永利茶餐廳

Open Now

Now Closed

本人飲凍奶茶走甜已經超過廿年，當日叫左個餐，然後亦點了凍奶茶走甜，奶茶到後發覺有甜味，叫番亞姐話吾好意思我要走甜，然後亞姐態度好差大聲話，頭先係你自己話少甜！如果你話吾換得咪同我講，洗吾洗錦嘅態度？

呢個價錢細到冇朋友，大過飯碗少少。羊腩唔好食之如肉質又實，個湯第一啖仲以為出前一丁粉溝水，馬蹄開雙加埋得1.5粒，真係好伏。警世！唔好再中伏！其他小菜食晚飯就還好，炒得唔錯，羊腩煲出嚟純粹應節呃街坊錢，嬲到第一次寫食評。

一行到入去同佢講三個人，叫自己搵位，啲人企晒喺度唔知做咩，冇安排性，冇管理，個個企晒喺一個狹窄嘅空間等位。本來叫左個枝竹火腩煲，一上枱打開蓋就聞到好大陣漂白水味，同職員講佢射波俾人，一個傳一個，仲要好晦氣講「有問題實換俾你，但係我唔到有味，唉，咁你唔好要囉，唔好要囉。」200幾蚊我仲要食氣啲野食70幾蚊，好似碟頭飯咁嘅份量，金沙蝦球得10粒以內，仲要係細粒。枝竹火腩煲，後尾改咗做豆腐斑腩煲，唔係汁嘅，係水，隻布仲要唔熱。瑤柱金菇扒生菜，一粒瑤柱都冇，剩係得好少好少嘅碎碎。啲嘢全部好似烚完淋啲汁上去就算，仲衰過雙餸飯。冇下次，可一不可再

自從學生時代以來，我就一直聽說過永利茶餐廳的名字。時光荏苒，從那時起，這家店就成為了我口中的美食佳話。每當提起這家店，我總會想起那香濃的咖哩牛腩飯，以及那難以忘懷的椰汁味。永利茶餐廳最讓人驚艷的一道菜莫過於咖哩牛腩飯。這道菜的味道獨具特色，咖哩香濃，椰汁味突出。咖哩與椰汁的組合非常契合，讓人不禁驚嘆廚師的巧妙手法。牛腩經過長時間炆煮，變得極為軟綿入味，搭配上白飯，每一口都是極致的享受。配菜方面，這裡的薯仔同樣值得一提。薯仔切得大塊，保持了完整的口感，不容易破碎。每一塊薯仔都充滿濃郁的咖哩味，讓人一試難忘。永利茶餐廳的外賣份量很足，一份咖哩牛腩飯可以分兩餐吃。對於平時經常外賣的朋友來說，這裡絕對是不二之選。總的來說，永利茶餐廳的椰汁咖哩牛腩飯絕對值得一試。擁有濃郁的椰汁味及香濃的咖哩，這道菜成為了另一道男人心中的浪漫。

呢間餐廳早餐就食得多，下午茶真係比較少，今日有事在附近，接近下午茶時間，見餐廳內有位，所以入座，入邊大部份都係卡位，坐入啲嘅話私隱度比較高-今次下午茶唔係太想食粉麵，所以叫咗豬扒包加杯熱檸水，等待嘅時間有點長，畢竟都係即叫即整，係可以等待的-豬扒包被切開了一半，非常厚，包皮有烘烤過，內裏有豬扒，生菜絲，蕃茄和沙律醬，豬扒食得出非常熱，如果個包皮烘耐少少會比較好，除此之外冇得挑剔，可惜嘅係食完一個豬扒包之後好想再食另一個豬扒包好似開胃菜咁

之前有次附近工作，朋友帶路嚟食lunch，試過炸肶餐一試難忘！！！！炸肶外脆內嫩，juicy juicy加埋支凍嘅維記牛奶，好幸福今晚又係柴灣做嘢，收工即刻衝去食炸肶，keep到水準！！！！層皮炸得好好，隻炸肶都好香但見open rice有人劣評炸肶所以想幫佢平反（FYI 炸肶一定要堂食！外賣係差好遠）推介：五香肉丁+腸仔出前一丁配炸肶餐再加支凍維記奶！perfecto香港茶記地道嘅味道我地一定要支持！

$32一個岀前一丁麵餐，岀前一丁😍不用加錢！！！ 我想好難食到😍每次到永利我都必定食「五香肉丁岀前一丁」加熱奶茶。減肥不敢去😂永利奶茶，茶色稻田金色，靚！茶香幼滑👍🏻老公乇次都叫加大！

叫咗個魚香茄子飯，個欠汁傑撻撻，以前啲飯好好食，而家啲飯唔知點解難食到咁多，唔知係咪換咗廚師，還是貪平用咗越南米，不過我都係嘴刁，食慣咗金鳳返唔到轉頭，總之難食過翠x餐廳好多，希望日係有所改善

深夜宵夜時份來到柴灣的永利茶餐廳，看到光光亮亮的燈光，就自然地走過去。地方位置還算寛廣。看一看餐牌，宵夜時段叫了個楊洲炒飯加凍檸茶，也是不過50是大元。楊洲炒飯來到了，色相雖然不太出色，但是香味卻香香噴噴的令人難懷。一吃下第一口，香香鹹鹹，第一口已經有吸引，讓人想繼續吃下一口的感覺。味道來說，飯不算太干，濕度剛好，連炒飯的菜絲肉絲一吃咬下去，味道也濃郁不錯。吃到一部分後，覺得美中不足，欠缺刺激感。所以決定加點辣椒醬，這裡的辣椒醬也有特色，辣而不痺，香口非常。加了辣椒醬後即時變得有層次感，先鹹鹹香香，後而鹹辛香口。最後加上了清甜冰凍的凍檸茶，一解辛困之憂

小西灣已經越嚟越多鋪頭唔肯送外賣呢間轉手又轉手嘅餐廳都係唔肯。。。不過唔緊要啦下兩步落街自己攞當做下運動都好聽講呢間鋪頭喺柴灣搬過來亦都聽講佢難食嘅程度有番咁上下🙈🙈🙈🙈但係經過今日試左之後我發覺有某幾樣嘢食都唔錯至於其他嗰啲｡｡｡｡自己諗下啦先講下隻炸雞俾🐥其實咬開基本上一啲水份都冇你可以用柴皮形容佢真係完全唔過份｡｡｡我媽咬左一啖之後就唔再食啦🙈另外其他肉類都有哩個問題個豬頸肉炒意粉啲肉極難咬開雖然睇落個顏色幾豐富夠曬色水只可惜主角豬頸肉都係唔抵幫反而咖哩雜菜飯令我好意想不到忍唔住要不停讚佢第1，咖哩雖然辣，但係好香會辣得太過份而且價錢相當合理份量超級大分開兩日食都仲得將咖哩汁同個飯分開裝唔會令米飯索曬啲汁保持米飯口感蔬菜仍然保持爽口有菜心西蘭花蕃茄西芹薯仔等等。。。如果可以選配多一隻蛋重要係煎旦就更加完美跟炸雞脾嘅米線個湯都夠曬底味麵條唔會過份發脹好滑好彈牙所以其實依間餐廳既食物有好有唔好就睇你果日夠唔夠運氣啦🤣🤣🤣

而家的永利真係比錢買難受，啲食物好似是鬼旦整出泥咁，唔知係咪以前識煮餸的廚師已經走晒，最搞笑係啲野食偷工減料到連個汁都冇埋，碟餸已經食過幾廿次都有，之後同啲員工講返明明個餸係係有汁，點知竟然話唔同廚師唔同手勢，炒出泥冇汁係無錯的，結果我要叫多碟同一樣的出泥，同啲員工對質同一個餸兩碟一個有汁一個冇汁唔同，之後先死死氣收返錯左果碟😥但仲要比啲呀姐員工話我浪費食物，大佬好似明明你地餐廳做錯左唔認在先，而且我都同啲樓面呀姐反映，係佢地點都唔換話冇錯，咁既餐廳我都係第一次見，唔知係咪唔休做，咁優質既餐廳你食埋我果份喇👋👋

今日同老婆去咗柴灣下午茶，去咗永利中心樓下嘅永利茶餐廳，點咗炸脾薯條及星州炒米，雖然炸脾比較細隻，薯條嘅份量亦唔係太多，但作為下午茶嘅份量，我認為都係足夠的，炸脾外皮夠脆，肉汁亦補留到，薯條唔粉；星洲米都係一樣，分量亦唔算大份，辣度適中，作為下午茶係一個唔錯嘅選擇

在柴灣十多二十年的一家茶記不能放太多期望在食物質數跟環境服務上(可能跟本不休做)做街坊生意 附近打工仔為主每間茶記最隱陣係咖哩？至少我係咁諗叫左個咖哩牛腩飯落單唔夠五分鐘就上枱咖哩 飯都夠熱 牛腩都足有十多件美中不足牛腩太瘦食落起渣痴牙而且食得出牛腩不是跟咖哩同炆而先用五香料炆 有單時落咖哩舖面咖哩味不算突出 但椰香味足夠 加上有少少辛辣 大致上都合格！餐廳環境椅腳生銹地方舊應該要裝修下了因咖哩不是跟餐所以有加熱飲$9凍飲$10是日跟凍檸蜜$10

放工收得夜，返到柴灣都十一點半，附近無幾間仲有開，就試下幫襯呢間，叫左個牛柳絲炒面，個收銀個阿姐黑口黑面，問我姐係幾多號，我心諗，你先係係到做，吾係應該熟過我咩，我呆左一呆，睇返個餐牌，好有禮貌咁答佢A9,落完單，因為場內已滿座，我企左係門外等，個收銀阿姐拎到外賣會出黎門口問人係邊個，等左半個鐘左右，眼見身邊幾個遲黎叫外賣既人都拎完走埋，我就諗住入去問佢係咪漏左單，點知入到去收銀位，佢無理我，但我見到死角位有一袋外賣（門口望入去望吾到既位置），我就好聲氣問佢係咪A9,佢黑哂口面拎黎望左一眼，跟住俾我拎走，我真心有D不滿，價錢吾平，態度仲要咁惡劣，返到去開盒睇，味道真係吾錯，但牛柳絲小到呢，翻哂成盒都係得六/七條牛柳絲，收人46蚊，自問要俾錢又忍到態度差，可以一試既

今日出柴灣戲院睇早場電影，而永利茶餐廳就正正係戲院旁邊，所以一於就腳試下佢既早餐啦蕃茄湯底從來唔係我至愛，但見到現場好似幾多人食，於是我都跟機試下啦碗野一兩分鐘就上到枱，好快有得食湯底值得一讚，唔似連鎖式快餐店用茄膏開果種好假既味道，反而食到新鮮蕃茄甜味，幾開胃麵就餐牌上聲稱係出前一丁，不過食落睇落就唔似雞肉普通，幸好也沒有雪藏味腥味餐飲即管試試凍奶茶，尚算濃郁香滑，不過茶味不出，因為落糖略為重手，飲落膩濟，最後剩下三份一杯當然還有各式早餐可以選擇，不過今次我只試了「皇牌早餐」價錢如果便宜5元會較為吸引，整體合格