撈麵君 (Closed)

這天上午在北角工作，所以便外帶午餐回公司吃。這間小店不是很華麗，但它整潔衛生，我覺得滿意！我點了豆腐串雜醬麵及紅油豬仔耳。雜醬麵對我來說是新食品，我覺得很新奇。豆腐串是辣湯煮薄炸豆腐，我覺得入味，外皮有嚼口，裡頭感覺很水潤，對我來說味道偏辣，但整體我很喜歡。豬耳是我非常喜歡的食品，紅油豬仔耳味道不是非常辣，裡頭有非常多款調味料，味道很豐富！而且這個豬仔耳肥肉部分不多，豬耳朵軟骨的爽脆，真的很美味！

呢間位於砲台山宏輝大廈嘅新店 - 撈麵君，店面細細，但食物選擇都唔少，鋪頭仲有賣自家香辣菜脯、五仁醬丁，嗜辣嘅朋友絕對不容錯過。老壇酸菜湯雲吞 $33 湯底酸酸地好開胃，油份不多，味道唔會太辣，雲吞皮夠滑溜，一碗有成20粒，十分抵食。豬耳仔雜醬麵$39豬耳仔入味爽口，麵條富彈性，口感很好，撈埋秘製醬料惹味非常。豆腐丸子鍋 (細) $29配料包括豆腐串、牛丸、腸仔、魚蛋、蘿蔔、蓮藕，其醬汁麻辣有勁係整個鍋嘅精髓，豆腐串盡吸精華，整舊白蘿蔔入曬味，啖啖滋味，如果可以追加紅薯粉一定更加正。

一個米線舖食既價錢其實有好多唔同既選擇，炮台山油站後一條街原來開左D新既外賣野，今日就試左呢間新開既撈麵君。豆腐串素菜鍋 ($26)，所有食材浸住香辣湯吸晒D湯汁，豆腐串都幾大串，都幾麻下，辣味有後勁，蘿蔔爽口但又唔會太硬，有D似日本關東煮咁樣，好味。蓮藕都唔錯但最驚喜係紅薯粉，好粗，晶瑩剔透又有嚼勁。豬耳仔雜醬麵($39)，雜醬麵係呢度招牌，一打開超香，有自家製既辣菜圃，有D黃豆又有木瓜絲，個醬真係幾好味，撈埋個油麵好惹味。豬耳仔梗係非常爽口!雞絲雜醬麵($38)，醬汁就同上啦，而雞肉幾多都OK滑。咪睇佢細細兜，其實都幾夠份量，店面乾淨光鮮，眼見係兩個後生仔主理，非常有禮貌! 試完或者你會鍾意呢類既麻辣呢!

偶爾想食川菜又怕辣到食唔到，外賣加餸就最啱😋。🌶紅油抄手（20粒）$33Bite size嘅小雲吞粒粒圓潤飽滿，餡料鮮甜美味。湯汁呈橙紅色似擔擔麵湯底，但底度都係紅油嚟😂。今次試小辣所以辣度好低，但醋味比較重。🌶肉臊米線撈 $28肉臊份量唔少，撈勻後足夠沾滿每條米線。肉末口感細滑，味道偏甜。加上青瓜絲及黃金豆，口感同味道都更豐富。🌶紅油豬耳仔 $38豬耳口感爽脆，而且滷得入味。秘製辣醬辣得嚟好香好有層次感。而且夠多芫茜，啱晒茜友。加埋芝麻香氣十足。