王牌冰室 (南豐紗廠) (Closed)

常餐A，皇牌沙爹牛肉麵餐沙爹湯底係幾濃味，有微微既花生香味，加埋牛肉上面既濃郁沙爹汁，麵係有掛湯既情況出現。牛肉有好多根，係咬唔開既根，肉質都冧既，不過應該係用粉'哪' 過既感覺，而且無牛味，係一啲牛肉味都無，只知道食左舊肉入口。跟餐有吐司加牛乳炒蛋，吐司都幾特別，唔係一般既多士，細細塊四四方方，有微微牛乳味，但係個所謂牛乳炒蛋就無味，自己落左半包胡椒同埋鹽先食到少少。總結：服務差，清潔差，食物一般，唔會有下次。

長期食客，最初品質是好食的，覺得有heart還推介給朋友，但越做越差，已經談不上好食，通粉麵的湯淡如水，有次鮑片火腿有酸叔味，已經都算啦，仲繼續幫襯。直至早餐既煎蛋煎到咁，煎爛唔緊要，之煎都有煎爛過，我都唔係完美主義者，但唔好十一成熟，熟到粉既蛋黃係好難食吖，佢地竟然話煎蛋是咁的，講真未見過有茶記或快餐店煎蛋得咁樣衰，咁既質數態度無下次啦！做咩現在openrice要人寫200字長文先可以評分？本來只想寫侍應話煎蛋咁的。

南豐紗廠吾單止有cafe同嘢飲🍶，呢度嘅早餐都唔錯，同屋企人過嚟一定會鍾意，有常餐亦都有粉麵飯🍚呢間餐廳既服務態度都好好，有個叔叔好好笑容同我哋講嘢，除咗室內嘅地方仲有室外，啱曬可以打卡👍😂麥皮有啲淡而無味，如果可以粒粒分明啲同甜啲就好喇， 而且呢間餐廳開好早，開放時間係早上八點到下午5點，荃灣有好多地方都係開十點半或者十一點，所以大家諗唔到咁早去邊度食可以考慮呢間😎

復活節既南豐紗廠人山人海唯獨依位冰室冇人排隊走入去試下啦～佢最出面就係 特濃沙嗲牛麵一定要試試佢叫左個自選雙拼加左隻煎蛋湯底非常濃郁花生醬味都好出牛肉都唔會好"hai“口overall真係暫時食過最好食既沙嗲牛麵美中不足係佢隻煎蛋太熟不過依到d服務真係差d係咁聽到班staff圍埋係到笑其中一枱個客唔係幾有禮貌

食物：假期2點去食，食物味道ok, 叫咗個豬扒餐， 件豬扒夠大塊，幾脆。但魚柳餐塊魚柳好細同紙咁簿。飲品：分別叫咗三杯凍奶茶，其中兩杯要少冰，一杯少冰少甜，最黎上檯係乜都無分，d冰勁多，d冰佔3/4杯😡😡 成杯奶茶無奶無茶味，得苦味👎🏻👎🏻👎🏻👎🏻衛生：差，d侍應都唔叫都唔抹檯，抹都係掃晒落地，勁污糟。服務：態度唔好，無乜反應，好似未瞓醒咁，唔耐煩咁，但當日餐廳都未坐滿人，唔算好忙。總結：有得揀都唔會再想去。

南豐紗廠除咗文青cafe，仲有呢間冰室都好多人食。撞中lunch時段嚟食好多人排隊，食物質素整體ok🤪不過餐廳服務就真係😂因為人手唔夠，order完想攞杯熱水洗餐具等左好耐都無人攞，最後要自己出去茶水到自己斟。櫃桶無哂餐具，周圍幾枱個個都係到搵餐具🤨上菜時間都算快，但就上錯左😅🔸王牌特濃沙嗲牛肉公仔麵（HK$48）呢度嘅沙嗲牛肉係偏甜味，沙茶味比較濃😋如果中意呢種風味嘅沙嗲牛肉就啱啦，公仔麵軟硬適中，唔會煮太耐淋身哂～🔸蕃茄濃湯午餐肉粒通粉 (HK$48)呢個都幾推介比大家🌟湯底有濃郁蕃茄味，唔會好水～午餐肉應該係即煎，一粒粒食落無咁heavy，而且入口仲係脆身😋我好驚食到淋哂嘅午餐肉🤣通粉份量都多多地～🔸常餐仲包一份丹麥多士同埋炒蛋，丹麥多士比起普通多士更酥脆，但今次就烤得耐左少少🙈炒蛋都香滑嘅～【推介指數-5⭐滿分】環境：⭐ ⭐ ⭐味道：⭐ ⭐ ⭐⭐打卡：⭐ ⭐ 服務：⭐ ⭐ 回頭率：⭐ ⭐ ⭐

雖然我唔係沙爹牛肉麵關注組的成員，但我都有聽過王牌冰室。位於南豐紗廠3樓，因其他餐廳都偏貴，呢間價錢算係親民。😊沙爹牛肉麵係招牌菜，一定要點，我叫左個常餐，沙爹牛肉麵配炒蛋多士，熱檸水。$48首先上左個麵先，沙爹汁非常濃厚，好重味但又唔會太鹹，牛肉都好入味，暫時食過最好味嘅沙爹牛肉麵😋😋炒蛋覺得炒得太碎，略嫌失色，多士都ok，但唔知點解有d鹹。整體係唔錯，回頭率 ⭐️⭐️⭐️⭐️/5價錢合理，坐得舒服，環境乾淨，值得回頭👍🏻

599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生我哋599•Eat幫到你無論大鋪小店我哋都會盡試盡講今日食評有✍🏻✅王牌冰室@南豐紗廠試食指數⭐️⭐️⭐店舖衛生⭐️⭐️⭐️侍應態度⭐️((每項5⭐️為滿分))今日主角係。。。南豐紗廠🤩想去影相打卡好耐㗎喇📸入面以本土文化小店為主仲有係welcome pet🐾🐾🐾嘻嘻😜介紹返食店先我們隨意搵到王牌冰室不太多人排隊食tea時段我們二人點了兩個茶餐🍗豉油雞髀配炸薯條🍟配熱奶茶🥜花生醬西多士🧈配熱檸茶豉油雞的豉油好味😋雞也可以，不算嫩不過肉也不老不『鞋』炸薯條就過咗『火』😯不過都算ok👌🏻😉西多士夠厚度👍🏻牛油也是😜👍🏻🧈味道ok😉👌🏻但仍然未可取代『一口西多』的口感😝各位去到茶餐廳就唔好預咗有5星級服務😂👌🏻的確，入座係「自助式」為人為己大家要遵守乖乖自行探體溫喔🌡

入咗沙爹牛肉麵關注組之後, 成日見到D 谷友分享皇牌冰室嘅沙嗲牛肉麵好好食!於是, 雖然我腦海中佢地嘅沙牛係已經變得唔好食了, 但係都想俾多次機會, 睇下佢哋係咪改善咗!常餐A - 王牌特濃沙爹牛肉米粉個汁好濃味, 但係唔係好食到沙爹味, 係好味精, 食完超口渴, 失望呀! 另外牛肉有D 鞋, 雖然份量算係唔少, 但唔算好食。食咗今次, 應該下次唔會再叫。跟餐配牛乳炒蛋、牛油多士牛乳炒蛋好散, 冇咗以前一團嘅感覺。常餐I - 瑞士雞翼撈麵瑞士雞翼炆到好淋, 好入味麵冇淥到好淋, 瑞士汁好夠, 味道剛好, 反而呢個好食喎!!! 皇牌冰室而家星期六同日要加一服務費, 我覺得冇咁抵。地方都幾污糟, D 店員抹枱時係將D 垃圾抹落地下

《 除左沙嗲牛滑蛋叉都好好食！ 》相信有留意開”沙嗲牛肉麵關注組“都知王牌冰室曾經都好多人推介。位於荃灣嘅王牌冰室，位置比較偏遠。店内裝修以懷舊為主，播放90年代嘅歌曲～🍚 滑蛋叉燒飯 $68$68 一個滑蛋叉燒飯都唔算平。叉燒大大片而且肥瘦適中，滑蛋亦十分香滑、炒到滑溜溜。最驚喜係甜豉油汁，豉油汁雖然偏甜但不失豉油香味，正正因為甜豉油汁，可以將滑蛋叉燒嘅味道昇華，高質好食！💛🍛 咖哩雞球飯 $68咖哩味道香濃，唔會太咸仲有少少辣味，最重要係唔會油淋淋，撈飯一流！雞球唔會有骨，但唔夠入味，雞肉鮮嫩而且多汁都算合格啦！

同朋友去了荃灣南豐紗廠hae選了這間餐廳食午餐朋友叫了特濃牛乳炒滑蛋叉燒蝦仁雙拼飯賣相真係好吸食睇見都好想食根據朋友的食評說入口順滑的半熟蛋真的好食厚切的蜜汁叉燒肉嫩不鞋口蝦仁亦爽口彈牙至於咖哩雞飯同樣不錯咖哩汁算是香而不辣的那種雞件亦大大件再送了碟油菜及配熱飲

王牌冰室都係常去既餐廳之一。好多時都食常餐, 今次想食肉餅, 所以懷住戰戰兢兢既心情落單。點解會係戰戰兢兢呢? 因為不只一次唔係食常餐而失望。記得有次去食葡汁雞, 成盤餸得幾舊雞, 另一次叫肉餅又薄又稀。不過今次太想食肉餅, 就決定俾多次機會。肉餅黎到, 好多豉油汁, 正! 最怕外面既餐廳有時俾好少豉油汁。到夾個肉餅時, 感覺到同平日食既有D 唔同, 結實左! 食埋口果然係有口感左好多, 唔似以前咁, 肉餅好似溝左好多水再整扁, 又薄又稀今次係感覺到多肉左, 結實左! 不錯!希望可以KEEP 到呢個水準。

星期六途經南豐紗廠，上去3/F食個早餐先返工，去到得十多個客， 非常之靜....坐低無咩 idea， 就叫個特濃沙嗲牛肉麵， 先來個蒜蓉多士炒蛋，多士正常，但蛋唔熱嗰吓神奇，已經無客，仲煎定放係到🤔🤔🤔，又唔滑仲有小小硬！！食定個蛋，到個麵...沙嗲得過濃字係好濃，慌死人用商品說明條例告你，濃湯再加上啲麵又煮到淋哂，惡頂。牛肉又「鬆」又「化」乸到唔使咬都食到，老人家嚟講就真貼心。走人先發現10％服務費.....趕客。唔知點解，呢間一面倒好評，我食過大圍嗰間都好差下。

王牌冰室係我經常LUNCH 既地方, 勝在多選擇加價錢唔算貴, 而且食完飯又可以行下南豐紗廠。呢度既王牌特濃爹牛肉麵係好出名既, 我自己平日都係叫黎食, 味道好濃。今日本來都想再點, 但落單時見到隔離枱個蕃茄牛肉麵好似好正咁, 好! 跟機! 蕃茄湯牛肉米粉 - 湯底係好重蕃茄味既, 但奈何牛肉雖然好淋但唔太入味。有少少失望! 牛油多士 - 一如以往的脆, 好足牛油炒滑旦 - 好滑, 不錯! 奶茶 - 好滑, 不錯!除左常餐同午餐, 仲有叉燒滑旦飯同其他套餐 (有D 餐包一碟菜), 選擇不少。環境黎講, 我覺得枱同餐具都可以再乾淨D, 希望可以改善下。另外, STAFF 態度可以, 唔會唔應機。

今日 同同事放食飯 經過南豐紗廠. 咁就周圍去搵野食啦. 咁想試下d餐廳. 然後上open rice見到有一間叫做王牌冰室既餐廳. 咁就入黎試一試啦入到黎 D侍應既態度都一般. 我好有禮貌好客氣咁問比杯水 佢就真係比一杯 但有2個人好喇. 咁到嗌野食啦 咁我就嗌左個王1 即係 脆炸肉絲炒麵. 野飲黎到既時候 侍應放野飲大大聲咁無禮貌好喇 咁到野食黎左la. 我就見到 嘩咦 咁特別既 咁就食啦 oh dam it. 唔食尤自可. 一食係點解可以有野食係咁難食架!!!炒麵真係炸到乾爭爭.. D汁呢 係好無誠意 無味架喂 再黎試下d菜 芽菜同肉絲 嘩大佬 水都好味過佢地. D肉絲有咩理由係無味架 想試垃圾食物 呢間野你一定要黎