王牌冰室 (Savannah Place) (Closed)

屋企人係一碗沙嗲牛肉麵外賣中食到”脆口””爆漿”既感覺你以為係沙嗲牛肉既花生或其他配料??錯！原來呢個係一個親子丼沙嗲牛肉只係配角主角係 曱甴媽媽 + 曱甴寶寶屋企人食落口感到不妙馬上衝去洗手間嘔發現嘔吐物除左有曱甴媽媽，仲有卵再返返去睇碗外賣，如圖見到仲有多一隻卵BB卵都咁大隻，我唔敢想像媽媽身型有幾龐大如此恐怖既事屋企人馬上去到餐廳理論得到一員工解釋：有時煮麵有隻曱甴入左去我哋都唔會知🤷🏻大家下次係王牌冰室叫食物時隨時有機會食到此丼祝大家好運

之前試過在網上點外賣，味道唔錯，今天試堂食，叫左焗豬扒飯加凍檸茶，檸茶茶味淡，冇檸檬味，豬扒大件厚切，味道唔錯，但飯底好似白飯，又硬又凍，絕對難食，茄汁味道麻麻，最後吃完豬扒冇食飯，埋單後因為仲未飽，走去食車仔麵

呢度嘅沙嗲牛肉麵超級濃，牛肉不算太韌，但如果唔食得辣嘅就不太建議呢間，因為呢度啲沙嗲濃得嚟有啲辣。呢度仲要包埋一份多士、煎蛋/炒蛋/太陽蛋再加埋一杯嘢飲，加加埋埋都係$40 ，相當之抵食，難怪隔離嘅茶餐廳都靜到拍烏蠅，呢度搶晒客，再加埋呢度其實連位都唔使等，入得嚟將軍澳一定要食！只需要喺將軍澳地鐵站坐114A小巴喺雍明苑分站落車，行多兩步路就得啦，食完之後仲可以去附近行Donki，一舉兩得。

因為住附近懶煮就會落王牌冰室或蕃茄18冰室，平時王牌質素都唔錯，沙嗲牛麵、雞煲同小菜都好味，雖然有聽過鄰居話佢食時見隔離枱食到有強仔，個客鬧到癲左咁，亦觀察到樓面侍應次次都唔同人。估唔到今日輪到我中獎了。今日中午落去食晏，因為尋日腸胃炎要戒口所以叫左個鮑絲火腿通心粉炒蛋多士，食食吓碗鮑絲火腿通粉畢到隻小昆蟲，侍應即刻拎走問我想換咩，廚房即刻換過碗鮑絲通粉。照收我$42⋯⋯你可以話小昆蟲係個個廚房都有，咁鍾意乾淨唔好出街食。

叫左個鹹魚雞飯外賣，個飯好濕，沒色光，雞肉超美白和沒味道。希望各位考慮清楚先去呢間野。最後放左垃圾桶。唔合格。以後都唔會幫親。in the end, I wasted $70 for this delivery.

又到星期日约左人去將軍澳海濱長廊踩單車輕鬆下六時开始踩踩左兩粒鐘就食晚飯八点近海旁边果幾間都高朋滿座我地要睇單車关係退而求其次，食後面茶記以前食過呢間下午茶吾錯今晚一行四人，兩男兩女食晚飯叫左個三至四人富貴套餐麻辣雞煲不過不失啦有四隻鮑魚菠蘿咕嚕肉。失望走油吾夠好，調味汁太稀椒鹽鮮魷有驚喜夠惹味(8/10分)。跟四碗白飯飲品方面。。我飲凍央，茶記水準佢地飲凍檸樂。。荔枝特飲。。大大杯梳打(加10蚊)。。都OK。。平平地~$320都滿足拉。。服務就一般般拉顺帶一提。。九点鈡会問加吾加單，我估佢都係十点前收工客人相对海边少好多拉。。。。。

平日午餐見呢度唔洗點排隊，就試下佢個招牌沙爹牛肉麵啦呢個份量都算合理價錢嘅，男士食可能會唔夠飽？鐘意佢個多士唔會烘到好硬，係外脆內軟沙爹牛肉麵果然係招牌，冇令人失望，湯底非常濃郁仲叫左好耐冇食嘅咖央多士，回味下新加坡嘅美食，不過不失！

行完海旁發現呢間野之後一直念念不忘，於是決定早起身都要食到呢間濃味之選！極濃沙嗲牛麵！極濃蕃茄湯底！濃到已經唔係湯，而係汁咁制，如果屋企人或情侶口味較清淡既話，呢間野就唔岩你地了，但如果同我一樣都中意食重口味既話，呢間絕對係值得嘗試！首先牛有牛味，雖然汁偏咸，但對重口味既我完全沒有影響，食完好有滿足感同好邪惡！而另一碗蕃茄午餐肉通粉，午餐肉好大粒又好味，蕃茄湯好濃又有蕃茄係入面，就算對男仔黎講都夠飽！而方包亦不普通，係用好多牛油整既邪惡包

對於食開沙嗲嘔麵嘅朋友黎講，王牌一定唔陌生，濃濃嘅沙嗲湯底，又唔會咸到要洗腎，不過其實我多數會揀食米粉，因為可以吸得更多湯，跟住個丹麥吐司又係我鍾意嘅野，好正！其實唔只係堂食，我叫過foodpanda幾次，佢都一樣keep到，好熱同埋味道一樣。仲有樣就係佢裝修好得意，有d懷舊feel，其實佢連外賣d兜兜都係一樣，做到好似以前舊式d碗咁，都幾得意架。(PS：唔係鼓勵大家為左望下d餐具所以叫外賣架😂)

今次嚟咗呢間位於將軍澳 Savannah Place地下嘅 王牌冰室 試咗佢地嘅早餐！王牌特濃沙爹牛肉面：講明特濃，個湯底濃到結結地，好似四川擔擔面個湯底咁，但係食落又唔算太濃，味道啱啱好，唔會比人覺得好重口味，真係值得一試架😋👍🏻

晚上去完新開企鵝買野，非常肚餓，路過見到裝修幾特別， 一於試吓。一於叫佢嘅佢王牌之一沙嗲牛肉麵常餐，落咗單之後，等咗20分鐘都未有嘢食，一般常餐應該唔會咁耐，終於有個員工走過來，但係擺低張單，睇到佢入機個時間係啱啱先入，之後5分鐘就有個面到，非常一般沙嗲汁尚算可以唔係特別濃，啲牛肉冇味，我唔知正常冰室啲牛肉係咪一早準備好晒，係凍嘅。之後再等咗十五分中，個面都食哂，終於忍唔住吹下佢，唔使2分鐘就即刻整好左多士同炒蛋，搞到個面同多士蛋分開10幾分鐘嚟食。食個常餐都要食咗我50分鐘。沙嗲牛亦唔係特別好食，令到我嘅體驗真係麻麻地。

「是是但但食义燒旦飯」嘅霓虹燈裝修格局下，假期日日都出去食早餐都吾知食咩好，唯有是但咁去左間餐廳。食茶餐廳早餐一般都會試食撚手沙爹牛肉麵，就叫左呢度王牌嘅王牌特濃沙爹牛肉麵配牛乳炒蛋蒜蓉牛油多士加杯清涼凍檸茶。王牌特濃沙爹牛肉麵吾系hea 煮㗎食得出吾系普通沙爹醬溝出來㗎，系有層次感，好香，濃，滑。滑滑花生醬味，食落一陣仲有一點小小回甘辣，牛肉滑，唔韌唔鞋，牛肉份量亦吾系少，比例算多，麵身煮出吾會過淋剛好，上菜到即刻食⋯⋯正。👍炒蛋半生熟最啱我胃食小熊，炒出來吾老好似胃食小熊面珠登咁超滑配埋蒜蓉牛油多士，整塊多士全面蓋住牛油，香口，但油膩左。凍檸茶吾系用隔夜茶胆，即日新鮮茶旦沖出來，加新鮮檸檬，飲落去算清爽🌬朋友仔就叫健康D, 叫左牛奶麥皮配鹹牛肉炒蛋三文治加凍奶茶。牛奶麥皮又香又滑，麥皮同水分量配搭剛好，唔太傑唔太稀少。👍鹹牛肉炒蛋三文治，分量算十足，但麵包就唔系太新鮮，都係烘底軟為香口及安全D😬下次記得叫烘底先。😋

突如其來打風放假一日，於是決定近近地食王牌食下午茶，同早餐一樣抵食。今次叫咗瑞士雞脾餐，加埋奄列、薯餅、熱飲，只係$46，飽肚又抵食。雞脾味道唔錯，瑞士汁香甜入味，肉質尚算嫰滑；奄列煎得有啲老，略嫌油膩，相比之下炒蛋出色唔少：薯餅都算香口，但同樣油味重，需要改善。王牌奶茶一向順滑香濃，茶奶比例佳，係每次食早餐必點，今次當然亦冇失準，算係同區排名較前嘅一員。食住下午茶，望住出面風雨飄搖，別有一番風味。Instagram: @_kikhk

特濃牛乳炒滑蛋叉燒蝦仁雙拼飯，特濃牛乳炒滑蛋口感非常滑溜，牛乳味道濃郁，蛋香味濃；叉燒肉質肥瘦適中，充滿蜜汁味道；蝦仁肉質肥美，口感爽彈；飯粒口感軟硬適中，配以香蔥、甜豉油食用，味道更佳。蕃茄湯午餐肉粒通粉配牛乳炒蛋、牛油多士，蕃茄湯味道厚重、酸甜，啖啖蕃茄蓉；午餐肉粒份量多，味道咸香，口感厚實；通粉口感腍彈；牛乳炒蛋，口感滑嫩多汁；牛油多士，口感外脆內軟，食落好香口。芝士生菜鹹牛肉炒蛋三文治，口感好豐富，芝士味道濃香，生菜口感爽脆，鹹牛肉味道鹹香，炒蛋口感厚身，烘底三文治口感香脆。瑞士雞全翼配奄列，瑞士雞全翼好入味，肉質嫩滑，肉汁飽滿，味道甜中帶咸；奄列好足料，雞蛋包裹住大量火腿絲。椰汁紅豆冰，紅豆軟腍，味道香甜，飲落椰汁味道突出。熱柑桔蜜，味道甜酸、清爽。熱奶茶，茶味濃厚，飲落有回甘，味道正宗。熱咖啡，飲落味道香濃、唔苦澀。

這次在附近做完點事情有點餓了，想起在KCC裡面有家冰室，吃過覺得下午茶價錢實惠味道不錯，所以我們決定去吃個下午茶休息一會兒才行🤭🤭。💥混醬腸粉 HKD$16💥碗仔翅 HKD$18💥火腿奄列拼牛油多士 HKD$33💥吉列豬扒拼薯條 HKD$42💥王牌流心西多士 HKD$36💥咖哩三寶 HKD$25💥茶走 HKD$0 | 凍檸檬茶 HKD$3 (跟餐價)我們點了很多款經典港式小吃來吃吃看，覺得食物質素不錯而且挻大份的，所以我們也吃到飽飽的😊。 這次最喜歡吃的食物就是混醬腸粉，腸粉裡面有很多款醬混在一起來吃味道最棒😍😍，而且賣相也不錯的，腸粉口感很滑身呢🤤。