灑家粥麵 (Closed)

今日放假約了朋友在觀塘行APM，最近月下貨，衫褲鞋襪樣樣減價，行到攰去了3樓灑家吃麵，同行朋友點了鳳爪排骨飯，佢話好肚餓，盅頭蒸飯熱食最滋味。於是點了一人午市套餐，包括小炒一碟（推介生炒牛肉飯、干炒义燒河、銀牙肉絲炒麵）、點心一籠）蝦籽蠔油鮮竹卷、羅漢齋春卷或流沙奶皇包）及飲品一杯。我則怕肥，點了大碗雲吞麵，喜歡勁落紅醋，好好味嘅。其實他們做的午市套餐售價平均＄72-85 ,我個人覺得非常抵，不過要用現金，不能八達通及信用卡付款。

APM商場內餐廳林立，但數到真正像樣的卻沒有幾所....能覺得還可以的，以中餐來講，除了利苑之外，就要算到這兒了....今晚一家三口前來掃餐牌，一口氣又點點心又飯麵，吃完後飽到不已，很滿足....來這裡，有兩件事情自是一定要做的，便是要來一碟雲吞撈麵，以及招牌干牛河....今晚的麵條似乎有點失準 ---- 質感偏淰不爽且仍留有輕微的鹼苦；幸好雲吞及上湯仍保持水平，前者呈散尾狀肉饀入口甜鮮味併散於口腔中，後者湯清味濃不咯喉....牛河集鑊氣及不油膩於一身；河粉上色均勻調味不過鹹；牛肉軟熟不韌；最重要是銀芽及洋蔥的存在令甜度及爽脆提昇了不少....太太愛湯，破例點了我平常出外吃時少點的燉湯。整體上湯清而甜，用料足自是其中一原因；火喉足當然也自不待言....點心類方面同樣點了小友最喜歡的煎蘿蔔糕。糕身稍為削了些但煎得香口，還好....要飽肚，當然要吃飯，而且還要是燴飯。一道經典的福建炒飯，獻頭中用料足，特別看到了那大大只奪目的蝦仁以及散滿在獻中的菜、肉粒及瑤柱絲，將之淋在加了蛋絲的炒飯中，是我跟小友的摯愛....食完這口飯，滿足得很。本來要吃甜品的，但實在很撐，力有不逮了....唯有作罷..

觀塘返工，有時唔舒服想食碗粥都好難搵，又唔係咁想食海*粥店，上網搵完就決定去灑家買碗外賣。睇到個餐牌，都幾多選擇，但價錢都幾貴，一碗皮蛋瘦肉粥都索價$45。睇完後叫左碗肉丸豬潤粥，$47蚊，等左幾分鐘就有得拎。返到公司碗粥仲好熱，總共有4粒肉丸3塊豬潤，我覺得呢個價錢料可以多少少。個粥底好綿，又唔會太淡，夾雜少少瑤柱絲，唔錯！初時擔心豬潤太厚會唔會個心唔夠熟，但呢個擔心係多餘嘅，因為三塊豬潤好薄，冇咩咬口。反而肉丸有驚喜，有鮮味而且好彈牙。喺觀塘$47蚊碗粥真係幾貴，味道不俗，但性價比低。

今日去左灑家食，佢地有下午茶餐，幾好～人唔多， 不過係對面有個食客除鞋kiu腳坐，仲要用手捽腳指 最後都係叫左雲呑麵（大）同蝦腸粉，兩個人share。野食等左冇耐就到～ 雖然分開左兩碗望落去好似okay 咁，但其實份量算細，碗麵同雲呑爽口彈牙，幾好味。腸粉都好味，尤其係加埋甜豉油但腸粉皮lum左d, 易散。可惜兩人都趕住有野做，食完冇耐就走，如果唔係都係食野傾計好地方

午餐，叫左干炒牛河。食左幾談以為嚟錯左凈炒河。努力下終於搵到幾塊牛⋯⋯每況愈下。😩一定要寫80字？其實唔想寫太多。可能租貴所以將貨就價啦，但係成80幾蚊碟都得個5，6塊牛肉係咪過份左？又唔夠熱又冇鑊氣。可能係一早炒定一大碟有人叫就夾比客啦。以前都唔係咁嘅。

來這裡是因為想吃肉絲炒滑蛋的。首先，來招呼我的是一位不大純正口音的年輕女侍應生，講真她真的很稱職：我問她牛肉改肉絲要加多少錢？她望著我不知所措，我見她這樣，便對她說你不如叫別的同事來吧！那位男侍應說：照餐牌，而伊麵要加五元。我覺得很合理。先來一碗水餃伊麵，感覺很失望，伊麵是未夠"淋身"的，你可以話彈牙，但不是我杯茶。那水餃得三粒，不是問題，但可否不要那麼細只呢？裡面的餡少得可憐，我知每樣東西都很貴。但不要忘記叫伊麵是要加少少錢的。滑蛋炒牛肉改了炒肉絲，不用加錢。真的很好吃，而且那滑蛋真的很滑，不會過火。應該一讚。

今天所選的麵家都是去過好多次，最愛吃雲吞麵……湯底好味，雲吞彈牙。今日不是太肚餓和又要keep fit,所以就選下午茶當lunch, ……點了炸醬撈麵跟熱柚子蜜，味道如何？如和他们的雲吞麵比較，都係雲吞麵好味好多。炸醬肉的味略過甜，欠了點點辣味。麵底當然ok,另上的小湯係不錯的。吃完麵，回公司工作去

第1次食呢間每件美食都實而不華, 聽講係上海美食為主 , 但下午都有得飲茶叫下本土美食, 好似麵, 粥, 點心等等, 應有盡有個豬潤都幾多配料=]Menu 上都有簡單介紹公司背景, 理念, 目標等等。整體環境吾算闊落, 不過裝潢設計又充滿個人風格例如圖中的裝飾品。整體黎講大家都可以去食既吾係有好特別的美食, 但充滿住香港的風味蘿蔔白菜，各有所愛灑家觀塘觀塘道418號創紀之城五期(apm) 3樓L3-13號舖

This is a certainly for good wonton noodles. Unlike those big brands on the HK Island side, the food here is not over priced. The photos that you see are the food and beverages included in a 2-ppl set dinner. You can choose 2 types of noodles, 2 dim sums, 1 vege, 1 main dish and 2 drinks. For the main dish, you can pay around $50 more for upgrading it to the soup with wontons and chicken. I would say it worth the price. It is also a good location for picking a seat at APM. Though there are quite

搬左黎觀堂返工後，試左好多唔同餐廳，令我想返兜啲其中一間就係灑家。佢都有做午市套餐的，但可惜無我最愛的干炒牛河，咁唯有散叫啦。上枱就聞到我碟炒牛河夠晒鑊氣，炒得好靚仔下，洋蔥、韭菜同青蔥都炒得好惹味，牛肉軟腍，加啲辣醬仲更加好味。茶錢免費，埋單連加一$86 ，都幾貴呀，唔可以成日黎。

聞說灑家啲粥好好味，見病病地就黎清下腸胃。環境幾大同闊落，都坐得幾舒服。不過d野食等左好耐下，隔離左右啲野黎晒我地仲等緊。。唔知係咪漏我單☹️, 之後見隔離又話落錯單，服務真係要改善一下，anyway 追左兩次啲野食終於好快黎😭。先試蝦子蠔汁鮮竹卷，好juicy!索晒汁,入面全部都係爽口彈牙既蝦肉，真係好好味！😍奶黃千層糕， 同酒樓平時食開既奶黃馬拉糕唔同🤔呢個質感比較實唔夠鬆軟，可能係因為叫千層糕既分別？不過奶黃甜度不夠，面頭仲有啲椰絲，唔係我杯茶，試一次就夠喇。終於到最期待既粥到喇😍田雞滑雞粥。 個粥底真係非常綿！有米香🤤田雞同雞都好嫩滑，每樣有幾舊咁，好正啊👍🏻。入面仲有兩粒東菇，其實無咩味，我情願佢搭多d蔥花比我仲好😂美極焗魚腩，呢個好香美極味。原來魚腩係炸既，對我呢個病人黎講太殘忍。😭只敢淺嚐一舊，炸粉薄，魚腩啖啖肉，連條蔥都好香，好好味可惜太熱氣😭下次好番再黎啦，好想食乾沙牛河。

一向鍾情炸醬麵，其實東南亞各地都有自己特色的炸醬麵，日本嘅炸醬麵有好多青瓜絲、紅蘿蔔絲等做配料；而韓國嘅炸醬麵，睇韓劇都睇得多，係多醬汁免治肉的韓國拉麵。而香港嘅炸醬麵係特別加入辣豆瓣醬及蕃茄醬作主要醬料，食用時搭配生面及肉絲拌吃。灑家做的帶少少酸甜及辣嘅味道，十分醒胃！這個撈麵配生麵底，午市＄48，奉送熱茶，價錢非常合理嘅！美中不足是伙計有點chur, 見你食完即刻清枱，再叫加茶要多叫幾次！總括來說食物質素是不錯，唔趕客更加好。

今日專誠出黎睇下apm一田有咩買，但空手而回，不過我梗係唔會比自己空肚而回啦~我地見灑家set lunch都幾抵，點心或腸粉2款，小菜1款，粥或湯麵2碗及菜1碟連2杯野飲都係238蚊，以食物質素同價錢黎講。上湯西生菜湯底清甜，西生菜碧綠新鮮，經上湯浸煮後更加美味，我都飲左幾啖上湯。灑家我最愛腸粉之一莫過於蝦腸，就咁睇已經垂涎欲滴，飽滿既大蝦於腸粉中藏不住其「玲瓏浮突」既身影。蝦肉爽彈不在話下，蝦肉處理得好乾淨冇蝦腸，實屬用心。腸粉皮薄滑嫩，亦彰顯出其蝦於腸粉白裡透紅。雲腿麒麟斑片整體不俗，但斑片煮得有啲過火，肉質少少老，金華火腿伴菜心，冬菇一來可以將金華火腿既清甜釋放係湯中，二來蔬菜又可以吸滿湯頭既香醇，一舉兩得。皮蛋炸蝦筒係灑家中我覺得最好味既點心。薄脆既芝麻外層，內裡鮮嫩蝦肉，滑彈既皮蛋及酸微微既紅薑非常夾，食唔停口。加料皮蛋及第粥粥煲得軟綿之外，肉丸更係手打而成，彈牙肉鮮，薄片的豬膶好新鮮，份量都好足，重點係煲既火侯恰到好處，食到豬膶既嫩度但又不失口感。粉腸食起黎軟滑又粉，腸衣十分有嚼勁。羊城麗灣艇仔粥用料亦不比加料皮蛋及第粥 少架~ 魚肉鮮甜，魷魚切得幼小但爽口，生菜清新，仲有

食物方面都係普普通通，無特色又無乜風味貴唔在講，但係d 人又hea 又無禮貌，倒茶彈到你一身都係又唔理，叫佢地加茶又無咗回事，問佢地喺邊度俾錢又敷衍你，俾錢嗰陣問可唔可以分開收就話「我俾張單你地自己分」，我明佢地無責任咁做，但係就係express 得好差，你話如果係舊式粥舖我當然明食嘅係食物唔係服務，但你收咁貴仲收加一就唔係咁，等佢執！奉勸大家唔好去受氣！

一碟好的干炒牛河，究竟是要符合甚麼條件 ?粉乾爽有咬勁而絕不油膩且條條上色均勻；醬油味不死鹹帶丁點的甜香；配菜如芽菜、青蔥以及洋蔥要多；牛肉件件揀手不韌仍存肉味及應有的質感；吃完後碟底是絕不會油淋淋肥膩的.....而且最重要的是要具備充足的鑊氣，不然的話就算前述的條件全然符合，最終都是枉然，不能成為出色的干牛河....您說能在哪裡吃到如斯有水平的出品呢 ? 答案就在這兒了....上面所述的有關出色干牛河的條件，眼前的這碟就已符合了其中大部份的。縱然一碟的索價絕對不菲 (起碼和普通茶記相比便是了)，但如其食一點勞什子的劣質出品，那倒不如花多點錢去揀碟好嘢來嚐。又不是天天吃，那又花得了多少 ?何洪記旗下的招牌，除了干牛河之外，當然少不免一碗細蓉....麵是典型的銀絲細麵 ---- 麵質幼細有彈性帶煙齦。最重要是一點洗鹼不淨所帶來的苦味也沒有....湯頭不濁非常夠鮮甜，熬得出色....雲吞細細顆拖著散尾；肉饀內除了有蝦以外還存在著丁點的蝦籽及滑溜的豬肉。比例上是調控得很好....基本上左吃畢那碟干牛河後，小弟的肚子已飽了四分之三了....但最後我竟還猶有餘力再吞一碗細蓉下肚，由此可見其食物之