木玥巷

Open Now

Now Closed

🍜木玥招牌紅燒牛肉麵 $96配料有牛𦟌牛筋牛肚，仲有串豆卜乾。個人比較鍾意佢個湯底甜甜地，整體味道唔錯份量都🆗外賣左兩碗比屋企人試下都係讚佢個湯底，不過就話牛𦟌無味😂-🍚黯然銷魂安格斯滷肉飯 $84果然係比一般滷肉飯好食又無咁多肥膏，仲有條炆到好淋好入味嘅牛筋，撈埋煎蛋送飯一流👍🏻-🍹木玥柳橙汁水果茶 $38上枱嗰陣大杯到嚇親，呢個價錢好抵飲，唔會好甜又有茶味。-🍵金莎抹茶奶泡 $32因為賣相靚而且唔貴先揀嘅飲品，估唔到質素幾好，拍得住cafe嘅matcha latte。-總結：食物質素唔錯但價錢略貴，飲品抵飲，暫時歸類到此一遊💁🏻‍♀️

每次經過開呢間餐廳附近，都有勁多人係門口等位，特別係每日嘅夜晚時間，同埋星期六日嘅晏晝，都好多人好多人等位。今次係星期四嘅下晝時間，佢有lunch Menu，冇記錯係一點至三點，最熱門嘅台灣牛肉麵同埋牛肉銷魂飯都有得叫，仲要比晚市Menu平，所以大概2:00就去試下睇吓使唔使排隊，平日果然可以Walk in直入。今次Order左台灣牛肉麵，個湯好甜好清非常好飲，連蘿蔔都炆好林好好食，夠牛肉又大又林，真係抵佢平時咁多人排隊等位。

想試呢間好耐，但係周末係一定要排隊嘅，今次平日夜晚黎竟然唔洗排，即刻有得入。一坐低就有一個小食琥珀合桃，啲合桃粒粒分明，每粒都沾滿糖又夠脆。主食我就叫左招牌紅燒牛肉麵，男友就揀左安格斯滷肉飯。個牛肉麵湯底好唔錯👍🏻，好似平時飲嘅老火湯，啲配料全部都好入味，牛肉都好淋。面頭有一串炸豆乾，店員上菜嘅時候有提醒浸落湯度會好食啲，果然係唔錯，浸完湯之後好似打邊爐嘅響鈴，仲係脆脆地又索左啲湯。個麵底我同男友都鐘意，唔會太淋，有少少粗粗地。然後到滷肉飯，食落嘅味同台式個啲好唔同，有啲似日本嘅牛肉飯，但係加埋蛋汁係好食嘅。小食叫左個鹽酥雞，都幾大兜，新鮮炸起唔會乾，配左個柚子汁點幾好味。仲叫左兩杯飲品，一杯黃金水果茶，好大杯，兩個人share飲都得。個茶都唔錯，飲落唔甜又有水果味。另外一杯係玫瑰可可鮮奶，玫瑰味啱啱好唔會好怪。總括黎講，呢度嘅野食係有誠意嘅，但係唔係台灣古早味個啲，如果想試下新派嘅絕對可以黎試下。

餐廳：木玥巷地區：屯門地址：屯門井財街7號力生大廈地下4-5號舖日期：27/9/2021時間：20:30人數：2人 等位：0 min木玥巷之前已經食過一次lunch，食完回味無窮，今次再過嚟食多次依間咁正嘅台灣野☺️雖然佢晚餐無lunch set咁平，但都唔貴，都算正常合理價錢。櫻花蝦鰻魚炒飯 $88:炒飯絕對係用心製作，鰻魚入口Q彈，係高級啲嘅鰻魚🤩落醬油炒落得適中，炒到好香好好味😋搭配粟米🌽、紫菜、櫻花蝦食真係一流👍🏻而且分量極多，真係好抵食！安格斯滷肉乾拌麵 $78:滷肉滷得非常之香，同去台灣食嘅滷肉差唔多好食，而個麵亦軟硬適中，加上荳苗、半熟荷包蛋同滷肉拌埋食真係正！戰斧鹽酥雞扒 $82:果然係戰斧雞扒，超級無敵大塊！個size真係大過人塊面😂 鹽酥雞扒外皮炸得非常香脆，而且炸衣緊貼雞肉，切開嘅時候都唔會甩，肉質亦嫩滑，搭配雞扒醬酸酸甜甜非常開胃，真係食唔停口呀😝木玥黃金水果茶 $38:之前已經試過佢嘅招牌水果茶，覺得好正，今次就試下佢嘅黃金水果茶，依款水果茶主打鳳梨加百香果，味道清新，大大杯飲非常健康！🤣冬瓜蜜檸檬紅茶 $32:冬瓜蜜配檸檬紅茶基本上無得輸，又係清甜解膩之選👍🏻

這日我和媽媽又去品嘗美食啦！屯門市中心地帶已常常去，今次行遠啲去了一間以台灣菜為題的餐廳，以木系裝潢，我最鍾意木餐具，使我寫意又舒服的環境！聽說這餐廳是由前酒店大廚主理的💕蒲燒鰻魚飯鰻魚份量很大份，肉質嫩滑，配以日本珍珠米很滋味!黑醋蘋果西打豬軟骨飯味道特別，以黑醋醬汁醃過豬軟骨，再帶點蘋果味好開胃呀！木玥招牌水果茶🍹長直身玻璃杯，除咗有西柚之外，還有一粒粒八香果，十分解渴！木玥巷 屯門井財街7號力生大廈地下4-5號舖

木玥招牌水果茶$38$估唔到有咁大杯 有新鮮水果放落百香果到 唔係好假既糖水甜，飲落仲有百香果回香。玫瑰可可鮮奶$32$玫瑰清香既朱古力特飲，有特色！基隆甜不辣$42$炸得好香脆，蘸啲秘製醬汁，開胃小吃。木玥招牌紅燒牛肉麵$96$地道台式風味，湯底帶左藥材甘甜，但唔會太重，係正宗台灣牛肉湯。配料大件夾新鮮，高質牛肉麵。黯然銷魂安格斯滷肉飯$84$用安格斯整成肉碎混合滷水汁的確唔同，仲有荷包蛋，件事黯然銷魂左。食曬成碗飯😋👌🏾個人黎講好鐘意加埋啲醃製（梅/蘿蔔）乾，好好味啊！

虹橋真係越來越多好嘢食😂其實次次經過都見到好多人喺門口等位可能完咗最繁忙嘅午飯時間，就快三點😋今次好好彩有位唔使等好耐🥳仲坐咗個好舒服嘅卡位，陽光仲好給力☺️好掛住台灣滷肉飯，所以叫咗個黯然銷魂安格斯滷肉飯（$65）牛肉炆得好琳好入味，肉碎份量都唔少加埋雞蛋送飯一流！蒲燒鰻魚飯（$78）鰻魚十分肥美😋而且鰻魚醬汁亦唔會過甜，肉質嫩滑，分量亦令人十分滿足佢哋水果茶賣相太吸引叫咗一杯木玥招牌水果茶（西柚，百香果）水果茶超大杯，而且充滿生果😍而且茶味剛剛好唔會覺得淡，充滿水果香甜味，唔會過酸亦唔會過甜，非常好飲😋（跟套餐+$28）同埋見到台灣有手工啤酒見啱啱立秋冇幾耐，應節叫咗支立秋。東方美人茶啤酒（$64）首先台灣手工啤酒呢個賣點都幾吸引，另外就係見佢寫住入邊有「台灣茶葉」好得意😎再加多咗個小食- 澎湖花枝丸（$38）第一次飲台灣手工啤酒，一睇到樽身原來係得獎啤酒🍻更加令人期待 餐廳提供左一個品嚐啤酒嘅玻璃杯 感覺上更加有品味😍啤酒好易入口，有好重嘅麥芽香 估唔到茶葉會同啤酒咁夾👍🏻再配埋個彈牙煙韌嘅花枝丸小食 心情更豁然開朗😋😋

之前機緣巧合睇過呢間餐廳係youtube嘅訪問，今日上完瑜伽試堂就決定試下。呢間餐廳嘅裝修都幾舒服用咗唔少嘅乾花佈置，卡位亦都好新淨，坐得舒服。要咗個鹽酥四季豆杏鮑菇，木玥招牌紅燒牛肉麵及蝦排拼椒麻拌麵。飲品方面就揀咗個木玥黃金水果茶同埋木玥巷台灣鳳梨啤。飲品先到，估唔到杯水果茶咁大杯，滿滿嘅夏日清涼感覺，用料十足，有好多鮮果，我呢杯係鳳梨同百香果，好清新。朋友個鳳梨啤都好飲，無外國手工啤咁苦澀，但有比普通啤酒味道層次較豐富，佢覺得好岩飲。至於食物轉頭就到，牛肉麵好吸引，湯頭濃郁帶微甜香，牛筋，牛腩，牛肚都炆得夠晒淋但仍帶少少咬勁，火候岩岩好。唔係誇張，連蘿蔔都煮到入晒味，咬落啖啖湯汁，好好食。另外跟係碗上嘅豆串，放落去吸汁又係一流，豆香湯香又有d脆個外皮，好味道。個蝦餅椒麻拌麵，蝦餅份量多而且脆卜卜，內面蝦肉真材實料，咬到粒粒蝦肉，食落唔會有好粉好假感覺。個拌麵看似同屋企拌嘅一樣，但佢嘅醬汁好好食，唔會得個辣，仲要麵身都好唔錯，食落仲有少少彈牙，幾開胃，好快就食晒。最後送上嘅鹽酥四季豆杏鮑菇，真係好味到震，超級台灣嘅味道，個炸粉真係同台灣一模一樣，開頭朋友見我唔揀鹽酥雞揀鹽酥豆同菇都

今日又嚟咗木玥巷食dinner，同上次一樣都係全場滿座啊😱鹽酥四季豆杏鮑菇 $60上次見到隔離枱嗌咗覺得好吸引 今次終於試咗 結果真係無令我失望 好好食😍😍上碟嘅時候熱辣辣 完全做到外皮脆 但依然保持到四季豆同杏鮑菇本身嘅水份 調味亦都啱啱好 唔會太咸 送酒一流💯干貝醬蝦仁炒飯 $90雖然睇落係平平無奇嘅炒飯 但份量超級多蝦仁大大粒仲有啲元貝🍤個飯炒得好靚 啲飯係粒粒分明好乾身 睇得出大廚嘅功力深厚👨🏻‍🍳蟹肉明太子炒新竹米粉 $90第一次見用明太子炒新竹米粉 味道非常好加咗好多椰菜炒令到口感更加豐富🤩不過略嫌炒得乾身咗少少 不過整體都好唔錯 而且份量同炒飯一樣都係咁多👏木玥黃金水果茶 $38上次試咗招牌水果茶 今次試咗另外一款 味道以鳳梨同百香果為主 而且有粒粒果肉 非常香甜🍹木玥巷台灣鳯梨啤 $48今次menu新加咗幾款手工啤酒 呢隻鳯梨啤麥味好重🍻第一啖飲嘅時候有淡淡嘅鳯梨香味🍍不過飲到最後就得返小麥嘅味道🤣 另外幾款茶味嘅手工啤都好特別 下次一定要試埋！感覺今次食物嘅份量比上次多咗 而且仲keep到同上次一樣咁好嘅質素👍🏻👍🏻

超高質好有心機嘅台灣餐廳，份量夠又好足料，每一樣都配搭得好好🥰-黯然銷魂安格斯滷肉飯🐂$84豬肉整嘅滷肉飯都食得多，第一次食牛肉整嘅滷肉飯令人十分驚喜😍冇咁油膩之餘，滷肉得醃得啱啱好，夠味唔會太鹹之餘又唔會蓋過牛味🤣而滷肉同飯嘅比例啱啱好，在配搭埋醃蘿蔔豆苗同太陽蛋，每一啖都可以自由配搭🤣蟹肉明太子炒新竹米粉🦀️$90分量好夠好足料🤣每一啖都有明太子同蟹肉，米粉炒得夠乾身仲要金黃色，再配搭埋椰菜絲同炒蛋碎，口感好豐富戰斧鹽酥雞扒🐔$82雞扒大塊得有啲驚人，有成塊面咁大🥲仲要又好厚肉，炸得脆之餘咬落去仲好juicy💦再配埋柚子醋醬汁，食落去同炸雞扒好夾，好開胃🤣木玥招牌水果茶（西柚百香果）🍵$38 木玥黃金水果茶 （鳳梨百香果）🍍$38水果茶嘅份量超大杯🤣充滿住嘅百香果同果肉，一杯西柚一杯鳳梨，飲落去好清爽，酸酸地又唔會過甜，啱晒食飽飯解膩💦

#木玥巷由前半島酒店大廚主理嘅台灣菜，餐廳以木系裝潢，使用木餐具。由餐廳嘅透明玻璃窗望出去，一望住綠油油嘅樹木用餐，感覺好chill!#蒲燒鰻魚飯🐠 $78鰻魚燒得剛好，醬汁好惹味，鰻魚肉質嫩滑，吃一啖魚肉配一啖飯，好滋味! 另加$10轉安格斯滷肉飯，滷肉味道夠juicy，好夠醬汁，飯又煙韌，整體好味道!#黑醋蘋果西打豬軟骨飯🐽 $64用黑醋醬汁醃過豬軟骨特別甘香，豬軟骨帶點蘋果嘅清香。另加$10轉安格斯滷肉飯。#小食 #鹽酥雞🐔 $42已加入少許椒鹽唔會太咸，炸到好香脆，啖啖雞肉香口又嫩滑，點一下調味汁味道酸酸甜甜，幾醒胃!#冷盤前菜 #醃製青片🥒及蓮藕片好爽脆，非常適合炎夏食#木玥招牌水果茶🍹 $38用咗長直身玻璃杯，盛載好大杯水果茶，茶味好香濃，西柚好fresh，配埋甜甜酸酸嘅八香果，滋味又解渴！#木玥黃金水果茶 $38同樣用咗長直身玻璃杯，盛載多種款式嘅水果茶，茶味好香濃，有香甜鳳梨及清新嘅梨，甜酸滋味，夠解渴！餐廳: 木玥巷地點: 屯門井財街7號力生大廈地下4-5號舖

今日早左放工，同fd子去左幫襯一間台灣餐廳。今餐嗌得好豐富，每人一個main course,再share一份小食，仲有兩支beers ～我食果份係安格斯滷肉飯，啲滷肉醃得好入味，撈飯真係無得頂，再夾埋個鹽酥雞扒嚟餸飯，簡直食到唔停口。不得不提鹽酥雞扒個sauce，為成件雞扒加分不少，有淡淡嘅檸檬香味，就算係炸物，一樣易入口，完全食唔到油味。食食吓再dap下支菠蘿啤，爽～個fd食果個蠔泡飯都好有鮮味，個湯無咩味精。

實在太掛住台灣啦，唯有依家食啲台灣嘢止一止條癮先啦😝上網見呢間「木玥巷」好多人食 同 好多人讚👍今晚放工咁就去試吓啦😬櫻花蝦鰻魚炒飯$88呢個真係冇得彈，一上枱熱辣辣香噴噴，新鮮滾熱辣炒出嚟，櫻花蝦加鰻魚非常夾！我唯一可以做嘅事，就係幫佢清碟🤣木玥招牌紅燒牛肉麵$96個麵夠晒煙韌，加上有一串豆卜，脆卜卜，一浸落啲牛肉湯度，索晒啲牛肉麵嘅精華，個豆卜「當堂」入晒味！🤤戰斧鹽酥雞扒$82呢塊雞扒份量十足，夠哂大塊，兩個人食啱啱好，非常鬆脆，咬落肥卜卜！😋金莎抹茶奶泡$32真係有粒金莎係度架！😬冬瓜蜜檸檬紅茶$32好清新脫俗嘅感覺！👍

又黎虹橋搵食，終於食到bookmark左好耐嘅木玥巷。木玥巷開左業一年，Lunch 時間都幾爆場，證明佢除咗有人氣外應該都有實力😝鹽 酥 雞 ($42)份量非常慷慨，雞粒炸得多汁香脆。而我特別欣賞佢嘅柑子醬，酸酸甜甜平衡番鹽酥雞嘅熱氣😌黯 然 銷 魂 安 格 斯 魯 肉 飯 ($65)係台灣食魯肉飯成日都覺得太油，有時見到都怕怕。但呢個魯肉飯的確係出色，大大塊流心太陽蛋吊出左安格斯牛嘅肉味，而珍珠飯亦粒粒分明，成個配搭都好完美🤭黑 糖 蘋 果 西 打 豬 軟 骨 飯 ($64)豬軟骨炆得軟硬適中，而個汁可能因為係用上蘋果西打，清甜得黎帶點微酸，食落亦唔覺肥膩。木 玥 黃 金 水 果 茶 (+$28)大大杯嘅水果茶真係一上枱就嚇死人😂菠蘿同百香果好夾，本身已經係微酸唔太甜，幾清新。金 沙 抹 茶 奶 泡 (+$28)杯上放上一粒金沙嘅抹茶奶泡賣相非常吸睛，而抹茶嘅茶味甘濃，再點埋粒金沙又有另一番衝擊。總括黎講都木玥巷嘅出品都幾高質，回頭率極高呀👍🏻

睇介紹話係前半島大廚主理想試好耐😆終於撞岩時間去食.✴️鹽酥雞定食 $58難得泥到，加多$10轉左安格斯滷肉飯一次過試多啲吾同嘢先講主角鹽酥雞🐔非常之脆口，熱辣辣甘上枱份量十足👍🏻👍🏻一啖一口雞粒佢既椒鹽吾會太重，食落好順口加埋啲醃製青瓜好適合夏天🌞但安格斯滷肉飯就有少少失望可能佢杯面頭嘅滷肉俾我，所以無咩醬汁...食落有啲乾🥲飯半身係珍珠米所以已經好好食下次可以吾洗加錢反而加多$6有大大杯凍檸茶/奶茶飲🙌🏻亦可以加$28飲佢其他台式飲品.✔️整體感覺舒服😌食物質素好👍🏻呢間係屯門算數一數二好食餐廳係坐得迫少少但好彩今次食完全吾洗等位🙆🏻‍♀️下次過泥一定會再去食不過要留意返佢3點就落場架啦