Video
4-min walk from Exit P3, Tsim Sha Tsui / East Tsim Sha Tsui MTR Station
continue reading
Telephone
27218730
Additional Information
Lunch Menu no longer available.
30% Discount on all the menu Monday to Saturday
between 12:00-16:00, except Sunday and Public Holiday.
Opening Hours
Today
12:00 - 23:30
Mon - Sun
12:00 - 23:30
Above information is for reference only. Please check details with the restaurant.
正宗韓國菜-尖沙咀元豐園今次朋友左介紹呢間韓國餐廳，又有韓國菜又有韓燒㗎😗咁就兩款都試哂啦，泡菜煎餅又幾好味，仲有韓式牛雜比較特別，辣辣地，韓燒點咗牛舌同埋五花肉，夾住配菜食係好match, 唔會太油膩😀不過價錢抵唔抵食就見仁見智😅價錢唔算太優惠可惜服務就麻麻，比店員整跌咗個餐具，又唔會主動拎返隻新俾你😅不過overall嚟講食物都OK，正常lo😂
continue reading
每次想食韓國菜就第一時間會諗起尖沙咀，因為當區韓國食肆林立，而且好多都係韓國人親自打理，可以搵到好多地道嘅韓國好西。今次約埋朋友一齊去尖沙咀嘅一間韓國餐廳食飯，個到有各式各樣嘅韓國料理以及燒肉。燒肉嘅種類十分之多，例如濟州產黑毛豬同埋韓式烤鰻魚等。餐廳清一色韓國及東南亞員工，打電話book枱時係位韓國人聽電話，但佢會用廣東話溝通，態度友善。如果order左燒肉，店員更會親自幫手燒。整體嘅服務都還可以。唯一失望嘅係最尾拎朋友存放左嘅生日蛋糕出來嘅時候，因為係生日飯嘅源故，所以我地有準備到蛋糕，餐廳幫我地keep起並表示會收返切餅費。但係店員只係將原盒蛋糕就咁放低係枱，無幫我地打開，無幫手插蠟燭等，呢點有啲失望。~~~~~~~~~~食物介紹~~~~~~~~~~🤩小菜(FREE)坐低左之後，店員先先送上7碟小菜（泡菜，涼拌芽菜，涼拌海帶，涼拌菠菜，涼拌薯仔，韓國魚片&水果沙律）。全部都好好食🤤泡菜比出面買到嘅偏辣少少，應該都係餐廳自己醃製。🤩海鮮煎餅(HKD 138)因為同行朋友之前都來過食，佢地極力推薦呢到嘅海鮮煎餅，所以我地都order左一份。食落餡料豐富🦑🦐一啲都唔孤寒，煎餅嘅麵糊調製得啱啱好，火侯亦控制得好好，食落唔會太乾又唔會一『pat』野咁。🤩二人烤肉set (特大王排骨+牛舌+五花肉)(HKD 648)來到又點可以唔叫啲燒肉食下，因為想留肚試其他嘢，所以我地叫左個2人烤肉share。佢分別有 1.🐂特大王排骨 2.🐂牛舌 3.🐖五花肉，另外仲送上一籃菜俾你包肉食🥗 想特別介紹下個特大王排骨，因為覺得佢係三款內面較特別同埋出色。佢其實係醃製嘅牛肋肉，同碟會附上菇，洋蔥及年糕，上檯時會用牛肉卷住塊年糕，非常特別嘅配搭。店員會幫手燒埋，食客可以放心等食。牛肉肉味濃郁，雖然醃製過，調味恰好並無搶走佢嘅肉味，店員控制熟嘅程度恰好。年糕燒到外脆內軟，搭配住牛肉一齊食幾得意又好食🤤下次來會再encore。牛舌有啲失望😢因為食落覺得店員燒得有點overcooked。五花肉正正常常，無咩太大特別。🤩馬鈴薯排骨湯 (HKD 428)我哋想試下當地人常飲『醒酒湯』，所以就叫左一鍋馬鈴薯排骨湯🐽份量相當大，除咗主角馬鈴薯同排骨之外，仲有金菇、娃娃菜、白菜等蔬菜，而且排骨嘅數量都唔少，我哋四個人都好勉強先食得晒。排骨煮之前已經預先處理過，燉得好淋同好入味。湯底偏辣但唔會過鹹，蔬菜吸收咗湯汁，非常惹味。溫馨提示，如果你完全唔食得辣，我哋唔太建議你點呢道菜。我哋落單之前問過韓國服務員呢鍋湯辣唔辣，佢話『not really spicy 』，但我哋覺得韓國人同我哋對辣嘅定義可能唔同🤣食落去我哋覺得有啲辣🥵再加上個鍋一直保持滾燙，湯會越煮越辣。如果你食量細或者唔食辣，落單之前要諗清楚。～💵性價比ok🤤食物唔錯，全部都係地道嘅韓國料理，選擇多😞服務有點可惜，希望可以改善🍻適合朋友聚餐
continue reading
位於尖沙咀的元豐園是一家正宗韓國餐廳，這是我們第二次造訪這家餐廳。上一次的用餐體驗讓我們對他們的食物印象深刻，給予了滿分的評價。但這一次的用餐體驗與上次相比稍稍令人失望。海鮮煎餅這次的海鮮煎餅並不夠香脆，底部是濕的，這導致了煎餅失去了本應有的脆口口感。海鮮的份量比上次少了一些，味道同口感都相對差少少。薯仔排骨湯：排骨份量約有8塊，份量算是合理的。配菜方面，有薯仔、娃娃菜、金菇和紫蘇葉，這增添了菜品的豐富度。但薯仔的處理方式有待改進。薯仔應該事先蒸熟，然後再放入湯中，令薯仔未能吸收到排骨湯的味道。除了薯仔的問題外，整體而言，我們對這道排骨湯還是十分滿意。服務相比其他韓國餐廳，元豐園提供的是熱水而不是凍水。不同於其他餐廳會提供整瓶的水，這裡的服務員也不會主動為客人加水，每次都需要呼喚服務員。這點讓我們感到有些不便，希望餐廳能在這方面進行改進。小總結❤️❤️❤️❤️📌服務有待改善📌食物水準不太穩定📌但都算係正宗韓國菜📌會再次光顧
continue reading
元豐園@寶勒巷今日黎左食呢間地道韓式菜，舖頭裝修本身已經好有老式韓國餐廳嘅感覺。老闆同部分店員都係韓國人，客人亦有唔少韓國人幫襯。上網睇元豐園最出名嘅惡嘅大媽老闆，但我今次就冇遇到。我訂左枱但有少少遲，老闆都親自打嚟提我，仲要識講廣東話，好搞笑。呢一間韓國菜喺前菜方面唔會吝啬，份量同款式都好多，除咗新派韓菜常見嘅泡菜芽菜之外，仲有甜薯仔/醃魚仔/豆腐/魚糕片/鹹魚/菠菜/蘿蔔等等，未食主菜已經食到好開心好開胃，不過前菜就無得添。🍕海鮮煎餅唔少人推介既韓國菜式，粉漿、海鮮同韭菜比例非常好，脆口又唔會太粉太油膩，雖然賣相唔算非常吸引，但味道同其他韓國餐廳唔一樣，有少少特別。而且海鮮煎餅會跟住有碟醬汁，甜甜地又咸咸地增加個味道嘅層次。但海鮮配料例如魷魚鬚仔同埋蜆肉份量就略嫌少咗啲。🍖特大王排骨呢度嘅燒肉都好出名，梗係要試吓，但係由於韓燒要叫兩樣食物以上先開爐，所以我哋呢個特大王排骨會係由廚房炮製。雖然寫係兩個人份量，不過感覺已經好足料，可以食到好飽。牛肉嘅肉質軟嫩，口感同味道都絕佳。而且味道濃厚偏甜，非常惹味！🦀醬油蟹醬油蟹都係我哋今日嘅必食菜式，隻蟹醃得岩岩好，醬油鹹甜適中，肉身鮮甜，蟹膏澄黃又多，唔會有好明顯嘅腥味。我地仲另外叫左個紫菜飯，將蟹肉蟹膏撈埋啲紫菜飯一齊食，簡直係人間美味！醬油蟹唔需要提早預訂就有得食，可能步入秋冬季，螃蟹特別肥美，膏多鮮甜。🍶韓國米酒食韓燒飲嘅嘢一定要有酒啦，我哋就揀咗韓國傳統米酒馬格利，當然啤酒或者燒酒都可以係一個唔錯嘅選擇。
continue reading
韓國菜係尖沙咀遍地開花，不過由韓國人主理既就比較少。今日同朋友仔去左一個由老闆到侍應都以韓國人為主既餐廳食晚飯！餐廳裝潢比較舊式，有啲更係日久失修🙈不過無礙我地品嘗美食之心。小碟有七款，最有印象既係泡菜同薯仔，泡菜辣味強而不嗆，薯仔則甜口同帶有麻油香氣👍🏻🦀醬油蟹四百幾蚊有兩隻多膏醬油蟹，價錢都可以接受！味道同係首爾食既差不多，醃得岩岩好，醬油鹹甜適中，可以提升蟹既鮮味！肉身鮮美軟糯，蟹膏澄黃潤澤，將紫菜飯放入蟹蓋同蟹膏再落小小醬油撈埋一齊食，大滿足🫶🏻 當然都可以就咁食，一啲腥味都無，配埋白飯會仲開胃仲完美！🐄韓牛板腱肉🥩無骨牛肋韓牛好好食🥰雪花分佈平均又有肉味。侍應會幫客人燒，火喉控制得非常好，五分熟即狀態既保持到肉質粉嫩，又唔會有過多血水滲出黎。肉味突出唔需要蘸醬就已經夠回味無窮！牛肋骨肉經醃過十分入味，甜甜地配飯🍚或者包生菜都好適合，可以減膩。肉質都嫩口，唔會有筋咬唔斷。雖然肋肉既厚度稍微遜色少少，入口偏單薄，不過比起韓牛平三分之一，所以都合理。無論你嗌咩價位既肉類，都會有專人幫你燒，值得一讚！🥰🥢水冷麵食左咁多重口味既餸菜之後，緊係要叫返清爽淡味既野食，俾口腔同味蕾休息下🤭每次食韓國菜都必定會叫既水冷麵。呢間配料比較特別，有鵪鶉蛋同雪梨絲，味道不過不失，甚至稱得上麻麻地，過下口癮就算啦🫣📍元豐園尖沙咀寶勒巷22-24號雲龍商業大廈地舖
continue reading