灑家粥麵 (Closed)

星期六，行完APM,想搵間餐廳食下午茶，但冇晒位。最後嚟左灑家粥麵，估唔倒的點心水準唔錯，誠意推介雲吞麵，麵質湯底都好好。酥皮蛋撻都是高水平之作，唔油膩又鬆脆。下午茶仲有特惠價，絕對可以一試。

原來正斗這品牌已開了過來觀塘，朋友們對她各有各的評語，今天來一盅幾件，其中一款懷舊點心子薑皮蛋酥是做得有脆，皮蛋和子薑質素雖然普通，但夾起來就令人想起過往很多事情，味道好不好也好，總算吃了一些回憶。至於腸粉，就較普通，不吃非損失，而我的感覺是來到這類店子吃得好唔好，識揀時間好重要，再談。

今天在在APM閒遊，下午茶時段，想吃些清淡的，在水牌找找看，就選擇了灑家。人來人往的商場，估不到店子客人不多，座位還蠻多，我們被安排坐在圓桌，很不錯。傻仔敏點了一各皮旦瘦肉粥，粥很綿，皮旦份量偏少，只有數粒，瘦肉一絲絲的，是咸瘦肉，咸香味不錯。在這碗粥的味精應該很重，因為越吃越口喝，口啖的感覺還持續了兩小時啊。油菜不算油，而且醬另上，都算貼心。豬頭人的炸醬面，他說夾上來很三啖吧~~這價錢來說，份量就算有點少。面質算彈牙，但肉醬味偏甜，味道一般。伴湯只是味精水，不合格。整體來說味道一般，價稍貴而量少，傻仔敏想在大商場的貴租下，若主打賣粥面，這情況應是免不了。

與朋友在APM搵食,見到呢間麵店就入去試下價錢不便宜,有點似X斗上湯浸菜,菜都新鮮無煮過龍,帶甜菜苗餃味道只屬一般,餡料味太過清淡,菜苗太少乾炒牛河味道就唔差,一來炒得算爽身,不太油,但豉油味道很麻麻,唔香其實我係叫左個麻婆炆伊麵,無影到相真可惜但不建議食,一來伊麵勁稔,無哂口感,個汁又唔太有麻婆既神態,另外一點辛辣也沒有,食乾燒伊麵仲好OVERALL來講只屬一間普通的粉麵店謝朋友請客

太太成日話想試下灑家,今日專登過來食.下午茶真的幾底食.兩人叫左3個餐及額外叫多一個皮蛋薑炸蝦筒.個魚粥,粥底幾綿.魚都幾新鮮,但要小心食,因有好多細骨.雲吞麵,蝦好好味,好彈牙.麵,唔會有鹼水味道,湯底就淡左小小.整體唔錯.羅漢齋春卷,果真是真人不露相,賣相雖然一般,但入口唔油,羅漢齋好好味,份量十足.正!京都炸醬麵,相比雲吞麵我更喜愛此麵,肉質好有口感,辣味一流,唔會過辣或過淡.义燒飽,雖是平繁,但份量十足,义燒味好香,個飽嘅質感好重,好有份量.即叫即做,現在已經好難得.皮蛋薑炸蝦筒,一流食品,一次過滿足你三個感受,皮好脆.薑味好濃唔太辣,皮蛋反而冇咩特別,蝦好大件又彈牙.可以一次過整件食是一種口味,分開三樣食又是令一種感覺.真是十分滿足嘅一餐.睇怕晚飯都食唔落喇!

愛好煲仔飯的小弟，前幾日看過飲食雜誌的報導，發現當中有一間米芝蓮推介餐廳，提供以豬油來撈煲仔飯，即時令我心思思想吃，便在當天一嚐。現在大家都注重健康的同時，什麼高油、高脂、高鹽及高糖的食物都放棄時，偏偏出現了撈豬油這種邪惡的舉動，所以實在令一眾老饕歡懷歡喜。這店是由正斗的老闆開設，相信質素應會不錯的。弄製煲仔飯需時，下單後，為了不讓肚子餓著，便點了兩盅清潤的燉湯。前者為雪耳無花果赤肉湯，湯料放我密密麻麻，份量十足，湯色清澈見底，喝上一口，清甜無比，帶少許雪耳溶化了的膠質。另一盅是菜膽赤肉陳腎湯，湯色同樣清澈見底，因用上了陳腎，令湯味更為鮮甜。以一盅$28來說，不錯的選擇。煲仔飯的份量取決於煲仔的大小，有時候真的吃完整煲也不足夠，所以加點了一份秘製焗魚雲。雖然名叫秘製，實則與一般以薑蔥來焗製的相差不遠。魚雲本身份量不少，外層還有點香脆，調味亦來得適中，可以一試。終於到主角煲仔飯出場，煲仔飯及附上的豬油及豉油一同送上。隨即將豬油沿邊落下，接著也加入特製甜豉油，蓋回煲蓋。焗多幾分鐘後，豬油及豉油的香氣從煲蓋邊透出，相當吸引。其中一煲是鴛鴦腸滑雞煲仔飯，由於臘腸與潤腸的油份已滲進飯內，油香更為

午餐跟同事去了灑家吃飯，見到餐牌上有道名叫灑家麵的套餐很抵吃，於是便叫了一客。灑家麵其實是個大雜燴，包括了招牌雲吞、水餃、秘製豬手、牛腩，而且套餐是包了一杯豆漿。熱豆漿：天氣冷的關係，於是便叫了一杯熱豆漿。豆漿豆味濃郁，絕無嬉場，並不是那些用大量水跟糖去煮的「糖水」，所以放耐了會有一層薄衣凝結在表面，而且亦沒有某些豆漿的焦味，不錯！灑家麵：招牌雲吞屬於細蓉的那種大細，一粒雲吞大約有兩隻蝦，蝦身也比較爽口，算是不錯。水餃是鳳城水餃，沒有細心留意到底有沒有放足冬菇絲、筍絲、木耳絲、蝦及瘦肉，但肯定是有放了木耳絲，因為吃上口是有相當脆度。秘製豬手是很不錯，非常之稔，有很濃的南乳味道，而且完全沒有豬毛。牛腩則是五香牛腩，火喉相當足夠，牛腩肉跟牛根都是一咬便分開。最後當然唔少得吃上一口麵，麵身真的很爽，一咬便斷開，毫不拖泥帶水，只是有點鹼水味，似乎麵身的爽度是靠鹼水。叉燒包：很熱跟燙手的叉燒包內裡有大量的叉燒肉跟蠔油汁醬，味道相信不錯，吃時小心燙口！灑家是價格相對貴的麵店，所以對它的要求自然要相對的提升。基於食物只算是中間至中上，最後我只會比一般的評價。

星期三夜晚9時的"吉野家"都係人山人海，鬼咩，有火鍋這個食糊之作，客人閒閒地坐你1粒鐘！Bill Tai Tai一行三人好想食個快飯，於是轉陣去左"灑家"。知道佢開左一排，但從來都未食過，9點鐘唔使排隊等位，長驅直入。好肚餓，想食煲仔飯，但要等15-20分鐘，先點左個虫草花雞煲仔飯再算！第1次食虫草花，好似金針咁，但係幼些，都幾特別，個雞幾滑，整體來說味道不錯的。蟹子棉花雞好味，但蟹子少得可憐啦…奶皇千層糕，即叫即蒸，熱騰騰，如果可以鬆軟一點就更好。乾燒伊麵 ，好有水準，唔會太dry，推介肉丸豬潤粥，平平，ok 啦。  

在街吃清菜很難，大部份餐廳只有炒菜，沒有上湯／白灼清菜。在灑家叫了一客金銀蛋波菜，菜很新鮮，不過皮蛋和鹹蛋的味道很淡，只有一點咸味兒；而上湯也只有微微的蛋香，相信廚師沒有再加鹽和味精，有很清新的感覺。想食得健康（低鈉）一點，我估計在ＡＰＭ中只有灑家可以做到。

我甚少機會到觀塘揾食，今日要吃個簡單午餐，去AMP揀了間麵舖-灑家，見到蔡瀾的名字，相信品質有點保証。我點了一碗豬潤麵，當今外出用膳食豬潤, 豬腰, 豬肚等，都不能抱太大期望，通常都會啤水，雖然會很腍，爽，但都流失味道。這碗麵有五片豬潤，品質跟我上述預計的差不多，蘸醬油及辣醤吃了算。麵條及湯底，據餐廳內介紹麵是手打的，而湯底用豬骨，大地魚，蝦子熬成，可能受這介紹影響，覺得都唔錯。 店內有一名經理，因要遷就其他客人，當我進食中途要我換位，這位經理態度誠懇，又有禮，我當然樂意配合!態度決定一切!

灑家已開業一段時間, 但都是無人問津, 在APM不需等位的食肆, 不是很貴, 就是難吃吧.  偶然一次看到BEECRAZY的團購, 看到夾著何洪記跟蔡瀾的卓頭, 加上二人套餐只是百多元, 姑且買兩張團購試試看.  第一次電話BOOK位時, 問他有沒有位, 他答有, 然后那位男侍應問是否團購, 知道是團購后馬上說無位, 他的態度很不好, 好像是說我沒有先告訴他我是用團購的...團購也是真金白銀買回來的吧.  再來說一下食物. 第一次吃了美極焗魚腩和薑汁芥蘭炒牛肉, 甜品點了馬豆糕跟紅豆糕. 例湯是胡椒豬肚湯.  例湯~我只能將之稱為胡椒味極重的胡椒豬肚水, 無錯係水, 除了胡椒味外, 真的喝不出它是湯.  再來美極焗魚腩, 這道菜我們都吃淨了很多, 雖然未至於很難吃, 但絕對稱不上好吃.芥蘭牛肉比較好一點...最欣賞的反而是紅豆糕.  馬豆糕的馬豆不夠腍.第二次的團購電話BOOK位時, 女侍應生的答案反而令人舒服一點, 她說: WALK IN客就有位, 團購就無...再一次了解到, 灑家的團購, 是有限度的留位給團購人仕.  難道團購只是幫貴公司充撐場面 (而且兩次都說團購是坐門口的位)

以正斗和何洪記這兩個金漆招牌作後盾, 還有蔡瀾先生的真跡題字, 對灑家這家新粥麵店實在有所期待。是日終於有機會到訪, 第一時間當然衝著其「名物」雲吞麵而來, 看看能否集兩家名店之大成。點選了大的雲吞麵 ($35), 體積不小, 至少麵的份量充足, 麵條具蛋香, 奈何烹調方面有點失準, 煮得有點過火, 麵條略為軟了些。湯底顏色略淡, 味道也是一樣, 沒有任何正斗或何洪記的影子。雲吞體積偏小, 雲吞皮則偏厚, 沒有散尾效果, 餡料自然份量較少, 有點「到喉唔到肺」的感覺。雲吞麵質素未如理想, 又或許是期望過高, 不過, 這裡炸兩質素甚佳, 油條炸得非常香脆, 相信是即叫即炸貨色, 腸粉質素亦好, 薄而帶點煙韌感, 沒有鬆散情況出現; 伴碟的醬油甜度亦適中, 整體感覺甚佳。

在APM食DINNER真係好煩，間間出面都係一堆人，同朋友唔想等又唔係太肚餓所以就選擇LEE間食粥&麵喇枱是細細張的，椅子也不是太舒適，或者唔想客人坐太耐掛我地兩個人叫左D野SHARE※乾炒牛河~~~味道好好的，不過有點太油了，食到成嘴都係油呀！※豬潤粥~~~豬潤處理得很好，好爽口而且唔會有豬"壓"味；粥底也煲得好軟綿！GOOD※灼芥蘭~~~菜是清甜的，但應該略為灼得太耐了，太淋了！整體食物品味也很好的，不過就貴左D囉，畢竟也只是粥粉麵飯店啫......服務質素也有待改善，因為人客也不是太多，而又叫極也沒人應

過完年食到肚滿腸肥，真的沒什麼胃口，午餐想食得清清淡淡就算了！故意避開食午飯繁忙時間才落街食。一直都想試此間舖頭的雲吞麵，今天正好！地方很乾淨，完全不用等位，坐下後店員奉上下午茶餐牌，點了雲吞麵及豆漿。等食時，發現此舖的所有印刷品，竟然似足正斗，是同一間老細開的？約５分鐘左右，麵就到了，麵質十分好，沒有鹼水味，雲舌大小適中，只是覺得不夠大地魚味，湯放了很多九黃，也十分不錯。碗麵值８０分！

上星期在團購見到APM灑家做母米粥火鍋優惠, 2個人都只係$128, 而且印象中都未試過香港有粥底火鍋, 跟團返大陸就試過, 感覺不錯, 所以就抱著一試無妨的心態去試一試, 果然真係有驚喜喎!我同細妹行左陣APM, 就上去打邊爐, 一去到D待應就好有禮貌咁帶我地坐低, 環境都唔錯, 乾乾淨淨!一黎到見到份量咁少, 心諗會唔會唔飽呢, 不過我都應為食野應該重質唔重量!食落又OK喎, 可能我地2個女仔, 滾晒D料D粥又食得, 唔錯唔錯, 咁既價錢的確抵食, 話晒都係米芝連, 最鐘意食佢D雲吞和手打丸, 細細粒, 一啖食晒! 佢杯珍珠豆漿好好味, 聽佢D侍應講係自制架,Good!最後食埋佢個甜品, 桂花糕和椰汁馬豆糕, 唔太甜, OK!整體黎講, $128團購價獲得咁既食物質素, 抵讚!