小王牛肉麵 (Closed)

今日放假，起身就去左呢度食，第一次去，先講餐牌，下午餐都5係太多人想食既野，感覺下午茶餐形同虛設，是日特飲都5特別既，除左珍珠奶茶叫做特別d之外，好坦白，如果係想平比人就真係比d好野黎，5好整d冷門野，食物普通，玫瑰柚子茶不錯，但服務態度有待改善，個呀姐好惡，員工睇落不太熟手

呢一年食左“新竹炒米粉”不下幾十次，之前一直好美味，屬於我在香港食過最好吃的炒米粉了，所以不時會外賣返來食！但是今天的炒米粉讓我超級失望。首先米粉好乾，無味，睇落去就係用水隨意煮了一下，擺入餐盒，跟住炒左其他配料放在上面。OK，我自己撈一下，無奈真的太乾，還有一些米粉根本就是白的。以前好有滋味的炒米粉去左邊呢！？同之前比真係差好多！給一星是因為不能給0星！不知道是不是轉左廚師，就算係新廚師，都唔應該咁處理呢道食物。簡直對「炒米粉」的不尊重。

中午時間1點鐘，等候時間正常，1人食飯當然食小王牛喇。還記得新開張時，份量及味道十分滿足。但是，現在食物的份量少了，叫了牛腩麵，不過變左碎腩麵，哈。1舊半肉及1大舊根係正常大小，不過其餘都是碎碎的肉粒。下次都係食返半根半腩麵。珍珠奶茶跟餐$8係抵，不過我希望可以食返以前咁好味，有待改善，俾多次機會先，因為我感到自己還是一個小王牛既死粉絲。哈。註：我在C8位牆上打死一隻小強（中等身形），希望小強兄一路好走。完。

今日同男朋友去沙田 我地好肚餓 由於小王牛肉麵比其他餐廳快有位 所以決定食 其實已經係第n次食 每次都食半筋半肉麵 但今次我試新野 沙茶牛肉拌麵 雖然啲牛肉好淋 但我覺得個味好唔襯個麵 唔夠味 好淡所以食唔晒 但不得不讚個酸菜 每次都會食埋我男朋友碗內既酸菜 hehe 我男朋友order 咗鹽酥雞扒滷肉燥飯 肉燥汁不夠 雞扒炸得香口 不太咸 味道適中我同男朋友每次必嗌既珍珠奶茶好滑不會太甜 略嫌太多冰下次都係專一啲 嗌番個半筋半肉麵下次試下叫佢俾多啲酸菜先

很多朋友喜歡到台灣遊行，台式口味在港亦大受歡迎，以我為例就超喜歡吃牛肉麵。 「小王牛肉麵」來自高雄，主打麵食配搭各款小吃，也有些來頭。它的牛肉麵說是用清御廚配方煮成云云，在高雄當地相當受歡迎，也參賽得過獎，可說受到廣泛認識。 一些招牌麵如「皇膳芙蓉牛肉麵」和「牛頸珍味麵」，在香港分店每日限售十碗及二十碗，從 marketing 角度其實是幾中 point 的。爭先心態嘛。 我先來碗「半筋半肉粗麵」$59 湯底有甚濃藥材味，味道對胃口。餐單解釋湯底有八角、黃蓍、甘草、當歸等藥材，可以提升牛肉鮮味。這些都是有益的藥材，也可養養生。 麵條是台式拉麵，口感較煙靭，寬麵條可吸收湯的精華。 牛腱夠入味，筋也炆得軟腍，不錯。 到吃叧一款「原汁牛肉麵」$55，刻意選了幼麵： 兩款麵底都試過，結論是粗麵確實比幼麵好。舖頭把幼麵煮得太腍，而粗麵則能保持煙靭口感。 牛肉價錢比「半筋半肉」的牛腱平，賣相係無咁靚，味道卻很相近，可說是得到後者的神髓。所以如果只想吃牛肉，我個人覺點這個已經足夠。 結論是︰粗麵配原汁牛肉，是抵食又好味的配搭！ 小吃有「滷水牛肚」$42 牛肚有厚身和普通

【純文字討論】岩岩開業嘅時候食過幾次，D麵質係真係好出色。上星期去食，簡直攞你命三千！堂食D麵竟然可以仲諗過茶餐廳外賣褔麵，冇乜事奉勸大家可以唔洗衝入去以身試伏。

好失望呢～難得weekend 可以同媽咪食晏，但原來 weekend 無得加錢嗌特飲。媽咪嗌咗個台式鹽穌雞扒肉燥飯，而我嗌咗個鹽穌雞扒面。食完我哋都異口同聲講：點解可以咁難食？啲鹽穌雞扒係真係好大件，但我諗7成都係炸粉，肉其實得好小，而我真係唔可以成舊吞落肚，每啖都要咬開啲炸粉。啲雞食落口仲有雪味，好唔新鮮，連媽咪都係咁話。面質我選擇咗幼面，可惜煮得太淋，但還可以接受。食完後我覺得成個面最好食係條菜囉。。。 下次唔會再嗌炸雞。

小王牛肉麵是其中一間我跟女友常來的連鎖店。今天我們又來到沙田連城廣場的分店吃午餐。Xiao Wang Beef Noodle is one of the chained restaurants I always come with my girl. Today we went to the store in Sha Tin.味道 Taste：8環境 Environment：7.5股務 Service：7.5一如以往，女友叫她最愛的原汁牛肉麵。湯底略鹹，但附上的酸菜為這碗牛肉粗麵點綴不少。She ordered her favourite Beef Shank Noodle in Soup.The soup was salty, but the pickle enhanced the flavour of beef noodles.我就叫了鹽酥雞扒麵。同樣，雞扒味道略鹹，但炸得酥酥脆脆，令人食指大動。I ordered Salted Crispy Chicken Noodle in Soup.The chicken was salty, but crispy and savoury, w

其實成日都嚟呢度食，又好食又抵食！今次同朋友放工嚟食，叫左牛三寶面，豬手伴面，牛肚粉皮，炸雞扒。每日仲有特選野食，叫飯/面加8蚊就有一杯，我地叫左珍珠奶茶同蘋果茶！牛肚粉皮真係好好食，辣得過癮，而且我本身就好好好中意食粉皮，所以覺得好開胃，好醒神！豬手伴面個味道就好足，我最中意係有好多配料，個汁都好好味！老實講，食過某連鎖台式餐廳嘅“葱油面“，小王好食好多，而且小王仲有埋豬手，價錢竟然平嗰間三十蚊，小王只係48蚊，抵到呢！雞扒就相對嚟講麻麻地，感覺太油膩，可能我地已經食飽卦，食兩件就覺得好滯。。。珍珠奶茶正，8蚊簡直超值！

係新城市內價錢合理，環境一般，人多人多都招呼不足，我點牛肉粗麵加珍珠奶茶，味不濃，牛肉沒過份靭，麵條合格，有口感但不過份，整體尚可，珍珠奶茶算滑沒唉口，不會過甜還可，裝修簡單，尚算清潔

因為我不嬲都係比較鐘情台灣啲滷肉飯或者係滷肉，所以我今次嚟到小王牛肉面食下午茶嘅時候我就叫咗個台式肉燥鹵蛋拌麵同埋一杯台式嘢飲（唔係好記得係乜嘢）。個台式肉燥鹵蛋拌麵我就覺得都唔錯（唔會話好細份），至少我覺得幾符合我嘅口味同埋要求，唔會好咸而且啲汁唔會好水或者好淡（因為有好多餐廳嗰啲滷肉都係超級唔好食，而且有時仲會落埋青豆-_-）不過價錢方面我就覺得唔係好大眾化如果可以平啲就好，因為佢依個下午茶嘅價錢依然可以追得上一般餐廳嘅晚餐價錢。

同屋企係沙田買完野，有d肚餓，去左連城搵野食咁岩係下午茶時間，就見小王多人食，就入左去食！叫左兩個下午茶餐，都要40幾蚊個架，不過味道唔錯架豬扒飯台式鹵肉蛋拌麵係粗黎，好味！件豬扒係我屋企人比我食士林炸雞扒好香口

幾年前初開張，個牛肉牛筋麵真係好得！個湯夠濃又夠香！頭一個月，成日專登去食！當時個珍珠奶茶都好味！點知過咗幾個月就大不如前， 完全唔係嗰回事！鹽酥雞都唔好食又乾又咸又硬。朋友返嚟香港想再去食牛肉麵，我就唔想再試，叫咗個豬手乾麵！竟然好食喎！個豬手好林好入味，乾麵啲汁又啱啱夾到。之後都有再去食多幾次真係好食喎！不過其他嘢就越嚟越唔好食囉！

適逢一田大減價，就算是星期一的下午，沙田食店依舊多人。好不容易找到一間不是太多人等位的食店，我和朋友兩人，侍應說如果分開坐就立即有位，分開食有什麼意思？當然拒絕！其實只是等多兩分鐘已有連位。原來這食店３時已到下午茶，不錯不錯！不過來到小王牛肉麵當然想吃牛肉麵，可是下午茶MENU沒有這個選擇，那唯有試其他了。我們點了擔仔麵和牛肚麵，跟餐送一杯凍蜂蜜冰茶如要選其他飲品（食店稱為特飲，其實只有約４個選擇，如有珍珠奶茶和紅棗茶）要加８元。這個就是擔仔麵第一眼看實物時，我以為這是肉燥麵，因為我記得MENU用英文介紹擔仔麵時說有PORK.....所以跟我想像中有出入。其實同肉燥麵無分別，但侍應堅稱這是擔仔麵....　四十多元食個像肉燥的麵，唔抵！而且唔係特別好食！而麵亦不見得特別，不推介給大家！朋友點的牛肚麵朋友說跟茶餐廳的味道差不多，不是特別有台式感覺。而且牛肚份量少，不值四十多元。另外加了８元點了珍珠奶茶，冰的數量多到嚇親人！沒想到無叫「少冰」，就出現半杯冰的情況，奶茶很少，很快便喝完此外，我們大約下午四時吃完，這時候已經沒有人排隊等候加上這間食店不是快餐廳，價錢又不算便宜（要收加一）吃完坐著

假期好天氣，當然去下人多既地方湊熱鬧，去到沙田行街街！沙田都好似多左好多美食，可能人多左掛！入正題！是日晚餐！小王牛肉面！我同朋友都餓了，叫左個前菜就係三.杯.雞！香味飛樸到我個鼻！醬汁果然先係皇道！完全帶出了雞的味道，嫩嫩啖啖肉配上特製醬汁，你能幻想到嗎？口水都流緊啦！推介度雞排肉澡飯台式食品，炸雞賣相一般，好似皮肉分開咁，飯有少少硬，同我想像中既肉澡飯有點出入！令我有少少失望！推介度到左招牌菜，叫左個牛腩粗！果然牛味出眾既！嫩滑！而且個面都非常好味道，我湯汁都想飲埋佢推介度一個字，正！！