撈麵君 (Closed)

見到呢間好多人又黎叫下佢咩料子先叫左個涼拌雞絲水晶拉皮水間拉皮煙煙韌韌加埋佢啲配料都好辣下🌶️🌶️🌶️整體上好一般 仲要等超級耐先有食過就算LU🫶🏻🫶🏻🫶🏻味道不過不失 見多人買黎試下

第一次寫食評，寫得唔好請見諒🙏🏻見8號風球已過，懶得煮，就落屋企樓下睇吓有咩食，路過呢間店又剛轉手，新開小店俾次機會佢，見到餐牌好多選擇，突然想食涼面就外賣試吓。老闆娘笑容好，好好有禮貌，店內其他人應該係屋企人兼職做店員比較生手，感覺都係老闆娘一腳踢。選擇左”豬耳重慶涼麵小辣”- 外觀睇合格，$42一份，份量多滿滿一大碗。涼麵已預先煮好，雪櫃攞出嚟即撈，名副其實涼麵，可惜麵質偏淋唔彈牙，唔係我喜歡嘅麵質。豬耳切到超薄，可能用機器刨片，仲有好多配料： 青豆、花生、青瓜絲及另外一種黃色嘅豆唔知係黃豆定係豌豆，可惜本身冇乜味，只靠涼麵汁吊味，另外豬耳非常非常硬，𡁻到牙較都梗埋。涼麵汁唔夠香，主要係基本鹹味同辣油。有改進空間，希望店主努力🙏🏻💪

我喺度叫咗碗酸辣粉， 第一件事走花生，佢同我講冇花生，題外話，我喺隔離舖頭買咗三盒餃子，店入邊職員係咁啤住d餃子，完全唔知咩事到買完返到屋企，發現有花生再食落，依碗野，完全對唔住酸辣粉依個名第一，唔酸，第二，我叫小辣，但完全唔辣$30 一碗冇餸 既粉， 仲要完全唔好味仲有， 蔥得幾粒，芫荽 又無乜， 真係淨粉完全唔會再食第二次black list葵廣企喺度食個d 仲滋味過佢，大型連鎖酸辣粉已經唔出色，但都好過佢仲有，煮食的沒有帶個人防備裝如口罩下次只會在隔離買餃子及在附近買湯丸

其實都幫襯左成年... 都知佢多單忙亂平時WHATSAPP ORDER, 15分鐘都唔覆, 我就會自動DELETE MESSAGE, 然後再ORDER其他野食... 都已經無計較今次12:32 WHATSAPP ORDER, 10分鐘都無反應, 我緊係買其他野食, 然後12:50分佢先比個NUMBER我, 我都即刻同佢講唔好意思, 我ORDER左另一間野食喇... 估佢唔到13:26 SEND個VOICE MESSAGE黎話: 〝八婆, 人地已經比左個NUMBER你, 你話唔要?”其實咁嘅態度, 我真係無可能唔喺到分享囉... 

大家都想幫襯小店，特別係聽過好評嗰啲，但係小店冇俾到客人好正嘅體驗都唔好令人留下壞印象。運作冇系統同亂晒龍，搞到買外賣等咗好耐同漏單都算，加價冇講直接收貴你幾蚊（理由係未有時間 update 同埋佢冇睇外面個牌.. 但係客人係睇外面個牌㗎嘛），整錯嘢食叫客人照要，叫咗雞絲涼麵冇雞絲.. 應該只係今日 lunchtime 嗰個令鐘嘅冰山一角。下次唔再幫襯，印象好緊要。

在炮台山尋找美食，看到一家小店，排隊時還有許多人在後面等待，立即購買了酸辣粉搭配口水雞翼套餐（有贈送飲品），再加購一碗酸菜湯雲吞（12顆），全部都點中辣，酸辣粉吃起來麻中帶辣加進酸菜湯底進去中和，就是名副其實的酸辣粉了，麵條Q彈且十分有嚼勁，酸菜湯是真的有酸的很過癮的那種，搭配雲吞也非常大顆又順口，非常有飽足感，實在是太好吃了！口水雞翼也非常辣非常順口，這樣一餐75元，非常划算，下次還會再來買❤️❤️❤️❤️

成間公司嘅同事本身都幫襯開，但近呢幾次都比錯晒 本來要薯粉 就比米線，本來要酸辣就俾咗麻辣 今次仲計左我單點$68 細問下原來份量同套餐係一樣但套餐只需$65仲要包埋嘢飲，咁梗係轉返套餐啦，但係個呀姐唔識撳機又嫌麻煩 係咁話我落單唔講清楚 又話我依家咁多嗲究竟要套餐定係要單點 勁惡！隔離仲企左個客人喺度佢都好愕然 既然唔想人哋點套餐咁外賣紙就唔好寫套餐啦，雖然啲嘢食都OK但係個阿姐咁嘅態度永遠都唔會幫襯.......

最近砲台山山開一間店舖名叫撈面君,經過攞左 張傳單返屋企,發現可以whatsapp落單,叫了個麻辣豆腐全同麻辣小雲吞, 本人不吃芫茜,落單時已標明要走芫茜,很可惜食店卻沒有處理,很失望,問道不過不失,但冇走芫茜令到有芫茜味扣咗好多分,希望貴店留意處理

最近發現炮台山開了間四川麵點的小店，地方細細，但五藏俱全，各式四川美食應有盡有。老壇酸菜湯雪吞(12粒) $23 細細粒皮簿菜肉餡夠多，酸辣比例平均，超級開胃好有驚喜雞絲涼皮$32煙煙韌韌的粉皮拌以雞絲、青瓜，辣得過癮雞絲擔擔麵$38湯底辣而不膩，麻醬味好香，面煮得夠煙un , 雞絲夠滑值得一讚，食得好飽肚樣樣都好好味，值得推介的小店👍🏻👍🏻👍🏻📍 撈麵君 (北角)北角宏安道2-12號宏輝大廈地下9號舖

炮台山新開嘅外賣店店舖唔太起眼 喺車房附近但外賣啱晒一眾打工仔米線都係$30幾蚊碗份量都幾大今日同同事再order咗小食share有皮蛋 紅油炒手 同麻辣雞絲麻辣味好香價錢都好平估唔到小店有驚喜

AIA後面嗰條街好多好嘢食，大部份都試過晒。呢一間比較新開的撈麵君，因為怕辣，之前一直冇幫襯。但係見到一串串嘅豆腐串好吸引，終於忍唔住試下⋯⋯⋯之後唔經唔覺每個禮拜起碼食一兩次，因為真係非常好吃價錢又合理細細粒嘅紫菜蝦肉雲吞，雲吞皮又滑又薄，雲吞餡份量適中，一口一粒非常美味，另外，BB辣嘅豆腐串，已經好入味，其他地方好少有機會食。真心推介大家去試吓這間撈麵君

外賣帶回家，開大冷氣食辣真係食得好過癮😉 yummy yummy 🌸香醋涼拌木耳 $23加入香醋帶點酸甜味，十分醒胃，木耳細細朵，十分爽滑🌸豆腐串素菜鍋 $26豆腐串串吸曬湯頭嘅精華，非常美味。蓮藕好粉起曬絲白蘿蔔好甜一啲渣都無😉🌸涼拌萵筍 $26清爽可口，天氣熱食涼拌菜感覺一流，爽呀🌸口水雞中翼 $24口水雞中翼味道層次豐富，有麻辣鮮香嫩爽等味，紛陳複雜，嘗完讓人流口水，忍不住一口接一口，辣得好過癮外賣帶回家，開大冷氣食得好過癮😉

今日屋企廚娘罷工😂出街買外賣好似好耐都無食過米線妹話佢附近有間新開食撈米線想試所以山長水遠咁去買外賣—————————————————————舖仔細細但選擇都幾多花多眼亂都唔個食乜好既然店名係撈麵就一於試下雜醬熱撈麵辣度可以自由選擇中島都係食番BB辣穩陣啲🙈面頭滿滿都係青瓜絲下面就係雜醬 原來係類似肉燥嘅東西仲有啲辣菜甫同辣豆🤔攤凍左先食因為本身真係好鬼熱麵條依然保有彈牙口感加上唔會過濃嘅醬汁撈埋食好惹味咁多選擇嘅時候最好就叫個拼盤呢度都有呢個選項不過唔係拼盤係鍋物啱晒咩都想食但又唔知點揀嘅中島呀👍🏻一碗有蘿蔔 蓮藕 豆腐串 魚蛋 牛丸同腸仔全部都係中島鐘意食嘅野個豆腐串索滿湯汁超正至於我妹碗米線見到好大碗估男仔都食得飽😂😂酸菜湯雞絲米線聞落幾香同樣揀左BB辣 又真係幾適中酸得黎帶少少辣 幾開胃🤓米線幾爽口 雞絲都幾多食落係爽口啲唔係嫩雞果種口感魚肉春卷雖然薄薄一塊但都幾有咬口吸滿酸辣湯 唔錯整體性價比都算幾高附近番工朋友仔可以一試可以WhatsApp落單到時再拎夠方便👍🏻—————————————————————♡ 成都雜醬麵 $28♡ 原味雞絲米線+魚肉春卷 $43♡ 豆腐串丸子鍋

位於炮台山的一條街道上的外賣小食店，專營各款拌麵、撈麵、小食等四川街頭美食。還有湯米線及小雲吞。招牌乾撈麵：成都雜醬麵透心涼拌麵：雞絲涼麵透心涼拌麵：豬耳仔涼麵惹味之選絕對是拌麵，加上夏天，更加想吃些開胃的涼麵。一份配料有豬耳，一份是雞絲，另一份就是普通的雜醬麵。全部都可挑選辣度，份量也分了細及標準的。涼麵麵條幼條、挺身有嚼勁，適合用作拌麵。雜醬麵，加了蔥花、芫茜、碗豆、青瓜絲、肉碎、辣菜圃作為拌料，加上調味料及蔥花，拌勻後就剛好。那麻麻辣辣的味道惹味，讓人停不了口，不斷想吃下去。

這天因為工作的需要前往了北角， 餐廳鄰近地鐵站地，理上十分方便快捷，餐廳主打的也就是四川美食，食物種類方面，也有很多不同的選擇，而我這次選擇的更是外賣自取， 全因為可以把美食帶回家和朋友一同分享，這才是我真正所想的。食物方面，我挑選的也就是麻辣雞絲拌麵， 這個絕對是令我喜出望外的挑選，沒想到麻辣比例控制得恰到好處，加上份量十足，絕對是一個性價比之選，另外，雞絲分量極多，作為一個成年人，我相信絕對足夠有餘， 但我沒想到雞絲的口感，絕對是超水準。