WM Café & Bar (八號花園)

Open Now

Now Closed

表面平凡嘅西餐廳, 裝修平凡, 但食品&招呼絕不平凡, 叫咗2~3個頭盤/小食都唔差, 但呢個原烤原條八爪魚腳配墨汁意大利飯絕對驚喜之作, 有微量辣味減低膩口感, 基本上我唔食飯都比忍唔住食咗5~6啖, 跟住問佢哋點煮, 佢亦豪不忌諱講咗, 一定會再去食, 絕對欣賞佢哋親切招呼同食品質素, 佢哋menu無甜品, 但原來有, 應該小量自家製, 但由於太飽食唔落, 下次要留肚試

今日同咗朋友去咗八號花園WM Cafe & Bar食lunch，餐廳內人頭湧湧，座無虛席。龍蝦湯真心有驚喜，我通常都好少飲餐湯，因為好怕味精水，估不到完全無味精，全部飲哂，龍蝦湯好濃味，正😋香煎牛柳配紅酒燒汁配意粉牛柳淋滑，但不是霉個種，而且肉味也不錯，紅酒汁好食，意粉軟硬亦適中👍正！煙三文魚千島薄餅餅底脆得嚟又煙韌，三文魚也很鮮味，值得讚的是沒有加味精，是食材原味道。最後來一杯即磨咖啡，咖啡味香濃，醒腦提神

自己一向都好鍾意去一啲有Cafe味道，又係西餐廳嘅地方食飯，呢一間餐廳價錢算比較平民，所以平時夜晚嚟食飯，我都覺得接受到。今晚我就叫咗一個燒澳洲安格斯肉眼扒250 gram，配上薯菜，作為我的晚餐。一開始嚟嘅餐湯，係龍蝦湯，配上餐包，龍蝦湯嘅湯味尚算濃郁。之後我叫咗一份小食：吉列炸蠔，特別欣賞佢嘅炸號係新鮮炸起，熱辣辣，咬落去嘅時候，有蠔汁爆出，唔會特別乾爭爭。之後就係嚟到主菜：肉眼安格斯， 250 gram，大大塊，我特別只是要三成熟，廚師控制得算幾好，肉汁保存得多，肉眼扒下面係薯蓉，所以薯蓉亦都會滲入左肉汁，外皮剪得香脆，整體而言不錯。最後我叫咗一份鵝肝多士， $88 ，但份量唔係特別大份，所以算係一款比較貴價的小食，但鵝肝充滿香氣，還算是不錯，唯一餐廳可以加強的是，可以配搭果醬比客人選擇。

原本睇到哩間咁多好評，bookmark咗好耐，之後同朋友去慶祝聖誕節，點知好失望🥲服務員好少，上餐好慢，食物質素好差… 嗰杯西油綠茶竟然飲出咖啡味🥲 究竟點解會咁多好評㗎🥲帶子龍蝦汁意粉，帶子食得出係好大雪藏味🥲冇乜龍蝦汁味，整體好啖，都要百幾蚊叫咗兩份，兩份質素都一樣，未食過5成個牛扒係韌到咁，好難咬，入面都冇粉紅色，幾乎熟曬，仲好老… 成個set有碗湯同迷你沙律，一共$258…真係好唔值🥲可能係貴在鵝肝度…

今日難得假期，約埋個好朋友一齊去大埔呢間cafe 試下❤️今日係星期六中午，去到已經full 哂，好彩最終等咗5分鐘左右就入得😊入面環境都算整齊，但張枱就比較細，略嫌有d逼。我同朋友都想食漢堡包，所以就一人叫咗一個漢堡就食❤️❤️跟餐ge番茄湯🍅偏甜，似罐頭湯開出黎WM安格斯牛肉燒汁雜菇芝士漢堡配薯條 $66牛肉夠嫩滑，但肉味偏淡，但加埋d雜菇又幾fresh 幾待別❤️值得一試🎈美式BBQ烤手撕豬菠蘿芝士漢堡配薯條 $66手撕豬好惹味，配上酸酸甜甜ge 菠蘿真係好夾🤣一d都唔會油膩😋我地再每人咁咗杯特飲梳打（另加$18）薄荷青檸梳打，好fresh 又唔會好甜，可以解食完薯條ge油膩感🥰荔枝蜜桃梳打，偏甜但都好重果味😜

如果睇價錢就尚可以接受既西餐😅首先以呢個價錢嚟講既二人餐算係唔錯嘅，都唔會有太高嘅期望，前菜龍蝦湯味道濃郁都唔錯嘅，但係龍蝦湯旁邊嘅包就非常差，勁似擺咗勁耐漏哂氣。最失望係田螺焗薯蓉配多士法包🥖另外就餐牌入面有三款意粉揀咗其中一款，🐷𩣑配卡邦尼意粉，相對真係比較淡口味，而且質地比較稀，所以對於味道來講鍾意食濃味嘅小編就不太討好，🐷𩣑係成餐飯最滿意嘅

餐廳係大埔開左幾年 位置都近大埔中心內外裝修以磚紅色為主 牆上有D掛畫 座位約有30個到 都幾好坐☺️食物款式多 西餐為主 小食 主菜 散叫 1人/2人套餐都有價錢親民抵食 2個人叫個2人餐有沙律 餐湯 意粉 主菜同飲品再加個甜品 加埋一都係三百零蚊🥰💥 63°C温泉蛋凱撒沙律沙律菜 仲有d麵包粒 加埋個溫泉蛋 作為前菜都好認真👍🏻溫泉蛋督開後 加添creamy感🥰💥WM招牌龍蝦湯 配黑糖麵包餐湯可以2選1 我地揀左龍蝦湯龍蝦湯好濃郁幼滑 黑糖麵包微甜鬆軟 好中意食 配埋個湯perfect match😆💥白酒蒜香蜆肉意粉意粉就3選1 通常有得揀我都會食蜆肉意粉濃香既蒜味同辣味意粉用牛油同橄欖油炒過 好香食落仲有d辣 好惹味😋💥香煎西班牙卡真澳洲豬鞍🐷豬鞍超厚超大件 好足料😌而且肉質鬆軟 嫩滑 好容易切開醃得好入味 好香☺️仲有D蔬菜同薯蓉伴碟 好有誠意😝 💥餐飲 熱檸茶 熱朱古力套餐包左基本既茶 朱古力要另外加錢都OK😄💥WM自家製蘋果批🍎🥧加左個甜品 係佢地自家製蘋果批蘋果批熱辣辣 批皮酥脆蘋果餡酸香唔會話太甜恰到好處😎

晚餐忽然想吃扒，想起了一間大件夾抵食的西餐，這算是大埔一間較有質素而又抵吃的西餐廳，所以分店也越開越多有晚餐 ，大約$100已經可以吃到大大塊的扒，還可以以優惠價追加小食及甜品，認真吸引🦞先來兩客龍蝦湯，味道濃郁，忌廉沒有一嚿嚿的感覺，餐包也熱辣辣上碟🐮香煎牛柳配薯條 $118牛扒厚度十足，口感適中不韌也不太稔，微微的血水保持鮮味，配上蕃茄蓉醬汁；配菜的薯條也值得一讚，外脆內軟肉厚🐷炭燒美國黑毛豬柳$98這個絕對超值，首先扒的份量非常之大，厚切兩塊，而且肉質很鬆軟及保濕，幾嫩滑容易切開，應該是醃製工夫做得好；伴隨一點炭燒的味道，加香草鹽吃，不覺單調🦪吉列蠔 $28 (晚餐追加）炸粉不算太厚，蠔肉不算細🥗巴馬火腿西柚沙律$28 (晚餐追加）西柚汁清新，酸甜薄身，非常開胃，而且真的有一塊塊的西柚肉🍫朱古力心太軟配雪糕 $28心太軟也有流心的效果埋單$330 ,食物已經放滿了兩張枱，非常抵吃

大埔中心近年都有唔少新餐廳進駐，而哩間WM cafe and bar 屹立大埔多年一定有過人之處。打開餐牌發現原來選擇都唔少，意粉、飯類、主食、小食等包羅萬有，晚市仲有dinner set 連餐湯同餐飲，貼地平民價錢由$98起，除咗一人嘅dinner set 仲可以揀二人set 一樣性價比高👍🏻餐湯可以唔使加錢揀龍蝦湯，龍蝦湯香濃可口，甲殼類海鮮嘅鹹香濃郁非常，配上甜甜嘅黑糖麵包十分滋味😋 套餐已經包咗基本餐茶，亦可以加錢升級特色咖啡☕️或者特飲添。日本刺身帶子忌廉蟹肉卡邦尼燴飯 $118卡邦尼燴飯奶香味濃郁，趁熱食仲會有微微拉絲感覺😋😋兩粒珍寶級日本刺身帶子微微煎香表面而內裏仍保持半熟嘅刺身口感👍🏻雖然蟹味唔算突出但勝在份量都唔少，整體來講味道中上😎BBQ 醬燒豬肋骨配凱撒沙律🥗 $128 一人份嘅豬肋骨有4支骨，同友人happy share 就啱啱好😉BBQ 醬醃得入味，而燒豬肋骨唔會太乾身但又可以骨肉分離，跟配嘅凱撒沙律份量都唔少，新鮮嘅沙律菜爽脆清甜👍🏻Virgin colada (跟餐+$20)Baby pink 嘅顏色令少女心大爆發，virgin colada 加入椰汁🥥製成

細細個就聽過8號餐廳，今日咁啱經過就去咗試一試我叫咗佢嘅焗飯。由於係午餐，佢有西湯加餐包再跟一杯野飲。焗飯焗得好香令我好快清晒成碟焗飯。埋單嗰陣時我以為咁嘅環境再加食物會偏高點知價錢十分適宜。性價比十分高。

天文台話要兩點先打8號，所以一班打工仔都係要返工😫見到公司附近哩間西餐有開，所以入去食啦😋-追加意式炸雞翼（3隻） $16見到套餐可以追加雞翼梗係要加啦☺️-吉列炸蠔 （4件） $48炸到金黃色好靚呀，即叫即炸，一啖咬落去仲冒緊煙🥰-香煎鵝肝配多士 $88鵝肝永遠係我最愛☺️每咬一啖都係幸福嘅感覺🥰-香煎牛柳配紅酒燒汁 $78抵食，70幾蚊可以鋸扒，仲可以自己揀幾成熟捱👍-明太子貝柱蟹柳蟹籽意粉 $57性價比好高，好creamy😋

放工成日都經過大埔中心一帶,但都無留意有呢間紅磚西餐廳🧱晚餐選擇都幾多,價錢幾抵,一於試下佢~餐湯有龍蝦湯揀,仲唔使加錢,當然要試試佢🦞~個湯好濃,而且有好香嘅龍蝦味,值得一試👍本身都鍾意食豬柳🐷,但真係唔係間間都做得好,一係太老太柴,一係就細細塊唔過癮...呢度嘅炭燒美國黑毛豬柳真係足料,又大塊又厚!睇佢上面閃令令嘅油份,都估到食落口會好香💫~豬肉質地軟熟,加埋少少肥油嘅邊就更好味😋喺英國時第一次食威靈頓牛柳🐮,一試難忘,所以見到有就忍唔住點嚟試🖊~焗得金黃酥脆嘅酥皮,裏面嘅牛柳亦唔會太熟,切開仍然見到係略帶紅色❤~加埋甜品先係完美嘅晚餐,所以揀咗個心太軟配雪糕🤎心太軟嘅朱古力味好香🍫,剛焗起外面仍然香脆,配上同樣咁濃朱古力味嘅雪糕就啱晒🍦~呢間餐廳性價比幾高,下次想鋸扒都可以再嚟~

今日去了大埔，發現一間很抵食的西式餐廳，幾十元有一個lunch set。餐廳不是很大，簡約裝修，坐位尚算寬敞。lunch set 有成20多款選擇，包餐湯和飲品，加$8有沙律，加$14有甜品，非常有彈性。我們點了：-餐湯-忌廉龍蝦湯-西冷扒配紅酒燒汁伴蔬菜大塊的薄身西冷牛扒，肉質很軟，配埋紅酒燒汁，提升味道，還有沙律菜伴碟。-香辣蒜片橄欖油蜆肉意粉 意粉很香很爽口，微辣，十分惹味。-吉列炸蠔 炸得很香脆。-巴斯克芝士餅 外表焦香，芝士香濃，甜味適中。-紅莓芝士蛋糕蛋糕上有很多紅莓，酸酸甜甜，很醒胃。-熱檸檬茶-鮮奶咖啡

去大埔都有好多唔同料理選擇今日放假去咗食西餐，呢度裝修特別而且下午茶5:00入座價錢好抵🤣All day breakfast 乜都有，意粉Pizza仲有湯搭配今次要了牛扒餐配飯會跟嘢飲同埋紅湯，羅宋湯酸甜開胃Pizza來講真係配料十足煙熏三文魚大大件❤️而且好味道，熱辣辣上一樣都會有濃郁嘅羅宋湯！真係跟set 優惠價錢，非常多選擇同埋坐得舒服店員服務態度又好感覺上設計都有心機！飲品方面可以揀咖啡或者奶茶仲可以轉凍～

上次食過荃灣分店個lunch ，好食，今日就encore😆😆。去左大埔分店買外賣番屋企食，晚餐menu有更加選擇，有套餐，亦可以單點，有pizzas, 意粉類、飯類、小食類，應有盡有！煙三文魚香草忌廉意粉個香草忌廉汁好香，配埋煙三文魚同雞髀菇，好食😋芝士西西里焗紐西蘭青口份量好大，有好多隻青口，青口上面舖咗大量蕃茄同芝士，我最鐘意食芝士😍😍而且青口唔會有雪味或者好霉嘅味，有時喺街食青口，好驚食材唔新鮮，呢間可以放心食香辣蒜片橄欖油蜆肉炒意粉意粉炒得好香，有好多蜆肉，同埋有陣陣橄欖油嘅香味，唔會太鹹雖然食物係外賣返屋企，但係質素一啲都唔差，當然堂食一定仲好食