木玥巷 (Closed)

木玥巷 Wooderful📍元朗媽橫路9號富來花園地下17-18號舖 💰$36流心芋泥球 🍡睇個樣有少少似台灣夜市小食地瓜球，但佢比較厚實，中間層夾心係芋泥，幾香芋頭味。朋友一不留神成粒咬，裡面啲奶黃餡就爆哂出嚟，真係流心㗎！我就係食晒主菜之後當甜品食，雖然唔似一上枱咁熱辣辣，但奶黃一樣係流心！佢一份有三粒，唔會太油膩，當前菜、小食或飯後甜品都好適合。 💰$94金沙蝦球 🍤雖然知道佢哋牛肉嘅菜式比較出色，但我唔食牛，所以揀咗兩款非牛嘅晚市料理。第一款就係呢道金沙蝦球，佢嘅顏色金金黃黃，每嚿蝦球都有一層厚薄適中嘅咸蛋黃金沙包裹住，食落鹹鹹香香，好送飯！佢嘅蝦好大隻，咬落爽口彈牙，加埋芝麻，食到齒頰留香！朋友仲特別推介伴碟嘅九層塔，話兩者好夾！ 💰$76樹子炒水蓮 🥬我哋近排想食少啲肉，所以揀多一個非肉食嘅菜式，佢哋有燙青菜、炒高麗菜苗同炒水蓮。因為朋友未食過水蓮，所以我就揀咗呢款樹子炒水蓮。認真諗下，好似除咗喺台灣食過，喺香港未見過有得食水蓮，可能係我未食得夠多台灣嘢又或者無留意，但總覺得呢度有提供水蓮，算幾有特色！碟菜一上檯嘅時候出晒煙，夠晒鑊氣，而且佢份量都唔細，每條水蓮咬落都好爽口

好耐無去過台灣突然好懷念牛肉麵今日就去左由前半島酒店廚師開嘅台灣餐廳食木玥招牌紅燒牛肉麵🐂（$98)湯底好清甜唔會死咸帶有少少藥材味同牛骨味牛𦟌份量好多大大件而且燘到好淋滑入口軟綿綿至於配料仲有好大件紅蘿蔔🥕同蘿蔔同樣燘到好淋好清甜完全無渣最特別係有一串豆干可以浸完湯再食吸收哂湯底嘅精華好好食😍至於麵條係小小粗身款軟硬度拿捏得剛剛好除咗牛肉麵出色之外估唔到小菜都同樣好出色桂花梨黑醋骨🐷（$90)熱辣辣新鮮炸起外皮超香脆黑醋味道調校得恰到好處唔會太酸或者太甜配埋好清新嘅桂花雪梨一齊食🍐完全唔膩好快食哂一整碟😋鮮蚵煎蛋🥚（$90)煎到金黃色賣相好靚蛋味相當突出好濃郁至於蚵仔粒粒都好肥美又無沙而且生熟度都啱啱好唔會過熟配埋少少芫荽一齊食好香好滋味至於飲品方面由於天氣好凍就試咗兩杯熱飲玫瑰🌹蜜桃果茶（$34)面頭有少少玫瑰花瓣充滿玫瑰花香味雪菊蘋果茶🍎（$34)有一大片蘋果乾酸酸甜甜好開胃整體而言食物質素好好菜式處理有細節小菜相當有驚喜值得一試👍🏻

住大西北咁耐，一早已經聽過「木玥巷」呢個名，但次次週末去，門口都大排長龍，趁住年尾清假，終於可以平日去了。紅燒牛肉麵 :有3塊牛𦟌，又厚又大塊，煮得好淋好入味，麵唔會太淋，湯底有淡淡藥材味而唔油膩，配菜有紅蘿蔔、白蘿蔔及白菜，吸晒湯份外好味。酥炸排骨飯 :一上枱已經聞到好香鹽酥味，排骨好大件，炸得脆口，食落肥瘦均勻，有好多肉汁，但唔會覺得油膩，配菜有百香果醃木瓜，甜甜地感覺清新。澎湖花枝蝦排 :炸得好香脆，蝦同花枝味並重，唔會只得一種味，食落有粒粒花枝粒，夠晒彈牙。芒果寒天多多 :上枱時已經俾可愛嘅熊貓杯吸引到，入口好香濃芒果味，味道唔太甜，寒天份量多，煙煙韌韌好有咬口。檸檬蜂蜜 :朋友嘅熱檸檬蜂蜜，蜜糖量夠多，天寒地凍飲真係份外滋潤溫暖。

來到元朗覓食最後一站(木玥巷）晚膳.呢度最出名嘅特厚紅燒牛肉麵.還有佢哋啲大大杯特式水果茶.係綱上有極高評價.其實我已經籌劃咗一段短時間.只是配合家人一起到來品嚐.聽講這舖係前半島幾位粵菜大師嘅合作開店舖.所謂大師級作品.點止咁簡單.還有其他高質美食.呢間係長龍店.當然要排隊.不過我哋都係等咗十五分鐘左右.便安排入座四人卡位.呢度啲裝修有啲西式古典味.靠窗位置全部都係兩人枱.座椅都舒適！今晚點餐如下：1. 木玥招牌紅燒牛肉麵 X1 $98元2. 桂花梨黑醋骨 X1 $90元3. 流心芋泥球 X1 $36元4. 話梅醉雞捲 X1 $52元5. 台式炸物拼盤 X1 $58元6. 木玥招牌水果茶 X1 $42元7. 木玥黃金水果茶 X1 $42元😋木玥招牌紅燒牛肉麵碗麵內有三大塊超厚嘅牛腩/牛筋/牛展同埋一大塊油豆腐乾.湯底有少少微微藥材味.但唔影響啲濃燶牛肉湯味！😋桂花梨黑醋骨喜出望外之一字排骨.賣相都唔錯.食落酸甜排骨外脆內軟.香甜酸味剛好.煮得好入味.啲排骨炸得剛好.好似食緊黑糖咕嚕肉.旁邊啲桂花梨好香甜👍😋😋😋😋流❤️芋泥球😋話梅醉雞卷唔夠酒香味.亦唔覺得有藥膳味.只係有少少咸甜味.

木玥巷 (元朗）📍地址: 元朗媽橫路9號富來花園地下17-18號舖 ==================今日放假，同朋友去呢間台式餐廳木玥巷食😍之前去過佢屯門分店食，覺得都幾唔錯！估唔到閒日12:30 間舖頭已經差唔多full！真係好誇張！ 呢度lunch 都只係幾十蚊，價錢好親民！🍲紅燒牛肉麵 $72好中意佢個麵底，非常滑溜😳 入面仲有3大片紅燒牛肉，軟硬度適中🍝蟹肉金絲炒新竹米粉$98蟹肉份量都幾多，新竹米粉炒到幾軟身，而且入味☺️🥙宜蘭三星蔥餡餅$36呢個係熱辣辣咁上枱，咬落去爆晒汁，有d 似上海生煎飽！非常推介！🧋台灣手搖焦糖咖啡 $28正常發揮🥤黑糖茉莉花冬瓜茶 $28黑糖味幾出😍但又唔會太甜，唔錯！

係朗屏西鐵站B2出口下面有一間木玥巷，太耐冇去旅行，都懷念去台灣嘅日子，今日嚟到木玥巷懷緬一下，雖然冇得去旅行但係都可以食到正宗嘅台灣食物，去到中午12點幾，大部份座位幾乎坐滿，靠着落地玻璃仲有啲高櫈二人座位，原來餐廳有啲好特別嘅啤酒，飲住啤酒聽著悅耳嘅流行曲，好chill.我哋二人叫左兩個餐，紅燒牛肉麵$74，有三大塊厚切牛展肉，食落去一啲都唔韌，仲配上淋甜嘅紅蘿蔔白蘿蔔青菜，酥炸排骨飯$74，排骨炸得恰當，配上一個特別的醬汁，可解炸物嘅肥膩感，飯是肉躁飯，另點左澎湖花枝蝦排$38，好彈牙👍飲品：芒果寒天多多$28，飲落去啖啖寒天珠，有芒果和益力多味，酸酸甜甜好開胃，台灣手搖焦糖咖啡，第一次飲感覺好特別，總結：食品很正宗，值得推薦👍

之前成日同同事都係屯門嘅木玥巷食午餐，今次係元朗行開街，就想去試下呢間嘅晚餐，果然都係冇令人失望，午餐同晚餐都好好食，而且性價比又高，份量又多。加咪員工服務態度好nice,好熱情❤️環境好舒服，又乾淨，同朋友一邊聽住休閑嘅歌一邊食美味嘅晚餐，真係好值得推薦嘅店鋪👍🏻👍🏻木玥招牌紅燒牛肉麵 $98啲牛肉好厚實🥩好大舊又煮得入味，肉感很松軟，入口即化。面係好彈牙🍜好有嚼勁，擺左一段時間都係超好食😋個紅燒湯底勁濃厚，d面索曬d汁，真係啖啖都好正。台式三杯雞 $95個雞肉係好滑身，d肉係好嫩，而且每一舊都係好嫩🐥雞肉個味道係甜甜地，完全吾會膩。再加上煮得好入味，真係想食完一舊再黎一舊😋青花椒凍墨魚仔 $54呢個墨魚仔係凍食嘅🦑不過個味道同口感好令人驚訝。個墨魚仔係浸住d花椒汁令到佢變得有少少辣辣地又麻麻地嘅口感。再加上佢係好爽口，好脆又彈牙嘅感覺😋整體食落去係好清爽又好大陣花椒嘅香味真係好好食😝令人好回味👍🏻木玥黃金水果茶 $42杯水果茶係好大杯🍹大到可以兩個人飲都得。而且入面的材料好足，有吾同嘅生果🍍🍎🍋勁滿足。杯野飲既甜度係黎自生果，好fresh,同我地食嘅餸好櫬😋熱玫瑰可可鮮奶 $34杯玫

放假同媽咪食lunch 輕鬆下呢間之前經過一直都想試下所以就約媽咪去食🥰午市有約十款主食供應我覺得第一次去食就緊係要試紅燒牛肉麵再簡左個出面比較少見嘅蟹肉金絲炒新竹米粉見到髯鬚雞就忍唔住加咗呢個小食同配左玫瑰可可鮮奶同雪菊蘋果茶紅燒牛肉麵配左酸菜同熱情果木瓜片小菜第一時間緊係飲下湯先個湯熱辣辣岩岩滾起出哂煙冬天食岩哂🥰飲落唔油有好濃牛肉味仲帶點藥材味牛展有3大塊炆得入咪唔難咬開😋配菜嘅紅蘿蔔同白蘿蔔同樣好淋食得好舒服唔洗用力咬熱情果木瓜片酸酸地好爽口好開胃蟹肉金絲炒新竹米粉入面既金絲原來係瑤柱絲米粉仲配左辣醬辣醬好香口應該係有啲乾貝炒香而成🌶🌶配落米粉唔會好辣但好濃郁惹味食到停唔到口鹽酥雞比一般嘅大舊新鮮炸起仲熱辣辣九層塔脆卜卜好好味😋點埋甜甜地嘅醬汁食落層次多左無咁悶玫瑰可可鮮奶有玫瑰花瓣鋪喺面飲落去除咗有朱古力味之外仲有淡淡點玫瑰花味好岩冬天飲雪菊蘋果茶飲落好滋潤食完辣野同炸野可以潤潤喉嚨

木玥巷Wooderful📍元朗媽橫路9號富來花園地下17-18號舖木玥招牌紅燒牛肉麵 果然真係招牌菜😎牛肉麵有三大塊牛肉，數塊牛筋，每塊都好大舊，食落口鬆軟，唔韌🤤香葉蕃茄肉鬆炒飯顏色配搭真係好鮮明，加上大大隻荷包蛋，視覺上幾正☺️一望就見到好靚嘅煎蛋，黃色多黃多汁🍳咬落去流心蛋嘅蛋汁爆出來，真係好正🤤佢嘅肉鬆炒得夠香，如果啲飯乾啲會更加好👏🏻啲肉鬆份量都算多，可以撈晒成個飯同埋啲飯份量都夠我哋食🍚樹枝炒水蓮平時好少食菜，本身都有少少抗拒，點知食落原來可以咁好食，咬落去好爽口！不知不覺成碟都食晒✌🏻金沙抹茶奶泡少女心爆發，覺得好靚😍😍見到好開心，仲要配一粒雪沙，飲落滿滿嘅綠茶味🍵 甜到啱啱好❤️熱玫瑰可可鮮奶 真係好靚嘅粉紅色杯😍見到啲奶泡打得細滑，飲落去淡淡既玫瑰花香同可可香，我自己覺得好好飲😘

之前喺木玥巷食過Lunch，覺得個環境同食物質素都唔錯，所以就带個唔係元朗國嘅朋友嚟試吓。一坐低，侍應就送上小食: 琥珀合桃合桃表面被白芝麻同糖包住，香甜酥脆。1️⃣蒜香蟹肉帶子炒飯 $96炒飯乾身，而且粒粒分明。由於有蟹肉同帶子，令成個炒飯鮮味大增。2️⃣台式三杯雞 (跟白飯) $95醬汁調得恰到好處，送飯一流，再嚟多碗白飯都仲得。雞肉亦非常嫩滑，而且好入味。3️⃣台式炸物拼盤(鹽酥雞、甜不辣、 四季豆、杏鮑菇）$58鹽酥雞真係做到台灣夜市嘅味道，表面炸得乾身酥脆。四季豆同杏鮑菇爽脆，每樣野表面都有適度嘅粗鹽，唔會太鹹。4️⃣白桃寒天多多 $34桃味同乳酸好夾，好解渴。寒天有豐富嘅膳食纖維，將佢加落多多，呢杯簡直係腸道嘅好朋友。5️⃣木玥招牌水果茶 $42勁大杯充滿果肉嘅水果茶，個人覺得橘味較重，因為有柚子、青檸。其他水果都好新鮮，茶味亦足夠。

呢間餐廳總共有兩間分店，一間係屯門，一間係元朗。屯門個間已經食過好多次🤤因爲性價比真係好高🤩晚餐黎講，真係算平靚正👍而今次行開元朗，就試下元朗呢間🤓本身已經知道呢間屯門分店好高汁，但元朗分店竟然…再！有！驚！喜！🤩🤩🤩每款菜式都無！叫！錯！好滿足，好好食，最重要係唔算貴😍餐廳出面有錶位Parking，但長期FULL，如果唔介意泊停車場既話，可以去隔離街既信和停車場，地址: 元朗屏會街13號。星期一至五 $21/1小時，星期六日 $24/1小時環境：地方都算闊落，一家四口黎既話可以坐卡位，係舒服既🥰如果兩個人黎既話，不妨試下坐高枱，本人本身唔係高，有D怕坐高枱，因爲怕吊脚😖會好辛苦。但呢度既高枱同櫈都係有脚踏位😍😍好似同坐普通枱一樣😌所以係舒服既。點解推介坐高枱？因爲佢有落地玻璃窗🤩可以望曬出面，採光度好，感覺好Chill，下午茶黎嘆杯野飲，吹下水，都應該會好舒服好正。今次兩個人去就叫左✨麻辣鴨血 $72呢款麻辣鴨血及湯底好正，好香，夠麻😋😋鴨血仲要好大塊🤩睇相你就知，唔睇以爲係一大片豬潤，真係又厚又大塊，而且好多汁，好入味。裏面仲有好多芽菜、豆腐等等既配料。豆腐吸曬D湯汁，好邪惡，但好

發現最近好耐冇食台灣嘢，上網search之下，發現有間台灣嘢好多人話好食，而且係香港必食嘅台灣餐廳之一，但因為地點同我唔夾，一直都未去食，今次下定決心入去元朗就試下。去到已經見到人排哂隊，有心食就要早啲去。首先必須要講嘅係佢哋個前菜琥珀合桃，合桃表面覆蓋住脆嘅焦糖，再加上好香嘅芝麻，超級好食，我哋兩個爭住咁食晒佢。另外一個必點嘅菜式係佢哋嘅鹽酥雞，件件都係大大件，香脆唔厚粉，咬開鮮嫩多汁，而且點上柚子醬酸酸地真係一啲都唔油膩。黯然銷魂安格斯滷肉飯個煎蛋真係好加分，中間個蛋黃係流心但成個蛋邊同底都係微焦，真係完美煎蛋！滷肉方面採用左半肥瘦嘅安格斯，加埋個秘製醬汁，真係好好餸飯。紅燒牛肉麵佢哋個牛肉麵味道係比較清甜，足足有三片大牛𦟌，全部煮到入味軟腍，勁鍾意佢個風琴豆卜串，佢平身係脆身，之後將佢點一點啲湯汁再食超級正，完美吸收晒湯嘅精華。蜂蜜冰烤地瓜都係必點，外皮都可以食，入口鬆化冰烤都好有特色，蜂蜜就唔會好甜係嘢飲方面我哋叫咗木玥招牌水果茶同埋木玥黃金水果茶，勁大杯！招牌水果茶用左西遊汁同埋熱情果咗茶底。而黃金水果茶就用咗西瓜、菠蘿、熱情果等等去調製。真係超級足料又消暑。其實真係好值得e

之前放假，約左frd 子入元朗國行下Frd子話要帶我食下元朗美食小妹心諗去到元朗國搵食實行到好攰啦🙃🙃🙃點知間餐廳一出港鐵站就到😂紅燒牛肉麵牛𦟌好大片，煮得夠淋，仲好厚身添🤩另外仲有大大舊紅蘿蔔同埋白蘿蔔無根咁濟，一咬啲湯汁咇晒出嚟🤤湯底有藥材味但不會好濃。鹽酥雞飯佢似普通炸雞多過鹽酥雞😂😂外皮無乜味同埋有少少厚皮主要係靠跟餐既柚子醋調味好彩雞肉仲保持到有少少汁同嫩滑🤨蜂蜜冰烤地瓜小妹形容佢為甜甜地但凍左既蕃薯🤪食落口感較實在唔會好鬆散凍凍地幾得意🤣不過價錢小貴，下次黎應該唔會再食😂😂

今日同朋友黎到朗屏西鐵站附近食台灣野，各自叫左一份牛肉麵、另加一份台式三杯雞。牛肉麵湯底較為清淡，不會太搶。麵條選用幼身麵條，爽身彈牙，但就未能掛湯。三杯雞味道濃郁且十分嫰滑。

難得去元朗搵野食，今次揀左木玥巷台式野，位置唔難搵一出西鐵就好易搵到，舖頭門口雖然細，入到室內都唔少座位，氣氛好好，燈光柔和，環境好舒服唔會好嘈雜，食物揀左幾款試下。有紅燒牛肉麵安格斯滷肉飯蟹肉金絲炒新竹米粉鹽酥拼盤小食雖然價錢有少少貴不過難得一次都值得一試。