和平餐室 (禾輋廣場)

Open Now

Now Closed

我仲爭半碗飯，仲係有啲肚餓，攞咗杯嘢嚟飲，之後佢無啦啦收咗我個碟嘢。叫咗佢話唔好收，之後執咗啲用完嘅紙巾擺落啲飯度。究竟係咩態度？垃圾服務。絕對唔建議食呢個餐廳。

今天我哋一班跑友在沙田運動場跑完步之後，便來這間位於禾輋商場的茶餐廳- 和平餐室。這樣的午餐都幾抵食，之前吃過的六寶飯的燒味唔錯，還有常餐、豐盛午餐（菠蘿油😋）可選，今次叫了：🌸干炒叉燒意粉 炒得好有火氣，意大利粉不太林，味道剛剛好，唔錯🌸 叉燒白切雞瀨粉叫了半肥瘦叉，但是唔係好掂，瘦左d，雞都算唔錯，沒有太大雪藏味，可惜冇餐，要加$9配餐飲🌸 熱奶茶叫了少奶，茶味香濃，唔苦澀，好多時少奶會好苦，呢間好啱我口味👍🏻

呢日黎到見lunch menu有沙薑雞就試下，上到黎個擺盤好似好正咁, 有個專門嘅兜裝住啲雞, 唔係盤頭飯feel呢度個沙薑唔係另上, 而係本身就當係汁咁撈埋落個雞度, 有點兒太咸, 撈白飯勉強可以接受，但沙薑個味本身係濃嘅, 連埋啲雞好食的不過隻雞本身偏肥，可能不太適合所有人。而且今次揀咗翼位, 但斬開碎骨有啲多, 如果下次再叫的話應該會揀胸好啲整體而言，這道菜的味道偏重，對於喜歡重口味的人來說，無疑是一個好選擇。不過，若是想要清淡一些的餐點，可能需要考慮其他選擇。總的來說，沙薑雞是一道風味獨特的菜餚，值得一試，但需注意其油膩程度。

🌌香港美食多如繁星，各國美食都能盡享，但點都要介紹粵菜其中一款港人常吃的燒味，和平餐室與一般茶餐廳一樣就是中西快餐都有齊，但我見佢其中一個小窗展示其燒味實物，所以選它的至尊燒味四寶飯作為午餐。📱因為是手機下單，我選了半肥瘦叉燒，雞就沒有指明要什麼，廚師發板，正常飯量，四寶飯上枱，排得咁靚，睇樣都增加食慾😋，🐔雞唔肥，皮薄好香鼓油香味，肉嫩唔鞋，味道剛好，🐷叉燒唔會過瘦邊邊位好香有焦香且不柴，紅腸及咸旦正常水平。☕餐飲配熱港式鴛鴦，即咖啡奶茶合體，香濃有啡味，唔會太苦，夠奶，做到奶茶的滑口感覺。

Happy Sunday唔想煮, 一家人出街食呢間嘢多選擇到呢, 選擇困難慎選lol 佢有常餐 有撈丁 有燒味 有小菜 有頹飯 仲要價錢唔算貴, 都算係呢頭嘅街坊飯堂諗咗十世後我終於決定食邪惡啲, 叫咗個雞扒蔥油撈丁 上到檯其實比我想像中份量少, 但眼闊肚窄, 其實食落ok了 個雞扒唔係我食過最juicy 但都ok geh起碼唔會好鞋 蔥油一眼望落好似不存在, 但搵下都叫做有嘅, 算係咁 當係健康版蔥油都得, 佢唔會整到食完個兜都淨咗一大攤油喺度, 對得住價錢 性價比在線

黎到沙田 又唔想係沙田市中心食 所以就黎左禾輋呢邊食， 最終行下行下就揀左呢間食，坐低點野食期間，見到其他人點既餐都唔算大碟同經過隔離都沒有香味飄過黎之下，就揀左常餐算了。反而常餐都算正常，唔係吸引但又可以食得落既。豬扒意粉，味道ok意粉口感正常唔林既豬扒都算正常size,口感ok。多士奄列，正常味道，奄列都算有唔少火腿都算正常size,唔算好薄。凍檸7加5蚊，一罐上加檸檬。菜心就普普通通，有少少老，另加10幾蚊。抵唔抵就見仁見智了。總結黎講，如果無咩要求食呢間係算ok既，真係普通同睇下你會叫咩食啦，常餐自己就勉強接受到啦。

叫左個常餐 叉燒意就中規中矩叉燒一般 唔夠香湯有dd偏淡意粉就好食 無煮過熟 有咬口整體唔算係好食既叉燒意牛油多士加煉奶我唔太中意因為d煉奶滴埋落奄列d蛋度 有d奇怪至於奄列本身就一般 唔夠咸要自己落鹽雜果冰唔係用七喜做底 似普通水加糖漿d雜果唔知點解有少少臭 好似唔新鮮咁成杯野味道比較奇怪 有up味唔知冰出事定水果出事由於係要加錢飲既特飲 呢個係有d失望不過服務係抵讚收銀哥哥好有禮貌 態度超級好如果食物質素可以再提升就好!

呢間餐廳已經係禾輋商場好一段時間㗎啦除咗有普通茶餐廳，成日叫到嘅嘢食我就最鍾意食佢嘅燒味飯佢哋午餐通常都會有四寶飯，甚至六寶飯最鍾意食佢哋嘅叉燒！仲有下午茶嘅叉燒奶粉都係唔錯嘅選擇！當然啦，呢啲茶餐廳就冇得講究環境同服務啦

大家千祈唔好俾佢舖頭門面欺騙咗，入到去環境衛生差劣，同埋一開始唔會有人帶位，你自己坐咗落去之後會有人同你講個張枱唔坐得。座位衛生非常一般，你需要自己抹枱抹走上手食落既食物碎粒。食物等待時間正常，不過千祈唔好有期望，無乜味，只係充飢，同埋希望食完唔會肚痛。秘製口水雞湯麵，個麵完全無味，口水雞成碟紅油到咗落去，雞肉肉質梅到不得了，根本冇可能安心食用。下午茶大概$50，唔係特別平，食物質素低劣，請大家小心🙏🏻

買咗個燒味飯外賣，腩仔燒鴨飯，肉嘅份量少得驚人，菜俾咗一條，飲品正常，但最過分係乜嘢汁醬都無，連飯都冇落豉油，奉勸大家千祈唔好幫襯呢間嘢！真係完全冇心做，食完你只會唔開心！真係食過咁多間外賣佢係最差，你會完全完全感受到佢哋嘅態度惡劣，好似唔想做生意咁，你去幫襯佢當你係仇人，每次都總會甩漏一啲嘢，一係冇比餐具，一係就係成個飯一滴汁都冇，漏咗一包包嗰啲醬都唔緊要、個飯你都總要淋啲豉油俾我掛，都係冇，唔知佢係特登定無意

全自助餐廳餐，自己掃QR code 落單，自己斟水，都無問題。尋日自己落單，落完食物無點餐飲，搵個服務員過唻加番，服務員遠處叫過唻，叫我哋自己掃QR code 自己加。到餐果陣，唻多咗兩個餐，服務員堅持我哋自己㩒錯，無得取消，一定照收錯，咁 OK，我哋加錢要埋外賣盒。之後外賣盒有多退番俾個服務員，果個服務員好大聲咁同同事強調，我哋呢枱自己落錯單，又要咁又要咁，不停咁俾說話我哋聽！1）現時掃 QR code 落單嘅餐廳有好多，但係呢D餐廳嘅服務員都唔會拒絕幫客人落單2）落多咗餐，無得取消，我已經俾多咗錢，仲要俾說話我哋聽？我先係呢個系統嘅受害人喎！

我落單係叫鹹蛋蒸肉餅，嚟咗土魷蒸肉餅跟住嗌咗菠蘿咕嚕肉一碟，菠蘿裏面只有兩粒菠蘿 請問係咪有啲過分？重點係收（$82）一啲質素都冇！！跟住仲話廚房煮嘅樓面係唔知道 呢樣嘢我更加接受唔到之前嚟咗一次已經出錯餐 今次再嚟食都係出現同樣嘅問題 感覺有啲離譜！！唔建議過嚟食！！咁嘅價錢我去食大排檔！

係啊！如同標題一樣， 雪糕西多士冇雪糕， 成個餐點嘅賣點就係個雪糕我，買返嚟就唔見咗個雪糕，我嗌咗兩個雪糕西多士餐， 兩個餐都冇雪糕啊，一個餐要成四十蚊冇雪糕，我唔去食大家樂嗰d好過？？ 連自己個招牌叫做「和平西多士」（即係雪糕西多士），我食完想去打仗啊，仲好意思和平喎，冇可能會幫襯第二次啊！！！ 邊有可能連自己個招牌都唔認真去做， 個西多士又唔係特別好味， 普普通通， 講賣點係雪糕連個賣點都唔見埋，嘥氣

今日臨返工前同事介紹呢間茶記話小菜同焗飯都好出色不過由於得一支公嘅關係所以冇叫到小菜叫咗佢個焗飯焗飯佢都有幾多款選擇不過穩陣起見都係叫鮮茄焗豬焗雞嘅飯好啲今次我係叫咗鮮茄焗雞扒飯大家睇吓個賣相先賣相幾靚仔 份量夠多雞扒都有兩三塊而且個飯係炒底 即炒再加埋佢嘅港式濃濃茄汁底非常好味而且佢仲有芝士喺面直頭可以做到有拉絲效果茶記來講都算一線如果你話要夾硬挑剔嘅話仲可以用支火槍辣一辣個芝士面有少少燶邊效果會更加出色凍奶茶不過不失略嫌佢個茶膽有少少淡如果濃啲會更加好整體來講都係一間出色嘅茶記

今日到禾輋呢頭做野。未開工之前當然要食個早餐醫下肚啦。見到呢間和平都幾多人幫襯。就入去試下佢咩料。自家香辣肉醬米粉，配腸仔炒蛋多士。老實講自從168飲食之後我都好耐無食過早餐。多士烘到好脆。炒蛋亦都好滑。辣肉醬米粉好香。鍾意食辣嘅朋友一定會鍾意。最後配上一杯熱咖啡。醒神！價錢唔貴。又可以坐係到慢慢嘆下杯咖啡。整體成個用餐感覺良好。假如將來去開呢頭做野都一定會再回頭。而且仲可以試埋佢個午餐燒味飯添。