葫蘆燒肉刺身

Open Now

Now Closed

兩口子假期前夕試新野，試左呢間葫蘆燒肉刺身嘅放題套餐，原來佢哋做緊promotion，成個四月都大人只收小童價，仲要冇限我地時間，任飲任食🤩我同男朋友，由7點食到9點半，是足佢哋好多款肉，有安格斯牛肩胛、牛版腱、牛胸腹，呢三款係我嘅首選！ 所有炸物任食，仲要係即炸嘅添！辣嘴😆 有我最鍾意嘅吉列炸蟹鉗同埋炸蠔！我食佢上級套餐，啤酒任飲！一坐低即刻飲兩罐Asahi！ 😆男朋友仲試埋佢哋杯highball +同埋screwdriver ! 冇乜放題有得飲highball，我哋都嚇親，當然即刻兩款都試晒，係好飲嘅😆炸嘢款式新又有得任食，非常好送酒❤️❤️❤️

第一次嬲到要寫食評，未食過咁難食嘅燒肉放題，食咗半個鐘起身走人，食到好冇癮，嘢食完全冇味，啲牛肉肥到完全係擺嚿肥膏入口，兩個人埋單$400，質素仲衰過漢和，食漢和都冇咁嬲，坐得又唔舒服，張枱又細，個爐換咗三次都係壞嘅，佢應該係全元朗最難食嘅燒肉，真係唔好諗住貪平去試，伏到痴線，食完係冇飽嘅感覺真係唔知自己食咗啲咩門口個男人仲話好抵食，唔好俾門口嗰個男人氹到入去，入到去坐低啲嘢食擺上枱嗰下已經知道中咗伏

男朋友生日同佢喺元朗搵嘢食，最近生酮關係，需要食多啲肉，所以揀咗呢間燒肉放題，環境：小店格局，地方整潔；服務：店員一開始，細心地講解每一個套餐的分別，牛肉因為比較多選擇，所以我哋都有問店員不同部位的分別，店員都有好細心地跟我哋講解；出餐時間：尚可，基本上都可以食住等，當然我哋都有個小攻略建議一開頭首先叫比較多，之後慢慢享受；食物：最平的套餐都有近30款種類，是次我們選擇了上級套餐，食物選擇再多啲之外，還贈送刺身拼盤、燒蠔和燒蝦，肉類嘅厚薄度都適中，某些款式係厚切切，都唔會韌，我諗可以自己控制燒幾耐，其實好方便配合自己對口感上嘅喜好，啤酒及其他飲品飲品都是任飲😜價錢：佢哋做緊優惠，無論大人都只是收小童價錢，和店員傾開，知道佢哋呢個優惠暫時仍然繼續，以呢個價錢呢個質素，真係好抵食，店員仲話冇人等枱嘅話，基本上係冇限時，而我的確都食咗over三個鐘，當然我哋5:45就準時入座，呢個又係我嘅小攻略，偷多咗時間，我賺咗😛所以我食到差唔多9點，佢哋有訂枱到咗，而我嗰時其實都食到超飽先還枱，佢哋仲當我係貴賓咁鞠躬多謝我哈哈😂

尋日同女朋友去食諗住試下新野 點知就中左伏 地方細 張枱細放到碗同一兩碟肉 然後就冇曬位置每樣肉有限叫而且每片肉都薄如紙叫一轉要成15-20分鐘先黎到兩人仲要每種肉限叫5片至於味道方便肉冇調味 提供的調味料只有燒肉汁同鹽醬而且衛生環境不太好我都唔太敢落d調味汁食左兩個鐘都好似冇乜食過野最後賣單有優惠都要成26x一個人性價比奇低落單方式仲用水筆同過膠卡 十分落後 食完之後成手都係綠色墨水張卡仲有血水整污糟我地個袋不會有下一次

已經係好耐之前食，唔記得咗嗌咗咩餐，不過唔係最cheap嗰隻，佢啲肉真係韌到傻⋯⋯香口膠起碼都係咬得開，佢啲肉係完全咬唔開⋯⋯真係太難食，頂唔順，然後我同男朋友冇食晒就諗住俾錢走，佢哋仲好意思走埋嚟問我哋啲肉O唔OK⋯⋯平時我哋好少嘥嘢曬到咁樣，如果係唔好食嘅，我哋通常都會起碼食到八成，真係唔想浪費，但今次真係搞唔掂，又唔係平，仲衰過喺街市惠康買嗰啲肉⋯⋯

揀左c餐 送嘅刺身拼盤3樣刺身一人得一件 不過都好彩佢比咁少 因為啲刺身質素仲差過爭鮮燒蠔又腥又細粒嘢飲每人得兩杯 飲完兩杯再嗌就要加錢 嘢飲依啲咁平嘅嘢做放題都唔肯俾人任飲 超級孤寒全部肉都超級薄切 又乾又嚡 冇一樣係好食 全部叫完一次都唔想再叫第二次 完全食唔飽間餐廳已經好細 又冇抽氣系統 所以油煙勁大 食完出嚟成身成頭都係油煙味 超級後悔去咗食 成餐飯我諗唔到邊一樣嘢係好食 每人298仲要加一 咁嘅質素竟然夠膽收咁嘅價錢 去食牛角會開心好多

番約埋三五知己，成班嘈友搵地方聚會最怕太靜嘅餐廳😆今日試朋友推介嘅燒肉店食放題🤤朋友叫左個D餐！送「鹿兒島和牛」「蒜蓉燒蠔」「燒蝦」「刺身拼盤」 ❤️omg太多了吧🤤燒蠔好正😊脹卜卜，而且嗰啲蒜蓉睇到調咗味，好方便，唔使自己調味，蝦我敏感，俾晒其他朋友食，仲有「清酒煮蜆」「蒜蓉燒青口」」「蒜蓉小貝柱」，我妹仔肚食唔到，朋友一次過嗌咗勁多！過足海鮮癮😆我就梗係佢嘅安格斯牛啦！啲牛都紅卜卜，睇食評啲人話佢哋嘅牛油問題？我覺得OK喎，紅卜卜之餘，都有幾款靚牛選擇，鍾意食肥啲嘅就有「特級牛五花」」「「安格斯牛空腹」，我就鍾意食有牛味香啲嘅「安格斯牛版腱」「安格斯牛肩胛」鹿兒島和牛，問侍應話和牛係肩胛位，非常可以，不過食幾塊就油膩好飽🤪安格斯牛牛肩胛、安格斯牛版腱，幾靚仔🥰肥嘟嘟，厚薄度適中，最怕淨係一味追求厚切，完全唔識食燒肉嘅人先至淨係識厚切，佢哋呢個厚薄度，我可以食到好多塊，亦都方便我亦都方便我燒烤，可以好快就食到，有冇錢賺㗎？🫣放題有呢個質素，非常OK，平時食開放題，淨係得啲筋同埋肥肉，一係就太厚，一啲牛肉嘅口感都食唔到，呢一間食放題，果然冇介紹錯！基本上咩口感嘅牛都試到，可能因為我叫D餐

第一次寫食評，差到忍唔住要寫，避免更多人中伏巨伏！肉質素差，仲差過超市買剩肉，又細又薄又變哂色仲差過小學雞燒烤既野食店舖自己食得落口先好開門做生意吧絕無第二次吧

間嘢得罪咗咩人😂我又差隻腳先，真食客comment😂呢間放題安格斯牛任食，一人只係2百蚊。要食到有質素嘅牛又可以食到唔同嘅食品，呢間任食放題,係新界唔錯選擇，呀叔我最鍾意揸車睇住Gxxgle地圖 + Openrice周街搵食。唔我俾佢哋sell到C餐，但其實我並唔豪氣，因為佢哋做緊優惠時段收小童優惠價$238。送刺身 & 炸野拼盤、仲有3隻蒜蓉燒蠔(可以揀大蝦)，仲有2杯飲乜都得喎，非常充實蠔相送個刺身來我即刻食哂，幾款都夠鮮味燒蠔好入味，食夠3隻過足口癮炸嘢呀叔唔敢食得多，不過我諗呀囡喺邊度實食哂，岩哂小朋友，我揀C餐除咗牛之外，其實仲因為有任食安格斯牛肩胛、醬燒墨魚仔、清酒煮蜆睇下啲墨魚仔幾脹卜卜，好吸引以下呀叔要食家上身，話說好多友成日都認為抵食就要夾大件，錯啦，真正公道嘅識食係要識留意個師傅想法，究竟佢哋有無衡量食材本身嘅屬性下，為客人作出最岩嘅安排，例如燒肉類：安格斯牛肩胛，牛板腱等等切法，呢間個厚薄度是正確，因為本身該部位係有少肥肉+少筋位，太厚就會難熟而且咬落會難咬，亦不能讓客人用膳時盡情投入地，一口一啖肉嘅燒肉基本要求；牛胸腹 & 牛五花, 係屬於相對重肥肉+有筋嘅位置

呢間燒肉店成日聽啲飯腳提起，於是今日就試下佢真章～佢哋晚市放題 有4款，而我就揀咗 C 餐，仲因為我8點半後坐低，所以 全部只!收!小!童!價! 仲話 如果無人等位訂枱，基本上係無限時！任食！ 大癲！！！！！C餐: 大人價$298, 小童價$238, 我今日4個大人，位位只收 $238 仲要真係由於夜咗無人入坐，真係無趕我哋班友走 任我哋食！送嘅燒蠔有調好味嘅蒜蓉配料，夠肥夠甜！我後尾仲encor 咗半打hahaC餐安格斯牛種類都夠選擇，任食仲有牛舌，牛舌同啲牛切得厚薄適中，識食嘅都知，太厚又會食得幾塊就太膩就飽 , 老人家又點會咬到，所以我buy 佢哋個厚薄適中，難聽啲講，任食喎！我食到幾多就當然好depends自己啦，好采嗰日我夠餓哈哈食幾多嗌幾多❤️👍🏻 早幾個月晏晝食過一次，對比返今日，啲牛嘅厚薄度的確改善咗，牛舌仲大塊咗！幾款牛都紅卜卜，個日本雞肉好食有雞味唔蘇！又有啲墨魚仔, 鯖魚, 腩片, 厚豬頸肉,大塊日本雞皮燒等等等⋯⋯細佬難得入嚟元朗陪我食飯，後生仔食得好飽好高興😆佢哋嘅牛無做醃味，要俾讚！食開燒肉都知，咁先係日式燒肉店，咁先食到牛味。牛仔骨嘅口感來源，本身就係由

我第一次未食完餐飯已經忍唔住打負評....佢係我依兩年食過最差既餐廳當初第一次行過見到老闆好誠懇咁介紹, 話自己媽咪係日本人啲食材當地直接拎特別靚, 而且今個月仲做特價全部人小朋友價錢不限時去到今晚我特登去食, 真係超級無敵後悔, 亦明白點解老闆要咁誠懇拉客!!!1. 餐廳抽風好差, 但每台都燒緊肉好大油煙, 入到去隻眼已經唔舒服2. 每張枱都好細, 唔會夠位放嘢食, 搞到生同熟嘅嘢要迫埋一齊放3. 啲肉薄到我以為自己打緊邊爐, 燒一燒就黐底, 仲要完全冇調味咁, 同自己喺凍肉舖買嚿肉返嚟解凍完直接燒冇分別4. 叫咗兩杯乳酸飲落係暖嘅, 叫支啤酒係室溫嘅5. 成餐飯我見過兩次有細蜘蛛喺前邊行過6. 每次叫完嘢食都會收走張餐牌, 想落單就要再叫佢俾張你, 感覺就好似唔想你落單咁7. 個青瓜係酸到誇張, 一咬即刻吐出嚟餐飯真係好差, 食完超級不爽, 大家真係三思而後行, 唔好俾錢買難受

叫左個B餐，都冇預佢好好食，但佢d牛真係好韌，牛仔骨直頭咬唔到🫠環境方面，好大煙，係咁流眼水🥲每次叫野食都收起畫野食個牌，每次叫野食都要問佢攞，好煩！冇預你好食，但都唔好差到咁丫！

最近我想吃燒肉，恰好在元朗附近發現了一家名為「葫蘆」的燒肉餐廳，於是決定前去一試。既然是平日午市，餐廳有提供一些優惠的午市套餐，但我還是選擇了一人燒肉套餐「安格斯牛肉及牛舌芯套餐」。令我印象深刻的是，餐點送上來的速度非常快。餐廳提供了三種醬料供我選擇,分別是鹽醬、燒肉醬和蒜味。我發現鹽醬最為適合，只需少量就能突出肉的鮮味，而燒肉醬則太過濃郁。至於燒肉本身，剛開始可能爐還未完全熱透,所以烹煮的過程較慢了一點。而張枱較細，燒肉時有點手忙腳亂。肉方面份量較少，如果男生相信要增量才夠食。味道、肉質正常，其中牛肉的部分，肥膏的比例稍多，在燒烤過程中會產生一些脆邊。價格算實惠 - 單一套餐$78，有三片牛舌芯和四片牛肉。（雖然好薄身） 但碗飯夠大碗，可填飽肚。$2加購一杯熱飲，我選擇了養生的熱生薑蜂蜜飲品，應該有助消化。整體來說，不過不失，評分如下：環境：🏅🏅🏅🏅味道：🏅🏅🏅性價比：🏅🏅🏅🏅

我同女朋友尋日，揀左C餐優惠價268，加埋加一差唔多三百蚊.一坐低已經唔對路，d煙周圍都係，通風極差我女朋友比煙燻到流眼水.我唔知點解有人影到有d肉又大又厚但我尋日食既係一係薄到痴線，一係韌到痴線.而且細到好似未張開既tempo紙巾咁大叫既金菇得一啖，重要叫咗幾次就話賣晒.而翠肉瓜兩塊仔都比佢切到得1mm厚，食刀功呀？就算唔講份量，啲肉味道都麻麻. 個麵豉湯淡到似水，連叫貨嘅中華沙律都係又硬又冇味.未試過呢個價食倒咁細既份量同咁劣既質素…..咁佢地要用膠板用白板筆落單，就填左兩次清酒煮蜆，廚房都扮晒野睇唔倒咁唔上菜，要搵職員叫先上.而且我地每次交完單，佢都好似收埋左塊板咁，要叫先會拎返塊板出嚟.係咪想增加我地落單成本黎到慳皮？感覺好唔老實咁.呢間餐廳真係冇一樣野係做得好，咁既價錢咁既質素仲收加一，其實都算厚顏無恥.真係好後悔尋日冇影相影低佢地既罪證

行過朗屏天橋底見到有間燒肉店做緊放題特價又見到門口店員(後黎先知原來係老闆)態度非常之好又落力介紹，所以就訂左另一晚既晚餐。現在佢地做緊七時前入座B餐原價$208會特價$158。先講環境，呢間小店得30個座位，中間既二人枱係比較細張。抽風系統係比較麻麻但都可以接受。燒肉既牛肉係中級質素唔算太靚，但都靚過其他百零蚊平價燒肉同火鍋放題果d好多。豬肉就唔係用平價巴西同美國豬肉，所以算係幾好味。雞肉就最正啦，估唔到百零蚊會有日本華味雞食👍其他菜蔬同小食都合格啦。服裝方面就真係唔差喎，店員幾勤力清枱又好肯回答客人問題👍希望小店能夠再努力改善吓個排風系統同繼續增加多d小食同蔬菜😊