王牌冰室 (南豐紗廠) (Closed)

王牌冰室芝士沙嗲牛肉撈丁秘制咖哩豬排焗飯價錢💲: $4x/ $60好味程度😋: 3.5/5服務🍴: 3.5/5 環境🗾: 3.5/5性價比🥢: 3.7/5回頭率😚: 3.5/5-自己本身都唔係成日食茶記，但見到呢間有呢個咁多芝士嘅沙嗲牛肉麵就即刻決定要去食🤪 同埋南豐紗廠主要都係cafe，要搵間平民小小的都唔係咁易，難得見到就去試試。-🆗-✅芝士沙嗲牛肉撈丁。麵質啱啱好，沙嗲味好濃🤤 但醬汁偏鹹，有啲死鹹的感覺。牛肉都有幾多片，感覺都冇用鬆肉粉醃過👍🏻 重點的芝士以為好濃，原來比想像中冇咁濃😩 只帶小小芝士鹹香，又唔覺得好漏🤥 但個樣就好邪惡！😂-✅秘制咖哩豬排焗飯。飯係炒底，超鍾意😚 咖喱汁夠撈飯、份量好多。都係一隻比較鹹的咖哩醬，小小辛辣😌 豬扒3大塊，呢舊就有鬆肉粉醃過，肉質腍左啲。一個人食呢個肯定好飽😴-我覺得被芝士沙嗲牛肉撈丁個樣欺騙了🥴 一般一般，不過佢都幾多分店。

I came here for lunch before and it was good. So decided to try breakfast. It’s hard to mess up breakfast… The macaroni was not chewy, it was soft and bland. Perhaps the brand they use isn’t good…And….. the toast looks shrunken and sad. Smaller than my scrambled eggs. The staff are friendly and my milk tea was good. Sadly that’s the only thing good about my breakfast.

做辦公室的朋友一定常到茶餐廳，這間在紗廠的茶餐廳水準不錯。滑蛋蝦仁叉燒雙拼飯，餐牌也可以選只要叉燒或蝦仁，當然貪心的小狗一定是全都要，共$64連熱飲。如果要凍飲加$3，不用雙拼減$2。飲品我就不多介紹了，相反滑蛋的入口很香口，不會全熟，仍然有流質的感覺，令人倍感入口，加上甜豉油，撈飯一流。吃慣了叉燒的大家最怕是質感很柴，也不喜歡只有肥膏，枱上的瘦叉燒不但不柴口還有咬口的。至於蝦仁，每次都爽口夠大，不會煮得霉霉爛爛感覺。圖二想介紹的常餐的滑蛋，這間午餐也有常餐可以選大約$55，份量不錯蛋亦不用加鹽已經很有味道，至於主菜選沙嗲牛肉麵，還是其他撈麵，就大家按自己喜好了。

Lunch 同同事去左the mills 食，諗住少人d又可行下。去到除左地下嗰兩間，好似得呢間價錢比較相宜d，所以食佢。估唔到佢個沙嗲牛麵都ok，好濃味，個麵個質感都唔差，牛肉就有一兩舊少少un，但overall ok, $48 lunch 都算抵

𝙒𝙤𝙣𝙜 𝙋𝙖𝙞 𝘽𝙞𝙣𝙜 𝙎𝙪𝙩𝙩 王牌冰室, 𝙏𝙝𝙚 𝙈𝙞𝙡𝙡𝙨🍜Not so many to choose from when it comes to food if you're at the Mills. 😕So we ended up here at a Cha Chan Tang. They serve pretty standard local food. Food is average, nothing really surprised us. But given this price point, we don't have much to complain about at the same time👌🏼Personal favorite goes to the fried eggs, and the chicken wings are also not bad! .📍Shop 304, 3/F, The Mills, 45 Pak Tin Par Street, Tsuen Wan #HappiMuffinHongKong🌟#HappiMuffin Rating

到南豐紗廠唔一定去Cafe，茶餐廳也可以。王牌特濃沙嗲牛肉公仔麵～濃底特濃，全碗都是沙爹湯底，花生味比較重，好正😋王牌叉燒特濃牛乳炒滑蛋飯～蛋超滑，加埋醬油一流，係叉燒有少少硬。不過收銀D哥哥仔態度就麻麻，多謝都無聲😒

叫左2個常餐，一個係沙爹牛肉公仔麵，另一個係蕃茄牛肉公仔麵，炒蛋好滑同好香蛋味，而塊丹麥多士都好正，烘到好脆，加埋啲牛油真係好邪惡🤤沙爹牛肉麵好濃好香😆牛肉啲都唔韌，都幾大塊，啲麵都彈牙，索哂啲湯都好正，但食到最後會有少少漏🙊蕃茄湯就未去到好濃，但都唔錯，幾開胃，牛肉就普通，唔好睇佢細細碗，但食哂都幾飽😮‍💨

_____好味指數：🌟🌟🌟抵食指數：🤑🤑🤑做嘢做到攰又唔想出去食就打開外賣app睇吓有咩食啦，自己都係鍾意啲快靚正嘅嘢，咁啱見到呢間冰室啲相好吸引就叫咗啦，確實真係幾唔錯✅王牌叉燒特濃牛乳炒滑蛋飯聽個名都知佢不得了，炒蛋幾滑同好香牛奶味，然後叉燒有咬口又唔韌，同埋個飯大大個，食完一定飽✅瑞士雞髀淨係睇相都知佢有幾大，瑞士汁甜甜地鹹鹹地，而雞髀亦煮到入晒味，本來想優雅啲用刀叉切佢但係最後都係直接用手食

今個星期又同主子去紗廠 鑒於男僕人淨係鍾意食茶餐廳嘅關係 我地有再一次黎到呢間冰室😂上次叫左個咖喱吉列豬扒飯真係唔好食🍛 豬扒勁薄 味道是酸的🤢 淨係得沙爹牛肉麵好食 但今次又唔想重複喎 於是我地又膽粗粗試下其他野食伏唔伏˜”*°•鹹牛肉炒蛋潛艇🧂🐮🍳🚤•°*”˜估唔到賣相又幾好 好似架充滿氣嘅橡皮艇咁漲 🥚蛋好多 夠嫩滑 一啲都唔老 🐂鹹牛肉又唔會過鹹 🍞麵包外層烘得好香脆 睇佢入面黃黃地就知係排包的味道 甜甜地 都有少少牛油香🧈 呢個有驚喜˜”*°•支竹火腩飯🎋🔥🐷🍚•°*”˜ 男僕人梗係要食返個男人的浪漫 好多支竹 火腩都幾靚仔 好多汁可以撈飯 唯獨是個人覺得個汁甜左啲啲 但係都唔差總結 好啦 原來唔係淨係得沙爹牛肉麵ok 佢嘅鹹牛肉炒蛋潛艇都唔錯 下次黎又再發掘下其他野食先 不過個呀姐嘅服務態度依舊冇變😂

朋友推介：濃烈嘅沙嗲牛肉麵今日用外賣app叫左早餐要試一試朋友推介嘅沙嗲牛肉麵餐廳好貼心咁佢一個面都會分湯上層係用膠兜裝住面同埋沙嗲牛肉以下層就係湯呢個沙嗲湯呢係我食過咁多沙嗲牛肉麵之中味道最濃嘅湯底係淺啡色 但就非常之厚身浸左個麵落去湯會掛麵個湯濃到好似濃縮版未加水嘅沙嗲湯而麵底亦都唔會煮過淋牛肉唔會鞋 濃味而易咬加埋沙嗲牛肉潛艇包身已經查咗牛油焗得外脆內軟沙嗲牛肉份量多 唔會話邊位無餡佢無沙牛麵咁膩 但同樣濃濃嘅沙嗲味奶茶 茶味香濃 入口滑溜有奶香又唔會喧賓奪主估唔到呢間餐廳沙嗲牛肉做得咁出色 早餐又多一個選擇😋

👑王牌沙爹牛肉公仔麵🐂🍜超濃郁沙爹湯底 好香濃嘅花生味🥜 但又唔會杰到好似麻醬咁漿住個口👄 牛肉有咬口得黎唔韌 唔係受過鬆肉粉洗禮嘅質感 份量都多 公仔麵軟硬適中 唔會太淋變糊 即使冇轉做一丁都唔差 都真係一碗中上嘅沙爹牛肉麵🍜 至於個炒蛋🍳同多士🍞就普普通通 多士唔脆少牛油🧈 唔好彩食著個炒蛋有兩大塊蛋殼🥚員工態度就例牌茶記態度 個個好似比人滅左聲咁 同埋除左沙爹牛麵之外 其他食物真係可以唔洗試 如果唔係為左可以同主子喺有冷氣嘅地方之下一同用膳🐶❄️ 都未必會再三光顧…

放假帶主子出街食個lunch，大熱天時，近近地去南豐紗廠，有冷氣又坐得舒服😌去咗王牌冰室，叫咗個咖哩吉列豬扒飯飯：微暖，正常咖哩汁：杰，冇咖哩香，冇味！吉列豬扒：超薄，唔知加咗d咩喺裡面，食落係酸ge

放假難得一早出到荃灣，搵餐廳想食all day breakfast，好多都起碼11點先開，無咩選擇，所以就揀咗呢間喺南豐紗廠嘅冰室。冰室裝修懷舊，座位與座位之間都寬闊，好多卡位，坐得好舒服。•🥢 沙爹牛肉麵配鹹牛肉炒蛋潛艇 $56湯底因為超多沙爹醬而偏杰身，好香濃👍🏻麵質爽口，沙爹牛肉嘅肉味就正常，唔特別出色。潛艇包烘得幾好，味道似甜餐包咁，口感好鬆軟，最正係個包超多芝麻🤩 鹹牛肉炒蛋就正常，一個人食哂兩樣超級飽😆•🥢 香煎燒汁雞扒勁量早餐 $56呢個餐係有雞扒配煙肉、火腿奄列、炸薯餅、法蘭克福腸、焗豆、丹麥多士。丹麥多士外脆內軟，細細塊都夠食，薯餅係熱同脆架，但比較重油溢味同埋無咩薯味👎🏻而法蘭克福腸就似蒸出嚟咁，無咩味又唔香口。雞扒話係煎但似炸，有薄薄一層炸皮包住，味道有啲古怪。

常餐D:王牌沙爹牛肉公仔麵，北海道牛乳炒滑蛋，牛油多士及熱飲 Signature Satay Beef Noodles, Eggs scrambled with Hokkaido Milk, Toast & drink (HK$44)Rating: 5/5 ⭐@wongpaibingsutt荃灣位於南豐紗廠其中一間新式茶餐廳，沙爹牛肉麵沙爹汁濃郁，牛肉新鮮有牛味，炒蛋亦都嫩滑，多士焢得鬆脆，整體都高質，係我暫時食過最好食嘅沙牛麵。One of the modern style "tea restaurants "(cha chan tang)in Tsuen Wan area, this place in located in the Mills. The satay beef noodles at this place is of very good quality, fresh beef with very rich satay sauce. The scrambled eggs were very "silky", the perfect texture. Toast was f

聽朋友講話王牌冰室既沙嗲牛麵好好味，於是今日經過荃灣就順路黎試吓。首先黎咗炒蛋同麵包，之後就黎咗沙嗲牛麵，個沙嗲牛麵果然不失所望，個湯底極濃，每注麵都沾上沙嗲汁，而且啲牛肉冇根易入口。