王林記潮州魚蛋粉麵

Open Now

Now Closed

廿幾年前已食,搬走后舊地重遊,感覺食物水準下降兼招呼差！我們一行三人,入去剛有張4人枱,坐底,餘下一個位放背包,叫阿姐寫野食~寫寫下,佢話等陣,去招呼另一枱客入坐！回來后,見到我放袋個位,不友善地叫我哋攞起,要坐人甘話,無法！全都圓凳,已經坐唔舒服,仲要抱住背囊食,各位自己唸！漏左個切腩撈，其他野食晒都未嚟,吹佢先俾碗湯,個撈仲要成10分鐘先到,其實D坐位甘矜貴,漏單呢D係唔可以發生,阻嘅,咪又係你鋪頭？食物~切腩還合格,面就和普通舖的一樣,而佢哋嘅招牌魚蛋,食出已經唔係以前嘅魚做了,冇咬口及彈牙感,是換人失傳,還是食材太貴,用不回？總括~冇特別出色的食物+零服務+唔舒適及價格略貴！

筲箕灣魚蛋粉另一選擇-王林記潮州魚蛋粉麵筲箕灣東大街出名多野食😀而最出名個間魚蛋粉，好多人會講”安X”😂不過今次同大家試試另一間都要排隊既王林記，人氣一啲都唔輸蝕，排隊都等左10分鐘😪點左魚片魚蛋米粉加紫菜，牛腩米，仲有炸雲吞🤤魚片魚蛋，好彈牙，有魚鮮味；份量正常，牛腩方面，入哂味比較淋，都唔太硬😗 炸雲吞唔太油，炸到乾身，蝦好爽口，配上醬汁好惹味😀Overall 食物OK, 當然座位比較迫夾，都係快食😅比較上唔使等咁耐，大家可以睇吓值唔值😂

呢間舖頭嘅切腩撈粗應該唔需要我多介紹。喺筲箕灣東大街掃街，順便經過舖頭買咗個外賣，見咁多人介紹所以好奇想試吓。切腩雖然比較瘦，但係一啲都唔韌，淋身得黎唔會好似湯渣咁冇晒味，牛肉味濃郁。粗麵爽滑，撈咗豉油好夠味。外賣都會跟一個湯，而個湯亦都係相當濃郁。嘅最貼心嘅位係外賣都有包埋一細盒嘅辣椒，嗰個辣椒配撈麵都相當惹味。口味嘅嘢係好過人嘅，但係呢一間已經係我試過咁多粉麵舖裏面比較出色，第二道搵唔到呢個味道。如果去開筲箕灣東大街真係值得一試。

位於筲箕灣東大街 離港鐵站五分鐘 好方便東大街都算係美食街 好多知名食店都係呢度平時好少黎呢區 特登問一問住呢區既地膽朋友佢就推介左王林記 話係必食的😁叫左下面幾樣野 都係朋友大推既✌🏻✌🏻鮮奶油厚多士😈極度邪惡 牛油夠厚唔會太凍 奶油香一層層勁CREAMY 呢個中意食邪惡野既朋友一定要試下🥰🥰切腩撈粗💯雖然唔平但份量都幾足 切腩夠淋肉味都出 撈粗爽口 醬油味強 岩較重口味既朋友😌魚片頭魚蛋河粉相對較一般 魚片頭蛋都唔錯既 正常發揮河粉有少少太淋🤏🏻凍奶茶幾香滑 茶味再強少少就好了🙂Overall價錢係稍貴 但算物有所值熱門既野食真係有保證 可以再黎👍🏻方便指數: 4.5/5環境指數: 4/5回頭指數: 4.5/5地址: 筲箕灣東大街10號東寶大廈地下A號舖

王林記 （筲箕灣東大街店）切腩撈粗 - $60香蔥魚蛋河 -$39又黎到東大街掃街篇，今次試粉麵老字號王林記。星期日中午時間嚟排隊等15分鐘唔算耐，粉面價錢尚算抵食，試咗兩個招牌，切腩撈粗印象深刻，處理得入味又夠淋， 冇鹼水味😋粗面份量足夠， 加埋芽菜口感豐富。香蔥魚蛋粉都算抵食，魚蛋彈牙粉面正常，行過可以一試，但會推薦切腩嘅粉面多啲👌。

東大街好出名嘅粉麵店，早餐都算貴要$45，但係個雲吞麵好細碗同啲雲吞好細粒，唔算特別好食，另一份嘅豬扒好油，奶茶就okay。筲箕灣粉麵嚟講，我覺得都係愛蝶灣間寶記最好食！

每逢週末的筲箕灣東大街，都人山人海，水洩不通，警察通常都會來趕車和抄牌，因為太多架車人士泊在路邊。今天試了這間也是以以魚蛋作招徠的粉麵店，人龍較短，價錢看來也較便宜。香蔥魚蛋湯河，河粉幼滑，有五粒魚蛋，大大粒，爽彈，$39，在現今物價高企的時代，這個價錢很合理。朋友點了牛坑腩香蔥魚蛋雙拼，這裏的坑腩比較特別，肉質很滑，雖然有別一般清湯腩的感覺，但也不錯。單併牛坑腩米粉$50，但雙併加$9，即$59。整體來說，味道不錯，人龍又較短，絕對是東大街的另一選擇。

平時多數食早餐—豬手麵，熱奶茶，今日轉口味，點了坑切腩片頭河，凍奶茶。滿心期待之下坑腩河粉嚟到，同普通腩一樣，或者可以講係似煲湯肉多點，即時問店員是否坑腩，她當然好肯定咁回覆。。係，咁唯有硬食，不過真係好一般，所以2啖就無再食。另外，凍奶茶細味下淡而無味，平時多數叫熱奶茶，一向中規中矩，今日因為天氣比較熱，諗住解下熱，所以叫了凍的，可惜。。。😔估不到曾經喜愛的小店，變成這樣水準，放棄。。。。。了。

吾掂大部分食評話安X吾得，話哩間魚蛋好好多喔，今日早餐時間去開附近，見到餐牌又有魚蛋得食，眯想試下。九點幾無乜人，服務員可能都系做開街坊生意，第一句就問要吾要睇餐牌，裝修只是一般魚蛋粉鋪頭，吾知道系眯香港區，早餐價錢比較高。加三蚊叫左魚蛋改伊麵早餐（$48）3分- 有三粒魚蛋同三塊魚片，魚蛋同魚片都比其他鋪頭黑，吾彈口，無魚味,- 伊麵系煮得剛剛好，吾系好似其他茶餐廳比個統一伊麵，QQ地，- 最好味同摟到分系個湯，好清甜檸檬水比足4片，OK。

因為隔離食開果間餐廳星期四無開，所以就食呢間，反正都係食差不多嘅野。好多年前買過外賣，印象中佢都幾好食，入到去見到坐滿晒人，諗住應該唔會太難食。但今次食完之後，我好肯定我以後唔會再返黎幫襯。首先片頭牛腩粗麵，牛腩好乾粗麵偏硬。然後杯茶走，茶澀無煉奶，其實應同叫普通奶茶無分別。侍應對侍熟客好熱情，對生客態度好差。第一次問佢攞杯水，佢唔比我，再問佢多一次等咗好耐，然後仲要比佢鬧。絕對唔會再幫襯，貼錢買難受。

咁啱經過筲箕灣 就試吓佢好出名嘅切腩撈粗 睇吓係咪真係咁好食🤣🌟切腩撈粗加魚片頭 $63 （7.5/10)佢個牛腩真係好淋😋牛腩嘅份量都算多 如果鍾意食牛腩推薦呢一間☺️ 豉油撈粗個味道都OK 但係食得多就會乾乾地 所以加埋魚片頭嗰湯就好正😉 小編就鍾意落多少少湯🌟鮮奶牛多 $16 （8/10）小編就最鍾意食啲好肥嘅嘢🤪 牛油加煉奶絕對冇得輸🤣 煉奶同牛油多到唔使錢咁～整體：7.5/10好多人排隊 小編係中午12點喺門口排咗10分鐘已經熱到溶咗🥵 茶餐廳嚟講環境都算OK 冷氣都夠☺️

小弟乃區內街坊, 王林記都食左好多年, 由佢柴灣開分店前已經食, 以前都so far so good但係呢一兩年真係忍唔住要寫呢個食評......區內計埋佢有三間魚蛋檔, 有間改左名, 有間好出名, 而王林記的賣點就係跟餐包野飲, 所以比前兩間有競爭力而我就貪平以前就成日幫襯王林記, 但係疫情同工作關係少左, 起碼都兩年冇食過了最近有機會再光臨, 一望, 嘩D人事變晒以前廚房果班阿叔唔知走晒定退休定去晒柴灣, 變晒人唯獨班侍應仲係度好啦幾年冇食, 叫個蛋麵同奶茶, 一食...唔識講中肯D講啦:魚蛋同以前比, 冇咩分別, OK既湯都係, 唔會太重味精而口乾但係個麵...完全唔熟既喂? 硬到唔識講 (直頭係滾水六兩六就俾你果款...真係生麵呀!)杯奶茶...跟餐特價就冇咩要求, 點知, 對於冇要求的我飲完後就變左有要求好唔掂wor老細...溝水茶黎...直頭係跌晒watt跟住望下我自已前後左右, 又唔係好多客 (如果你話好多客還可以體諒)同以前比, 真係渣左其後我食完呢碗麵的下午, 我專登去其餘兩檔的其中一檔食同一樣野做下午茶, 去驗證下係咪我自已要求高定係D野真係渣左點知出黎人地麵係熟,

切牛腩捞粗+鱼蛋汤 HK$63相比牛坑腩，切牛腩全是瘦肉，但这家处理得很好，肉质鲜嫩，粗面有劲道，鱼蛋如果扔到地上估计能弹起来1米高度，鱼汤清而鱼味浓！芽菜也是刚过水变捞起来，没有生味，咬一口声音清脆，厨师用心了。食物用心与否，一试便吃。分量好足夠，食完整份已經非常飽，但個麵確實太好味。不過下次都會想食返牛坑腩！有少少肥好食d。魚蛋加蔥款亦好好味。好抵食，基本上個個星期都會與同事一起坐mtr過來。推薦。

路經東大街，居然咁多嘢食。打開OpenRice，已經鎖定咗安利或王林記，途中遇大雨，就入咗去近啲嘅王林記。「切腩撈粗。」「賣晒！」「咁牛腩撈粗。」「仲有冇呀？」「有咩汔水？」「我點知你飲咩呀？」「忌廉。」應該唔知幾時得罪咗阿姐⋯⋯忌廉 - 居然係室溫，仲冇乜汔，極度懷疑已經擺咗一輪至拎過嚟⋯⋯牛腩撈粗 - 粗麵ok，但牛腩真係”鞋”到無倫，而且一啲都唔入味，曾經諗過同阿姐反映，但係見佢之前個態度，算把啦，硬食⋯⋯

🔹五香牛腩撈麵五香牛腩夠腍身夠入味，中上發揮👍🏼 撈麵調味啱啱好唔會太鹹，份量好多🤭 朋友話平時話好多人排隊同埋切腩會更加好食，可惜今次食唔到🫣🔹奶油多正常發揮🤭 個面包可以焗燶少少🙈如果行過食都可以，但係唔洗特登去排隊🙈📍王林記潮州魚蛋粉麵 | 筲箕灣東大街10號東寶大廈地下A號舖#hkfood #hkfoodies #香港美食 #牛腩撈 #奶油多 #王林記 #筲箕灣美食