北角四眼妹美食屋 (Closed)

喺天后食完午飯，決定徒步去北角買餸。路經電廠街時，突然傳來陣陣雞蛋仔香味，上前一看，原來呢度開左間美食屋，除了雞蛋仔和格仔餅外，仲有不少小食，例如：咖哩魚蛋、麻辣牛丸、魚肉燒賣、山竹牛肉球、潮州粉果、撈麵、粢飯同豆漿等供應。老闆娘非常友善，笑容可掬，見我哋喺度睇餐牌，問我哋有無興趣試下佢哋嘅雞蛋仔同格仔餅，反正兩口子都好耐無試過喺街頭買小食，所以就買咗一底朱古力味雞蛋仔，另外再加咗 $10 魚肉燒賣同四粒香菇豬肉丸。朱古力味雞蛋仔 ($23)，雞蛋仔烘得香噴噴，食落非常香脆，就算放多一會都不會腍，入口有好濃嘅朱古力味。每粒蛋心佔 2/3，用料十足，加上調味恰當，入口不算太甜，質素不俗。另外魚肉燒賣 ($10/6粒) 同香菇豬肉丸 ($15/4粒) 味道亦唔錯，燒賣食到魚味，亦有肥豬肉的油香，但又不算太膩，豉油鹹甜味道剛剛好，濃稠適中，配燒賣好食。香菇豬肉丸大大粒，豬肉味強，菇粒香濃，味道很出。其實兩款小食都可以揀加辣汁，不過由於我哋兩個都唔太食得辣，所以只係揀左豉油，如果喜歡食辣嘅朋友可以一試。見啲格仔餅賣相都幾吸引，下次經過會買嚟試下。

今日同朋友去完灣仔打邊爐之後， 再落咗炮台山探另一個朋友 😊😊😊 佢住喺城市花園附近， 上佢屋企之前 ，因為佢冇食lunch，所以叫我幫佢買啲小食😂😂😂佢whatsapp咗間舖頭名畀我，平時佢都係呢度買慣嘢食。 我嗌咗 抹茶雞蛋仔加紅豆餡、 原味雞蛋仔、 咖哩魚蛋、 鮮榨豆漿。鮮榨豆漿，老闆話每日新鮮製造 ，只係五蚊一支啫😯😯😯抹茶雞蛋仔加紅豆餡， 呢個要等得比較耐， 大約等咗十幾分鐘。美食總是令人等待， 抹茶味香濃😍， 紅豆舊林唔會太甜😚， 雞蛋仔質感外脆內軟， 裏面餡料係比較綿密。😋😋😋咖哩魚蛋， 咖哩汁味道香濃， 魚蛋彈牙。相比起抹茶雞蛋仔， 原味雞蛋仔就普通咗少少lu😂😂

平時食粉麵飯多，假日自然會想放縱下，今個星期日經過北角一間新開小食店，見到有唔同款式嘅雞蛋仔，就買嚟試吓。剛到達睇餐牌，老闆娘好友笑容咁歡迎我哋，為我地介紹不同口味的雞蛋仔，細妹鍾意抹茶，我鍾意朱古力，所以揀咗一款抹茶朱古力雞蛋仔。我最怕太甜的雞蛋仔，雖然今次沒有叫少甜，但是甜度適中，朱古力味雖然不是很突出，不過有大量抹茶粉，為整個小食增添清香，而且粉漿調校得幾好，新鮮熱辣辣的這塊雞蛋仔外脆內軟，內裏保持濕潤軟綿綿，質素不錯。光顧小店，必定會順便買幾串魚蛋牛丸墨魚丸，特別欣賞這裏的墨魚丸，口感彈牙，而且又墨魚鮮味，不是用麵粉搓的次等貨，加埋辣醬放入口，很惹味😊👍🏽下次經過再光顧。

每次在經過都會聞到很香的雞蛋仔味，這家小食店開張沒有很久，門面很容易找到，店的老闆和老闆娘也很友善。小食的選擇不算很多，都是雞蛋仔，格仔餅，魚蛋燒賣牛肉球等等的香港街頭小吃。店鋪的環境算是衛生，醬料沒有到處都是。而且食物都在蒸籠入面，叫的時候才會拿出來。買了咖哩魚蛋，燒賣和格仔餅。會越吃越辣，喜歡吃辣的不妨一試，魚蛋暖暖的，很入味和彈牙。燒賣沒有魚蛋出色，可是在豉油的配搭下不俗。格仔餅配上巧克力醬，在平時的小食店中比較難看到，甜甜的，不錯！

禮拜日晏晝喺炮台山有啲肚餓，行過見到有間賣魚蛋，就試一試。老闆娘超級細心，所有雞蛋餅同格仔餅都係即叫即整，粉漿都係即場混合味道。而且招呼周到，非常有禮貌。店舖前邊仲有兩張等，等到攰可以坐下。首先講下咖喱魚蛋。價錢非常合理，以魚蛋嘅份量同每一粒嘅大小合理。味道方面，咖喱味濃，辣到適中，唔會完全冇辣味。魚蛋質地彈牙，係有質素嘅魚蛋。除咗魚蛋，麻辣牛丸同墨魚丸都係一個唔錯嘅選擇。麻辣醬唔會過鹹，味道適中。牛丸多汁鮮嫩，味精唔太重，容易入口，配合麻辣醬更加惹味。而墨魚丸入邊有墨魚粒，非常有口感，而且有墨魚嘅鮮甜。最後當然唔少得甜品，朱古力雞蛋仔配抹茶餡。雞蛋仔甜度適中而且朱古力味突出。老闆使用嘅抹茶餡料係無糖抹茶粉，所以咬落去嘅時候會有濃郁嘅抹茶味以及苦澀味，如果各位係抹茶控，一定要試。口感方面，雞蛋仔外脆內軟，因為係即叫即整，所以非常新鮮。整體而言，價錢適中，味道不錯，係醫肚嘅佳選。

今日路經這間小店，朋友突然又感到有一點肚餓，於是我們便買些小食來充飢一下。下午來光顧的人有三、四位，而店舖內只有一位職員，非常勤快。排在我前面的街坊，多以光顧腸粉、魚蛋和燒賣。$10 六粒咖喱魚蛋：價格實惠，魚蛋彈牙，咖喱味真的很香！$10 六粒燒賣：同樣價格合理，加少許辣油便成人間極品。$10 兩粒牛肉：牛肉味香，不會有粉團的感覺，配上喼汁味道不錯。兩個人食得非常飽足，朋友嚷著要吃這裏的雞蛋仔，可惜我的肚皮真的吃不下呢！——————————北角四眼妹美食屋 網址: https://s.openrice.com/QrbS0iPa900~ue5biAw地址: 北角電氣道308號聯和大廈地下C1號舖電話: 96389646=====================憑恒生信用卡於全港食肆簽賬賺高達6%Cash$回贈!即上恒生網頁。優惠附帶條款。借定唔借？還得到先好借！

路經這間北角小食店，好耐無食過這些香港特有的街頭小食，所以就點了！門面乾淨，是外賣的小店，出面放了2張椅子讓客人坐下等待；好友善好好人的老闆及老闆娘，有禮貌又對客人好，見同一些熟客好好傾又用心有耐性，態度好好食物款式選擇都好多，點心：牛肉球、台式肉燥腸粉、豉油皇炒腸粉、燒賣、咖哩魚蛋、潮州粉果、魚腐、墨魚丸；甜品：不同款式的格仔餅及雞蛋仔，現在更有不同款式的飲品：即磨豆漿、果汁！1. 咖哩魚蛋這個用一個好精美的膠杯放著，可以讓客人外賣回去更方便。好鐘意這裡濃稀適中、香口辣味剛剛好的咖哩醬汁，是由四眼老闆娘自手製作的，以這個咖哩汁配上彈牙香魚味的魚蛋，口感味道都咁正！必點！2. 朱古力格仔餅配開心果醬格仔餅有3種餅底的味道：原味、朱古力、抹黑；即點即製的格仔餅，熱辣辣香噴噴，見著老闆好細心咁整，熱熱的外脆卜卜內香軟的格仔餅中間更有朱古力夾心的；開心果醬好特別，香甜美味又滿滿的醬，口感一流又滿足！

下午三點三，即慶嘆個下午茶。記得這裡最近開了一間雞蛋仔食店，於是便走去嚐嚐。到達的時候，都有不少街坊來光顧。自己其實也心大心細，因為突然間有很多食物都特別想吃！細看餐牌，發現除了雞蛋仔以外，店舖還有格仔餅，魚蛋豬皮蘿蔔、燒賣、牛肉、粉果等小食。本來很想吃雞蛋仔，但見到有金沙榛子醬格仔餅我就忍不住了！金沙榛子醬格仔餅即叫即製，內裏的榛子醬非常澎湃，餡料混合榛子醬和朱古力醬，彷似真的在吃金莎朱古力！而且格仔餅咬下去時外脆內軟，有微微蛋香，無論口感抑或味道都極之出色！👍🏻

從來都對街坊小舖抱有特別既情意結一直認為街坊既出品一定比連銷大集團既量產食物注重細節, 更用心果然又一次印證左我既推論今次係北角既一間小店四眼妹 (不是我, 店舖真係叫四眼妹)呢度賣既係好地道既香港小食, 魚蛋燒賣, 雞蛋仔腸粉等等首先試左個手工雞蛋仔先, 全人手即製食落果然外脆內軟, 用料充足, 濃濃朱古力味充滿整個口, 不過一定要趁熱食試食即製既野, 就要試啲要用長時間精製既野咖喱魚蛋香港地道小食既霸主, 周街都有得賣, 但唔係周街都做得好呢間啲魚蛋的確唔錯, 咖喱夠入味, 魚蛋彈牙, 而且有魚肉, 唔好淡口經過絕對需要試一試, 唔經過都要黎試一試

好少入北角行街, 今日難得得閒同埋有朋友陪我既情況之下就走左入去hea返一日, 加上個邊既街道同建築都好有香港本地特色行下行下就有啲肚餓咁啱聞到啲香味, 原來係雞蛋仔既香即叫即製既魅力真係不言而喻馬上叫左個朱古力雞蛋仔黎食, 一攞上手非常熱辣辣, 朱古力揚溢四周食返粒先, 咬落好脆, 入面好軟, 正宗香港風味再買左牛丸同墨魚丸黎食加上辣椒油, 好香夠辣, 牛丸彈牙唔粉口, 墨魚丸一樣, 仲有啲墨魚粒係入面, 口感非常之咁好而家大大粒, 食完呢兩樣已經好飽, 又可以繼續北角之旅

去炮台山接先生放工, 見肚仔有啲我於是諗住是但搵啲嘢醫下肚, 附近有好多小食店, 見到呢間鋪頭有我至愛嘅綠茶雞蛋仔, 有個媽媽帶住小朋友等緊新鮮出爐嘅雞蛋仔, 而且店面好光猛整潔, 二話不說就叫咗一底😁好嘢食總係需要時間等待, 雞蛋仔係即叫即整, 大概等左8至10分鐘左右, 香噴噴嘅雞蛋仔就到手喇😋食落去蛋香十足, 有淡淡的綠茶味, 唔會太甜或太苦, 最最最重要嘅係!! 佢真係外脆內軟! 😋😋😋 等待嘅時候, 老闆仲介紹佢哋嘅豆漿係每日新鮮製造, 剛剛煲好咗, 於是我叫多杯豆漿試下, 唔知係咪因為係熱嘅, 覺得豆味特別香濃!! 真心未試過喺街外飲過味道咁濃郁嘅豆漿, 十級推介🤩

常常都會經過這邊，這天經過嗅到雞蛋仔香，見到這家新開不久的街頭小食店，勾起那街頭小食的癮。小食選擇不多，主要都是丸子、雞蛋仔、格仔餅及豆漿。店子簡潔衛生，所有食物都在蒸籠裡蓋著，食客點的時候才會打開拿給客人。咖喱魚蛋：店主已經事先「警告」魚蛋醬汁十分辣。一開始也不覺辣，但是發現辣味在口腔內徘徊，越吃越辣，十分過癮，嗜辣的朋友不妨試試。魚蛋一直在鍋中烹煮，保持溫度，而且醬汁濃稠，魚蛋入味彈牙。豉油皇腸粉：應該是自家調出來的醬汁，除了豉油外，還有麻油香，蘸著腸粉倒是挺惹味的，所以沒有額外加甜醬了，如果加點芝麻會更佳。

今日經過見到有間新開賣雞蛋仔小食的舖頭，試咗佢的皇牌組合（咖哩豬皮/蘿蔔/魚蛋）, 豬皮蘿蔔好入味，豬皮又大塊，辣味好啱我，四眼妹話唔夠辣可另加辣汁！會介紹朋友去試！

我都好想試下新嘢嗰日見到 佢開我真係好開心正餐唔鍾意食嘅我最鍾意食埋呢啲街頭小食其實見到咖哩魚蛋我都卻步因為我鍾意食嘅魚蛋係另外加汁嘅嗰啲辣到上腦嘅汁可能因為佢新開有個唔係好識嘅男人見佢行開咗就幫佢搞掂我見佢唔係好識都唔想叫啲好複雜嘅嘢但係佢個咖哩魚蛋真係幾好味堅係辣但係佢如果想賣到 普通人都食到嘅話嗰個辣味可以唔好咁勁雖然我好enjoy但係普通人食唔到呢啲咁辣嘅嘢下次我會試佢嘅豬皮同埋腸粉值得回頭嘅魚蛋質地都算唔錯嘅