木屋大排檔

Open Now

Now Closed

琴日太和收工，屋企話想食泰國餐，所以就直接買外賣返去食。整體黎講係好食既，美中不足既係拎返屋企途中打瀉左半兜咖哩。我覺得食泰國餐有兩樣野係必落，一個係冬蔭公湯，一個係炒金邊粉，依兩樣係泰國野特產。講下個冬蔭公湯先，好大部分泰國餐個湯都係唔夠濃唔夠入味，但木炭個湯好夠味好多湯料。入面大量菇，蝦，通常好多泰國餐蝦唔連殻搞到唔夠味。金邊粉方面就正常發揮，但比其他鋪黎講甜左少少。個咖哩雞真係幾正，重椰香味，將蒜蓉包點黎食真係一流勁好食，最衰撞瀉左一半，仲搞到成袋係。另外仲叫左兩串雞肉串，隻醬幾好食，唔錯

隱世泰國菜！話說收工系附近搵餐廳食飯時候，竟然發掘到一間泰國餐廳🍴我叫咗一個咖喱蜆肉加多個薄餅，啲咖喱好香濃，啲蜆肉好大粒！薄餅好脆口一個牛油果沙律🥗酸酸甜甜啲汁，啲生菜好爽口串燒好香口配啤酒一流！非常之適合一家大細嚟食因為啲份量好大！豐富嘅一晚

今日去大埔搵朋友探完朋友就喺附近搵嘢食，在我朋友家的附近，有一間泰國餐店，經過這間泰國餐館門口，原來我很久沒有食過今日決定買外賣回家品嚐入到餐廳細看周圍，這裏的裝修別樹一格，看來很有東南亞的色彩，而且餐廳地方寬敞空間感十足，地方整潔，適合三五知己來聚一聚而且店員也很有禮貌，看一看餐牌有很多東西我都很想食叫咗個外賣套餐$328 A款揀兩樣B款揀兩樣已經有四個餸性價比非常高這個德國豬手份量超十足十分大隻因為德國豬手是直銷的緣故，所以等了差不多半小時，德國豬手一食落口皮層脆卜卜，肉質細滑，雖然外表看來略為乾身，但入口就知道肉汁豐盈，外皮香脆惹味，肉質略帶肥美，非常邪惡生菜包是我每次到泰國餐廳都會必定點的菜式，肉碎加上泰國香料，放上山菜面來進食，一食落口爽嫩新鮮而肉碎已經滲進泰國香料最越食越黑，更添惹味這條鹽焗烏頭錫紙包好條魚，鹽燒烏頭簡單得來又鮮美肉質嫩滑冇泥味叫咗個外賣套餐可以加$28有墨魚釀豆卜，豆卜炸到非常脆，墨魚滑釀左入去，咬落又彈牙，爽口好好味鍾意飲啤酒嘅朋友一定要選擇

今日去咗大埔返工，平時經過呢間舖頭都好多人，加上今日冇買餸，諗住買外賣俾老公食，喺大埔太和路太和中心.木屋大排檔 泰式版煎蠔仔蛋 蠔仔同蛋嘅味道係好夾，而且蠔仔嘅份量好多，鮮味嘅蠔仔配搭香嘅雞蛋，煎出來特別惹味，而且彈嘅質地非常滑，加上少少香蔥調一調味，令到蠔仔同蛋嘅咪更加突出，送飯真係一流。泰式墨魚豆腐卜豆腐卜炸到金黃色，而且中間仲釀咗啲墨魚，令到個口感同埋味道都好有層次，而且份量重好多，攞嚟送啤酒真係一流。鹽焗烏頭 烏頭魚肉非常新鮮結實，而且魚嘅鮮味好香甜，用鹽焗嘅方式完全保留左個味道喺度，每一啖都食到鮮味，加上魚中間嘅調味，令到個鮮味更加突出，非常好食。炸豬手真係不得了，豬手皮炸到卜卜趣，香味十足，真係好惹味，而入邊嘅肉質非常鮮嫩，外脆內軟。而且豬手醃得好入味，每一啖都食到好香好軟淋嘅豬手肉，差啲連舊骨都食埋，份量又多，價錢又抵 ，呢個簡直可以做招牌菜，因為真係好好味 一定要推介咖喱牛腩 咖喱味好香，而且帶點椰香味，令到咖喱味道更加有層次，牛腩亦都炆得好琳，入口肉軟，嫩滑，加上其他香料，整體配合得好好，又唔會太辣。老公非常滿意今晚嘅晚餐

太和中心呢間木屋大排檔，店面都幾大，入面係全木色裝修，而且燈飾都比較有特色，營造出一種好warm嘅東南亞嘅感覺。位置好寬敞，有卡位，亦都有較大嘅圓檯，係同三五知己過黎食飯傾計嘅一個好選擇。餐牌食物以泰式菜為主，從小食到主菜選擇非常之多，但店家都有標記推介美食，諗唔到食咩都可以參考下，好方便。勁爆炒生菜包（$78）生菜俾得好足，肉碎炒得乾身唔油膩，嗌左小辣，入面加左香茅同少量辣椒，可以選擇辣度非常之貼心。泰式柚子沙律（$88）好足料嘅開胃菜，除左大量柚子之外，有洋蔥絲、炸蒜絲同花生，仲有椰子味，口味好清新。馬拉盞炒通菜煲（$78）最鐘意呢道菜，鹹香味十足，用煲仔上菜，一攞黎係聽到渣渣聲好有鑊氣，而且可以做到保溫效果，正呀!雞肉串（$18@）、牛柳條串（$20@）好香嘅碳燒味道，特別係雞肉，大大舊但入面幾嫩滑，點埋沙爹醬好惹味。龍眼冰（$28）、泰式奶茶配鮮忌廉（$32）超大杯，而且個杯造型好得意。泰式奶茶上面係有cream嘅，撈勻飲口感好順滑。

幾百蚊可以食到咁高質既外賣真係好抵🤣大埔既街坊唔好錯過我嗌佐兩款a同一款b，外加金邊粉😳兩款a嗌佐脆炸豬手同埋青咖喱牛腩，每款屋企人都食得讚不絕口！首先豬手超級大隻😂😂😂我覺得夠4個人食，現炸所以製作需時。拎到返屋企仲係熱既！調味唔會過鹹，十分香口😳你睇剪開既份量有幾多🤣第二日攞去焗爐再焗都依然好好味！青咖喱牛腩好入味～煲得好lum～係屋企自己煮佐煲飯可以當咖喱飯食🤣好香椰香，淡淡地辣，連入面既蔬菜都好味！b款嗌佐椒鹽豬排，呢款份量都幾多下，有好多塊，味道微辣，好有泰國風味！好送飯金邊粉上次堂食食過覺得好好味🤣今次外賣水準都係冇減低噶，甜酸程度拿捏得啱啱好，啲蝦好似比上次多左～記得加埋d青檸汁更有風味～～～同埋留意唔食得辣就要潑走隔離d辣椒粉😂都算細心分係隔離總括而言，感覺呢間外賣幾抵食～三百幾四個人食得好飽😂！下次會想買其他野食試下～

原來大埔有間大排檔係專食泰國菜嘅🏜咁都俾我發現到當然要去試試佢啦🤪雖然佢個名係叫做大排檔但其實裝修環境都係同普通餐廳差唔多xd燈光昏暗幾有feel既🥴串燒上碟果陣熱辣辣🍢要就一就住食唔係會辣到個嘴🤣選擇困難症既我就雞牛豬三種都試曬🤪點埋佢特製既醬汁味道都幾香口另外食泰菜當然唔少得金邊粉啦基本上佢金邊粉好食的話其他野都好少會太差🤣今次試呢個金邊粉都算唔錯當然未去到之前係泰國米芝蓮店食既金邊粉咁彈牙咁正🙉但係粉質都算ok唔會太乾或者太無彈性驚喜既係佢既金邊粉味道比出面食到既有少少偏甜😋食落特別特黎又幾開胃黎到都可以嗌黎試下😜最後我地嗌埋個米紙卷做今餐既ending米紙皮都夠煙韌軟殼蟹就正常發揮🦀未至於好驚喜可以評價為不過不失既穩陣選擇反而個卷入面既芒果又幾鮮甜成件事食落口感覺好fresh😆👉🏻 雞肉串x2🍗💰HKD 3️⃣6️⃣👉🏻 黑毛豬肉串x2🍖💰HKD 4️⃣0️⃣👉🏻 牛柳條串x2🥩💰HKD 4️⃣0️⃣👉🏻 鮮蝦炒金邊粉🍲💰HKD 8️⃣8️⃣👉🏻 軟殼蟹米紙卷🦀💰HKD 7️⃣8️⃣加一服務費⭕️

大埔嘅美食真係好多選擇，今日一行四人就選擇咗食泰國菜。木屋大排檔地方都算闊落，坐得舒適，環境乾淨。大沙嗲串燒拼盤有雞、牛、豬每樣有兩串同有幾件豬頸肉。因為上枱嘅時候夠熱，再加上有沙嗲醬同泰式豉油，點完唔會蓋過肉汁，所以好好味🤣個人認為豬頸肉同牛肉係比較好味👍🏿然後我哋仲叫咗椒鹽粟米，呢樣餸好可口，好容易令人食完一件又一件。主菜方面，我哋叫咗黃咖喱雞，再用$28追加一份法包。咖喱唔算辣，但係點新鮮出爐嘅蒜蓉法包，就非常之夾，令到咖喱味更加突出。至於雞件嘅發揮就正常，唔會太鞋口，薯仔口感就剛剛好，唔會太硬。另一個好送飯嘅餸菜就係沙嗲金菇肥牛煲，粉絲索晒沙嗲汁，牛肉唔會煮到太老，所以令人不經不覺配完一碗飯🙈除外，仲叫咗一份泰式炒蜆，秘制泰式醬汁好惹味，炒蜆亦充滿鑊氣，所以一上枱就會聞到好香👍🏿飲品方面，我哋叫咗兩個新鮮椰青，朱古力巨人同可樂。椰青好甜，朱古力巨人真係好大杯㗎，可能兩個人share先啱啱好。題外話，店員嘅服務好好，見你冇水好快幫你倒水之餘，仲會見你碟上面太多骨，會幫你換，等你好好享用晚餐👍🏿👍🏿

大埔翠怡花園附近真係好多美食，今日帶屋企人食之前已經食過既木屋泰國菜。四個人總共叫左6樣野食，4杯野飲，都只係需要600蚊左右炸，真係好抵食！黃咖哩雞另外加蒜蓉法包黃咖哩有椰香味，少少甜，好香咖哩味，但上口一啲都唔辣。雞件頗滑，薯仔夠淋。既然咖哩咁香，當然要嗌外脆內軟法包點咖哩汁啦，呢個組合仲點有得輸呢泰式串燒拼盤串燒拼盤分別有各兩串既雞、牛、豬同豬頸肉。4樣串燒相比之下，比較出色既係豬頸肉同雞肉。豬頸肉肥瘦均勻，雞肉嫩滑但4樣串燒都係充滿炭香，即叫即燒沙爹金菇肥牛粉絲煲足滿泰式風味嘅肥牛粉絲煲，因為呢到係大排檔型式，所以加入左幾款既大排檔有名小菜呢款肥牛粉絲煲比較乾身，但係就好入味，而且份量都唔少，再加碗白飯超級好送飯泰式炒蜆好中意呢個泰式醬汁呀，好惹味。啲蜆仲粒粒都好大粒㗎，鮮甜，又係另外一個好送飯嘅餸菜椒鹽粟米呢個餸菜我係第一次食，又估唔到佢有驚喜喎，香口但又唔會蓋過左粟米嘅甜味，食完一舊又一舊。飲品叫咗兩個椰青，好大個又夠甜！都只係需要35蚊，好抵飲！My love 朱古力巨人，好大杯呀，一個人飲完全飲唔曬仲有一杯可樂佢會另外上冰，咁就保證陰道凍冰冰嘅可樂

其實我成日都會路經呢間餐廳，而且亦收藏左一段長時間，但感覺要多D人去食先開心，所以遲遲未試。某個星期五終於約到屋企人陪我試😋，當晚6點3左右去到，場內已經半滿，以附近咁多食肆黎講，人流已經算唔錯。試新餐廳之前，我通常都會上網做功課，揀定D熱門食物，今次都唔例外。首先必點嘅係串燒拼盤，可以試哂豬牛雞串燒之外，仲可以試埋豬頸肉，岩哂心大心細嘅我😅。串燒拼盤 $148串燒麻麻，偏向乾身；豬頸肉中規中矩，肉質未去到好爽但又唔會好淋，不過份量唔少。辣椒膏豬頸肉炒飯 $72上枱果陣有少少失望，因為豬頸肉已經切成碎粒，雖然份量唔少，但存在感偏低。整體個炒飯幾唔錯，好有鑊氣，而且夠乾身，屋企人話最好味係佢🤤。鮮蝦炒金邊粉 $88本身唔係好想點金邊粉，事源有次係上水食過一個超難食嘅偽泰式炒金邊粉，而產生陰影後，就唔敢係新餐廳試金邊粉。不過今次見佢其他食物質素都正正常常，一於試埋佢。炒粉都好有鑊氣，加埋辣粉好惹味，蝦都爽口，不過無乜蝦味，而花生碎就有少少變味，盡量唔好撈埋黎食就無問題。冬陰功明爐海鮮鍋 $148呢個幾特別，明爐熱住黎食，冬天食岩哂。海鮮有青口、大蜆、蝦、魷魚，另外有大量秀珍菇，底部有粉絲。

第一次嚟木屋首先畀menu震撼到，選擇多到淨係lunch set menu都有五六版，而且份量頗大，細食人士要留意 🤣✨ 清邁黃咖喱牛坑腩Lunch set加$8由飯轉薄餅，侍應特別提醒只有一塊但見到都剪開有六小塊。咖喱係所有食物之中最早嚟到，唔會好辣而重椰香，牛腩煮得腍但仲有啲咬口，只係個汁有啲凍，相信係煮好咗就咁畢出嚟✨ 生菜包配沙嗲雞串係輕盈午餐之選但生菜包嘅肉份量多到就咁都食得飽，味道係偏辣，個人中意加返啲青檸汁清新開胃啲雞串燒得剛好有焦香味，咬開見到雞肉仲係帶點粉色，最驚喜係個沙嗲醬好重花生味，仲有啲花生碎！✨ 小食拼盤追加$38有四款小食，全部都唔錯，蝦肉都算新鮮✨ 馬拉盞炒通菜煲呢個係散叫嘅，最大驚喜係佢！剛嚟到時個煲仔仲係辣手出哂煙，陣咸香味飄出非常吸引！✨ 青檸梳打 + 龍眼冰Lunch set各加$5同$10就有，用料都幾有誠意

在門口已經聞到香味了，所以便入去試下。食泰國菜，第一時間便想起冬蔭公，叫了一個冬蔭公啦，味道上是較清淡，不是太辣，但有不少的鮮蝦，用料十足，再用幾有特色的鍋裝住，都是不錯的；之後，叫了個青咖喱牛腩配手抓餅，同樣地，味道上可以濃些，淡淡的，不過不失。重頭戲就是泰式豬手，份量驚人，很大份，還以為給4-5人食，食落真是有些硬和鹹，食多幾舊就濟了，如果可以淡少少就好。整體環境上，以木為主的裝飾，燈光較暗，晚飯時間也接近滿座，要等一會兒，就有位，環境上也是可以；服務態度也是不錯，都是友善的。

今日唔想煮飯所以就去咗泰式餐廳買外賣第一次試呢間木屋大排檔啲嘢食真係唔錯，主要係泰式食物為主，我覺得非常抵食味道又啱晒我口味落單之後等咗大約30分鐘左右已經拎得因為今日叫咗個燒烏頭同燒豬手所以需要嘅時間都耐啲，大約25-30分鐘，門口有位坐，坐住等時間都好快過門口已經睇到好多外賣自取嘅優惠我今日揀咗兩款A加兩款B$328，四個餸好抵食仲有我最鍾意食嘅脆炸豬手入面地方闊落燈光柔和就算我唔喺度食都感受到入面嘅環境氣氛好舒服仲有播住一些流行曲音樂鹽焗烏頭，非常大條，拎到返屋企嘅時候仲係熱辣辣，因為佢用錫紙包住，能夠保存佢嘅溫度，肉質又好鮮甜魚入面放咗少許香茅同薑放入魚肚之中所以食落完全唔覺得有腥味，食落嘅時候會略帶淡淡香茅味如果點埋泰式嘅酸辣醬更加惹味成條魚鋪滿粗鹽，魚肉鮮味帶有少少鹹鹹的味道呢個脆炸蝦波波，入面炸到蝦肉非常彈牙，又軟身，爽彈有蝦肉口感又有嚼勁炸到金黃色配埋旁邊嘅甜酸汁更加好味生菜包入面有洋蔥，辣椒同埋香茅，加咗少少檸檬葉一齊炒，清爽嘅生菜包住香辣惹味嘅肉碎一齊用爽脆生菜包好香料味濃嘅肉碎卷好，醒胃度到101分最出色當然係呢一隻脆炸豬手，外皮做到卜卜脆，豬手一如既往甘外脆內嫩

太和中心附近好多唔同類型的餐廳，木屋個名雖然叫大排檔，但係入面係食泰國菜嘅。木屋提供的菜式真係好多，餐牌都睇好耐，但餐廳好貼心有"木屋推介"，唔知食咩好跟佢點都唔錯啊，我地都響推介入面揀咗一款試。泰式柚子沙律（$88）沙律的SIZE 都幾大，柚子肉下面有多塊生菜鋪底，加入洋蔥條，棷子絲，紅菜頭絲，再灑上少許乾蒜及花生碎。沙律的汁響哂個底，食之前記得要撈好，醬汁帶甜及酸但有少少辣，係一個好正的開胃菜。冬蔭功湯配野菌蝦（$88）呢個冬蔭功合哂我心意辣得黎帶酸，入面有4隻爽口的蝦，以及大量秀珍菇，秀珍菇索哂濃烈的冬蔭功湯，食落根本就係"冬蔭菇"，正！食個陣要早少少拎隻蝦上黎，以免煮得過熟，食之前林返湯汁就剛剛好。我唔係好食得辣，湯底都多辣椒籽，同埋可能一直煲住，火份慢慢蒸發就愈食愈辣了。辣椒膏豬頸肉炒飯（$72）炒飯上枱就飄黎陣陣好香的鑊氣味，新鮮到好似廚師響你面前炒好就遞上黎。每粒飯都均勻地上好炒飯汁，炒至粒粒分明，非常乾身。豬頸肉切到細細粒，食落有少少臘肉的感覺。豆角粒增加咬口，醬汁帶少許辣又夠濃郁，真係食完一碗要立刻食第二碗。分量都好多，三個人食都夠。曼谷冬甩蝦餅（$98）佢比埋把刀就

今晚同朋友試，抵，叫一個菜送一杯啤酒，可以選擇藍妹或者泰國啤，我們叫左三個菜送三杯啤酒，另外再叫左四串串燒，好爽！🥰😁呢間野似酒吧有氣氛，醬料好好食調味得正，啤酒夠凍🍻鹽焗蝦：有十隻，好新鮮又彈牙，鮮味又大隻。泰式蝦球：好大舊，一粒大過我口，好細心有把刀比我地切開，皮好脆，牙肉彈牙爽口，食時小心因為好熱，點醬汁酸酸甜甜，似話梅汁，好味。泰式辣醬炒青口：大大隻，個汁包住個青口，好新鮮鮮甜，啖啖肉，加埋泰國香草🌿入口正，如送飯一流。叫左四串串燒，黑豚肉同雞肉，各有各特式，豬愈咬愈多汁，醃得好入味，雞肉夠口燒得岩岩好，好香bbq, 好野味，有兩個醬汁都好好味，同串燒好夾，呢個串燒係最好食。