超潤，勁好味呀佢仲有豬肺湯及雞湯，下次試

大年初二，很多食肆未啟市，又不想去酒樓，於是與家人來這裡吃晚飯。兩個人，叫了一個煲仔飯套餐及一個小菜套餐。中湯：例湯名為「發財好市大利湯」，是發菜、蠔豉、蓮藕、豬骨和紅棗。很清甜，十分足料，不肥也不過鹹。好味。薑葱田雞金腿煲仔飯 ($44)：田雞七八件、金華火腿三小片、幾隻對半切的冬菇及薑葱。煲仔飯一點也不熱，當然也沒有飯焦。田雞肉嫩，但有些肉有點紅，好像蒸得不夠火喉。金腿夠瘦也有鹹香味，但必須撈飯吃，空口吃會太鹹。麵醬四季豆炒雞柳 ($49)：四季豆爽焾適中，但有些炒燶了。冬菇切成細細粒，份量不多但頗入味。雞柳很多，味道ok。麵豉醬很多，但不太鹹，與四季豆及雞柳很配合，好味。今次的煲仔飯十分令人失望，但小菜卻意外地好吃。下次來這裡吃飯，還是吃中式小菜比較好了。－－－－－－－－－－－－－－－－－－－－－－－－－－－－－－大年初三，又再與家人來吃晚飯。兩個人，叫了一是日晚餐及一個小菜套餐。中湯：仍然是「發財好市大利湯」，材料與昨晚一樣，同樣清甜好味不肥膩。荔芋牛肉飯 ($41)：六七片牛肉，很焾。八九件芋頭，份量十分多，也夠粉。汁料呈白色，吃不出是什麼煮成的，但不膩，味道還可以。蒸鯇魚

今早來到柴灣工業區拎獎. 難得來到柴灣區,一早約定一位自由工作住在柴灣的朋友找一間茶餐廳食早餐傾傾計.他隨意地帶了我來-永利茶餐廳. 今早的早餐,我最想的便是吃一個餐蛋麵加杯凍奶茶,正好也有雙拼公仔麵,加上出前一丁還不用加錢. 嘩,我立即order一碗1)餐蛋出前一丁麵+凍奶茶問心.餐蛋一丁麵有時候在家中也會自煮的,完全沒有難度,也沒有什麼作評論,但我也想讚揚一下這間永利茶餐廳,不姑寒,而且夠大方慷慨.因除了一丁麵不用加錢之外,而且午餐肉厚切的,不像一些姑姑寒寒的茶餐廳,午餐肉切得薄完全沒有口感.2) 雞蛋豬扒朋友揀了雞蛋豬扒. 我沒有試一口,但見朋友也把整碟雞蛋豬扒吃光,相信也是不錯的. 再加上豬扒也是大塊的.

想起很久沒來這裡吃晚飯，故與家人來吃頓簡單家常晚飯。兩個人，叫了兩個小菜，各跟一碗白飯及一杯飲品。冬菜蒸黃花魚 (是日晚飯特價$39)：黃花魚不是十分大條，有魚鮮味但略為過焾。冬菜不太鹹，送飯很好味。拍蒜豆豉南瓜香芋炒雞柳 ($47)：可能這是個新餸菜，沒什麼人叫，所以廚師也弄得很慢（落單的阿姐也有點迷惘），要我們等了半個小時才有啊。　南瓜份量頗多，炒的火喉很好，不會過焾。雞柳比較少和細碎，味道一般。但奇怪的是，好像有一點類似帶子的東西，反而沒有芋頭。（是否廚師不熟悉這個餸，忘了下芋頭？）熱杏霜 (跟餐)：以前這裡的杏霜的味道很濃，但今次杏霜味只算是合格，較以前淡些。凍奶茶 (跟餐 +$2)：〔沒試〕白飯 x2埋單$88，價錢相宜。餸菜份量不算十分多，剛好是一人份量，味道ok，不太鹹也不太油，正常茶餐廳食物的味道。不過上菜速度頗慢，較快的是日晚餐也要等了好一陣子，而其他小菜則等得較耐。　地方淺窄也不太整潔，但餐具算是乾淨。整體不過不失。

無食一排, 每樣都加左一蚊, 平均幾個月又加一次, 今年都加左幾次. 如果好食都算, 但係加左價d野差左好多. , 叫左個蒸肉餅, 未加之前好厚架, 但係而家得番以前既一半, 而且重淋巴巴, 好多肥豬肉,蒸魚餐 條魚好五新鮮, d肉係梅既. 例湯好淡無乜味 ,反而個白飯夠熱有飯味, 不過比以前少左. 以前係突起的, 而家係平口的. 可能米價貴. 重有周圍好多蚊子飛黎飛去, 因為佢度門係日開左,而又無風閘.. 環境一般 d阿姐態度又差, 連最基本比既熱茶居然係凍既, 要問佢要番杯熱茶佢先比你. 而佢地d熱茶係就甘擺係台度, 無野遮住, 見佢地行黎行去, d塵就飛哂入去.呢間應該五會再去了.

見佢成日坐到滿哂人咁，諗住啲嘢食應該都ok，點知原來唔係囉！環境： 佢地方都算大，但係座位之間好迫，而且好污糟，就連佢拎黎果杯奶茶個杯都好多未洗乾淨既漬。服務： 我從來都唔會要求茶餐廳有好好嘅服務，但係佢同我地落單，問佢野又唔答，未落完單就走左去就真係唔掂囉！食物： 我地兩個人，叫左一個豬扒飯配香蒜汁跟熱奶茶，同一個雞扒公仔麵（竟然24蚊一碗雞扒公），豬扒有兩塊，兩塊唔同，一塊ok冇問題，另一塊啲肉質好＂鞋＂同好乾，可以用難食黎形容，好彩有個蒜汁救一救，唔係都幾難食入口，奶茶都幾大杯，可惜奶同茶既比例唔啱，奶落得太多！而且個杯好污糟，根本未洗乾淨！試完今次之後我相信我唔會再去啦！P.S.本來有影相想upload，但我用iphone寫呢篇食評，系統唔比我up相~ ＞,＜＂

夜mama肚仔餓..同老公去樓下搵野食=___=去左永利睇下宵夜有咩好食啦@@呢度有好多樣俾我簡既@@不過都係食麵啦@@叫左個紅腸腸仔烏冬@@woo... 個湯底真係另眼相看...係點整嫁@@我食到係.. 好似有少少奶味咁...好難形容...但係..係好味道嫁@@老公就叫左個雞脾麵啦脆卜卜... @@ 不過整走哂D脆野@@D肉就剩番好少了@@不過消夜黎講,,2十幾蚊都算係咁上下啦@@

有一晚,我同朋友收工之後,見覺得肚餓,於是去永利茶餐廳.點知惡夢就開始,首先入到去,d侍應都唔問客人幾多位,要自己搵位坐,我地見到有卡位,於是就坐底下來.跟住有個“木無表情”既侍應就放底兩杯茶,於是我同朋友就睇餐牌有咩好野食,我地睇左一陣,於是就舉手叫侍應落單,我同朋友分別落左個xx雞脾飯加七喜(冰分上)同xx肥牛河加凍田,等左大概一分鐘左右,罐七喜先到,但係個杯冰又唔係一齊上,要等到3分鐘之後先俾番杯冰我地,最麻煩係我杯凍田,我碟xx肥牛河到左,杯凍田都未到,你地話有冇搞錯,唔通冲杯野都要等5-6分鐘,同埋呢間茶餐廳d服務真係差得離譜,由其d侍應、廚房員工、水吧、收銀員,首先講下d侍應,客人入到來係唔係應該問下客人幾多位,然後招呼客人坐邊,唔係由客人自己去搵位坐,我最想提下d侍應係唔係應該將每杯飲品和每個餸放底俾客人之前,應該講聲果杯飲品同每樣食物係叫咩名,唔通就擺底就算數,如果客人叫左一杯凍央同一杯凍奶茶,同一時間你地將兩杯飲品放在檯上,然後走左,咁個客人又點知邊杯先係凍央邊杯先係凍奶茶,唔通又客人自己去分出邊杯先係凍央邊杯先係凍奶茶咩,同埋廚房員工、水吧好懶散,唔多想做野,又冇理

晚上在這裡食飯,點了蝦醬炒通菜,夠熱 & 非常美味~梅菜沽清, 最後點了鹹蛋肉餅,鹹蛋唔得,但肉餅都幾好~估不到晚上這麼多街坊來這裡食飯,差點找不到位,有點兒意外~包一杯飲品 & 一碗中湯~

2009-4-4行完街岀左成身汗，找間餐廳飲杯冰就最正．永利係公園隔離，入去個陣成五點半，D時間唔上唔落，唯有叫個常餐兩份食，雖然餐廳有幾位阿姐，但無乜人得閒咁，無乜招呼，由坐低到走，水都無杯．講番間餐廳,周圍貼左好多小菜款式，如果下次咁"橋"再來，就試下晚飯啦．1) 餐肉腸仔飯 $29>（常餐，三種汁任選），我覺燒汁好咸，但澤澤話好味，車，佢都唔知係咪熱氣．2) 凍奶茶 $2(餐飲)總數共＄31.

lunch 同班同事叫左炒粉面同炒飯....wa....D油多到可以返炒多兩碟食送都仲有突...有幾位同事食完返到公司即刻肚屙=="[[ 可能佢地身子弱啦... 不過我自己個胃食完都唔係好舒服... 飽飽濟濟足一日]]但係值得一提佢D 蒸水蛋好正*D蛋唔會蒸得太老~勁滑-V-蒸排骨都唔錯~總之我以後都唔會再叫呢到既炒飯炒面...==

係餐廳堂食就做到足但外賣就亂七八污做叫兩個?　１個少ｄ材料就＝　你要牛腩支足就少了了支足咁樣．第２個叫肉排ｄ肉排實過石頭要用刀大大力咁整開，又老又難食成吋厚仲要個?成＄４十幾蚊　唔係錢呀俾ｄ咁既質素我，～去街邊食都好過佢　

自己本身住附近.唔係成日去食,不過想食咖哩而自己身處柴灣附近就必到呢度食咖哩.試過o係銅鑼灣都特登入柴灣食..=.=.咖哩夠香.唔算太spicy,但自己就認為有咖哩o個種spicy.唔會太spicy.但又唔會完全唔spicy.3十幾蚊有野飲.呢個價錢,唔好話要求到100分..但呢個價錢呢個質素個人認為算好好架喇.dinner小菜就應該冇乜大分別..不過食過幾款都夠熱.份量中等.加埋個飯好夠食.另推介快餐蒜蓉汁雞扒飯..就咁一塊雞扒,淋d汁.有飯..周街都食到呢d快餐.但佢塊雞真係好正.肉滑皮脆夠熱..仲有少少黑椒香味.蒜蓉汁好香,唔會話係好敷衍咁求其有蒜蓉既汁就算.住附近既可以試試.真係唔錯..街坊餐廳^___^ps.鍾意佢夠大夠多檯.通常都唔洗等位,就算lunch,dinner hour都唔會太多人