三鍋

Open Now

Now Closed

朋友介紹呢間位於銅鑼灣火鍋店d火鍋料好新鮮同湯底都好足料，所以決定黎試吓，其實都唔難搵，喺地鐵站行幾分鐘就到，雖然佢係樓上鋪，但裝修一d都唔差，坐得舒服，又唔迫。胡椒豬肚湯，個湯底真係好多配料，有豬皮，蕃茄，豬粉腸，豬肚，咸酸菜，九菜，未打邊爐前飲一飲個湯底，都好濃郁，好重胡椒味，豬肚同粉腸都好淋，唔會好韌，淨係食配料同飲湯都好滿足。鮮雞，雖然叫咗半隻，但都好大碟，隻雞非常黃油，用黎打邊爐勁正，d雞肉好嫩滑。炸魚皮，片片都好大片，唔會碎濕濕，炸得香脆唔油。手打墨魚丸，勁爽口彈牙，食得出非常新鮮。九菜餃，粒粒都好飽滿，勁大粒，入面好多涵，唔使點豉油都好夠味。粟米，好甜，係貴價果d超甜粟，打邊爐最啱。

上星期生日，靚仔同事請我食生日飯, 佢知我最鍾意打邊爐，所以帶咗我去宇宙商業大廈度食! 我心諗，宇宙喎，去飲酒飲得多，有得打邊爐嘅咩，嗰度全海景個喎，對住全海景打邊爐咪好疏肝! 結果我帶着一堆？，就去咗「三鍋」啦，一如所料，真係對住無敵海景!講返今日嘢食，其實佢有個午餐，$80有找，超抵食，肥牛，響鈴，魚片，你諗到嘅打邊爐配料，都可以選擇。不過見我生日，靚仔同事話豪一番，請我食散餐😆胡椒豬肚湯底: 配料充足，又香又辣，基本上用佢打邊爐，唔使點醬都好好味😊主角本地肥牛: 唔好講咁多好行嘅形容詞，兩個字，好正鴨血：識打邊爐嘅一定會叫鴨血，質地充滿彈性，唔會一夾就散。仲有間VIP房，仲有得唱K添，下次晚飯一定book 佢試下!

冬陰功湯 - 特色鍋底真係冇令人失望，酸辣適中，鍋底非常大、無需擔心加湯煩惱，香味濃！仲有兩隻大青口添！手切雪花牛小排 - 厚度適中，會費大約12 秒就可以食，入口即溶！濃汁和牛丸 - 牛丸帶有牛根，口感十足，帶有湯汁不會太乾身係秘制西洋菜餃來 - 脹卜卜，皮薄餡靚，韭菜味濃厚，與湯底很夾豬肺 - 新鮮豬肺香港邊爐比較少見，厚切口感，顏色光澤，推介！脆皮鯇魚腩 - 肉質彈牙，主要有兩條長主骨，拔後給小朋友吃，啖啖肉，好好吃😋稻庭烏冬 - 全晚最驚喜，冇諗過冬陰功湯同埋烏冬可以咁夾！每口烏冬也掛上湯汁，建議最尾階段先吃，因為冬陰功湯越煮越濃，正！

朋友話食左間邊爐好正要帶我去。位置小隔涉，早排係樓下間西餐食過飯，都無留意到隔離大廈有火鍋店。一入去餐廳，格局好唔似餐廳，似私竇😂。餐廳係散叫火鍋，價錢中上。湯底叫左胡椒豬肚湯，仲有啲佢地自己煲嘅湯底，但叫完先知原來可以雙拼！蝕左🥲🥢胡椒豬肚湯底（$138）個鍋一上台，我就哇左出聲，勁大個煲😂😂😂你地去到自己feel，個湯底有唔少底料，蕃茄、唐芹、酸菜、豬肚、粉腸，食到尾仲有，又唔係Hea你是但比，食落新鮮，粉腸都乾淨。湯底帶胡椒既辣，唔會淡茂茂。🥢手切雪牛小排（大）（$338）又係勁大碟😂開始感受到佢地份量之多。雪花睇落靚，食落仲正，每塊有返咁上下厚，食落好有滿足感，啲油花越嚼越出，好正！本身想叫本地手切牛，店員話今日啲牛唔靚所以無返貨，下次要食本地手切牛！呢個牛都必點！但兩個人可能叫細好啲，可以試其他肉，油花會令食到後尾超飽。自家製韮菜餃（$68）有6隻脹卜卜嘅餃。首先佢地包得好靚，自己都有包開餃子，好明白9菜超易出水，會令餃子皮濕同爛，但呢到既餃子放耐左都好乾身，唔會出水，唔會d皮痴埋曬。上菜時店員有講係岩岩包。食落好飽滿，皮薄煙un，9菜新鮮爽脆，好好食！超值呢個價。🥢白鱔片（

收工又行去宇宙商業大廈附近睇吓有咩食，見到上次食既PASSION FRUIT LEMONADE，旁邊有個指示牌話2樓有火鍋專門店，適逢呢排落雨涼涼地打下邊爐都好喎，二丁友就貢咗上去環境幾舒服，就算我兩個人，都坐到四至六人嘅卡位。每張枱都寬敞闊落，同時間見到有兩個飯局喺唔同嘅房間，職員話呢度有卡拉OK同麻雀枱提供，下次收工真係可以約埋班同事訂枱喺呢度食。湯底方面，揀咗椰子雞煲。個鍋一上，真係嚇親😨，即刻攞我隻手掌拼埋去俾大家睇。先上係椰子水，煲熱啲椰子水之後就可以落雞㗎啦。讚一讚啲雞先，一滴血水都搵唔到，處理得好乾淨冇毛，刀法俐落唔會有碎骨。椰子水滾左之後就擺咗啲雞同椰子落去，再次滾起之後，一定要飲頭啖湯，超級清甜，我都建議大家飲咗湯先再加湯食火鍋。而且啲雞肉嫩滑，$198呢個價錢真係抵。另外仲叫咗：台式鴨血、凍豆腐、本身想食極品本地手切肥牛啊但係賣晒，改叫手切雪花牛小排（小）、豬夏青、手工花枝墨魚滑。全部嘅份量都對得住個價錢，整體來講價錢同食物質素係成正比。最意想唔到係，邊食職員會幫我哋邊隔油，真係第一次喺出面食火鍋有呢一種服務。始終兩個人叫唔到好多餸菜，等埋下次同埋班同事，三五知己黎

餐廳係商業大廈入面，樓下沒有什麼廣告，入到去環境都好大，還有幾間廂房，同朋友打邊爐就啱曬 火鍋湯底點了胡椒豬肚湯($138)，個盤好大，打起邊爐時很爽，胡椒味很重，夠曬辣，除了豬肚之外，還有豬皮和粉腸，味道都不錯這裏除了有生猛海鮮之外，店員還介紹這裏的餃子和丸類都是自家製，特別是餃子，即點即包，聽落好吸引，所以點了花枝墨魚滑($88)和手工鮮蝦水餃($78)墨魚滑很重膠質，彈牙，一碟可以做到差不多有十粒鮮蝦水餃又肥又大隻，真材實料有原隻蝦、豬肉和雲耳紐西蘭羊肉片($138)味道幾好稻庭烏冬($48)，以為只有一件，點知打孖上，很抵食

已經好耐無出街打邊爐喇，今日跟朋友去左銅鑼灣一間好私人既火鍋店，可以唱K 打牌， 好岩聚會既一個地方，服務好好。我地叫左個胡椒豬肚湯 $138，湯底唔算濃，但係有好多配料，有豬粉腸、豬肚、豬皮，食晒先開始打邊爐。唔算叫左好多野食，但份量都大，食到好飽。新鮮雞半隻 $78，望落好靚，食落啖啖肉之餘，啲雞肉唔會好鞋。手工四寶丸 $108，雖然得8粒，但真係食得出人手製造，真材實料，好彈牙，4 款都好味。即炸響鈴 $58，浸三秒就剛剛好喇，邪惡味道，吸晒啲湯既精華。牛骨髓 $68，質感軟身，白雪雪，軟淋淋。打邊爐都要飲下野，飲品就係支裝，藍妹 $22同蜂蜜綠茶 $18。

叫咗個蕃茄薯仔鱷魚湯超多鱷魚肉 勁多骨膠原 覺得個湯好特別因為出面好少有鱷魚肉好足料 第一次食到鱷魚肉估唔到係咁爽口彈牙叫咗個手工梅菜豚肉丸 (如果鍾意食梅菜蒸豬肉嘅朋友就啱晒)我超中意食另外我覺得個蟹柳超有蟹味肉類 就叫咗兩款一款係西班牙黑豚梅肉 另一款係羊肉先講下黑豚梅肉先！好嫩口 仲要好滑 超級推介！必食！羊肉呢非常之新鮮 食落口完全唔覺得有羶味珊瑚蚌 估唔到超大塊熟咗之後 仲係好大塊啖啖肉之後我哋仲叫咗一個烏冬同埋娃娃菜都係好新鮮同埋配埋個湯度烏冬就好好味仲要佢哋服務態度超級好老闆仲要好細心介紹湯底材料好推薦大家嚟食呀

限聚令下唯有4位私交去打雀局放鬆下。見到介紹有電動麻雀機又可以有房，就試吓新嘢。呢間打邊爐新開，希望D野特別D又新鮮啦。D老友食完都話嘢食新鮮嘅，因為冇任食放題，所以價錢就唔會諗住平，不過係正嘅。對於我哋呢啲酒肉朋友，真係好多酒揀，有日本清酒，紅酒同威士忌🥃 不過酸梅湯就賣晒最正就係湯底，我揀左推介嘅响螺頭雞湯，先飲鮮雞湯再打邊爐。推介手切本地牛肉，肉質鮮嫩，冇渣。同埋脆肉鯇魚腩，不過冇預定，只得一碟，冇得encore🥺