小王牛肉麵 (Closed)

之前係銅鑼灣食過，今次嚟到沙田。星期五都唔洗等位牛肉麵同半牛筋牛肉麵，兩個都擇左粗麵同酸菜。首先個湯既味好特別 好似有d藥材味但牛味都濃牛肉係好林同滑 唔會咬到好老咁 抵讚，牛筋無乜蘇味同非常林 好易入口，粗麵就不過不失 都好有咬感。鹽蘇蚵仔出奇好食，唔會好油 細細粒好易入口

今日同朋友係叫沙田行街街，想食個早飯，沙田太多選擇，朋友突然想到小王，咁我又好耐冇食台灣野，就拿拿聲去食，因為想避開晚飯等位時間，好彩去到唔洗等位，yeah!坐底睇餐牌，好鬼多野都想食，最後都叫左半筋半肉牛肉麵，台式鹽酥雞扒肉燥飯，三杯雞，麻醬青瓜，仲叫埋燒仙草冬瓜茶😜唔係等左好耐就有野食上枱，先黎半筋半肉牛肉麵，賣相同係台灣食差不多， 先試湯底，好味，濃味又唔咸，半筋就淋左少少，但都唔錯； 之後就上鹽酥雞扒肉燥飯，嘩.....正！ 雞扒大大塊，抵食又好味，肉燥飯就細左D, 份量多返少少就更好，嘻嘻！三杯雞好惹味，配料都好好食，連薑片都食埋！ 杯飲品就甜左少少，下次要超微甜

拜山之後，與家人到新城市找吃的，由於家父未吃過小王牛肉麵，就帶他去試試. 下午4時多，店內只有零星食客，格外寧靜. 下午茶餐牌與荃灣& 奧海城有所不同，那2間有供應原汁牛肉麵，而這店卻只有牛肚麵，所以家父就選了牛肚麵了. 而我因為不太喜歡吃牛肚，故決定試試肉燥豬扒飯. 不用加錢的餐飲只有蜂蜜冰茶，就選這款好了. 蜂蜜冰茶 這店是以外賣杯盛載的，而上述提及的分店就用上可沖洗的杯，比較環保呢! 蜂蜜冰茶味道清淡中帶少許甜，個人幾喜歡呢! 肉燥豬扒飯 ($42) 以碗盛載的肉燥豬扒飯，份量不算多，大約有一碗飯，面層放上5件豬扒，雖然夠熱，可惜絕無肉汁，而且相當乾柴，都幾難食!! 最令人失望的是，底下的白飯只是微暖，不是熱燙的，所以到小王叫飯來食實在是一個錯誤!! 牛肚麵 ($43) 至於家父的牛肚麵，雖然我沒試，但他說湯底濃郁，而且麵條有咬口，實屬不俗. 連店名都叫小王牛肉麵，我這次居然吃飯，所以即使難吃，也是自找的 P.S. 這店全日也有加一服務費的 沙田沙田車站圍1號Citylink 1樓102-103號舖 2693 2288

平時Lunch見到有好多人排隊，所以決定黎試試。我叫左個鹽酥雞排麵。塊鹽酥雞排好大塊，差唔多有成塊面咁大塊炸得好鬆脆，但又唔會好油，我食完塊雞排都飽左8成。而d麵就不過不失，幾有咬感。

晚上在小王牛肉麵吃$24台式千層蛋糕層層壘的蛋糕有朱古味，頗清爽可口。蛋糕上那口忌廉賣相就差咗，快溶了！$8加餐飲熱玫瑰茶幾有清新感受！我因為不肚餓，所以晚飯時候吃得輕量級。$22朱古力雪香$54鹽酥雞扒飯家人的晚飯有大大塊鹽酥雞扒，我試了少少鹽酥雞扒，皮脆肉滑，配三粒青瓜，蔬菜會太少。

沙田食任何一間野都要等, 小王亦唔例外, 門口長期有等位既食客, 接近4點黎到一樣要等20分鐘, 而且會要求齊人先可以入去。因土地問題, 枱同枱之間非常貼近, 唔係傾秘密既好地方原汁牛肉麵, 同台灣既牛肉麵好似無咩關係, 港式牛肉麵是也, 仲有D咸, 但牛肉都幾多鹽酥蚵仔好香口, 超級脆, 份量都唔少, 鹽酥杏鮑菇就一般貨仔, 但2樣都勝在係新鮮炸出黎, 唔似係番叮飲品選擇方面有幾款特別野, 古早冬瓜茶和洛神花山楂茶都好飲, 下次黎我會HIGH TEA 形式淨叫小食加飲品都唔錯~但長期等位都幾難再想幫襯, 係沙田太少野食選擇定太貴呢, 其實唔覺得值得等咁耐

行完一田後，到了晚餐時間，周圍食肆都人山人海，在朋友推介下來試試台灣菜剛入座店員已經很快手，立即送上餐牌來點菜，上菜速度很快捷。發現每張檯實要order個牛肉麵，當然我也唔<撿輸>牛肉麵 （$49）裡面有四大舊的牛肉，肉質鬆軟，還很入味，最有驚喜是個湯底，甜而不膩，令人引不住飲多兩啖湯底。當中加了雪菜進食，酸酸味味，更開胃手抓餅 （$19）份量較少，個餅較為乾身鹽酥雞（$28）鹽酥雞本身會較鹽，不過附上個甜酸醬後，生色不少，味道變得中和，每啖雞細細舊，適合人多，每人試一口。蚵仔煎（$63）煎得較為乾爭爭，每塊餅裡面有兩仔小蠔仔，小許的菜和蔥，材料都叫豐富。滷水三寶 （$58）其中包括有：牛碾，牛筋，牛肚，豆干，滷水汁很入味，值得一試。

睇完小丸子黎食飯， 嗌咗個鹽酥雞扒飯，但係真係唔係好鹽酥lor， 醃味好差，係都幾大舊嘅。後尾越食越飽，唔係好食得落，成個飯又好乾，冇乜味咁，真係太飽啦 搞到食剩一大半，真係好鬼曬

輕鬆一午餐，假期周圍好迫人見隔離枱的幾大碗，一嘗牛腩粗面先飲湯底，牛肉昧加d沙茶味，都幾重牛味一口咬牛腩，好軟好林，一流口感，牛味保存到冇流失粗面應該手打面，看到粗度有分別，口感煙靱，滑身，入口帶湯的牛味，好

放假就是可以任性來個飽肚的下午茶，然後9時後才下樓找晚餐地點。到了連城廣場已經9時半，若干餐廳都打烊，「小王」10時才「last order」，所以是此時的不二之選。筆者點的沙茶牛肉拌麵，「沙茶」在大眾的眼中與「沙嗲」不同，可是筆者就一向當它是同一種醬料。一般來說東南亞的叫「沙嗲」，會較辣，而福建、台灣的則較少辣、略甜。筆者鄉下是福建，「沙茶」的閩南語就是「sa-de」，所以其實發音和味道在筆者眼中都是大同小異。話說回來這個拌麵，「沙茶」汁的味道有點像大排檔的濕炒沙嗲河粉，但較濕，重點是味道不太咸，和著所選的(偏愛的)幼拌麵可以把汁吃光。牛肉不「鞋」口，較爽、彈牙。喜歡酸菜的亦可另外加附。內子選的牛腩麵，感覺貴了一點($62)，不過湯味尚算濃郁，牛腩亦十分入味、足料，喜歡牛腩麵的朋友亦可一試。一口鹽酥雞是兩口子點來「送」麵的，內子覺得較咸，甚至把它先過「湯」河再入口。筆者則覺得鹽酥雞必須要有咸香才好味，入口的雞外面香口，內裡嫩嫩有咬口，抵食！

平日夜晚放工隨便搵野食，上去連城食台灣野。以為叫牛肉面應該冇衰，點知又係最保守就最失望。牛肉份量少係最大問題，而且有幾舊好硬好難咬開，食到攝晒入牙縫。面質冇太大分別，唔會話浸得太較或太生。整體味道平平，去食肉燥雞扒飯或者鹽搔雞好過。小王一向整得幾好食，不過今次水準好似差左。唔知係咪人多所以難控制水準。同埋，散叫冇得配野飲好老土。次次都要分開。食完唔飽。比起以前同鑽石山果間，呢間水準都比較參差。

兩個人黎食下午茶，叫左肉燥豬排飯同牛肚麵，珍珠奶茶同柚子茶之前試過幾次九龍灣果間，都係食晚餐，都幾好味。不過今次沙田呢間食下午茶就麻麻地。豬扒乾左啲，無乜肉汁。麵亦無之前食既咁惹味，飲品方面亦係不過不失。下次去連城搵食應該試第二間啦！

星期六同朋友食lunch,唔知食咩好，求其入左去小王牛肉麵食。等左一陣就有位，唔想太熱氣，於是就試左新產品，豬手伴麵，45蚊都幾抵食，豬手都有成四件，仲要整到夠曬諗，正！仲叫左滷鵝腎同紅油抄手，不過不失，腎有啲硬，但抄手個汁好正。另外，杯荔枝玉露都幾好飲，總括嚟講，都幾抵食同幾好食

第一次食小王牛肉麵 真係好正超多牛肉 牛肉厚身 而且肉味濃唔會un 口感一流 好食個湯底都好正好有係九份食個種感覺湯底濃郁 有少少藥材味 吸引到我飲多幾啖個麵係粗麵 麵質唔係咬牙個種 不過口感一流排湯力高 成個麵都好好食

早就聽聞小王牛肉麵在荃灣分店，最近終於在沙田連城廣場再下一城，今天終於有幸試下！原汁牛肉麵 (HK$49)牛肉麵是小王的招牌美食，褐色的湯有很濃郁的牛肉味及微微的藥材味，但是不會像其他牛肉麵的湯那麼咸，很好的襯托牛肉麵裡的牛肉的味道。牛肉已經被烹製的很惗，入口即化，半筋半肉的好肉質，有牛肉獨特的肉味。面寬而滑爽，入口比較有韌勁。碗內還配上數條蔬菜，吃完很多牛肉後，總算帶來一點清爽健康。鹽酥花枝丸 (HK$ 2X) 鹽酥花枝丸整體偏油，裡面的花枝丸還不錯，跟台灣街頭吃的差不多，也不會太咸。但是份量太小，明顯不夠二人吃......