渝味曉宇重慶老火鍋 (新城市廣場) (Closed)

今日中午有時間，終於可以去沙田一嘗，冬天食辣，刺激排汗，而且午市湯底免費，特別抵食。鴛鴦麻辣鍋辣味，麻味刺激味覺，紅油加上辣椒、花椒，又香又麻，辣度有後勁，大骨清新又滋補。美國安格斯優質肥牛大片安格斯，牛肉肉濃，肉質有彈性，油花平均，新鮮嫩滑。桂花蚌肉質彈牙，麻辣味去除了腥味，清脆爽口重慶炸酥肉炸得香口，肉質細軟，即食或加湯煮3-5秒，香酥有肉香。功夫萵筍片萵筍好薄身，好刀功，有溫馨提示版煮10秒就得，爽甜脆。衝上雲霄百香果雞尾酒🍹聽到個名已經好吸引，淡淡百香果味，清新解渴。電子落單，價錢一目了然，服務貼心，食得舒服

今日去沙田新城市想食新開燒肉，點知排隊排到傻。先發現除左燒肉原來仲開左間重慶火鍋店，限聚令2個人，咁我地4個就分左2張枱。Lunchtime免湯底錢，平時要$38/位，叫左鴛鴦湯底，佢個辣夠麻得黎好足牛油味，幾夠香，同埋越煮越辣好入味！配料份量都幾足同大碟。叫左以下N樣食物打邊爐，好多都好夾個湯底！🍴鮮蝦雲吞半份 $32大大粒好多蝦好爽口🍴香滷豬大腸半份$36超入味既豬大腸，必食之選，洗得乾淨同埋都幾林身🍴白鱔片半份 $46新鮮既白鱔爽口彈牙，好岩打邊爐🍴凍豆腐半份 $16平時打邊爐好小有，吸哂d湯汁好好食🍴鮮竹笙半份 $32好爽口，淥一淥就食得，健康之選🍴紐西蘭精品羊肉片半份 $56羊肉肥瘦適中，冇咩騷味，配個辣湯底真係好似番左大陸食咁🍴唐生菜半份 $18菜就點都要叫啦，配豬骨湯好清甜🍴手打蝦滑半份$46蝦膠彈牙爽口，半份唔夠食，建議叫一份🍴鮮鵝腸半份 $62洗得乾淨，淥十秒就好食喇，咁先keep到爽口🍴重慶炸酥肉半份$32新鮮炸起非常香脆，配辣湯底一流🍴黑豚腩肉$82簿片好快熟，肥瘦均勻，入口即溶🍴現炸豆皮半份$32 必點豆皮脆口新鮮，淥十秒搞店🍴曉宇嫩牛肉$42超滑超林身，又唔會

成日都諗唔明點解沙田無咩火鍋店食😓等左唔知幾多年，終於有正宗重慶火鍋食啦😍 因為而家無晚市，咁就唯有呢日放假lunch去食唔🤗.午市食都幾抵食！湯底本身$38/位（但午市免湯底），另外茶位每位$20。湯底我地擇左雙拼（麻辣鍋+大骨湯）。疫情之前都有同朋友食過灣仔分店，一直都好欣賞佢個麻辣湯底👍🏻👍🏻話說佢個麻辣湯底係用左漢原花椒+雲南黃口老薑+青花椒+幾十種香料同緊重點既牛油炒成，先再加湯。所以湯底香氣濃郁 麻辣鮮香 😍 .呢度仲有樣好既，就係用QR code自助落單唔使搵人，加上好多配料可以擇半份，岩晒而家2人限聚令👌🏻▪️鮮鵝腸$62（半份）鵝腸夠厚身得黎略帶肥油，係麻辣湯底燙10秒淥完都無縮水 入口爽脆彈牙，麻辣湯必點。▪️手打蝦滑$46（半份）用馬來西亞既白蝦打成膠，蝦肉口感彈牙▪️重慶炸酥肉$32（半份）肥瘦相間既五花肉加左青花椒醃製再加上一層薄漿去炸，夠香 酥 麻 。▪️黑豚腩肉$82（全份）五花腩肉薄片擺埋麻辣湯底，夠match又吸到味▪️現炸豆皮$32（半份）重慶必點名物 同平時食既豆皮好唔同，佢係脆身得黎擺落湯都唔會淋晒，幾有口感。▪️曉宇嫩牛肉$42（半份）滑牛經醃製之後好滑身

新開張，懷著興奮嘅心情去試 ，叫咗個鴛鴦麻辣鍋湯底，再叫咗九樣野。因為兩個人所以乜都叫半份， 諗住乜都試下。點知嚟到，嘩～原來半份得嗰四五塊， 唐生菜都係， 得嗰幾塊葉， 唔知仲以為係伴碟嗰啲菜 。 $119 半份肥牛， 得個四片。 $30/一片肥牛， 如果係咁好食我都覺得值嘅。最慘係唔好食！優質肥牛又唔覺得佢有咩咁優質喎，咪又係一般肥牛咁樣樣。 你睇佢啲脂肪分佈都知唔係靚肥牛，而且冇肉味。 其他餸都係好一般， 個桂花蚌即使用清湯底煮都食唔到清甜。真心唔飽，諗住再嗌多幾樣餸 ，不過都係算了。 冇乜信心。打邊爐最緊要個湯底 ，湯底太辣， 食唔到麻味， 一味得個辣。結帳五百幾蚊 ，食完好似冇食過咁 。 如果請女朋友呀男朋友去食呀，記得食個杯麵先去打底，哈哈。最後落咗去打包 shake shack 。哈唯一嘅好處係所有食材都有張細仔，提醒你要淥幾耐 ，不服務員嘅服務都唔係太好，有個女的特別黑口黑面。 客人唔多，只有四分一。 環境舒適，非常寬敞。

新城市新開嘅火鍋店，座位闊落，坐得好舒服。用QR code落單。午市二人餐，有珊瑚蚌、牛肉、午餐肉、蝦滑、海帶頭等等，呢個餐嘅蔬菜類都算多。每樣食物嘅份量就唔多，但每樣都好味，特別係蝦滑，好彈牙。湯底叫咗麻辣同芫荽皮蛋鴛鴦鍋。麻辣揀咗普通辣，呢種麻辣嘅麻味唔係太重，主要都係辣。芫荽皮蛋湯味道好足，食物真係會食到芫荽香，好味。

好耐無打邊爐，好耐無打麻辣邊爐🫕😝我地叫左鴛鴦鍋，菇菌同麻辣湯底⋯菌個湯偏咸，基本上都係食辣個邊。麻辣牛肉，好好味不過朋友話唔鐘意佢表面有粒粒😝魚肚，好爽🤔🤔原來入面有大魚同鯇魚肚，個人覺得鯇魚肚好食啲萵荀，冬瓜，個人喜好必點黃喉，我唔食既，不過朋友話好爽。桶蠔，嗌左半份，因為好大隻，都夠食！桂花蚌，好新鮮好爽口好好既係可以嗌半份，可以嗌多幾樣想食既野依家仲free非酒精飲品, 都幾抵食。下次再試下九宮格，唔知味道會唔會再正宗啲呢🤔🤔

無book，就咁walk in有位，可能早食而家做緊優惠飲品任飲揀左個鴛鴦湯底，重慶辣+豬骨湯底方面，重慶果邊有啲so味，個人嘛嘛地，辣度就還好豬骨湯正常，好大舊豬骨食物方面偏貴鮑魚照佢咁講淥30s，但係都幾un，一般菜份量較少蝦拎黎果陣已死，唔係生猛果種其他食物都係咁上下最特別係果幾塊粉皮，初初係滿懷期望咁，以為好似薯粉食落無味道，厚，雖然得唔知6塊定8塊，但係食唔晒服務方面係ok，時不時行黎幫你較火同加湯，雖然壼湯係隔離，每張枱都有賣單兩個人5百幾蚊

見新開，又幾想食麻辣火鍋，所以黎試下。我地2個人，佢俾左張4人枱我地，d位都幾闊落同坐得幾舒服。叫左個鴛鴦鍋，麻辣果邊有開頭都幾辣，仲要愈煲愈辣，幾似我之前係成都食既麻辣火鍋，幾正下，唔係果d港式唔辣既口味之後叫左d肉，丸，同埋佢推薦果d，鮮黃喉，鵝腸，爽爽地咁都ok但係d牛有d貴，百鬆蚊得4塊，唔夠飽最後叫左佢個甜品，紅糖糍粑，好好食！不過如果再多d花生粒就更好。埋單都幾貴，7舊幾水2個人，都係間唔中先黎食算。