Video
3-min walk from Exit B2, Long Ping MTR Station
continue reading
Telephone
21540166
Opening Hours
Today
11:45 - 15:00
17:45 - 23:00
Mon - Sun
11:45 - 15:00
17:45 - 23:00
Above information is for reference only. Please check details with the restaurant.
夜晚帶埋2老一行4人，去番我間飯堂食飯，諗住食燒肉，去到先發現佢哋夜晚轉咗新餐牌，有日式火鍋放題，反正我喉嚨唔舒服就即管試下，我地叫咗 「花膠雞美人鍋」同埋 「沖繩黑糖豬手鍋」先講個美人鍋，一上枱時個妹妹就先斟咗四杯雞白湯俾我哋飲，嘩，真係超好飲，佢介紹時有講到只落鮮雞&鹽簡單調味，對於鐘意飲湯但好怕重味精嘅我係心動嘅，點知一飲真係見到真章，真係有濃郁嘅雞味👍🏻 飲完真係無口乾😲似日本食拉麵嗰種雞白湯👍🏻飲完個湯之後，我哋正式開始食佢個鍋，入面嘅雞食得出係鮮雞👍🏻花膠同埋啲菇，撞埋個雞白湯，入哂味味道好夾👍🏻差唔多時間個豬手鍋都上埋了，有黑糖味道但又唔會過甜，豬手都似係炆左好耐，老爺一副假牙都食到哈哈😂 味道好濃係會食上癮老公追加左份豬手，我就麻甩婆上身，追加左份雞子😂唔知呢度有冇女漢子都食雞子呢哈哈至於免費任食嘅野食方面，我覺得係ok嘅，QRcode落單唔使自己走去拎嘢食👍🏻有齊安格斯牛、鮮雞件、一啲丸類、蔬菜、熟食炸物等可以任食，食足2個鐘，連埋任飲total 每位2百零蚊，我覺得就咁食個煲都抵嘅，美中不足係個煲唔夠大令到後期食耐咗，煮太耐會滾瀉，我有同老細反映，佢話會盡快改善🌝 大家都可以嚟試吓，我同老細訂枱for慶祝母親節時，佢話母親節有優惠，每枱一位母親可以免費🌝正，我會試埋佢個蠔煲，過幾日再分享
continue reading
4月18晚餐太約8：30至10：30！不過不失！排隊時突然有員工比左柸燈汁飲！有驚喜！可能見等太耐,一個人等了1点5至2小時！叫左個B餐！因為主要想食燒雞皮！食物方面：不過不失！牛肉正常冇特別！小食吸引雞皮餃子喜歡！ （7/10）飲品方面：得3杯免費！个人怕熱！比較喜歡飲凍野！所以不太夠飲！巨峰提子好味！ （7/10）硬件方面：地方及工具上比較差！始終香港地方租金貴！地方細位置小！比較適合一至二人食或者加小朋友！如果四個大人就太迫！燒爐也比較弱火！得一些位置才有火燒！抽油煙弱！食完身上油煙一定有味！台也偏細！香港地方吋金尺土！（5/10）服務方面：排隊也有飲品！不過应看運氣！也六点几等到八点几才有位！也有毛毛雨！服務員全部也有禮！服務不算特別多！不過感覺很好！(9/10)特別：看地方感覺应不是連鎖店！应該是本地小店經歷（自己冇特別查詢）！現在大部分人北上消費！应多支持下本地小店！大型連鎖店除外！最後207$不算特別低！但可以接受！支持下香港人！
continue reading
兩口子假期前夕試新野，試左呢間葫蘆燒肉刺身嘅放題套餐，原來佢哋做緊promotion，成個四月都大人只收小童價，仲要冇限我地時間，任飲任食🤩我同男朋友，由7點食到9點半，是足佢哋好多款肉，有安格斯牛肩胛、牛版腱、牛胸腹，呢三款係我嘅首選！ 所有炸物任食，仲要係即炸嘅添！辣嘴😆 有我最鍾意嘅吉列炸蟹鉗同埋炸蠔！我食佢上級套餐，啤酒任飲！一坐低即刻飲兩罐Asahi！ 😆男朋友仲試埋佢哋杯highball +同埋screwdriver ! 冇乜放題有得飲highball，我哋都嚇親，當然即刻兩款都試晒，係好飲嘅😆炸嘢款式新又有得任食，非常好送酒❤️❤️❤️
continue reading
第一次嬲到要寫食評，未食過咁難食嘅燒肉放題，食咗半個鐘起身走人，食到好冇癮，嘢食完全冇味，啲牛肉肥到完全係擺嚿肥膏入口，兩個人埋單$400，質素仲衰過漢和，食漢和都冇咁嬲，坐得又唔舒服，張枱又細，個爐換咗三次都係壞嘅，佢應該係全元朗最難食嘅燒肉，真係唔好諗住貪平去試，伏到痴線，食完係冇飽嘅感覺真係唔知自己食咗啲咩門口個男人仲話好抵食，唔好俾門口嗰個男人氹到入去，入到去坐低啲嘢食擺上枱嗰下已經知道中咗伏
continue reading
男朋友生日同佢喺元朗搵嘢食，最近生酮關係，需要食多啲肉，所以揀咗呢間燒肉放題，環境：小店格局，地方整潔；服務：店員一開始，細心地講解每一個套餐的分別，牛肉因為比較多選擇，所以我哋都有問店員不同部位的分別，店員都有好細心地跟我哋講解；出餐時間：尚可，基本上都可以食住等，當然我哋都有個小攻略建議一開頭首先叫比較多，之後慢慢享受；食物：最平的套餐都有近30款種類，是次我們選擇了上級套餐，食物選擇再多啲之外，還贈送刺身拼盤、燒蠔和燒蝦，肉類嘅厚薄度都適中，某些款式係厚切切，都唔會韌，我諗可以自己控制燒幾耐，其實好方便配合自己對口感上嘅喜好，啤酒及其他飲品飲品都是任飲😜價錢：佢哋做緊優惠，無論大人都只是收小童價錢，和店員傾開，知道佢哋呢個優惠暫時仍然繼續，以呢個價錢呢個質素，真係好抵食，店員仲話冇人等枱嘅話，基本上係冇限時，而我的確都食咗over三個鐘，當然我哋5:45就準時入座，呢個又係我嘅小攻略，偷多咗時間，我賺咗😛所以我食到差唔多9點，佢哋有訂枱到咗，而我嗰時其實都食到超飽先還枱，佢哋仲當我係貴賓咁鞠躬多謝我哈哈😂
continue reading