王牌冰室 (Savannah Place) (Closed)

前陣子行經將軍澳，諗住閉關前來個最後晚餐，純粹想飲個紅豆冰，誰知食到高質茶餐，大滿足!-🔆 叉燒牛乳炒滑蛋飯 $58啲叉燒有少少燶邊，勁香~ 份量好多，好大碗~ 炒蛋用3.6特濃牛乳整的， 好香滑😋-🔆 常餐:沙爹牛肉麵 $56沙爹汁濃厚 ，牛肉好滑-🔆 爆鹹四重奏 爆1 $40咸牛肉超惹味，再一次要讚美一下個炒蛋，真係超香滑~-因應現況 ，王牌冰室都強化咗外賣服務 ，連個外賣盒都唔是但求其，包裝精美，好似大碗公。 我想，除了炒蛋，精益求精嘅精神應該才是王牌冰室的王牌吧。🔱

路過將軍澳站個邊搵朋友，咁啱又餓餓地，就搵下附近有咩好食啦～～～周圍望就俾個燈牌吸引左，原來澳南都有間幾有特色既懷舊冰室～～不過疫情嚴重，都係外賣番屋企食好了～～咁我就叫左：茶餐廳必點既王牌特濃沙嗲牛麵、椒鹽炸雞髀、王牌西多同埋王牌叉燒特濃牛乳炒滑蛋飯首先，不得不讚既係店方既外賣碗設計，傳統既龍既標誌，加上4隻大字「隔。離。飯。香」，感覺好懷舊咁，令人諗起「萬壽無彊」既餐具系列～～但佢仲有細細隻字提大家 stay home and stay safe~~~貼心既設計呢～～🥰每間茶餐廳都有自己特色既沙嗲牛肉🍜，都可以話係每間店既靈魂之一～～至於王牌冰室既沙嗲牛呢，食得出係自家製作，唔似現成沙嗲汁～～牛肉份量唔算少，肉質又唔會好淋，都似新鮮整既～～麵質就因為外賣焗住左淋左啲～～整體味道唔錯，感覺好好😋😋另外，再配埋蒜蓉多士（要加錢）同埋牛奶炒滑蛋，多士蒜香味可以再多啲，食到邊邊位真係好唔夠，炒滑蛋就唔錯，有蛋香又夠滑👍🏻椒鹽炸雞髀🍗係下午茶既首選！打開個盒見到隻髀好黑，諗緊係咪炸燶左，但食落就知係醬油既顏色～～不過香料味都幾濃，冇乜椒鹽既味道，同埋個皮淋左就有點可惜⋯⋯至於火腿蛋奄列就一般

呢排外賣抵左好多，今日發現王牌冰室外賣85折。下午茶又好抵食，唔怪得知咁多外賣單！叉燒蝦仁炒蛋飯（$64）呢個果然係皇牌，攞到番屋企都熱辣辣，個盒仲好別緻，有古董碗嘅設計，加上叉燒蛋幾隻字，好得意。叉燒、蝦仁、蛋嘅份量都好足。叉燒半肥瘦，甜甜地，蝦仁又大隻，好彈牙，啲蛋成1cm厚，真係兩個人share都做下午茶都得！瑞士髀撈公仔麵（$52）本身跟炒蛋同奶油多士。隻雞髀就略嫌較乾，啲公仔麵可能攞番屋企時間關係，較為濕較為軟。鹹牛炒蛋潛艇（$38）呢個都好吸引，蛋量好大，好香，配合碎牛，仲有好軟身嘅包，超快食曬。花生醬西多士（$38）呢個加糖漿之後真係邪惡到忍唔到，又係秒速KO左！花生醬甜中帶鹹，西多又吸滿牛油，不得了。飲品揀左凍奶茶、熱杏霜、阿華田、凍檸茶。

第一次黎食，一個餐沙爹牛肉麵，連蛋同多士都幾大份，蛋又比想像中嫩滑，多士唔求其，烘過加厚身有咬口。我就叫左瑞士雞脾撈麵，念住會細細個唔會飽死，點知系勁大碟，雞脾好大隻，不過有少少鞋，麵就幾彎又彈牙，瑞士汁幾好味，要等，因為即時整個撈麵。奶茶簡直系精髓，有茶濃又有奶既適中呢啲先系茶餐廳奶茶咖嘛，不過奶茶岀色既茶餐廳，㗎啡通常都一般般，因為會偏酸。正式茶餐廳系奶茶有水準啲呢間就做到啦！距勝在星期一至五有午餐餐牌，定左焗煎飯蒸幾款，方便人揀食。

喺將軍澳澳南依個新樓盤，樓下商場Savannah Place都有一間價廉物美嘅冰室。咁同朋友見有啲肚餓就去食吓嘢。今次食咗幾種佢哋嘅皇牌：.皇牌之選：特濃牛乳炒滑蛋叉燒蝦仁雙拼飯依碟皇牌上枱嘅時候，已經睇得出炒蛋火候啱啱好而有個好好睇嘅賣相，炒蛋因為好滑配落啲飯到好順口，而叉燒同蝦嘅份量都好足夠，味道同埋香味都幾好水準。.爆餡之選：芝士。生菜。鹹牛肉。炒蛋三文治見到咁多材料嘅三文治都知有一定厚度，而言佢哋炒蛋嘅水準，佢哋三文治都好好味喇，芝士嘅濃厚，鹹牛肉嘅咸味，炒蛋嘅滑同埋生菜嘅爽脆，仲有烘得啱啱好嘅麵包，整個配合得天衣無縫。.常餐之選：瑞士雞翼撈麵依個瑞士雞翼真心幾入味而且厚肉，唔係間間都有咁嘅貨源，另外個麵嘅汁同質地都有啲特別，好值得一試。.驚喜：椰汁紅豆冰重椰汁味嘅紅豆冰好耐都冇飲過喇，而紅豆都煮得夠甜夠冧，係真真正正冰室出產嘅紅豆冰。.其實佢嘅霓虹燈裝飾都幾懷舊，想體吓啲裝修都可以去參觀吓。

帶小朋友返興趣班後，因1小時後要接回，天氣唔太穩定，喺附近搵間餐廳坐低食早餐，消磨下時間。餐廳都算大，枱與枱之間都有合適距離，待應和食客都唔駛左閃右避👍。第一次嚟，點左佢嘅王牌特濃沙嗲牛肉通心粉套餐，跟餐嘅炒蛋都幾滑，多士烘得唔錯，牛油都足夠唔小氣，通心粉唔會發到爛pet pet，佢個沙嗲真的幾香，有花生香味，每一口通粉連沙嗲濃湯一齊食好正，咖啡都唔太苦，可接受，今次初體驗感覺幾好，下次可以再試試其他。

今日放假，同個女和老婆去咗踩單車，經過見到呢間冰室，又未食早餐，咪諗住入去試吓啦，排左一陣就有位(竟然要排隊，之後笑左)，入去見環境比較窄啦，燈光就黑媽媽嘅餐廳燈光，不過佢係冰室。甫坐下，便看一下menu有咩早餐食，正常發揮，無咩特別，價錢比正常貴五六蚊，揀好就叫亞姐寫，叫左四五次，亞姐卒之理我喇，三個餐我重覆講左三次，亞姐中文程度有限，與以理解嘅(不過譚仔亞姐都係佢同鄉喎)。等左一陣，啲嘢飲到咗，我望落以為正常發揮，奶茶檸茶好立克，之後有彩蛋。剛好，我個雞扒义燒公仔麪到咗，驚喜計埋凍飲收我47，塊雞扒得一半，义燒啲肉色瘀到發紫，個麪得一半，可能驚佢個細碗裝唔晒，最弊放喺個細碗都覺得佢少。跟住我女個波蘿油到埋，咩話？收我31連凍飲，個包十蚊我都唔買，細就唔講喇，説好的牛油呢？好似牛油方包咁查左上去，你好嘢呀！突然，有碗米粉到左，我老婆叫咗個五香肉丁米，望落唔多似，不過撩吓啦，冇肉丁嘅？面嘅係雪菜，肉絲都冇(所以懷疑有肉丁喺底)，算數照食，因為已經等左一陣，但係應該仲有兩隻太陽蛋，咪問吓位亞姐囉，順便講話佢嚟錯左個米，佢拎起張單睇咗三十秒，佢就話你見唔係就唔好食啦，你做錯嘢要我負責？！勁

焗雞扒飯送到黎變左焗豬扒飯1.汁唔夠蓋晒個面，令焗飯好乾2.豬扒薄，又重梳打粉味3.炒飯炒得唔夠香又冇料，得少少蛋$72蚊價錢似食緊30蚊熟食中心既飯錢多可以一試

呢間餐廳原來喺連鎖集團, 真係估唔到. 咁啱同我閨蜜都住喺將軍澳, 今日星期五小週末一於食餐好嘢, 又唔想去人多地方。其實將軍澳好多餐廳都已經比我地試過曬, 但喺happy Firday想黎啲新意思估唔到我個閨蜜竟然同我推薦冰室, 原因喺因為個度有雞煲食咁講真, 我哋兩個都非常中意食川菜, 以前仲成日約埋一齊翻深圳食嘢, 但喺而家就不了，又估唔到間冰室咁與時俱進, 識得喺冬天推出雞煲同羊腩煲, 我哋兩個咁中意食辣咁就梗係試下雞煲喇叫咗個雞煲, 仲叫店員幫我哋加麻加辣, 好彩佢哋都有求必應, 因為有啲鋪頭會嫌麻煩雖然個雞煲其實已經足夠我哋兩個人食, 但喺反正都一場嚟到就梗係要試埋其他嘢喇, 後來我哋再叫咗個椒絲腐乳通菜魚香茄子飯估唔到個雞煲好快就上咗, 一擺低就聞到好香麻辣味, 仲有雞油同花椒嘅香味, 我哋兩個迫不及待就即刻夾起嚟試我哋兩個對雞煲都好有要求, 最唔中意個啲用辣湯浸住嘅雞煲根本唔夠惹味, 好彩呢間喺乾炒嘅雞煲, 而且佢哋材料落得好足, 有齊曬洋蔥辣椒乾花椒八角麻辣味完全融入曬啲雞肉度, 真喺啖啖過癮最後都要讚下個魚香茄子飯, 份量好大好抵食, 我哋兩個食到個肚爆炸估唔到呢間

老實講, 我喺為咗任食瑞士雞翼而黎, 仲以為可以一個價錢任食瑞士雞翼去到先發現原來喺要叫一個餐加錢先可以任食都唔緊要 去嘅時候喺tea time 我就求其叫咗個輕量啲嘅茶餐一心要食好多隻雞翼終於叫咗第一轉雞翼 我果然我黎錯地方佢哋嘅雞翼 夠大隻 喺雞全翼瑞士汁煮到非常非常入味雞肉結實, 唔爛唔散上台個陣全隻雞翼都係深啡色接近黑色 最後戰鬥力無想象中咁好 只係食了4隻雞翼 但為咗呢個瑞士雞翼我可以再黎多10次

其實將軍澳本來已經有一間"王牌冰廳",後來又再開了一間"王牌冰室", 令我總是搞亂了最近終於有時間試試這間"王牌冰室"星期六的早上老公,仔女無一個想起床自己一個享受漫步的時光 不知不覺就走到了這間餐廳面前早上9點多的時間 餐廳人流很多 大概大家都想食完早餐就出發去玩吧自己一個人搭檯 看見隔壁一對父女叫了一個類似all day breakfast非常豐富可惜一個人沒有能力食完 實在份量太大了最後叫了牛奶麥皮配吞拿魚三文治本人對"牛奶麥皮"要求非常高牛奶麥皮不能煮到麥皮和水分離 不能煮得太爛 牛奶要香甜但不能過甜而蓋掉麥皮的味道這間"王牌冰室"的牛奶麥皮水準合格  麥皮沒有和水分離 甜度適中 夠奶香配上足夠份量的"吞拿魚三文治"這頓早餐即使沒有老公和仔女在身旁 也會感覺暖暖的想不到這間"王牌冰室"的食物頗有驚喜

呢排疫情肆虐，個個都驚出街食飯寧願自己喺屋企煮，但喺今晚開ot開到8點幾實在唔想煮飯食，諗住買幾個飯翻去食就算。去到門口見到店內唔太多人，索性打電話叫埋老爺奶奶同老公落嚟食完再上去。老人家中意坐圓台，所以就揀咗張圓台坐，但喺一坐低就聞到張台小小消毒藥水味，估計喺佢哋用消毒藥水抹台，雖然喺難頂D，但喺非常時期好過無做呀。我哋四個人叫咗小菜椒鹽豆腐，肉鬆四季豆，椒鹽豬扒飯同蔥油雞扒撈麵。小菜加15蚊轉餐仲有飯有湯有嘢飲。椒鹽豆腐幾惹味，好多炸蒜喺面頭。肉鬆豆角就不過不失，椒鹽豬扒飯個豬扒炸得啱啱好唔會太乾，最驚喜喺個蔥油雞扒撈麵，蔥油好多唔會姑寒，可以撈曬成個麵食，而且蔥油整得好香夠油，老公仲搞笑問人地個蔥油有冇得賣。喇喇聲食完就走了，不過呢間嘢比我印象幾好，老爺奶奶都話想下次再嚟食。

將軍澳南的新屋苑已經全部入伙，大部份屋苑基座都設有小型商場，租戶也以餐廳食肆為主，迎合居民需要。每逢週末週日，只要有時間，就一定會走遠一點找間新餐廳試試，今日就專程走到去「王牌冰室」食晏。餐廳位於新商場其中一間地舖，對正大街，樓上就是玻璃外牆設計的商場2樓；無論視覺上及觀感上，總有點覺得港式茶餐廳與新落成的商場地舖有點格格不入。茶餐廳的內部裝修雖然非常簡單，但那幾個用橙色及綠色 LED 螢光燈管製造而成的仿霓虹燈招牌，卻顯得額外搶眼。尤其是《王牌》標誌，令人不禁想起70年代仍然非常流行的「XX大押」- 當舖，充滿懷舊、玩味。典型港式茶餐廳餐牌，選擇多元化，有多款炒粉麵飯、港式焗飯 / 意粉；當然不能缺少三文治餐、早餐、常餐、茶餐。每一款都似乎很好味，非常吸引，有點選擇困難。不過，實在深深被貼在餐廳門外海報所吸引，王皇特濃沙嗲牛肉麵及特濃牛乳炒滑蛋叉燒蝦仁雙拼飯的照片拍得實在太過靚；決定揀常餐王皇特濃沙嗲牛肉公仔麵（$48）。見到沙嗲牛肉公仔麵的實物，馬上感到有點失望；點解同照片差這麼遠？夾起一箸公仔麵，淥麵時間控制得相當好，少少彈牙、不會太腍，每條公仔麵亦黏滿了沙嗲醬。沙嗲醬味道真的冇

I saw this place a couple of times before so this morning I decided to try it with my girlfriend. I ordered an all day breakfast which costed about $52 with a drink and my girl got satay beef noodle. I don't remember the price for the noodles but it definitely did not look like anything from the picture that was shown on the menu and to be honest it tasted quite dull, nothing special really. My all day breakfast was quite disappointing. It had scrambled eggs that were quite cold and oily, the to

今天來試食新店！果然冇改錯名！是是旦旦叉燒蛋飯！鹹鹹鹹硬硬硬！本人向來不浪費食物！今次真係頂唔順！連我太太都食剰！服務態度差！好似欠佢咁！食物又凍！我一定不會再來😢