WM Café & Bar (雅濤居購物商場)

Open Now

Now Closed

網上見食評評價好似幾好，今日12點黎到同屋企人3大1BB，先叫住兩個餐，包湯同飲品。叫左一個忌廉龍蝦湯，一個是日餐湯雜菜湯，仲有2塊硬多士，唔熱，感覺似隔夜面包。一上枱忌廉龍蝦湯全凍，雜菜湯係暖。 之後佢再俾個龍蝦湯我，一飲就知道係叮返熱，因為有D仲係凍有D又熱，好難飲，個下已經好失望，好彩食物嚟到都唔錯。紐西蘭炸魚柳川忌廉芝士漢堡配薯條 $72芝士唔係溶嘅，似係炸完個魚柳，之後放塊芝士生菜上去，味道一般般三文魚籽忌廉明太子煙三文魚孖辮粉 $68 俾人食左D先影相😂最好食就係呢個，夠creamy夠熱。最後，因為屋企人有事，所以食完兩個餐就走啦

今日同朋友去馬鞍山交收🚶‍♂️，行過呢間餐廳🍽️，被佢套餐吸引。黑松露忌廉雜菌意粉套餐$78🍄。+$26芝士白汁焗西蘭花🥦+$2西柚蜂蜜綠茶🍵+$28自家製心太軟🍫。套餐有巴馬火腿田園沙律🥗，唔好睇餐廳細細，提供食物都好講究👍。淨係睇呢個沙律有parma ham，西柚🍊。真係要畀個like👍。套餐都可以揀龍蝦湯🦞。意粉大大碟🍝，醬汁好creamy，黑松露好香🖤🍄。雖然心太軟不是流心，但是做到外脆內軟，有香濃朱古力味，又不太甜🍫。今日做嘢太攰😩，嗌咗個$198澳洲焗豬安慰勞下自己🦘🐷。+$38轉餐有餐湯🍲、沙律和餐飲🥤。今餐真係食得飽飽大滿足😋。餐廳環境清雅闊落🏡，CP值很高，值得推介👍。

如果想喺馬鞍山搵一間性價比高嘅西餐，我會介紹呢一間😋唔係第一次食，每次嚟都心思思想食唔同嘅嘢，今次試咗兩款主食🙌🏻日本魷魚筒蒜香墨汁扁意粉❤️原本我好怕食墨汁意粉，因為食相唔好，你明㗎啦😂😂😂但原來墨汁意粉係咁好食，仲要呢間嘅魷魚真係好大件，配合蒜香，出奇夾🙌🏻🙌🏻烤大啡菇惹菌芝士意大利飯❤️呢間嘅意大利飯好特別，賣相好似好腍，但食落去出奇又爽口嘅感覺，而且芝士味濃，芝士控可以一試另外佢加$38有套餐：包括：吉列炸蠔、餐湯、沙律同一杯嘢飲，都幾值回票價👍佢啲小食都好大件，三五知己嚟到呢度聚吓都幾正❤️🙌🏻❤️WM Cafe & BAR

今日同朋友黎到呢間位於馬鞍山雅濤居附近的一間西餐廳食晚餐。餐廳環境舒適，卡位私人度高適合同朋友傾計暢談。呢度食物選擇豐富，如叫主食可+＄38轉套餐包湯，小食及飲品。忌廉龍蝦湯🦞🍲湯好滑身，味道香濃，開胃！吉列炸蠔🔥🦪炸得剛剛好，熱辣辣又香脆。凍西柚蜂蜜綠茶🍊🧋生津解渴又不太甜，岩我！日本帶子明太子扁意粉🍝帶子好大粒🤩，食落有爽口彈牙又唔靭，厚滑嘅明太子醬汁好creamy，扁意粉煮得好好軟硬適中👍，好食。烤澳洲豬鞍扒配時令蔬菜及薯蓉 🔥🐷🔥有驚喜，豬鞍扒烤到金黃色剛剛好，極有厚度又一點都不鞋口，肉質軟腍, 配上燒汁很惹味😋，配菜係西蘭花🥦同蕃茄仔🍅，味道都唔錯，一點都不馬虎。地址：WM Cafe & Bar （馬鞍山鞍駿街15號雅濤居購物商場地下G01B號舖）@chillchill_aloye#馬鞍山美食#豬鞍架#西餐#美食推薦 #朋友聚會#食好西#hkfood#香港美食#foodiehk #foodpics #hkfood #foodstagram #foodie #hkig #igers #foodblogger #foodislife #hkfoodie #hkigdaily #h

好友約我食晚餐，我地去左位於馬鞍山鞍駿街15號雅濤居購物商場地下G01B 號舖的 WM Cafe and Bar ，環境舒適，坐得舒服。我點左個 日本帶子明太子扁意粉 $158，好友點左個 烤大啡菇野菌芝士意大利飯 $128，兩個主菜都加 $38 轉套餐跟龍蝦餐湯、吉列炸蠔及廚房沙律，餐飲係 熱奶茶，凍西柚蜂蜜綠茶。整體黎講係高質素的菜色，主要係上檯時熱辣辣，尤其是冬天的氣温，好容易凍左就唔好味道又唔好食。日本帶子明太子扁意粉賣相不錯，有3隻香口的日本帶子，扁意粉軟硬適中又好食；大啡菇烤得味道香濃又有汁，意大利飯軟腍好食；吉列炸蠔好香脆好味。

食哂圖中 餐湯、前菜、主菜、蛋糕、飲品都只係$288！有追開我 為食羊 食評就知道我係WM cafe fans～今次臨近聖誕節 再食馬鞍山WM已經充滿聖誕氣氛啦～🎄☃️燈飾和裝飾品 令人彷彿置身於節日仙境～二人套餐$288內容包括兩份精選餐湯、WM自家製Cake及熱茶前菜-煙三文魚凱撒沙律🥗新鮮的煙三文魚與爽脆的生菜搭配，淋上特製的凱撒醬主菜🍣三文魚籽味噌松葉蟹與蟹肉意大利麵三文魚籽鮮美, 松葉蟹肉清甜意大利麵的口感滑順🍄‍🟫烤大啡菇的野菌芝士意大利飯大啡菇咬落 有汁 芝士的濃郁和香菇的香氣交織～飯不是正宗Risotto偏硬但卻剛好 迎合香港人口味WM自家製Cake巴斯克蛋糕 -必食！ 偏流質的蛋糕質地，入口即融！草莓🍓cake- 有淡淡草莓香 ～真材實料、厚實質地

睇完戲之後想找些食。但一個人不知道可以食什麼。呢排股市樓市暢旺。搵間貴小小有氣氛餐廳。獎勵下自己個胃。**牛油果沙冰**沙冰的質地細膩，入口即化，牛油果的天然香氣與清新的口感讓人感到無比舒適。這道沙冰的甜度恰到好處，沒有過於甜膩的感覺，反而讓人感受到牛油果的清新&健康。搭配的薄荷葉增添了一絲清香，讓整道甜品更加清爽，特別適合在炎熱的夏季享用。**雙層安格斯牛肉芝士漢堡**漢堡的外觀豐滿，兩層厚實的安格斯牛肉餅搭配融化的芝士，讓人一見就忍不住想要品嚐。牛肉的肉質鮮嫩多汁，咬下去時肉汁四溢，與芝士的濃郁相互融合，形成了絕妙的口感。漢堡的麵包外脆內軟，完美包裹住內餡，讓每一口都充滿了滿足感。搭配的生菜和番茄，增添了清新的口感，讓整道漢堡不會過於油膩，平衡了味道的層次。

今日約咗朋友去佢屋企樓下的WM Cafe食晚飯。呢間位於馬鞍山嘅wm cafe 座位安排好闊落，大門有個開放式bar枱，對於渣車嘅客人黎講好方便。主餐單唔算貴，套餐更係超值，所以我哋揀咗2人餐，貪佢夠丰富。首先係忌廉龍蝦湯，味道濃郁，配上香滑嘅忌廉，飲落去好滿意。前菜系煙三文魚凱撒沙律，搭配新鮮嘅沙律菜，口感清新。黑松露雜菌薄餅，薄餅底夠薄脆，雜菌同松露味道融合得好好。三文魚籽味噌松葉蟹配蟹肉意粉，意粉煮得剛剛好，蟹肉鮮甜，味噌醬提升咗整道菜嘅層次，好味。甜品方面，我哋揀咗雪糕配心太軟同巴斯克芝士餅。雪糕滑溜溜，加埋心太軟嘅香甜，一冷一熱搭配無懈可擊。巴斯克芝士餅唔會過甜，份量剛剛好，不錯。服務方面，店員都幾友善，尤其是帶眼鏡嗰位小哥，態度親切，令用餐感覺良好。

馬鞍山講緊係最美地區，背山面海，係到都隱藏左一間驚世美食。臨近萬聖節，店內亦推出左好多萬聖節餐搞下氣氛，餐湯仲要係南瓜湯，非常應節亦好好飲。叫左個美國安格斯牛肉眼＄288非常好食，煮得好好，紅酒汁亦調得好好。跟餐有3隻炸蠔，香口好味，大大隻，即炸即食，唔錯。我最愛佢呢到既龍蝦湯，香氣撲鼻，非常之有質素。另外叫左個萬聖節餐，香煎帶子配安格斯牛柳配黑松露汁＄238好抵食，牛柳好厚，肉味好夠，淋得黎又有d咬口。

住呢頭附近，之前食過地方都大坐得舒服，所以簡中都會來呢度食晚餐。今晚見近近地又來食。推薦香煎帶子安格斯牛扒。牛扒好軟熟，7成熟剛剛好。都幾大塊，帶子好香牛油味。而底下的薯蓉好滑，整個配搭都好好。跟餐的沙律新鮮，龍蝦湯比較特別好濃海鮮味。南瓜薯蓉忌廉湯無龍蝦湯甘出色。三重芝士焗薯條好邪惡，好多芝士好香口，好快就清曬。至於意粉就ok啦，牛扒+焗薯+龍蝦湯係必食之選。飲品方便，熱朱古力有好多cream好飲。

happy Friday，為咗快啲返屋企，我哋選擇喺屋企附近食埋嘢就返去。揀咗一個dinner set ，包咗餐湯沙律同埋一個主菜。佢個餐湯今晚係南瓜湯，其他西餐廳佢一個湯嘅質感係比較稀啲，而個甜味都真係幾甜。而佢個沙律上面嘅芝士粉更加係會溶引起芝士狂迷狂熱。主菜我哋揀咗個帶子牛柳，帶子鮮甜，而且仲有幼滑薯蓉添。牛柳真係煎得幾好㗎，好夠腍，但係淋得來你又食到鐵板嗰種香味，再加埋啲黑松露醬，我覺得幾好食。然後我哋再散叫多咗個Pizza ，個Pizza好薄好脆嘅餅乾底，再加埋芝士同埋辣肉腸，呢個經典嘅配搭真係永垂不朽。因為我哋驚食唔晒，所以就冇嗌兩個dinner ，反而咁樣嗌又幾抵食喎。

放假嚟咗馬鞍山食lunch 去咗哩間試下😇佢啲餐牌都好吸引架 都有很多款式 點了大啡菇牛油果芝士漢堡配薯條🍄‍🟫🥑🧀🍔🍟餐湯是龍蝦湯🦞🥣 仲有塊迷你麵包 脆的但係凍的 龍蝦湯唔夠熱 所以好難飲😫😩大啡菇牛油果芝士漢堡配薯條🍄🥑🧀🍔🍟雖然麵包是脆脆的 但塊麵包太dry 無咩sauce 除了牛油果🥑大啡菇🍄‍🟫芝士🧀外 仲有一塊生菜🥬同蕃茄🍅作為配菜 整體都好難食 基本上無咩味道 同就咁獨立食每樣食物無咩分別😣😖炸薯條都好難食 乾到呢☹️😞凍檸茶仲衰🧊🍋都已經係基本野 但都係無味👎🏽👎🏽本身都想試下啲cake 不過食完個burger好失望後 再加上見到咁嘅款 真係係咁先 無下次😓😶

最近睇左M&M介紹馬鞍山美食，但其實漏左呢間😋👇🏻WM Cafe & Bar 高性價比西餐美國餎殼飼安格斯西冷，厚切到呢😋😋肉質鮮嫩安格斯牛肉煙肉芝士漢堡，一上碟就俾佢嘅賣相吸引咗，唔記得相機食先，但正好比大家見到佢入面係幾咁多汁🤣😋佢啲小食都好吸引，炸蠔，外皮超級脆，裏面嘅蠔肉仲係熱辣辣，好香口，正🔥👏同埋呢度坐得非常舒服，好適合朋友相聚、情侶紀念日、家庭聚會，入開馬鞍山嘅朋友，記得都要入嚟試吓❤️

地方寬闊，卡位舒適，微黃燈光，牆身設計特別！👉🏻WM雙層安格斯牛肉芝士漢堡 $128厚實嘅雙層安格斯牛肉，好juicy，配融化嘅芝士，增添奶香，新鮮嘅生菜同番茄片有清爽嘅口感！👉🏻芝士芥末焗蟹肉忌廉長通粉 $138都幾creamy，四件長蟹柳，長通粉口感彈牙掛汁！👉🏻吉列墨魚餅 $58共六件，墨魚餅外層金黃酥脆，每一口都食到墨魚嘅彈牙！👉🏻青蘋果蜜桃茶 $40清新爽口，青蘋果嘅酸甜加埋蜜桃嘅芳香，入口清涼！

先講食物真心一啲都唔好食，叫杯凍奶茶可以完全嚟到嘅時候啲冰係溶化晒，好似熱奶茶咁，食物味道又一般，最慘係你叫佢寫單叫四五次有人應咗你，話轉頭嚟，但完全冇人會再嚟幫你寫單，就算你食完諗住埋單走，一樣企喺收銀度，等佢過嚟埋單完全都唔會有人嚟幫你埋單，認真如果你諗住唔使等位嘅你可以一試，否則可免則免😢