Video
5-min walk from Exit B , Sha Tin MTR Station
continue reading
Opening Hours
Mon - Sun
07:30 - 21:00
Above information is for reference only. Please check details with the restaurant.
今天拜完山，一家人去飲下午茶先回家，路過這間王廚，有位，入去坐低，柜面女士木無表情望住我們，但女待位就招呼我地。早知食到一肚氣，當時就走啦！！真係店如其名，店主如皇上，我們如奴才般一邊食一邊俾佢鬧，有位自稱店主的阿叔一路睇報派一話我吔唔叫嘢食，但明明張單己經超過210元！我哋見唯一女侍應走來走去，就自己轉身取一只筷子，自稱店主的阿叔就鬧我地唔睇店內規則，吓！吃嘢前要先睇完全店的規條！未聽過！這間店子有平面的地方都貼有樣樣條款喎！例如要俾錢先可以要杯水洗筷子、套歺飲品後上要加5元服務費，規定每人一杯飯品、叫碟飯代替又唔得，仲要鬼食泥話唔做我哋生意，點解我哋一家想食吓嘢，會俾人鬧！我想我哋唯一的錯誤是唔睇Openrice食評就行入去。食完走喇，那位阿叔仲拉着我家77歲老人家繼續鬧，那位柜面女士竟說他們講咗今天体息，我哋仲要入去幫襯！！！佢哋都無講過，究竟邊個思覺失調？女侍應又招呼又落單，又話有意粉冇麵包....茶餐廳點會下午5點半就休息？！！可能我哋睇唔到店主其主要規條： 這店不歡迎顧客，不要再來幫襯。
continue reading
星期日想响新城巿食個TEA 確係一件極艱難既事, 唯有轉移去排頭村, 對正大街間茶餐廳勁多人, 側邊淨番王廚同埋另一間冇開, 即係冇得揀, 入左王廚... 內裡有6-7張枱, 只有1枱客, 我地2個人就係第2枱客, 我地揀左最埋面近廚房既2人枱, 結果賴左野.... 佢呢度既擺設已經封晒塵, 朋友仲介紹我飲呢度既特式咖啡, 好彩侍應話部咖啡機壞左, 因為我等野食既時候見到部咖啡機係好污糟既.. 當等野食既時候, 收銀既老伯突然响我後面攞住個咖啡罐, 然後數左几張拜神用既奚錢, 我心諗唔係响度燒奚銀呀?????? 嚇死我! 好彩佢係拎出門口燒, 但响佢我張枱上面封晒塵既野度攞左D 野先去燒, 好彩當時未有野食, D塵冇跌落D 野食度..................我地點左2杯凍檸茶 + 1碗餐旦出前一丁麵, 凍檸茶黎到既時候已經冇乜冰, 而且味道很淡... 呢度有告示紙貼住, 如果是奉送的餐飲要同食物一齊上, 如果要求分開上要另加 $5... 咁我如果真係一個要食完野先可以飲野既人, 又想慳果$5, 我係一定要飲一杯溶晒冰既凍野, 或者攤凍晒既熱飲... 好唔顧客人既感受... 這個餐旦出前一丁麵, 我覺得好好吃, 可能係我太耐冇食出前一丁啦, 同埋我可以揀太陽蛋.. 正!但之後, 惡夢就開始喇.........................當我食到一半既時候, 突然有一個帶住黑色膠手套既男人响我朋友後面推住一架人咁高既綠色既垃圾車要行出黎, OH! MY GOD !!!! 點解會响有客人既時間倒廚房垃圾呢? 仲要我朋友特登起身讓位比佢, 都算喇! 佢竟然用那對濕到滴緊水既手套, 推我朋友既椅背... 點呀? 我馬上遞紙巾比朋友.... 即時反晒胃啦!! 當我朋友坐番好既時候, 佢同我講, 本來見我食得咁滋味, 佢都想整番碗, 但垃圾車令佢立即改變主意, 唔叫野食喇, 因為佢話頭先我碗麵就係推垃圾車果個男人煮架..... 我真係打冷震! 但無奈, 當時我已經差唔多食完碗麵喇! 一個用濕既手套推客人既椅背既廚師, 有几衛生, 真係不敢想像.... 當我沖沖想飲埋2啖已經溶晒既凍檸茶既時候, 綠色垃圾車又番黎喇.....再一次要讓位比佢入番廚房! 真係谷鬼氣!!! 呢間店真係太自我喇!!!!
continue reading
成日路經呢度但都未食過..次次見到都幾多人,,以為唔錯, 點知錯晒!!!今日又經過..決定一試入到去見到餐牌, 即刻覺得入錯嚟, 都係啲炒粉麵同客飯, 不是我杯茶最後我地叫左個菠蘿雞粒炒飯+炒貴刁+2杯熱啡等左一陣, 熱啡先到, 蒸餾咖啡淡如水過多一陣..炒飯到左, 啲飯都未炒散, 但味道正常我地食完, 貴刁都未到, 追左一次單, 侍應話煮緊繼續等....另一位侍應想收起我地既餐具, 我地話未用完, 仲有野未到, 再追一次單但眼見鄰座比我地遲來既客人點既食物都已經到左, 我地覺得無理由繼續等我地要求取消貴刁...侍應只是一味話煮緊我地離座去cashier..連收錢都冇人收, 又等左陣侍應仲叫我地唔好要佢地難做......我地只係想食個lunch啫, 應該係你地唔好為難我地吧?!
continue reading
記得N年前超喜歡CAFE 的朋友帶我去這間餐廳, 當時服務一流, 老闆還會跟客人聊天, 但事隔多年再光顧, 餐廳一定易主, 服務超惡劣...... 大家行過唔好比間野門面光鮮, 裝修似CAFE被呃到入去食飯, 只會食到一肚氣....... 話說今日有事經開排頭村, 所以再去光顧一下, 食個LUNCH, 入去首見到一大堆"RULES"..........2個人最後叫左個肉絲炒面, 熱菜蜜, 熱咖啡....食物我地冇食到, 質素唔知, 飲品勁差, 菜蜜超甜, 咖啡入口係酸........ 服務方面, 只怪去前冇CHECK食評, 又見有位先入去, 又唔記得句金句 "有人排隊都未必好食, 冇人排隊一定唔好食" 今日SUNDAY 去到都知人多, 都預左要等下先有得食, 但我冇諗過個等字係要等超過30分鐘, 等左半個鐘都仲出緊我地嚟之前D 單, 咪叫佢追下單囉, 第一次追單, 佢應左就算, 第二次追, 個伙記話冇入到單, 淨係落左水吧張單, 咁我話唔要LA, 坐係我地隔離枱同一時間入嚟對男女都因為冇野食冇野飲就走左,同場加影, 左手邊枱有個女仔, 叫左個碟頭飯, 叫佢唔要蛋, 但食食下, 發現中間有蛋係度, 咪叫個待應姐姐同佢換返LA, 但侍應姐姐姐係左去廚房間口, 好大聲, 好串, 態度更差咁同個廚房講"乜太, 你出嚟吖, 出面X號枱有個"靚女"揾你喎" 洗唔洗咁呀, 人地叫你走蛋, 你落左蛋整錯左都唔洗咁呀....... THEN 個廚房同佢轉過碟, 果位女仔話想轉外賣, 趕住要走, 同一位待應姐姐用更差既語氣"大叫"入廚房 "乜太, 果個"靚女" 而家話要轉外賣喎" 到個靚女走左, 我地D 野仲未到, 到我地話唔要佢先即刻煮我地D 野, 我地因為等佢野食到, 等到杯野都凍左 (坐低等左5分鐘杯野飲就到左), 咁要求佢轉過杯, 因為係佢自己貼張NOTICE 寫話野食同野飲係同時上, 如果要後上又要加錢, 咁我地都預期你個主食唔會等太耐LA, 個事頭婆已經係度發脾氣, 門口個老細轉個頭過嚟問咩事, 我地心諗老闆出面應該會好D, 點知個老闆, 鬧返我地轉頭 "我間餐廳咁多人嚟食都有人投訢, 係得你地投訢咋, 收聲LA" 到賣單比錢, 坐門口個老細仲係度 "DUM" 我地D 錢出街.......如果一開始落單有同我地講話要今日人多等耐D, 我地追單有同我地跟, 我都冇咁興囉, 最好笑個事頭婆話大家體諒下LA, 我都等左成30分鐘先追你單LA, 但而我地入嚟食飯, 你漏單遲單, 到我去追單係我地既錯, 而家我比錢你嚟食飯呀, 唔係唔洗錢呀, 洗唔洗入去廚房幫你煮呀, 你自己唔安排人手做唔切, 個事頭婆比人叫佢要煮過, 將D 脾氣發落我地度, 有冇病呀...... 最爆都係個老細仲要"DUM"錢, 真心講, 大家唔去LEE 間餐廳食飯唔會係你損失......
continue reading
今日一家人路經排頭村，於是就喺條街到揾咗間最揾間門面較佳嘅餐廳醫下肚啦，入到去已經發現門上貼了幾張字條意思大概是：﹣﹣如落單時不一併叫餐飲，則視為特別服務，需另加＄5（第一次見）﹣不收一元以下硬幣及十元硬幣（唔收＄10銀都係第一次見）﹣不要帶外來食物（都OK）﹣每人最低消費一杯飲品（都OK）﹣上午唔收＄500 紙幣（都OK）食物方面，餐牌只有碟頭飯及小菜，冇乜選擇和持別，落單時間大概下午2時多，我們一家4口叫了一碟乾炒牛河、蕃茄牛肉飯及咖喱牛腩飯，個侍應尚算有禮貌地同我哋講呢度有最低消費，她建議我哋多叫一杯飲品，媽咪就問有冇下午茶餐，個侍應表示茶餐要2點半，於是我哋咪話之後叫多個茶餐囉，於是個侍應即刻黑面行開咗。到第一碟炒河嚟到，於是我哋叫佢俾啲餐具及碗仔俾我哋啦，真係唔知咁啱定有意，她只給我們餐具無攞碗仔俾我哋，咁我哋咪叫第二個人俾我哋囉，食落去碟牛河好似炒定咁，一啲都唔熱。其他食物好似水一酒樓上菜咁，食完一碟仲要等多陣先上第二碟，到全部食物上齊，我原本叫嗰杯熱奶茶都已經變咗凍奶茶，真係好連加＄2凍飲錢都鏗返，既然已經過咗2點半，咁我哋咪問侍應攞下午茶餐牌囉，但佢哋話而家好忙做唔到下午茶餐，咁你就唔好將大大個下午茶餐牌攞响門口啦，於是我哋唯有加多碟飯囉，等食嘅時間咪上 openrice 睇下呢間餐乜料囉，原來呢間餐廳啲服務態度真係出晒名咖，睇完之後我真後悔點解唔做 research 就去食飯！今日冇俾人贈送一句“你唔好喺度食”已經算萬幸喇！總括嚟講，呢間餐廳食物質素一般，唔難食，但我都係食餐飯啫，唔洗受你氣呀，仲要守埋咁多規矩，你當我返學定返工呀？食物又一般，自己又唔去管好自已嘅食物水平，走去管埋客人咁多嘢，你估你係米芝蓮評級，明知受氣都要幫襯呀？！呢間咁嘅餐，唔洗錢我都唔會再幫襯囉
continue reading