愛麗絲的秘密花園

Open Now

Now Closed

對於呢間餐廳「聞名已久」，網上嘅名氣再加上喺TVB「出過鏡」，咁以為好掂啦，點知同朋友嚟到，有少少中伏感，第一，餐廳所在大廈部lift壞鬼咗，要撐上6層樓（利申：當晚攞住一大袋禮物，仲有一大束花，都幾係嘢），感覺已經唔好受，去到餐廳，時間尚早，得兩三檯客，咁就order食物啦，睇完menu，order咗個二人餐，小食要咗沙律同雞翼，沙律尚可以，但雞翼就好一般（糖醋味嗰個都接受到，另外一個酸辣味，應該講係類似pizza醬嗰種但帶辣味嘅），第一，感覺雞翼係雪藏嘢都算，但肉質有些少霉，唔好食，第二，我同朋友都唔鍾意太甜嘅嘢，但兩款雞翼嘅甜味偏偏就超出我哋接受範圍，當堂扣哂分，好嘞，到主菜出場，一個意大利雞肉飯，一個長通粉（都唔記得係咩醬汁），意大利飯仲ok，但個長通粉完全唔掂，啲通粉好明顯用水烚熟就算，識煮嘢嘅都會知，通粉要畀雞湯去煨先入味係常識（利申：我識煮嘢，但要求高）冇喱味道，再好Hea咁淋上個醬汁，撈兩嘢，就上碟，大佬呀，hea做都唔好咁交行貨啦，結果碟嘢個作用係攞嚟影相就完成使命，我食咗一舊通粉咁大把，就冇再食，跟住甜品嚟喇，都係一般般，事關我同朋友唔鍾意太甜嘅嘢，食咗少少冇再食，

朋友生日，想去呢間cafe，因為有Alice。環境方面: 行咗6層樓梯，終於到，打開門，嘩，好夢幻，但又好迫同好細! 食物方面:味道稱唔上難食，但同好食好大距離，豆腐芝士雞沙律，雞有雪味，豆腐一般，芝士係茶記三文治會出現嘅芝士mini burger: 中間舊肉有雪味黑松露意粉: 意粉煮得太冧，菇味多過黑松露味甜品拼盤: 又貴又唔好食，棉花糖迷你撻=一個外面買嘅撻加半粒棉花糖，完全無誠意茉莉花咖啡: 難飲，飲唔到半杯，咖啡豆係平貨，澀價錢: 咁嘅質數，屬於好貴!!! 唯一讚係: 朋友生日可以喺碟度寫Happy birthday

兩業兩年，趁住朋友生日就一行4人嚟咗呢到食午餐，可以用Openrice訂座功能，超級方便!當日去到大廈升降機咁啱維修，要行6層樓梯上去。 一推開門，就見到佈置到好似仙境一樣，好夢幻好可愛呀!餐廳比想像中細，只有幾張台，所以記得預約咗先好上嚟呀。每張餐椅都有唔同嘅動物頭像。每張台上都有不同嘅擺設，全部都同愛麗絲有關嘅呀!!除咗餐台，餐廳到處都會搵到愛麗絲嘅擺設。餐廳仲有提供小道具俾客人影相用。秘密花園嘅食物有套餐、當然有散叫嘅美食啦，選擇亦唔少。頭盤有四款、小食亦有四款、意粉、意大利飯都各有四個選擇。甜品有四款、而飲品都有唔少選擇，有熱有凍。如果唔鍾意飲咖啡或凍飲，仲有茶類選擇，亦有High Tea嘅套餐，適合閨蜜一齊享用。頭盤: 白皇后花園 $52豆腐好鮮好嫩滑，唯獨是雞肉比較"鞋"，唔計雞肉，整體味道係好食嘅。意粉: 得意兔仔洞 (菠菜雞肉長通粉) $138菠菜汁好香，唔會好溜，唯獨是雞肉好"鞋"意粉: 神秘鏡中屋  (卡邦尼海鮮意粉) $142雖然係卡邦尼意粉，但係啲汁唔會過份濃同埋溜，食材都係新鮮嘅╒意大利飯: 公爵夫人的寶盒 (野牛肝菌藍青口燴意大利飯) $118意大利飯好味!

香港真係好少主題餐廳，你間樓上Cafe以愛麗絲夢遊仙境為主題，除左精緻的裝修外，更提供主題菜式。餐廳除了散叫餐點外，更有二人及四人套餐。先黎的二人套餐的自選頭盤：The Garden of Live Flower。菜唔算特別脆口，加埋4片煙三文魚就成為開胃的沙律。另外一個自選頭盤，我們選了Alice Pink Tea Port。呢個其實係黑松露忌廉多士，黑松露味唔算重，不過芝士的份量都幾多。二人套餐包兩款任選的主菜，呢個係掉進兔仔洞，亦即是菠菜忌廉雞肉長通粉。個菠菜忌廉都算幾香亦幾好掛汁，不過雞肉的份量多少少會更好。另一份自選主菜揀左輝煌的空龍，即係拿破崙鮮茄虎蝦意大利麵。茄味還可以，不過我本人覺得麵質可以更咬口。由於我們有4個人，所以我們Extra叫多碟公爵夫人的寶金。呢個牛肝菌藍青口意大利飯，味道好香，係我三碟主菜比較滿意的一碟。最後，二人餐會包是日甜品 - 朱古力雪糕及餐廳的Signature Cup Cake - 愛麗斯杯子蛋糕。蛋糕味道只係一般，不過打卡一流。另外，呢到的飲品都好有特色。用了愛麗斯變大變小藥水的Drink Me意念，去做餐廳的特飲。左邊個杯係Alice凍藍忌廉

【食物】本來已經抱著『好看不好吃』的心態去，但居然可以甜品set之中四樣食物與餐牌有三樣不同！！芝士撻變了兩顆棉花糖！！馬卡龍變了餅乾！！心型蛋糕變普通長方形西餅！！點解可以hea到咁的地步！！【服務】而且要更換食材都冇同我地講過囉！就咁上碟當冇事發生過？咁樣一碟頽嘢要128元另加一服務費？咁樣的服務都好意思收服務費！？【設施】生氣是電梯壞了，爬了六層樓梯上去的啊！太失望了！【環境】餐廳好細間，但佈置用心，惜食物誠意欠奉，環境幾靚都冇用！

係人影相都會𢵧最佳角度同用晒 filter 同美圖 啦，尤其是去昵啲主題餐廳，呃 like 嘛。所以本身好鬼簡陋既呢間餐廳係相內都變到好似仙境咁 👎🏻 間野其實又細又唔太乾淨，又要等勁耐，裝修到有啲大陸feel 咁，野食就更加唔好抱有任何期望，選擇少之餘，啲食物仲好似用微波爐灯番熱出泥咁，勁 overprice !!! 👎🏻👎🏻 去完覺得被騙，早知去附近女人街嗰頭啲餐廳好過，起碼唔會有呃錢嘅感覺，真係勁後悔

前陣子我生日, 女友人帶左我去一間好特別嘅餐廳, 令我一試難忘, 現在仲念念不忘！！呢間餐廳係位於油麻地嘅愛麗絲的秘密花園, 剩係聽到過餐廳名已經令你好難忘記佢個名啦！！一行入餐廳, 真的彷如走入童話世界, 與愛麗絲共餐！！現在夢幻的一餐開始啦！！先嚟香濃蝦肉龍蝦湯, 飲落有濃濃嘅龍蝦香, 仲有粒粒蝦肉！！然後上秘製紅黑鴛鴦雞翼, 兩隻紅色的係茄汁味, 兩隻黑色的係黑醋汁味, 不過D雞翼得過色水, 但整得一D都吾入味！！跟住係飛魚籽煙三文魚燴意大利飯, 意大利飯有淡淡嘅奶香, 兩塊玫瑰造形嘅三文魚很吸引, 加埋有多多飛魚籽！！再嚟手作卡邦尼海鮮意大利麵, 忌廉汁濃郁, 多種吾同嘅海鮮, 可惜過汁不太足夠！！飲品方面叫左水蜜桃乳酸梳打, 顏色超夢幻, 飲落都幾好飲！！另外叫左熱Latte, 好有玫瑰花香, 加在咖啡上, 原來係完美嘅組合！！最後甜品時間係Alice Cupcake, 差不多係枱枱必叫之選, 因為賣相一流, 但味道就…………蛋糕太硬同太甜！！大開眼界的一餐！！

本來是因為喜歡Alice而book呢間餐廳，但試過後簡直愛上這裡。員工有禮貌，主動拿出不同的Alice 玩意和書給我女兒玩。餐廳雖小，但是係我見過最花心思的小餐廳。無論是枱上擺設，每個窗，每幅牆都有Alice元素。之前看食評見到很多對這兒食物的負評，但我很想平反一下，食物的確做得很有心思，份量充足，特別喜歡雞肉忌廉汁意大利飯，做得很香，有濃濃芝士味玫瑰鮮奶咖啡的拉花亦是我見過最美的，成棵櫻花樹咁，看了很久才捨得喝，玫瑰味亦非常清香。 今次帶著女兒來，拍不到太多照片，所以下次一定會再來拍過夠！

無意中發現這間愛麗斯秘密花園cafe, 地方少少但佈置精美。 餐檯椅子食物以致整個地方也是打卡呃like熱點!所有食物飲品也配上特別名字, 想知道是甚麼菜式便細心看解釋了！上菜快, 服務員友善又好記性! 食物味道熱度份量都非常好!黑松露芝士多士又香又好味, 濃郁黑松露味是我大愛!最可愛是甜品, 彷如愛麗斯跌入樹洞的樣子! 好可愛! 特別! 絕對是一處相機食先, 再而飽吃美味西餐的別緻cafe! 姐妹聚會要預早book位,因為座位不多, 大檯也不多! 情侶去影相拍下拖也是不錯選擇

因為好鐘意Alice ,所以今次就同幾位好姊妹一齊去試下依間野。佢個環境好靚，但野食就普通啦，份量吾太多。所以大家去果到影相就得啦....吾好對野食咁大期望呀..

間餐廳好童話,周圍既佈置都好有心思!店內周圍環境好靚,好多客人都周圍影。飲品顏色同童話感覺都一樣好夢幻。餐具都好特別,食物方便都好好味。我會變成童話裡　你愛的那個天使張開雙手變成翅膀守護你你要相信　相信我們會像童話故事裡幸福和快樂是結局一起寫我們的結局... 致我的最愛!

今日朋友突然之間話想食飯跟住佢話佢試吓因為佢睇到覺得好鍾意啲擺設，一想到去好細好細好細！跟住個Menu睇過之後決定咗叫個套餐叫咗個煙三文魚沙律好普通日本沙律菜啦三文魚幾好食跟住有個鴛鴦雞翼呢個好唔掂，紅色嗰隻同黑色嗰隻味道都係好奇怪，一隻係茄汁唔知乜鬼嘢、黑色係糖醋味，但係好明顯兩隻雞翼都係烚熟然之後加啲汁上去，真係完全唔掂主菜揀咗拿破崙味嘅意粉成個意粉剩係得一隻蝦，其餘嘅就係啲洋蔥同茄汁，味道濃郁啱我口味，所以呢個我覺得OK甜品杯子蛋糕，普通雪芳蛋糕上邊唧啲cream，我覺得嗰個蛋糕唔係佢哋自己隻應該係買返嚟嘅，跟住放咗到愛麗絲造型嘅糖皮喺上邊，淨係視覺享受心形嗰個係紅莓慕絲好鬼難食荔枝梳打個樣好靚顏色好靚提子梳打都係個樣幾靚不過一啲都唔好飲都係一次嘅就夠啦，兩個人埋單471完全冇任何驚喜，食物亦都冇任何誠意！淨係可以講食完就算，未嚟個都唔好諗住會好靚好靚，一句講晒唔值！就算傾計個感覺都有啲侷促

聖誕節平安夜~約了一班朋友去愛麗絲cafe食午餐。早前即日訂座位都好易滿額，所以温馨提示大家如果想去真係要早的訂位先~呢間cafe的吸引力就係餐廳角角落落都有愛麗絲有關的影相位，女仔最開心就係打卡，影靚相。有時食飯後，都忘了影相。餐廳環境不太大，但勝在佈置有心思~埸地設有多種道具影相，任您配搭~和一班姐妹淘選了幾款二人餐，有湯有沙律和主菜小食，甜品，飲品等。每道菜都有特別的名【活生生的花園】三文魚沙律配黄芥醬，沙律好清爽，份量十足。【白皇后花園】有機豆腐配煎雞肉芝士沙律，配搭芝麻醬，好開胃又好好食。【愛麗絲的茶壺】黑松露芝士忌廉烤多士，紅色多士配拉絲芝士，好邪惡呀～ 【大烈鳥打槌球】紅黑鴛鴦雞翼，黑的像黑醋味，紅的像蕃茄味，酸甜度高，但可惜不是煎的方式，失去香脆感，感覺有點減分。【魚傭人之花】有飞魚籽和三文魚，感覺比較日式的燴意大利飯。飯內有少少芝士，飯粒軟度容易入口，不會太硬。好好食~【迷失森林】有蘆筍雞肉的意大利飯，配料多過飯，女生的最愛，好食到又掃清【輝煌的空龍】拿破崙香草鮮茄油虎蝦意大利麵，蕃茄醬味好濃郁，虎蝦又大大件，啖啖肉。【神秘鏡中屋】卡邦尼海鮮意大利麵，感覺和之前平常食

book左21號1230,諗住慶祝妹妹生日。好開心咁1215上到去等,仲未夠鐘無人開門咁係門口等一陣,到左1230仲未有人開門。有個清潔既男人上左黎問我地係咪等呢間開門,我地話係。佢話由11點30等到依家。book左位都唔知有咩用,遲到都算,仲要無人到,我地再打左3次電話都無人聽。最後等到1245就走。搞到妹妹好唔開心。我仲要特登攞假同妹妹慶祝,點知變成一肚氣!!!!大家要去真係要諗清楚!!!!!

星期五滿心歡喜上去食飯，一入去紅衫女待應面色已經唔好，全程都黑口黑面對住我地，包括落單時，但見佢對其她台又唔會黑面，我地都好想知我地踩到佢邊度！食完飯叫佢拎牙籤比我地，是基本指定動作，個樣話比我地知好唔想，野食方面唔多選擇，一人套餐$188二人要$428，你亦可選擇散叫，環境影相比用眼睇靚，但要受氣真係無下次亦不會推介比朋友！最後like Facebook 有九折，原來要成台人like 加打卡，你有你規矩唔怪你們！好多地方都係一個like 就得，你咁既態度唔會想比你打卡！以免朋友中伏!九折豪比你，反正唔會有下次！！！完。。。。👋🏻👋🏻👋🏻👋🏻👋🏻