鬍鬚佬

Open Now

Now Closed

食個2人牛肉套餐$480左右。四份牛肉，每份約100g. 牛味又小。真係好貴。飲品又得一罐。又無其他任點小食。 話唔做任食是想食精緻，但都唔係咁。唔明點解會有話好食，抵。真心唔會再去。

一人火鍋好正，個煲靚，野食好食同大份，如果唔叫海鮮，100蚊內走到，好過食快餐店劣食火鍋好多店鋪較隱蔽，promotion做得唔夠，咁嘅價錢其實應該會好多人食如果職員笑多d都會有幫助，haha

一人一鍋78,抵食,仲要星期六日都唔會額外收費. 仲要個海底椰子五指毛桃湯底非常香椰子味.配料除咗嗰碟牛之外樣樣有啲唔錯,個火鍋爐非常精緻,火力亦非常夠(唔會好似大家樂嗰啲慢慢等)。蒸飯亦都唔錯,仲有例湯送.

晚上九點幾入座，每人叫一個套餐，都只係每位$1xx 左右，已經食到反艇。雖然只係套餐不是任食，但已經好滿足。唯一擔心的是，會唔會做得太平而好快執笠，希望老闆做得住，價錢是有良心的。

轉左套餐無左放題，不過d肉堅係好食好多。試左幾樣，每樣講下。上次响屋企打邊爐，諗住食好d，去左UNY買日本和牛，三百幾蚊盒，但我諗燒會好D，太肥。今日黎鬍鬚佬食佢地日本黑和牛，主要肥响個邊，中間花紋肉，無上次去超市買咁油，竟然好食好多。牛雪花相對無左油脂香，但平40元，我覺得性價比高。去到食雙層肉，我而家都唔識形容，總之係好食。再食吊龍，係好正。手切肥牛，好食過美國肥牛好多！總之唔好煮得太熟就好。總括黎講係，以前要食多d就賺，而家係另一種層次享受啦。

其實講真我真係好失望！我本身都食咗幾次都係覺得價錢好合理同好多好嘢食！但我今日10月18號又再嚟食嘅時候成個模式已經唔同咗 而且連價錢都唔同咗 148得100 gram肉（仲要唔好食）再加一個蔬菜拼盤再加埋服務態度超差 播拼盤係單獨一個人嘅火鍋爐我同佢講要加湯結果唔夠火我等咗5分鐘都冇！貴咗都唔緊要，重點係服務態度，仲要再差啲另外嗌嘢食仲要另外再加錢！係咪賺錢賺傻咗？定係搵到少少錢就開始巴閉？唔想服務客人？既然唔想服務點解仲要開門做生意？ 真心我就係因為覺得服務態度好而且食嘅嘢好有性價比先會繼續返嚟食！點知俾啲咁嘅結果我真係超級失望！

我一個人去，揀咗午餐最貴那個，諗住因為可以食多啲種類嘅食物包括我心愛嘅雞子，之前喺此平台睇別人分享的相片，印象中係睇到包蝦同蜆，但係去到現場，入去佢個QR code度落order嘅時候就發覺唔見有呢兩樣嘢可以揀，仲有可以揀嘅種類好似好少，係有D失望，因為午餐$268食火鍋呢個價錢算幾貴，不過就安慰自己心諗算啦就算食都唔會食得多嘅，反而主要都係食牛肉雞子同埋有蝦滑，同埋想試被人讚嘅雞肉，咁都OK啦。不過當我見到佢上咁大碟牛肉俾我，我就覺得呢間舖頭一啲都唔孤寒，同埋當我一食嗰個雞子，簡直覺得好好味，有誠意醃過有酒味👍🏻蝦滑就有如之前有食評讚過好味兼食到啲蝦肉👍🏻其餘牛肉同雞肉，我都覺得不過不失嘅。個人認為丸類可以唔使咁多款式，反而我希望啲瓜、菜同啲菇類可以多少少選擇，我印象中好似唔係好多。最尾食埋佢個炸榴槤丸嗰個都好好食，不過可惜我食咗一粒之後想再encore嘅時候已經截咗單。

三月頭氣溫未過廿度，仍然有點涼意，趁機去了寶琳新都城打甂爐。鬍鬚佬位於商場外圍地舖，是較少人流經過的路段。店內採用港式復古裝潢，懸掛仿霓虹燈招牌的裝飾，綠色皮的卡座與地磚更顯復古風格。晚市火鍋放題分三個價位，價錢愈貴，包含的食材內容最多，就連用餐時限亦有所不同。揀了中等價位的皇麻套餐，9pm前入座$268/位，星期六、日、公眾假期及特別日子，每位加$20。點選皇麻套餐，還可點較便宜的白羽套餐所包的食材。火鍋湯底亦有足足10款選擇，除了常見的芫茜皮蛋湯之類，特別在供應椰奶木瓜湯及海底椰五指毛桃湯這些較少見的湯底。這次選後者，湯底味道清甜，沒有味精，喝了一整碗湯也不會覺得口渴。安格斯牛板腱，油花適中，有咬口，肉味幾濃郁。牛舌心，牛舌最軟稔的部份，雖然薄薄一塊，但牛味夠香！牛胸爽，確實很爽脆，但本身沒什麼味，要連肉一起吃才可。水魷、牛柏葉、鵝腸的口感都好爽脆！鮮牛骨髓軟滑，但無味，試過即可。手打蝦滑及墨魚滑，兩款都夠香又好彈牙！蝦滑更能嚐到蝦仁碎粒，豐富了咬口！海蝦大隻，肉質爽口又夠甜。手切皇麻雞肉，平時打甂爐較少點雞肉，但今次的皇麻雞肉是招牌菜，所以點來試試。切成條狀的皇麻雞肉，容易灼熟，

🍽鬍鬚佬皇麻😋二百零蚊選擇唔小～食材新鮮處理味道上就知唔係普通貨～連出面小小自助區丸類等等味道都唔錯～野飲方面都係勁多選擇～檸檬茶·菊花茶·冬瓜茶～仲有得啤啤佢🍻食物方面有鵝腸·牛骨髓·牛板腱·羊肉片等等～全部小編都試過幾唔錯👍真心好食🤤有誠意盛惠$2xx/人💰💰💰💰💰好味指數🫵 5️⃣最佳🍻🍻🍻🍻🍻☻非專業食評·純個人口味☻🗣️仲有咩想講服務堅好·初初唔熟點禁個食材數量～廚房知道大約幾多人肯定點錯數量自動加返再詳細解釋～講真坊間唔小自助火鍋話知你～十個人點一隻蝦就一隻蝦🤣係既..錯在客人唔明～但鬍鬚佬依個位再做得更好👍仲見員工同客人有講有笑～Nice🥳推介大家黎trytry佢😉

好食，食材新鮮，服務好。上菜快，任飲任食，揀咗$268/120 分鐘。食物種類足夠，丸類有花枝丸、貢丸、牛丸、魚蛋．．還有多款蔬菜，新鮮雲耳，蟲草花，仲有熟食品order. 推薦 花膠,鵝腸，牛板鍵，沙白，牛柏葉

今次都係食皇麻套餐7點前離座 每位 $228 食足兩個鐘今次除左牛牛🐮 同雞 又試埋少量海鮮 都唔錯 👍🏻 自助菜品 加 火鍋🍲料選擇都算多 小食炸雞🍗 好Juicy 藤椒魚皮 好正野飲選擇都好多 。 仲有自家沖製既茶寶琳少有高汁 價錢相宜既邊爐🫕

環境： 整間餐廳環境乾淨光猛舒服 座位闊落皇麻套餐 $268 120分鐘 （❌加一）椰子雞湯底鮮甜 牛板腱夠肥美 🤤🤤牛胸爽 / 皇麻雞 任食真係加晒分 海鮮類夠新鮮 👍🏻👍🏻👍🏻 寶琳區 將軍澳區 性價比極高極高極高既打邊爐舖頭

之前喺網上見到鬍鬚佬幾抵食 見今晚有時間就去試吓啦😝😝 好耐都無寫過食評 所以今日都無特別影相 但食完之後就好想為鬍鬚佬寫篇食評😆😆 鬍鬚佬食物唔錯 環境唔錯 最重要嘅係員工態度殷勤 服務十分周到🥰🥰 而家喺香港都唔容易搵到🤧🤧因為朋友唔係好食得辣 所以就揀咗招牌椰子湯湯底🥥 我哋旨在食下肉 所以就揀咗最平嘅白羽套餐 有美國肥牛片 五花腩片 豬頸肉片同手切白羽雞肉 任食90分鐘～趁未落嘢食之前就試下個湯底😝 椰子雞湯好清甜 所以我都忍住飲咗2碗😝 套餐嘅肉類新鮮 味道唔錯！除咗肉類 仲有我最鍾意嘅前菜同小食 包括手拍青瓜 陳醋雲耳 涼拌皮蛋 炸雞 炸薯角 炸地瓜等等 每樣我都試過😋 特別係涼拌皮蛋個醬汁好惹味 忍唔住嗌多碟😝 仲有自助區供應蔬菜 菇類同丸類等等～ 雖然飲品比較小眾 但都好多元化 唔鍾意凍飲嘅話 仲有幾款花茶可以自由斟😝😝 咁好嘅服務仲要免加一 人均$168 真係好抵！！ 如果有埋雪糕/甜品就真係完美啦😝

雞肉好特別，牛肉好正，特別係啲拉麵本人十分推介，湯底就揀麻辣，椰子。牛魔王十分推介嚟食，2百幾蚊任食和牛真係好抵，每一碟都一樣咁新鮮，唔會第一碟之後就比d低質嘢你，本人會再次食，希望keep住水準，好好味

原來新開張咁就畀下面試下小店。初初聽個應該係店長/經理嘅人解釋佢哋餐廳嘅食法同叫法。講到好複雜，唔係好聽得明。總之就出咗去夾餸先，然後佢就叫我哋磅一磅有幾重。頭100g包咗係個湯鍋/乾鍋度，其後每50g $8。哦～明晒。然後就去揀個湯底。我要咗沙茶湯底，愛人就要酸辣。係嗰兩碗嚟到先更明白，原來係自選車仔麵/飯同炒車仔麵/飯。坐低幾好有四小碟送嘢畀我哋食。全部啲味都唔錯。特別欣賞個豬肚，一般嚟講豬肚處理得唔好都會成陣豬騷味，再唔係就豬餿味，一係就屎味，但係佢冇，當然小小豬肚味都會有㗎啦，如果乜都冇就唔係豬肚啦。唔知係唔係因為我年紀大咗唔係好受得，我個麻辣炒麵有啲咸。咪住先我係叫沙茶底㗎喎…點解上到嚟係麻辣？咪就係落錯囉。不過算啦我又覺得我又唔係唔鍾意食麻辣今日食囉，結果辣度肚痛同火燒菊花。呢個唔係佢哋嘅錯，係我應該堅持叫佢換番畀我嘅。不過真心講我唔覺得佢哋嗰個麻辣真係幾辣，仲可以話係幾好食只係有少少鹹咗啲。只係我肚仔唔再受得起。另外仲叫咗個酸辣土豆絲，係處理得幾好。甜酸辣鹹平衡得好好，美中不足嘅係有幾條係薯條，掛唔到汁。然後佢行埋嚟同我哋講話夜晚就會有火鍋可以食。下次有機會試下。話曬都係