愛麗絲的秘密花園 (Closed)

預早卜定位3人去試一試下午茶，大概用餐時間兩小時後交台，我地點左1 set afternoon tea set,1個pasta同1碟沙律。首先講下pasta同沙律, 份量夠多，味道都唔錯。Afternoon tea set就比較普通，雖然滿有心思加入愛麗絲故事元素，係相機先食，味道就麻麻啦。愛麗絲蛋糕上面都係糖膠，影完都無諗住食...Macaron畫成時鐘咁，ok既。曲奇都算靚既，但其他例如脆片乳酪、紫薯牛角包就幾普通啦，建議改良一下個set既食物。但勝在環境、餐具，影相位加分，專為影相厄like呢度係適合既。

今晚同老公加姊妹同小朋友一齊來試下愛麗絲，餐廳係朋友揀選的～所以開頭對餐一無所知，來到時見到環境不錯，還有背景影相同有小道具我們一行五個大人兩個小朋友叫咗兩個二人餐沙律叫咗三個有豆腐雞肉沙律煙三文魚沙律同甘藍雨衣沙律沙律蔬菜新鮮加錢轉左一個小食雞翼，由於唔夠分所以我無食到唔知咩味～但朋友話幾好食主菜叫左菠菜雞肉長通粉呢個好香長通粉唔會太淋幾好味黑松露野菌意粉呢個聞落去幾香但食落味道比較清淡～喜歡清淡人士可以嘗試卡邦尼海鮮意大利麵呢個忌廉味幾重好香青蘆筍雞肉意大利飯拉起時有芝士絲都幾好食飲品幾靚全部都係有用碟豆花可以變色甜品有兩杯雪糕兩個愛麗絲蛋糕整體來說食物不錯，不過選擇太少了，如選擇再多一點會好些

與好姊妹食生日飯，滿心期待，但比預期差。早10分鐘到左，但未夠鐘，明明有位都唔會比入，企係度等。地方很細，而且冷氣好唔夠。食物要等好耐，三個人叫左兩個Set 另外叫多杯飲品，其中一杯飲品等到差不多食完都未黎。侍應係妹妹仔多，無咩經驗，感覺真係一間普通Cafe 一樣。但雞翼的確美味，醬汁好得，值得一讚。意粉，蛋糕也很好。

本身我們3個朋友都係愛麗絲fans，滿心歡喜去訂台食，本來係打算訂7點，點知佢得6點15，咁好啦照訂。6點10去到話我地要等下，好啦照等等到6點50先話有位。都算，入到去即叫野食，叫左大半個鐘先嚟得一個主菜，另外2個等左成個鐘都未到。叫左好多次先有人應，啲店員唔係忙到冇時間應，係傾計傾到唔理客。野飲由落單到送到竟然都要一個鐘，唔知以為佢有幾十台客太多單做唔切。熱食上到嚟凍哂，味道好麻麻。野飲又貴又冇味，得個死甜，唔知以為係糖水一杯。得十台8台客，但搞到全部都咁難食同等咁耐真係等一次。佈置影相岀嚟ok既，但呢個價位食呢啲就好大問題⋯⋯而店員們全程都黑口黑面，語氣態度都好差，唯一好面口就係你俾錢果下......

呢間Café一早已經被foodstealer列入要「到此一遊」嘅清單！雖知呢啲童話主題Café大多都係gimmick嘢，通常都係中伏居多，但作為《Alice in wonderland》Fans今次真係忍唔住要試試！去之前記得要book定枱，星期六日都幾full~Café位於高氏大廈6樓，未入Café前見到門外有Alice in wonderland poster已經好興奮(笑)。打開Café大門，即刻好似走入左愛麗絲童話世界咁，短短嘅走廊已睇得出佈置得好有心思。估唔到星期二晚8:00pm Café竟然都全場爆滿。雖然店內只得6-7張枱，但環境佈置得好好，感覺都幾舒服唔會太迫。成間café嘅裝修佈局都好有心思，不論裝飾品、MENU、餐具、飲品食品，一切一切都會令愛麗絲FANS有共鳴!食物款式唔算多，同同行友人最後選擇叫咗2人SET($428)。嘢食一上枱大家都已經急不及待相機食先～連隻碟都咁特別!頭盤 – The Garden of Live Flowers (煙三文魚沙津)冇咩特別，略嫌黃芥醬唔夠多XD小食(頭盤+$6轉) – Alice’s Pink Tea Pot (黑松露芝士忌

因為朋友生日，見之前網上有推介呢開主題cafe,就試下啦點知入到去，坐低左，就感覺中伏了食物款式不多，而且又貴，價錢吳平留意，每人至少要消費$100 or 叫一杯飲品飲品不是特別好飲，但食物可以，都好味環境不大，多人就會有壓迫感幸好同朋友去不多人但感覺上，食過一次就夠生日少不了帶生日🎂雖然切餅費介紹有講要收$100但估吳到放cake入雪櫃都吳得，都要收$100好像有點趕客的感覺當然，服務員的服務態度可圓可點最後埋單，帳單有收加一服務費但之前落餐見到只要like IG & facebook就免加一當問到時就話係做新開場既優惠咁點解仲要俾顧客見到呢個宣傳？我深明這個呃like post 目的真的，呢間主題餐廳可一不可再雖然很用心在佈置上，但只吸引外表當試了一次，不會想再有第二次一點也不親民，生日感覺很差

慕名而來，聞說呢度以愛麗絲為主題，無論係裝修、擺設以至於食物都好童話…入到去，地方比我預期中細，以不同圖畫版作裝修，每小枱上都放關於愛麗絲既擺設。有睇過呢個故事既人，對呢啲擺設一定會有共鳴。見到不同既擺設，你會好自然咁勁影相，係打卡好地方。值得欣賞係食物質素不錯，主要以西式食品為主，意粉意大利飯，以呢個價錢，都好抵好食。最驚喜係杯咖啡…一上枱就令人眼前一亮，好靚，紅色好似櫻花樹，好靚，味道都好飲。朋友唔飲咖啡，但佢杯飲品都好飲。

間餐廳朋友已經想試好耐，所以就係到同佢慶祝生日。但非常之失望！事源我同我個friend兩個人食，佢哋推介我哋食二人餐，但最後我地哋決定叫個一人餐另外再加多個主菜但都食唔曬 就係因為咁佢地服務態度極度之差令我最嬲嘅係佢地係 甜品碟上面寫多咗三個“XXX” 呢三個X絕對不是我要求他們寫的 。原本以為是裝飾，後來喺佢哋食平上面嘅相簿睇返d相完全不見有此裝飾， 所以此三個X絕對是咀咒的說話。仲有飲品食曬主食飲品都未來，但隔離台遲過我地來飲品仲快過我地，我地要催2次先來！如果真想同朋友來慶祝食飯的話建議三思免得俾人咀咒👎👎👎！

一打開門彷如走進童話故事般，店內用心裝扮到處都見到愛麗絲既擺設，每張枱每張椅都滿滿既童話情懷💕叫左個一人套餐再加小食：😋跟著白兔先生(羽衣甘藍香橘沙律)😋沙律新鮮，羽衣甘藍味道好特別，橘子甜又多汁👍🏻😋龍蝦湯😋一上枱已經聞到好香，有別於一般餐廳用玻璃杯上湯，濃濃既龍蝦味，湯中有粒粒蝦肉，推介一試👍🏻😋大烈鳥打鎚球(祕製紅黑鴛鴦雞翼）😋兩種口味既雞翼，酸酸甜甜，橙紅色既帶有一點點茄汁味，味道好特別但略嫌雞翼吾入味，味道只在雞翼表面。😋神秘鏡中屋(手作卡邦尼海鮮意大利麵)😋意粉系扁身意粉，忌廉汁味道濃郁，每條意粉都被忌廉汁包住，多款配菜有蝦、青口、冬菇、木耳、煙肉。😋獨角獸(玫瑰荔枝梳打)😋一上枱已經嘩嘩聲十分吸睛，好夢幻既感覺，味道吾會太甜，好香既荔枝味，加上「drink me」字句，即刻有畫面浮現出泥。😋紅心皇后的餡餅(雜莓荔枝軟心慕絲蛋糕)😋食完主菜之後其實已經好飽，但呢款蛋糕好清新，酸酸甜甜既味道，餐廳好有心意幫客人系碟上寫上祝賀字句，令呢一餐畫上完美句號。⭐️是次消費$38x其實餐廳有個二人餐都好抵食，$428多個主菜，但考慮到我地真系會食吾哂所以最後都系決定叫個一人餐再加個小食同

放假想找間cafe靜靜地看書，今次選了以Alice's Wonderland為主題的cafe。一入門口，走廊已經裝修得很有愛麗絲夢幻樂園的風格，準備帶每位客人體驗一下這個奇幻歷險似的店員很細心地解釋menu上的內容，每人最低消費是$100/ 一杯飲品。十分欣賞店主的心思整個idea很好，裝修擺設都很貼題，從餐牌到餐桌椅，餐具，都一絲不苟，還用投影機在屏幕上播著愛麗絲夢遊仙境的影片故事，務求令客人有置身於Alice's wonderland的感覺一心想喝杯咖啡，可惜今天店內咖啡機壞了，沒有咖啡提供於是我點了件雜莓荔枝軟心慕絲蛋糕，和一杯玫瑰荔枝花紅茶。這裡真是個拍照打卡天堂餐具也美得過分! 只是吃環境和食物賣相已經足夠，所以我對這裡的食物質素的期望也比較低。果然蛋糕比較甜，不是太別得到雜莓和荔枝味; 紅茶也是偏甜，但香氣十足，建議用茶壺上的話會比較好。另外餐廳光線並不是很充滿，看書會有點辛苦。不過整體也很滿意，下次再來試試咖啡

呢晚約咗舊同事食飯，其實由同事變為朋友真係好難得，所以我都好珍惜呢份友情。女生嘛，總係鐘意特別既新事物，所以今次去咗呢度享受一下。給愛麗斯 但你卻是愛美斯華麗動人又理智 嫌我長得不標致每張枱都放咗啲小擺設地方雖然細左少少，但佈置得好好，好有氣氛好夢幻喔，好代表到朋友仔係一個充滿希望既女生。呢款拉花好靚，而且味道好，代表另一個朋友內外都美麗。花茶代表我，長情（笑）店員建議我地叫一個二人餐都夠食，再加個小食就已經好飽。鷄翼有兩種味，一係黑醋，另一種係茄汁味，我食左茄汁味，茄汁味香濃，如果鷄翼可以再煎得香少少會好好多。跟餐沙律，以日式麻醬為主，菜及豆腐都好新鮮，脆卜卜。另一份跟餐沙律，三文魚卷得似玫瑰花，加了粟米粒增加口感。卡邦尼意粉，creamy香濃，意粉彈牙。海鮮意大利飯，粒粒都有醬汁包住，味道均勻。甜品有朱古力蛋糕同Alice cupcake。朱古力蛋糕味道香濃，略甜了一點。Cupcake吸睛度高，影相唔少得，不過蛋糕本身就無乜特別，唔太特出。呢度好多影相位，愛好攝影嘅朋友唔好錯過呀。

見相片好靚就來試下。呢間野一定要book，walk in係無位，因為好細，得五六張枱。環境佈置得唔係話好特別，但都有個背景板影下相，仲有小道具。set dinner每晚唔一樣，甜品都係random，無得自己揀。食物都幾好食，無失望，仲有些驚喜，味道好特別。但係每上一碟要等好耐，起碼十五分鐘以上，等到好肚餓。枱與枱之間好近，近到聽得隔離對話好清楚，無咩私人空間。

全程只可以講 "失望 。。 失望。。再失望"一心諗住去試個 tea set, 個幾月前喺 Facebook訂定位。 點知去到職員話無 tea set，要之前order (但喺 Facebook訂位時，完全無提示過。 同職員反映，佢只答一句 “D客通常會喺 open rice睇， Facebook唔係我哋負責，係老細整” ～ p.s. 睇番 open rice都無寫)。 環境： 細。。。 冷氣又唔夠服務： 有好似無， 態度唔太有善食物： 無祈望，所以無乜失望 總結： 服務&環境都唔理想，食物一般以下 (愛麗絲迷都係去日本/台灣嘅餐廳會滿足d)開心咁嚟，失望咁走。 勁!!

朋友介紹，見到相片好靚，故生日期間特意去此間，就算午／晚餐ＢＯＯＫ　唔到，就ＴＥＡ　ＴＩＭＥ　去。　結果極為失望。一坐下有小強走過來，拍極唔走，最後叫男店員捉左佢。而衛生環境真麻麻。食物價錢算貴，＄１０８　—　１４８一個飯或意粉，但卻唔好食，卡邦尼意粉的汁乾晒，意粉乾而膩。　荔枝雞肉飯無乜雞肉，初初食好甜唔錯，但食到一半就因為太膩而放棄。　沙律用片裝芝士，幾ＨＥＡ　幾無ｈｅａｒｔ。　而職員常自己坐在餐廳其中一張檯玩手機。唔主動介紹是日沙律／主食／甜品是什麼。裝飾集中在走廊，入內太細，而且外牆維修，感覺亂七八糟。　唯一可取係甜品，食左ｃｒａｚｙ　ｈａｔ　（朱古力焦糖蘋果蛋糕）很好食。。。

小女子從未打過 食評！但係今次真係忍唔住要同大家分享丫！應該話係奉勸大家唔好去食😓難食到一個點丫！我地一行5人入到餐廳環境唔錯，都幾靚仲要咁多裝飾但無咩塵，心諗不錯喎！我地見到d意粉都有d份量就叫左個4人餐d食物樣貌好好！一黎兩個沙律，都好正常幾好！之後黎雞翼個樣都好靚！但係一放入口…咩事丫？ 白灼雞翼加汁？唔焗下都煎下丫！個汁都還可以接受既…但唔係好食囉！好似有d糖醋排骨既汁咁🤔好啦！都主菜啦！意大利飯有d凍既😱應該話唔係好熱先岩黑松露意粉無黑松露味，係雜菇炒意粉岩d荔枝意大利飯，第一口好特別，食左幾啖好甜，有d似食緊荔枝罐頭既feel！到甜品個雙腳個蛋糕，好似孖寶蛋糕咁好硬個心心蛋糕就似藥水！係個朱古力蛋糕幾好食，朱古力味好濃郁！其實食物已經唔好食！但想食feel既都可以一試！但係 講埋服務態度我勸大家唔好黎！一開始介紹食物我都覺得服務不錯！但係侍應問我地d野仲要嘛？我幫你收一收其實碟上仲有一半未食，我有一個朋友就話全唔要，我地幾個就互相問下大家食唔食啦！之後侍應用奇差又大聲既口問問我地，者係要唔要！我朋友就用返佢嘅態度去回答佢唔要！唔知係唔係因為咁觸法到依個侍應嘅心情！收完野之後