和平餐室 (禾輋廣場)

Open Now

Now Closed

星期六到禾輋商場購物逛逛，順便到和平餐室吃埋午餐，我們選擇頭抽炒牛河，芝士雞扒焗公仔麵和奶茶餐飲。頭抽炒牛河先上枱，我們一齊分享，味道尚可。可能星期六假期關係，餐枱被安排得緊密，通道峽窄，當女待應送上芝士雞扒焗公仔麵，手部撞到椅背整個像鐵板式的淺窩，幸好只是跌在我與隔籬的食客之間的通道峽窄上，女待應一聲也不响收拾，我們只好邊吃邊再等.....第二客芝士雞扒焗公仔麵端來，當我用刀叉切開較厚的雞扒，發覺中心較厚位置未熟，透呈現較深的粉紅色澤，我通知女待應查看，女待應同樣一聲也不响收起離開，我相估計她是取回到廚房，又再重新焗過一份給我們，一分鐘的時間的考慮，我告訴男待應我們不想再吃，請他結帳，他替我減去這份餐費，我們便離開餐廳。

今早路過禾輋商場，正想找個地方吃個早餐，剛好路過和平餐室，被門口熱情的服務人員引領了我入座，平日早上十時入座的顧客不算多。餐室內部裝修帶點復古風，坐位不算太迫，平日早上時間入座感覺很舒爽。看了看餐牌，很久沒吃過沙嗲牛肉公仔麵了，所以叫了個早餐B。早餐上桌的畫面，想不到$30的早餐用料很足，感覺不錯哦。蛋炒得十分嫩滑，值得推薦。餐包有點失望，只是室溫的餐包，如果微暖的就更正了，下次有機會應會加錢轉多士或牛油餐包吧。沙嗲牛肉公仔麵牛肉很豐富，牛肉還留有一點咬感，有懷舊的味道。奶味較濃的奶茶，茶香還是有的，算是不錯。

話說上個星期放假去左禾輋探朋友 朋友有d攰唔想岀太遠食dinner 於是就落左樓下睇下商場有咩食 原本佢諗住帶我去大排擋食野 但天氣實在太熱 我地放棄左去左一個港式餐廳食算***見到餐廳有焗飯 諗都冇諗我就叫左個鮮茄焗豬扒菠蘿飯 岀乎意料之外好好食 豬扒有肉唔會韌 菠蘿好甜 撈埋茄汁一齊食 一個字正 之後我個朋友想食燒味 所以叫左個油雞配叉燒 係由一個木埇上菜幾得意 相比起海港黎講唔會話差好多 最愛撈汁送飯 好有細個我地一齊食飯嘅感覺

新開左一段時間都未試過哩間餐室，下午茶想食波羅油，於是就入左去。叫左個燒鴨瀨粉餐再加一個波羅油。波羅油令人好失望，唔明點解要翻熱，個包太熱搞到塊皮唔脆，塊牛油熱到融晒，搞到個包勁油! 完全冇左波羅油嘅精髓同厚牛油口感。燒鴨被湯浸住，食唔到d皮脆唔脆，分開上會好d，不過幾好嘅係冇乜脂肪。奶茶夠濃。

星期日8號風球，邊度都去唔到，改掛3號風球，即刻出街，近近地揸車去行吓商場，順便搵食。俾我發現到一間，裝修幾特別，中西合璧嘅餐室，「和平餐室」，店舖外圍個燒味部，有啲似酒吧feel，就係咁吸引左我入去啦！下午茶餐大約分開兩部份，燒味部、廚房部，我哋就叫左兩個下午茶餐，一個乾炒牛河，同埋半肥瘦嘅叉燒米！重點係，我同個夥計講，我要半肥瘦叉燒啊！碗米粉送到時，真係半肥瘦啊，開心到我家人飛起啊！埋單後，仲買咗一斤叉燒返屋企做晚餐，但係買返屋企嗰斤就唔係全部半肥瘦啦，但係都好好食！碟乾炒牛河都炒得唔錯，上枱時熱辣辣，火候十足，牛肉都好軟，又唔係太多油！但係下午茶分量就少咗啲！如果女士們就啱啱夠，唔怕浪費食物！

今日好開心老公收工收得早 可以一齊去撐台腳食晚飯 我地去左禾輋個商場覓食 其實冇諗過會有咁多餐廳揀 仲要quality都唔差我地叫左個頭抽油雞配叉燒 有個木桶裝住仲有一碗白飯同一碗老火湯 都係68蚊其實都算抵 雞都幾嫩肉質唔錯 叉燒亦唔會太瘦太肥啱啱好 另外我地仲叫左個菜 xo醬西蘭飯炒鮮魷 雖然個樣係同個燒味比下去 但炒得算幾有鍋氣 有木耳青椒個d 都係配白飯同湯 只係感覺細碟左d 不過兩個人食就啱啱好 呢間餐廳絕對會有下一次 因為質素真係幾好

昨日帶囝囝去沙田運動場到跑步，就近近地行去對面個禾輋商場食晚飯，發現有間裝修幾特別嘅餐廳「和平餐室」，門口見到有個燒味部，就係個燒味部的設計，吸引左我今日去試吓！我地一行4人，叫了三個小菜，叉燒燒朒仔例牌、通菜炒牛肉、咖喱牛腩（經理推介）、一碗湯粉米！每個餸都會跟個白飯及餐湯，我地仲叫咗兩杯凍檸茶，埋單＄229！價錢尚算合理，品質方面就要大贊，叉燒真係好食到，媲美大酒樓，叉燒夠「淋」，肉質鮮嫩，最重要係每件帶一點肥，我哋就問過經理，點解啲叉燒咁好食，經理就話佢哋係用啲上等嘅梅肉👍🏻，在每日不同時段，新鮮自家燒的，所以佢哋啲叉燒特別好食！至於燒腩仔亦鬆脆，外脆內軟，也值得推介。至於經理推介的咖喱牛腩，亦冇介紹錯，咖喱汁香濃帶點辣，送飯一流，牛腩亦炆煮得夠淋，最後個通菜牛肉就中規中矩，如果啲菜可以多一啲就好啦。當我地買單嘅時候，小朋友見到門口個炮谷機，就好開心問可唔可以食架，有一個姐姐就請左少少佢哋食添，呢間鋪頭嘅員工態度都幾親民，環境又坐得舒適，鍾意食燒味嘅，仲可以外賣！

禾輋商場食肆多，食早餐都好多地方選擇，我就比較鍾意食港式早餐，從前有A，B，C餐、常餐、特餐等選擇，內容基本上都係一樣，一碗粉麵，配牛油方包煎雙蛋或火腿奄烈！今日我就食咗一個，好滿足嘅港式早餐，一碗好濃郁沙嗲味的牛肉麵，好好味！鍾意食沙嗲牛肉嘅人，對碗沙嗲牛肉麵就特別講究，我就係其中一個啦，個沙嗲汁好香好好味呀！早餐仲配上太陽蛋加火腿，還有一個餐包仔添！杯熱奶茶嘅味道都幾好！嗰度嘅環境都幾舒服，仲可以睇住電視幾食早餐！

經過見裝修都幾唔錯，有種高級茶記既感覺，但價錢又ok，又未食lunch就入去試下！可惜同長輩一齊冇影到相🙈⭕️雞脾薯格沙律餐 $36雞脾幾大隻，雞肉又滑，可惜個皮有d炸得過火😂🙈薯格好好味好脆又有薯味但得3塊🙄沙律幾多既主要係薯仔仲有d青瓜蘋果甘⭕️魚柳薯格沙律餐 $36魚柳幾大塊，中間亦多魚肉，但又係因為炸得太耐，所以個皮真係唔得！薯格沙律同上面一樣~~~🙈⭕️燒鴨河 $32呢個堅好食！河粉算大碗，又滑同唔碎！燒鴨唔會柴，好嫩又勁易咬！出面食個d通常都好柴，呢個唔會！

周末三五知己練習完波，諗住喺沙田新城市搵食，一路行一路行，搵食搵到去禾輋，響門口見到呢間嘅下午茶兩點鐘開始，廣告牌上的下午茶餐有幾吸引，門口有位小姐好好招呼咁問幾多位啊，我哋你眼望我眼，就跟咗個小姐入去啦！我哋七個人就叫左七個下午茶餐，平均每個餐約$38，我就食咗個炸雞翼拼薯架沙律，炸薯格係即叫即炸，所以好香脆，雞髀又就入味，沙律水果多個薯仔，呢個組合都幾受歡迎，所以我哋帶咗三個！其次就係佢哋啲燒味下午茶餐，燒味味道唔錯，朋友話要瘦叉燒，肉質瘦得黎都好淋，可以encore，個湯底濃郁得來亦好清香，等兩點後食下午茶，抵食又不錯！特別想讚下佢哋杯奶茶，味道香濃，對奶茶有要求嘅人，可以叫做入口！

我地d無飯主婦，每曰一到中午，就好頭痛，帶住對囝女都唔知食乜野好，由其係暑假期間，日日中午都為搵食而大傷腦筋。近排我地就多左個好地點，向沙田嘅禾輋商場入裏，有間扮高檔，其實係燒味茶餐廳鋪頭，佢哋啲午餐，好食又大份，一大兩小叫兩個午餐，就已經好夠食！午餐仲係以客飯形式，有飯有湯有飲品跟喎！我地今日叫左個梅菜蒸鯇魚，我哋同個落單姐姐講，想要魚腩位，佢笑住話冇問題，味道亦有番咁上下！鋪喺上面嘅梅菜都好多！天口熱我地就多叫了一個分蹄切鷄飯，$45份，鋪喺飯上面嘅餸新份量唔少，雞肉鮮嫩，唔「鞋」囗！今餐我地食左$96，一百元有找，合乎經濟原則，讚！

今日去咗禾輋邨商場幫啲細路買校服，順便梗係去嗰度搵食啦，嗰度出名食肆多，都真係花都眼亂，見到有一間門口比較大，裝修幾特別，掛咗好多砧板係個牆壁上，仲有舊式街市檔的燈飾，望下個餐牌，原來食物以茶餐廳為主，我同兩個師奶，就入咗去試吓啦！一踏入門口，就有個着住制服嘅姐姐問我地幾位，個阿姐見到我哋有個細路，就安排左一個卡位俾我哋，四個人坐都幾鬆動！我哋睇下個餐牌，發現都有好多種類，先叫咗一個廚師煮意的「粒粒黑白浸時菜」，原來即係金銀蛋時菜，個服務員就問我地要咩菜，佢就推介左今日最新鮮嘅白菜俾我哋，出嚟個賣相唔錯，三色蛋切成粒粒，好啱送飯，菜湯又清甜，比起炒菜冇咁油膩，好啱夏天食！今次我最想推介係呢一個XO醬蝦米肉鬆炒粉絲，炒粉絲唔係周圍都有得食，粉絲上枱時，已經聞到陣陣的XO醬香味，睇落去就色香味俱全，粉絲食落去仲有黏口嘅感覺，味道比起炒面更出，值得一試，但粉絲太索油，如果一個人食，可能就比較飽肚！我哋仲叫左碟叉燒油雞，燒味味道唔錯，我地就估係自家製，埋單時，我就問帶位個阿姐，佢話廚房係有燒爐，燒味每天新鮮製造！如果第日去開果頭，都會考慮下買啲叉燒返屋企做餸！

本身起禾輋大，呢檔開果陣以經試過好一般，又唔抵食，尋晚收工諗住食個白汁雞皇焗飯，佢上左個茄汁，咁叫佢整過，佢就整走d茄汁起上面淋返d白汁上面再焗。。。呢檔野唔會再幫襯

有一天吃早餐，餐牌上的餐包換成一塊方包，火腿扭扭粉換成粗大的長通粉，而重點是沒有人通知，放下便行了，好像是做出什麼都要接受，都是現在一般大勢所趨的，靚裝修，質素一般，包括食品及服務。

開業一年已經去到不能接受的水平了！剛開張試過奶茶好飲、即炒粉麵好好、但今天已經比連所快餐店還要差！！奶茶淡如奶水！不知所謂！星州炒米淡而無味還要凍的！蛋治也是冰凍的！價錢平貴一點也不重要！那那聲執左佢啦！