王牌冰室 (南豐紗廠) (Closed)

星期日同朋友一齊去荃灣南豐紗廠hae咗半日。之後，去咗呢間餐廳食午餐。好彩喺12點之前已經入座，當我同朋友係第一批日入去之後，就見到好多人都陸陸續續排隊入座。錯過咗第一批入座嘅人就喺出面排隊一直等位。可見呢間餐廳都有啲受歡迎。雖然餐廳嘅座位比較擠迫，但係，滑蛋叉燒飯同埋鮮蝦滑蛋飯都非常之出色。叉燒好入味，雞蛋非常滑。鮮蝦好爽口，而且好大隻。兩款飯嘅份量都好大分。兩個女仔食完飽到不得了。有機會會再幫襯。

早餐蕃茄唔餐通粉，滿心歡喜食，點知1打開就有難聞既味道，食落去似麻辣，完全冇蕃茄味，食完喉嚨仲有粉粉刺痛 仲要有勁多油浮面🙄究竟煮既人有冇食過自己煮緊咩野？完全唔似蕃薯囉

行南豐紗廠，隨便搵咗呢間餐廳食。下午茶時間，入座率並唔高。一坐低發現張枱係未抹。叫左個脆炸肉絲炒麵同埋豉油王雞髀🍗。食物嚟嘅時候我開始攞佢喺櫃桶入邊嘅餐具，刀叉🍴筷子匙羹...然後發現上面有好顯眼嘅乾咗嘅食物漬，然後再問佢攞咗兩個碗仔，入面有啲豉油漬，另一個碗仲痴住舊不知明物體...冇辦法🤦🏻‍♀️要問佢攞多杯熱水去自行清洗....公道啲講，佢啲食物完全冇問題，其實係幾好食嘅，豉油雞髀都做得好入味。但清潔呢個位真係好扣分🤦🏻‍♀️🤦🏻‍♀️🤦🏻‍♀️⋯⋯最尾，發現張單仲有+1服務費... Well🤷🏼‍♀️

第一次係呢間餐廳叫左個茶餐 寫住1130後供應但打去餐廳到話1400後先供應，其後又主動同我地講今次可以破例比我地送到黎完全係失望！！！！😡😡😡😡唔明點解甘燶都可以送比人食。😡😡成隻黑色，又乾，又硬，叫人點吃，一d水準都冇囉！椒鹽炸雞髀，但係一啲椒鹽，鹹味都冇，剩係得啲燶味！😡😡😡

最近先發現南豐紗廠活化左原來係一個咁有趣同咁又好行，打卡影相又靚的地方，仲有導賞團可以更深入了解到南豐紗廠的發展同歷史。行左一輪，開始肚餓揾嘢食，就入黎呢間裝修都幾有本地色彩的茶餐廳。無特別睇推介，所以隨心想食乜就點乜，點左雪菜肉絲炆米，同下午茶的咸牛肉炒蛋包。平心而論，炆米就一般般，首先講賣相，隻碟邊都發左霉咁。之後講下碟炆米，上枱時唔係好熱，味道就好似豉油汁撈米粉，不過肉絲，雪菜都多嘅。咸牛肉炒蛋包就幾好食，炒蛋係店拿手嘢，炒得好滑，咸牛肉又係惹味嘢，面包有搽牛油再焗過，食落脆脆地。見到點茶餐同晚市就可以加$16任食鹵水雞翼又幾抵食，下次點返招牌菜加雞翼先。

經常同同事嚟南豐紗廠呢間冰室，但每次喺門口見到好多人排隊就冇入去。終於今日排咗一陣就入到去，我同同事兩個人食飯，我就叫咗一碟白汁炸蝦雞扒意粉（午餐餐牌），呢個餐雞扒同炸蝦各有一件。雞扒應該係煎過嘅，味道正常，炸蝦就好似炸得過火，意粉爽口彈牙，略嫌少少過粗，白汁味道就不過不失，似足茶餐廳嘅味道。成碟既份量都唔少。我留意到佢嘅招牌菜係黯然叉燒蛋飯，望到隔離枱嘅客人叫呢碟飯都好大份量，兩個女仔可以share，賣相好吸引。所以下次可能會試吓呢個飯。

提起荃灣既Mills，雖然呢度嘅熱潮已經過咗，但係不少人心目中，都會覺得呢個地方係會食一啲比較精緻同貴嘅下午茶，或者係一啲手作小店嘅集中地，但係，其實呢度都有一啲比較平民嘅茶餐廳。今次一早嚟到呢度嘅茶餐廳，可能係位置比較偏僻同埋附近唔算特別多公司，又或者好多人會揀光顧附近嘅工廠大廈食堂，而忽略咗呢幢新大廈裏便嘅茶餐廳。今次試左佢其中一個推介嘅早餐，就係佢哋嘅招牌特濃沙嗲湯底牛肉公仔麵，簡單黎講即係正常嘅沙嗲牛麵嘅加強版。試完之後，我會話呢碗麵的確味道上係十分之濃郁，如果第一次是會係感覺幾新鮮，但係如果要我成日食的話，相信會好快厭，因為味道濃得來都算係比較偏鹹，係適合重口味人士之選。

見到佢個招牌是是但但叉燒蛋飯果然餐廳同佢個名一樣都係是是但但先叫咗個是是但但叉蛋飯估唔到佢真係會是是但但煮個叉蛋飯畀我佢個賣相其實唔差但內裏質素就……先講飯底飯粒好硬好似未煮熟咁豉油落得太重手叉燒亦都係好硬成碟飯淨係可以用來影相三個字形容，唔好食！再叫個瑞士雞翼餐想唔到雞翼係可以煮到咁硬理論上雞翼係點煮都好食我嘅經驗嚟計佢應該係浸咗好耐嚴重過時間所以先會咁硬整體食評餐廳佈置好靚呢一個係加分位但係食物質素有無限嘅進步空間會唔會有下次隨緣啦……

今日去南豐紗廠打卡，就被呢一間咁有特色嘅茶餐廳吸引住！所以就入去叫咗兩碗麵食我哋分別叫咗雲吞麵同牛腩麵，佢嘅麵底嘅煙韌湯底方面都好濃郁，直頭想飲晒成碗湯！由於我鍾意食辣，所以我都加咗辣椒油！佢嘅辣椒油唔會有浸味，都算幾香👍🏻雲吞每一粒都好足料牛腩既肉就多咗啲！如果牛腩肥就好啲

坐免費穿梭巴士由荃灣站出發一落車直上3樓其實已經食過3次但都未試佢既招牌沙爹牛肉今次終於黎試啦！王牌特濃沙爹牛肉米配牛乳炒蛋·牛油多士港式奶茶$36趁熱食了塊厚多士先用既牛油帶有少少咸，牛油味香 多士又厚又脆炒蛋 其實可以叫做滑蛋炒到半熟帶有蛋液 又嫩又滑唔錯！再試王牌沙爹牛肉上碟見到好多汁，牛肉唔老都比得多牛肉 有5嚿以上但個醬偏甜，好重花生醬沙爹醬重到蓋過牛肉味 其實個牛肉食落唔老，用料應該好新鮮 奶茶普通樓下個間新大光燈既奶茶比較好飲

再介紹下The Mills啦因🧒🏽為係尼邊返工哈哈，仲有另一間冰室大家都可以去試下架，就係係3樓尼間王牌啦!!佢地真係應有盡有 🧒🏽就緊係食常餐,，大大推佢地既茄湯底真係好濃好好食真係好好好世界級呀，有午餐肉或者牛，兩個配搭都very good😋!!自己就比較喜歡牛既當初，不過食食下午餐肉好似正d哈哈!!常餐有炒蛋同多士跟返架，今次塊多士未到，所以大家見唔到佢住哈哈🤣而除左常餐之外，尼度都有叉燒滑蛋飯份量好夠，都幾靚仔，都係top eat次選!!

嘢食無乜嘢講，無事嘅就普普通通，店如其名，是是但但奄列睇相，算係最正常蕃茄通，沙嗲牛，多士，全部可以話無味叫隻豉脾，可以半生熟，再整多次都係淡如無味最精彩係staff，expect無服務，但係唔係欠咗你，十問九唔應，搞乜？

今日同老公一齊去咗南豐紗廠嗰間王牌冰室， 一入到去見到佢嘅招牌寫住是是旦旦...點知佢真係事事旦旦...我哋叫咗兩個常餐一個係蕃茄牛肉通粉， 番茄汁非常杰，牛肉完全食到鬆肉粉嘅味道，通粉好似煮咗好耐咁淋到呢…蛋同多士都可以嘅， 不過較油我叫咗薑汁豬潤通粉，薑就夠多， 湯完全冇味，通粉一樣太林淋， 個豬潤太薄完全冇味感覺完全唔新鮮， 杯奶茶太多奶另外我哋加咗兩個16蚊任食雞翼， 佢寫住係瑞士雞翼但完全冇瑞士雞翼嘅味道， 只係普通豉油汁雞翼嘅感覺， 而且好似浸咗好耐， 如果你當佢係普通雞翼咁食係冇問題嘅順帶一提佢哋啲服務好奇怪，佢會無端端唔知係邊度遞啲嘢食出嚟，佢哋會貪近唔喺正常走廊嗰邊上啲食物比客人， 但係佢而家有漂白水派都算有心。

任食瑞士雞翼好伏，同朋友等左一個鐘都未上到第一轉，催佢又大大聲話「整緊啦，等等啦！」一個鐘都未整好幾隻雞翼，點應付咁多食客呀，好心啦，無咁大個頭就唔好戴咁大個頭盔，「任食」喎！

南豐紗廠充滿文青氣息，見到有間冰室，下午茶時間入面都好多人用餐，感覺應該幾唔錯的，一於試吓！原本諗住食下午茶，點知weekend無架，見到個特濃牛乳炒滑蛋叉燒蝦仁雙拼飯，其實都覺得好吸引，不過唔太想食飯，所以就叫左第二吸引嘅常餐之瑞士汁雞翼撈公仔麵！個樣就好吸引，多士係脆嘅，時間烘得剛剛好，牛油適量。 牛乳炒蛋係的確好嫩滑。至於個主角呢，值得一讚係個瑞士汁好好味，甜味夠但唔會過甜。 份量十足，有dd太多添，最後都係食唔哂。雞翼方面反而有啲遜色，overcooked令到肉質有d硬，失望😞餐廳環境一般，茶餐廳feel，亦無service可言，但居然要加service charge，個人就覺得唔係好抵食啦。