王牌冰室 (Savannah Place) (Closed)

難食，難食，難食，重要的說話要講三次！服務又差，價錢又唔平，環境還要十分惡劣！而且當日晚上晚餐時間去，真是鬼都唔多隻，明明都無人個餐都唔知點解等到天方地老都未出來，等到就要反枱才出現，但個餐竟然是凍的。。。。。奶茶無味，炒蛋無味，真是難食到一個點！最難頂是個招牌，又紅又綠又鬼死咁光，全年7月14咁款，真是鬼同你食！特色餐廳 cosplay 7月14。。。而且價錢，咁難食真是你送我都唔會食呀，還要收得貴過普通的茶餐廳，我真是想問憑乜，憑你 7月14 的招牌？永不再食，這間垃圾餐廳

將軍澳新茶餐廳「王牌冰室」，位於將軍澳市中心裡面的新發展區，公屋「怡明邨」和居屋屋苑「寶盈花園」旁邊，私人高級屋苑「Savannah Place」地下商店的大型店舖裡面。由於「王牌冰室」食店的位置，遠離港鐵「將軍澳站」，所以「Savannah Place」居民以外的食客，在所難免地需要徒步，才能找到和光顧到「王牌冰室」。就算我坐巴士，也需要徒步穿過「怡明邨」才能找到「王牌冰室」。「王牌冰室」作為一間將軍澳區區內的港式茶餐廳，「王牌冰室」店舖的實際面積比我預計，都為之巨大得多。不過「王牌冰室」實際面積雖然大，但是位置遠離港鐵站，沒有充份利用餐廳樓面沒有電視機播放新聞的優點。由於我上門光顧「王牌冰室」的時候，已經去到下午茶的時間，偏偏我忘記了去提款，所以身上剩下的金錢預算已經所餘無幾，所以只選擇茶餐廳最流行的麵包小食「鮮牛油菠蘿包」配「熱奶茶」好了。我本來有想過飲「茶走」，但是一想到將軍澳分店「王牌冰室」是新開張的港式茶餐廳，我對「王牌冰室」水吧是否真的懂得製作「茶走」抱很大的疑問。所以不敢貿貿然冒險，最後放棄「茶走」，只飲最原始的港式「奶茶」算數了。我還以為只選擇飲「熱奶茶」，就可以避免

前幾日經過，見到他們新店開幕，特登今日來光臨 下午茶時段。店內設有無障礙通道，空間寬闊，輪椅人士或推BB車都方便進入，試食出名的「叉燒炒滑蛋飯」等左20分鐘未見上菜...（向店員查詢，即出）蛋炒得滑、色水足夠如果鍾意食嘅話一定會覺得好味😋餐飲熱奶茶（奶太多）細細杯OK啦

呢間舖好近屋企但食咗幾次直差到不得了，不論係食物定服務都好差，如果食物整得超好食我要受你氣都gur啲，但真係食完一肚氣。 今日已經係下午茶時間去，叫咗個炸豬扒撈麵，樓面好似唔夠人咁叫咗好耐都冇人落單，然後個呀姐又勁差態度落單，都算啦，到個麵嚟到真係呆咗。 只係得個扒係岩岩炸好，個麵似放咗十幾分鐘，只係靠個滷水汁既微熱令個麵暖，撈麵咁既配搭都算仲要凍既，我自己買印尼撈麵煮都冇咁嬲! 唯一係個豬扒炸得好脆又keep到肉汁，其他真係完全不值一提。嚟得食野唔好太大期望同預咗受氣!

本身見佢玩復古，就睇下有無冰廳質素。早兩日就一家人黎食飯，入門客已經少。叫野食既時嘅，有個短髮女士著便服既就問：做咩呀？係咪寫野？好啦，一路寫已經唔耐煩。因為第一次黎食，都唔係好知佢小菜餐點安排，佢就話，你叫小菜就無飯既，你唔要餐又要食飯就食果d（指住d碟頭飯）。本身感覺已經唔好，依家仲衰！之後我阿妹想拎杯水，有個係度做阿姐就係隔離喝：點呀？阿姐，拎水就拎快啲啦！！快手丫！唔好話食唔食，好無食先啦，你咁既態度，我已經覺得好唔值得幫襯！之後睇返大家啲食評，都係有好多個話佢態度衰，服務衰！已經越坐越嬲！之後等左45分鐘，都未出到佢所謂既王牌飯！催又催，基本你叫人係永遠叫唔到，無人會蘇你，寧願執枱都唔幫你寫單（利申：冇人等緊位！），聽到又扮聽唔到，望一望你，繼續做！令你keep住好燥底既餐廳！到野食黎，我地都無心情食，叫4樣野，乜都難食，所謂既王牌飯，普通不過！性價比好低！！d飯硬到頂心頂肺，同d服務一樣！d叉燒勁鞋勁硬，一句到尾，垃圾到盡！比我揀，我寧願去將中食令一間，人地服務好好多，野食又好！（唔開名，廢事d人又話係打手！）將軍澳有間咁既垃圾，真係好唔掂！我建議大家，想食安樂茶飯就可以揀

最近實在太高興了，位於將軍澳南那一邊竟然開了一間不錯的茶餐廳，終於可以食我最愛的沙嗲牛肉麵。大家住將軍澳都知道在將軍澳站太多是貴的餐廳，要找一間茶記實在艱難，現在開了實在太開心了環境方面很有茶餐廳感覺，但就沒有舊式茶記的污糟，讚首先當然點了這一間的王牌，特濃牛乳炒滑蛋叉燒蝦仁雙拼飯，賣相真的很吸引，滑蛋很滑，好多叉燒，好多蝦仁，蔥花又很多，實在太好味😋再點了脆炸肉絲炒麵，好有特色，分了六個細麵餅，那就不怕食到中途麵會軟掉總捨茶廳環境很好，食物質素高，會再來的

放假一般都睡到好夜，起床時很多餐廳已經沒有早餐了，所以餐廳選擇不多，不想一起床便吃飯，是香港人習慣的關係吧，還是很想吃碗麵。近來屋企附近開了一間新冰室，早餐供應時間很長，可能知道還有我這種睡很晏的客人吧。這是一份超勁量早餐，有咸牛肉炒蛋熱狗，再加沙嗲牛公仔麵，真的看見也覺得熱量爆錶！！咸牛肉炒蛋熱非常好食，炒蛋非常滑，雷且最恐怖是份量超多，可以說是滿出來，每一啖都食到蛋香，可以話係非常滿足。沙嗲牛公仔麵是比較偏甜的沙嗲，而且湯很少，回到家已變成撈麵，所以吃下感覺很重口味，希望下次可以多點湯令味道中和一點。整體這夷餐份量真的超大，除非你去大胃王，不然會建議可以兩個人吃一個，不做成浪費。

同家人到將軍澳海滂散步，之後經過呢間餐廳諗住食啲野，喺門口見到menu有鼓油雞翼撈麵，所以入到餐廳時，就問一下企收銀機前的職員，個麵係邊一隻麵，點知被態度極差的語氣回了一句：「你去問第二個！」然後自己就擰轉面喺度整其他野.............自問好聲好氣問佢，吾明點解可以咁樣答人，極度趕客，所以聽完佢回應後就決定吾喺度食，離開餐廳。雖然呢間係茶餐廰，但就可以這樣不禮貌對待食客？呢度絕對冇下次！！

1. 堂食下午三時要等超過半個鐘都未有嘢食2.堂食上午11點叫午餐(豬扒炸蝦飯)等半個鐘都未有嘢食3. 外賣自取早上10:30打電話,阿姐話有排等,我問佢等幾耐,佢答返我好耐你等唔等,咁我問要等幾耐,佢話超過半個鐘, 要serve 外賣APP 先, 我問叫外賣APP 會唔會快d, 佢又話唔會, 我問堂食會唔會快d, 佢又話唔會大佬你係茶記嚟㗎, 茶記應有既效率你都冇服務態度又差, 經常見到收銀坐咗兩個人吹水樓面有冇人做嘢食物質素唔係特別高, 再咁搞落去等執喇

在屋企附近找個速食晚餐，試試這間新開的冰室餐廳內裝修都比教乾淨企理，不會很迫點了兩個皇牌試一試滑蛋叉燒蝦仁飯 - 賣相不錯，份量也很多。但滑蛋不算滑，叉燒比較瘦，豉油又不太夠。唯一可讚是蝦仁比教大隻脆炸肉絲炒麵 - 圓圓的炸麵另上，打卡一流。份量其實很多，我只可吃4 個脆麵麵真的炸得很脆，但放入肉絲醬汁內不是很吸收，兩者未能溶入。吃下去好像吃媽咪麵一樣。餐飲叫了凍檸茶和凍奶茶，凍飲加$3。味道不過不失，但冰比較多這間冰室味道不太驚喜，價錢比一般茶餐廳略高，但如果是在屋企速食是可以接受的

新開一個月，因為住得近所以假日經常去呢間食早餐，侍應人手非常不足，佢地忙住傳餐執檯，舉左好耐手都冇人理要落單。 今日叫左蕃茄牛肉米粉，配多士炒滑蛋，包一杯熱飲。因為上次飲過咖啡覺得偏酸，所以今次叫左熱奶茶，味道不錯。蕃茄湯底濃郁，重有好多薯仔粒。牛肉就不過不失，整體黎講都幾好味。

呢間新開張的茶餐廳位於將軍澳中心，將軍澳茶餐廳的選擇非常少，好味的茶餐廳更加少，呢間絕對係其中一間。王牌特餐叉燒意粉加炒蛋火腿腸仔多士，呢度嘅叉燒意粉係皇牌，叉燒肥瘦適中，但份量較小。今天的意粉偏冧，所以下次會選擇轉出前一丁。招牌五寶飯五寶有叉燒、燒鵝、燒腩仔、切雞、鹹蛋，分量十足。就咁望落去已經好足料，配埋特製姜奶茶，抵食。

其實將軍澳澳南海岸呢邊 除咗幾間海邊酒吧同餐廳之外 就係幾乎冇嘢食 一間茶餐廳類嘅食店都無所以一見到呢間王牌冰室 一定要即刻試試睇下有冇潛質可以成為飯堂佢嘅招牌走懷舊風而且非常搶眼遠遠就已經可以見到佢門口寫住試業中但好似餐牌上嘅菜式都已經全部有得嗌店入面霓虹燈寫住是是但但叉燒蛋飯八個大字所以我就揀咗滑蛋叉燒蝦仁飯呢個價錢我都估唔到會有三大隻蝦仁 而且個滑蛋真係唔錯喎我最鍾意佢就係成個餸同埋汁係蓋住整個白飯因為食茶餐廳我真係好怕個白飯乾爭爭咁喺個餸旁邊呢度就絕對冇咁嘅問題啦

近來屋企附近開左愈來愈多間餐廳，捱左咁耐總算可以落街就有野食，唔洗行太遠，而呢間冰室之前係其他食過一間名稱差不多但最後一個字唔同，唔知係咪同一個老細呢？ 是日無煮飯，拎過餐牌見到有小菜叫，便決定近近地試下。咕嚕雞球 ($78)雞肉處理得外脆肉軟，雖然是外賣，但取回家後亦沒有變淋，仍可保持脆口，咕嚕味道不會過酸過甜。金針雲耳蒸滑雞 ($68)雲耳數量很多，雞肉嫩滑，也算夠味(以前吃過沒甚味道的蒸雞)，但雞肉切得很大塊，吃時有點麻煩，略嫌不夠細心。椒鹽豬扒 ($78)豬扒數量很多，厚度不會太薄，炸得也算鬆脆，但椒鹽味道不算突出。沙嗲金菇粉絲肥牛煲 ($78)沙嗲味道濃，肥牛數量可以，配搭金菇粉絲送飯十分一流。枝竹牛腩煲 ($78)因家人不喜愛吃火腩，所以選擇了牛腩，對不喜愛火腩但喜愛枝竹的人算是多一個選擇。 牛腩淋，但枝竹不算入味。整體晚市小菜價錢算貴，因份量不是很大，但勝在所有菜式味道都在合格範圍內，如平日沒有煮飯也是一個方便快的選擇。推介指數：

沙嗲牛肉麵唔知點解好甜最基本的火腿通粉都極級難食同老闆反映 老闆拎返入廚房五分鐘黎再拎過一碗出黎話今次冇搞錯但兩碗味道完全一樣因為係完全冇味 同水冇分別我叫老闆自己試下佢竟然答我清湯係咁清⋯咁我冇野好講了永不再幫襯。